بسم الله الرحمن الرحيم

أحمد الله وأشكره على هذه البطولة الغالية ولو إنها أتت بشق الأنفس رغم السيطرة الهلالية وبعض المناوشات النصرواية


أحببت في هذا الموضوع أن أشكر الجمهور اللي حضر وأقولهم ( الله يعطيكم العافيه وماقصرتوا ... والحمد لله ربي ما ضيع تعبكم ووقفتكم مع الزعيم ... مبروك لكم ... شكراً من القلب)

وأحب أشكر المدرب زلاتكو .. على الخطة اللي أمس وأشكره تحديداً على تغييراته الممتازه خصوصاً خروج ويسلي اللي كان سيء أمس ودخول نواف العابد اللي كان له دور كبير بعد الله في الفوز.

همسة صغيرة لأخوي سالم الدوسري (ترا مو لازم تسحب في حسين عبدالغني وبعدين تناول ... تقدر تناول بدون ماتسحب في حسين )

أشكر كذلك اللاعبين على الأداء والقتالية للفوز بالبطولة رغم وجود بعض الملاحظات ... لكن الله يعطيهم العافيه - أفضل مباراة شفتها للزعيم هذا الموسم-.

نقطة آخر السطر ومن اليوم نبدأ نفكر في العين خصوصاً إن الفوز بالبطولة بيكون دافع كبير للاعبين للفوز على العين بإذن الله


ودي أسأل بعض المراقبين سؤال غريب ومُحرج ( قبل كم يوم نزل موضوع في هذا القسم لأحد مشجعي نادي العين ويتحدى فيه الهلال وأن العين بيفوز على الهلال ... بصراحه أستغربت ان موضوع مثل كذا سمحوا فيه ... السؤال لو سوّا الموضوع مشجع نادي سعودي او خلني اقول نصرواي او اهلاوي وما كان فيه إساءة لأحد .... بتسمحون له ؟؟!)



خاتمة : الله يسعد قلبك يابو بندر ... كنت متوقع انك بتسوي شي كبير أمس والحمد لله ماخيبت ظني ... كبير يا شلهوب


نلتقي في بطولات قادمة بإذن الله ... تحياتي للجميع