ضمن الجولة الحادية والعشرين من دوري زين : الهلال يحل ضيفاً على الرائد في بريدة [ تقديم اللقاء - الحوار المفتوح ] - نادي الهلال السعودي - شبكة الزعيم

HAWK · #31 03/03/2013, 09:28 AM

مباراة مهمة نفسيا قبل ما تكون مهمة تكتيكيا وفنيا ..
جدية الهلال وروحه وحماسه يجب أن يظهر اليوم ويوم الخميس امام الوحده قبل لقاء الريان القطري ..
اما تذبذب المستوى واللعب بمزاجية هذا بيكلفنا الخروج المبكر من الاسيوية .. وممكن نفقد المشاركة في النسخة القادمة
الدوري الحين أصعب من أي وقت ثاني .. والمراكز من الثاني للرابع عليها منافسة كبيره .. حتى الخامس بإمكانه يلحق على المركز الثاني ..
شفنا التراخي الي صار في الموسم الماضي بمباراة " تحصيل الحاصل " اتمنى ما نشوف هالنموذج بدري ..
اذا راح المركز الأول لازم ناخذ الثاني علشان ما يفقد الزعيم شخصية البطل وتقل روح الحماسة والقتالية عند نجومنا الشباب .. ونقاتل لآخر لحظه حتى لو حسم الدوري بنسبة 100%

اتوقع ان اليوم هو الوقت المناسب ليسجل ويسلي هدف يشيل عنه جزء من الضغوط الي عليه وافقدته تركيزه .. مباراة الوحده نوعا ما سهله وماهي مقياس .. ومباراة اليوم أصعب نفسيا وفنيا ..
سلمان الفرج وياسر الشهراني اتمنى إراحتهم متى ما اطمئن الفريق على نتيجة المباراة في المباراتين القادمتين .. تجنبا للإصابات والارهاق قبل لقاء الريان ..

بالتوفيق للزعيم ونفرح به في باقي منافسات هالموسم ..