دقت ساعة العمل مدرج الـ 5000 مشجع . قد يبدأب 50 مهووس( البس تي شيرت الهلال ، وتعال ) ! - نادي الهلال السعودي - شبكة الزعيم

هوس المدرجات - H50 · #1 16/02/2013, 02:51 AM

السلام عليكم ورحمة الله وبركاته

الموضوع خاص للفئة ( الفالة ) - الي تجي الملعب - ودها تصارخ! وتشجع! وتصفق! وتساند! وأهم شي ! تلبس ( تيشيرت نادينا )! ولو خسرت! تطلع وتحتري المباراة الجاية متى تجي! علشان تعيد نفس الشريط من جديد! بالعربي ( ملاحيس بهلالنا )! وماعلى العاشق ملام!

الموضوع لايصلح للفئة ( الضالة ) الي ضلت طريق المدرج و تفرغت للنقد والنقد مباراة بعد مباراة فعدد المنتقدين في المنتديات يفوق عدد المؤازرين في المدرجات ! وانا واعوذ بالله من كلمة أنا ( أولهم) حتى هذه هذه اللحظة على الاقل .

فكرة المشروع : ايجاد كتلة هلالية متحركة : او التراس : او رابطة : او what ever المهم ... هو السلنتح الي مثلي : وهو متسدح بالقهوة .. يشوف هالعشاق في المدرج ( ويستحي على دمه شوي )! مثل ماكنا نستحي وقت ماكان الالتراس في قمة توهجه مع المخلص : حسن الناقور .. بدعمه وافكاره ولايهونون المهووسين بهلالنا الي معه!

مدة انجاز المشروع : سنة على الاقل ! .. ايـه سنة.. حبـه حبـه .. تجيك المحبـة .. وقليل دائم خير من كثير منقطع..

المتطلبات لمن اراد الانضمام !

1- انه يكون مهووس ( عنده جزء من المخ مؤجر اجار منتهي بالتمليك ) للهلال ..
2- عنده تي شيرت هلالي ، وان كان درباوي ولا كول. كدش ولا رسمي، المهم انه يؤمن بشي اسمه مساندة لفريقه.
3- عنده ايدين تصفق . ولسان ينطق، مافيه مشكله ياكل فصفص . بس على الاقل يعطينا شوية تشجيع!
4- مابنقول خلك اشقر وشجع تشجيع اوروبي لا تعال بثوب ، بس البس تي شيرت الهلال فوقه ، ترى ايام ابو بصير وابو يعقوب .. كنا لابسين ثياب.. وشمغ تقول رايحين زواج.. بس المدرج كان يهتز! واسالو سامي عن هدف الشباب .. الي خلاه يروح ويبكي .. in-front of us << قدام المدرج وجابها (سرقاطي) من نص الملعب!!
5- ترى لبس التي شيرت مااهو ضروري ، بس تقليعه يازينها لو صارت.. ربعنا قلدو gangnam style وطايحين ب harlem shake طيحة ملعونة جد! يعني خلوها Hilal style لو مرة!
6- تلغيم كل من تويتر ، وفيس بوك ، الواتس اب ولا يهونون الكيكرز اننا نبي دعم ياجماعة عيب .. هلالنا اعظم قاعده جماهيرية .. ورابطتنا من سيء لأسوأ!
7- الناس الكويسين والواصلة.. توسطو لنا .. عند المطنوخ حسن.. نبيه يرجع يدعم الرابطة بافكاره.. صحيح الالتراس تم الغاءه.. بس ليش افكاره.. توقفت .. ليش ماتعاد مع المجلس،

اتمنى من مجلس الجمهور الهلال تبني الفكرة ، والعمل عليها.. فالمقترحات كلها من الاستحالة ان تطبق في مباراة واحدة ، ابدأ بالسهل .. ركز في نقطة او نقطتين .. يجيب الصعب.. واسألو تركي الهديب! والاولين.. اسالو المشجع الي كان يصدح .. آه يالكورة آه يالكورة وهذا الهلال الفني .. ويقولكم..!

كلنا قد نتفق مع الرابطة واهازيجها وقد نختلف، خلونا نفلها .. نلبس تي شيرت هلالي .. ونكون ايد وحده .. على الاقل .. بناخذ لنا صورة معبرة .. خلونا نبدأ .. عل وعسى يلتفت احد اعضاء الشرف ويعرف ان الجمهور الهلالي .. يبي له وقفه .. من شخص فاهم.. عل الادارة تفهم .. ان الجمهور هو الهلال.. وان الهلال هو الجمهور...

