[IMG][/IMG][IMG][/IMG][IMG][/IMG][IMG][/IMG][IMG][url=http://fashion.azyya.com][/url[/IMG]اللهم لك الحمد على البطوله اللي حققها هلالنا أمس وهذا الشيء اللي عودنا عليها الهلاليين وصرنا نفتخر به يعني مستحيل يمر علينا موسم بدون بطوله.

اللي فرحني أمس اكثر من البطوله المستوى الكبير لحب الملايين محمد الشلهوب يعني سبحان الله لاعب يتم ركنه اكثر الموسم احتياط ويرجع ماشاء الله في قمة مستواه...يمكن يكون هذا الشخص الوحيد في الانديه اللي الكل يجمع على حبه واحترامه .
شخصيا كنت انتظر صعوده للمنصه لاني اعرف ان راعي للمباراه رح يمزح مع الشلهوب وهذا اللي صار من ولي العهد حفظه الله .

دائما هذا النجم اذا صعد للمنصات وياكثر ماصعد لها يكون محل اشاده واعجاب من راعاة النهائيات ويحبون يمزحون معه بشكل يلفت نظر الملايين خلف الشاشات وكلنا نتذكر الروح الابويه من خادم الحرمين الشريفين مع محمد قبل اكثر من موسم اذكر مره كان يسئل عن وضع وحال والدة محمد الصحي الله يرحمها ويغفر لها ومره كان يداعب الشلهوب لسرعته بالرغم من صغر سنه ونفس الوضع مع الاميرين سلطان و نايف رحمهما الله اثناء تتويج الهلال بكاسي سموهما وماننسى حتى خالد الفيصل كان له وقفه ابويه مع الشلهوب في نهائي الشرايع .
بل ان الحب للشلهوب حتى من رؤساء الدول الخارجيه وكلنا نتذكر اثناء صعود الشلهوب لاستلام مداليات المركز الثاني في بطولة الخليج باليمن احتضان الرئيس اليمني السابق علي عبدالله صالح لمحمد الشلهوب مؤاساة له بعدما لاحظ وضع الشلهوب النفسي بعد الخساره ونزول دموع محمد ،الى الآن ما انسى المبدع فارس عوض وهو يردد لاتبكي يامحمد دموعك غاليه على كل اهل الخليج في وقت بكى الكثير من الجمهور ليس على خسارة البطوله بل حزنا من محمد حتى الكويتيين اللذين حققوا البطوله تأثروا من دموعه وهذا كلامهم في برنامج رياضي وهم يحتفلون بالبطوله في قناة الكويت الرياضيه.

ملامح الشلهوب ونبرة صوته تجعل الكل يرتاح للحديث معه الكبير والصغير اسم ورسم اسمه يجذب الناس الهلالي والنصراوي الاهلاوي والاتحادي يجمعهم الشلهوب وما اذكر ان أي مشجع او صحفي انتقد محمد في أي تصرف او أي ملاحظه بل ان الجميع تأثر وحزن بعدما سلبت منه جائزه افضل لاعب آسيوي عام 2006 واستقبله مشجعي الانديه الاخرى في المطار مع جمهور الهلال للرفع من معنوياته في المطار بعد عودته من كوالالمبور.

محمد الشلهوب انسان مؤدب داخل الملعب وخارجه يساعد المحتاجين.. محمد كثير الزياره لدور الايتام ومراكز ذوي الاحتياجات الخاصه ..الشلهوب محب لاعمال الخير التطوعيه ولا نزكيه على الله ولكن الناس شهود لله في ارضه وشخصيا الداعيه الشيخ خالد الغامدي حدثني كثيراعن حياة الشلهوب في هذا الجانب .

لاغرابه في ان تسمع اهل مصر والاردن والسودان ودول المغرب العربي واهل الخليج وسوريا يثنون على هذا النجم من ناحية المستوى الرياضي ومن ناحية الخلق الرفيع .

اخيرا يقول المصطفى عليه السلام فيما معنى الحديث ((ان الله اذا احب عبد انزل له القبول في قلوب الناس )) هنيئا لك يا محمد كل هذا الحب من الناس.

ومن مايحب الشلهوب الخلوق الموهوب

والله سبحانه عطاه قبول عند الجميع وربي يحفظه يارب

واكثر لاعب سعودي صعد للمنصات بـ 25 بطوله

والقادم أجمل للشلهوب وللفرقه الملكيه

اصبحت 26 بطووولة للشلهوب وان شاء الله راح يوصلها لل30

آلشلهوب ليس لآعب بل آسطوره من آسآطير آلكره آلسعوديه ..

ويستآهل آبو بندر .. كل خير وآكثر من كذآ .. هو روح آلفريق وقلبه آلنآبض

لك ودي ..

مافيه احد ما يحب محمد الششلهوب

ابو بندرر لاعب سعودي هلالي استثنائي

رجل قلبه أبيض اللي بقلبه على لسانه يلعب لكيان الهلال وليس لمال أو إحتراف

أخلاق مع الجميع محترم لأقصى حد فنان يطربك بلمساته وأهدافه

الله يغفر ويرحم والدي ووالديه ويرحم موتانا وموتى المسلمين .

ياحبي لك يابوبنــــــدر

وعلى نياتكم ترزقون

كلنا متفقين على ان هذا النجم غير عن كل النجوم ونتمنى له الاستمرار على هذا المستوى الفني العالي

محمد الشلهوب الاسطورة الحيه في الهلال روح وفن واخلاق وتواضع الله يوفقه ويسعده


الف مبروووووك البطوله وان شاء الله الجايات اكثر

صراحه ابوبندرمحبوب الجماهير لاعب فنااااااان وخلوق مبرووووووووك البطوله للهلال

ماشاءالله تبارك الله لاعب متواضع ومحبوب وطيب طبيعي يكون محبوب من الجميع

ابو بندر اذا شفت دموعه تنزل دموعي غصب عني
يالبى قلبه الله يوفقه ويحفظه ويرفع قدره في الدنيا والاخره.

الشلهوب لايحتاج لتعريف
الكل يعرف الاسطوره ابو بندر

ام قدم مستوى كبير ومادري كيف الفرنسي نكباويه كان مجلس الشلهوب على الدكه ..

الحمد لله على عودتك يابو بندر لتشكيلة الاساسسيه