ولا لكم بالطويلة ، الفكرة هي ان تحركات مجلس الجمهور ماهي مركزة على فئة معينة يحاولون يسيطرون على كل الجمهور، وهذه صعبة جداً .. لكن مجموعة واحدة مشعللة .. تجلب لك مجموعات اكثر.. ركز في القليل .. يجيك الكثير..

اتمنى من كل شخص بالمدرج يكون قادر على المساندة .. انه يجلس جنب الرابطة او جنب هالكتلة الي بتكون لابسه تي شيرت الهلال...فالاتحاد ( قوة ) .. تفرق الجمهور في المدرج مايساعد .. اذا انت غاوي تشجيع.. مو لازم توقف.. حتى وانت جالس... خلك جنب المدرج تبع الرابطة.. على الاقل .. علشان تحيي الميت!

محدثكم غير مقتنع لا بطبل ولا بطيران.. باستثناء ( بداية المباراة ) وقبل الاحتفال بالفوز! الاهازيج الطربية والفريق متاخر او يبحث عن تسجيل اثبتت انها تصدع المشاهد قبل الموجود في المدرج .. فيا مجلس جمهورنا العزيز .. خففوها .. الله يرضى لي عليكم. وعلى المهووسين خلوها..

اخيراً .. انا واحد .. استحي! ( some times ) لكن هالمرة ابحضر واشجع
باقي 49 شخص .. نبي بس ناخذ صورة جماعية بلبس الهلال في المدرج !

ونقول ( اهزوجه وحده بس ) !
وكم حركة خنفشارية.. مثل الالتراس .. واعضاءه المتقاعدين!

مانبي نهايط ونقول جمهور اوروبي .. خلونا نعرف ان الي يبيه كله ضيعه كله!
اهزوجه او 2 نتفق عليها.. وتحرك مدرج كامل! خير من طيران وطبول! توجع ( اذانينا ) وتجلب الانهزامية للاعبينا!

اخيراً هالموضوع كله تحت ايدين مجلس الجمهور.. والجمهور الهلالي .. لعلمي التام
انه رغم ان فيه اصناف بالملعب مالها في التشجيع ولا في المباراة من الاساس ..

الا ان فيه جمهور هلالي فعلا راغب في المساندة.. متى ماسلط الضوء عليه على انه ركن من اركان هالنادي\
وجزء لايتجزء من عوامل الفوز والخسارة.. وما زمن الالتــــراس ببعيـــد!

الموضوع ماهو فكرة جديدة هي فكرة قديمة بدأت صح .. لكن تلاشت!

تذكرون البداية؟

نشوفكم يوم الاثنين.. وبعده نهائي الجمعة .. والسنة الجاية ان شاء الله .. 5000 مشجع في اكبر التراس او رابطة يرأسها .. عضو شرف هلالي : اسمه حسن الناقور < امنية اتمنى تتحقق!

اخيراً ان فيه احد .. ملحوس مثلي .. التواصل بيكون في هالموضوع، تعارف وسوالف ، ان وجد القبول ، وسيتم تحديثه قبل كل مباراة او اتمنى من مجلس الجمهور وضع قبل كل مباراة موضوع يكون فيه تجمع للجمهور الي بيحضر ويساند ، .. لاني والله اتمنى اني كنت فاضي لاحضر كل المباريات .. ولكن العمل .. وضروفه.. فالله الله ياجمهور.. بالمساندة والحضور..

بالتوفيق لهلالنا فوق كل ارض وتحت كل سماء .

آلآسطوره9 · #2 16/02/2013, 02:56 AM

ابدعت والله

اعتبرني رقم 2 .. يالبى قلبـــــــــــــــــــــك

شكرا لك

عبودي ابو لولي · #3 16/02/2013, 04:14 AM

يالبى قلللللللللللللللبك ياشيخ
وربي ودي اكون قبلك لكني من مكه وما اقدر
الله يقويك يالذيبان

مهجدة جمهورالحالمي · #4 16/02/2013, 04:46 AM

يعطيك العافيه على حماسك وصارت مواضيع كثيره عن الجمهور

بس جمهور الهلال بكل اممممانه ممل ممل ممل حضور كثيف وماتسمع الى الرابططه

كان الملعب مافيه احد !
يعني بالعربي (اغسل يدك)

اقوول يازين روابط الاتحاد والاهلي جمهور يحرق الملعب ويعرف يشجع

رغم ان جمهور الهلال اكثر بكثير من جماهيرهم لاكن الحماس له دور

ملكه في مملكه الزعيم · #5 16/02/2013, 04:57 AM

ان شاء الله جماهير الملكي تعود افضل مما كانت عليه ...

تهز الملعب هز وتشحذ همم اللاعبين وتقف خلفهم في الضراء قبل السراء ...

يعطيك العافيه ...

waw500 · #6 16/02/2013, 06:37 AM

اول شي شكرا على جهودك ماقصرت
ثانيا من ناحيتي احس اني يأست من جمهور الهلال آخرها مباراه الشعله حضور مخجل بقوه
والعذر لا دراسه ولا شي يوم خميس ومحد حولك ويقهروني لاجات مباراه وقت دراسه ويتعذرون

بكل صراحه وبكل أسف جمهور الهلال ماله حل لو تشجع فيه وتحمسه من هنا لبكره مافي فايده
وللأسف واضح انه يسير على خطى جمهور الشباب ( بيتوتي )

طبعا لا اقصد جماهير الغربيه ولا الشرقيه
بل جماهير العاصمة النائمة مقر النادي الحقيقي
اخخ بس ياكم تمنيت هالنادي الكبير بالشرقية

ما ودنا باللي يصير لكن الصراحة احيانا تكون مؤلمه

مجنون نواف 24 · #7 16/02/2013, 07:02 AM

لايجي احد يقول غيري موب حاظر وشوله احظر >احظر انت وغيرك يبي يحظر
>وكل واحد يقول لـ اقرب واحد يشوفه من ربعه يقوله نبي الاثنين نسكر الملعب مسوين حملة جمهور الهلال ونبي نحظر ..

تكككفون يارجال الرياض اهم 3 مباريات بنواجهها في الموسم كله هذي اذا ماحضرتوا الوقت هذا لاتحضرون ابداً

الحمله ابتدت بالتويتر والان بالمنتدى ياالله ان تقويكم اقسم بالله لو معي سياره مابعتها كان اجي من القصيم

>جمهور الزعيم في الغربية بيضها وجمهور الزعيم بالقصيم بيضها وجمهور الزعيم بالشرقيه بيضها جاء دوركم يامبدعين الرياض ورونا الاثنين العجب بالمدرج والجنون .. ب انتضاركم وعساكم على القوه ..

ابو سالم عيسى · #8 16/02/2013, 07:32 AM

الله يبيض وجهك ماقصرتم اسأل الله العلي العظيم ان يقويكم وان يفرحكم دائما في كل مكان وزمان شكرالك

حبك يالزعيم 100% · #9 16/02/2013, 09:11 AM

سجل عندك رقم 3 , ومعي خمسه منتهيه خدماتهم ( فاصلين )

هاليومين بسوي تمارين مكثفه لليد .. والوعد الاثنين من الظهر حتى اخر الليل انواع التصفيق والتشكيل

لاهنت على الموضوع المحفز والرائع

بن جبله المطيري · #10 16/02/2013, 09:45 AM

فوووووووووق..... فوووووووووق.....

لاينزل هالموضوووع تحت.... فوووووووووووق.....

يسلموووا حبيب قلبي سلمت يدااااگ وصدق فاااااااگ....

Nawaf2014 · #11 16/02/2013, 09:56 AM

موضوع رائع نتمنى عودة الألتراس الهلالي كما كان

al-jouf · #12 16/02/2013, 10:37 AM

يييييييارب لا تخيب رجانا ... وان ششاء الله كل البطلات هلاليهه ..

سعوديه والهلال ناديه · #13 16/02/2013, 10:59 AM

ليت العنوان كان جاذب زي المحتوى
وانا تحمست وانا بنت كيف بالشباب
وربي التشجيع والوحات الفنيه الجميله انها متعه
وحسافه ع اايام الالتراس كل ماتذكرته احزن
بعد ماكنا قريبين من التعود عليه فجئه الغي
المفروض استمر الاعضاء تحت اي اسم مو شرط اتراس

سنفوره · #14 16/02/2013, 11:13 AM

موضوع متعوب عليه
نشكرك على جهدك اخوي
والهلاليه بيكونون بالموعد باذن الله

ادعمو الهاشتاق

#حملة_20الف_هلالي_يهز_الملز_الاثنين

فتى الازرق .. · #15 16/02/2013, 01:30 PM

بالدعم والتشجيع والمؤوزارة والتفاعل والحضو سر انتصارات الزعيم باذن الله تعالى

بالهمة والتكاتف سينتصر الزعيم

بالتوفيق لزعيمنا باذن الله تعالى

يعطيك العافية