‫أهداف روما 1-0 يوفنتوس [16/2/2013] حفيظ دراجي [HD]‬‎ - YouTube

با با با با
لا بوفون ولا 100 بوفون يآ توتي

بوفون الضحيه المفضله لتوتي كأكثر حارس يسجل فيه توتي
بواقع 10 اهدآف

خلآص مآ عاد آبي شي .... اليوفي و تمرمط

الوعد في مباراة الإنتر بإيآب الكوبآ .... و باقي المباريات ما تفرق لو كلهآ هزايم

إقتباس الرسالة الأصلية كتبت بواسطة La Magica #224 باقي هدف ويصير ثاني اعظم هداف في تاريخ الكالتشيو

و بآقي آكثر من 10 جولآت
التاريخ ينتظرك يآ فرآنشسكو يآ الملك

الشوط الأول كان أداء الفريق و لأول مره دفآعي بحت
أعجبني تكتيك اندرياتزولي كثيرآ
في الشوط الثآني 60 ألف رومآنو حآضرين يبون الفوز
و تنشط الفريق هجوميآ و سجلنآ هدف و ضيعنآ 3 اهداف

الحمدلله على الفوز و يالله ناموآ ورآكم دوامات
سي يو

الشوط الأول كان عادي جدا
الشوط الثاني روما تفوق على اليوفي بكل النواحي توتي تألق و أبدع و بالتالي الفريق يتألق معه حط كرات خرافية للمهاجمين لكن أسائوا التصرف فيها
هدف توتي لا يلام فيه بوفون هدف قوي و صعب جداً على أي حارس بالعالم يصدها إلا إذا كان بالصدفة أمام الكرة

الدفاع و بوفون قدموا مباراة جيده ,, لكن الوسط و الهجوم (ما عدى بيرلو و بشكل أقل بوجبا )غائبين عن المباراة كأسواء مستوى لليوفي هذا الموسم
عكس روما الي قدم شوط ثاني واحدة من أجمل و أقوى مبارياته هذا الموسم

على العموم مبروك لجماهير روما الفوز المستحق

الشيء الوحيد الي ناقص روما هو الإستمرارية الفوز على اليوفي يعطي دافع قوي لهم للمباريات القادمة لكن لو حققوا نتائج سلبية بيفقدون الثقة و يرجعون لحالة التذبذب بالمستوى

على طاري الحكم الذي لم يطرد توتي
هو نفسه هذا الحكم الذي ادار مباراة السيتي و مدريد في دوري الأبطال على ملعب السيتي
بعد ما رأيت ان هو الذي سيقوم بتحكيم مباراة اليوفي و روما ، توقعت بشكل كبير ان تكون هناك اخطاء كارثية
و بالفعل حدث ذلك .. هذا الحكم لا يفقه شيئاً صراحه



الف مبروك لروما حقيقة استحق هذا الفوز بأكثر من هدف
و حظ اوفر لليوفي و اتمنى الفوز لنابولي هذا اليوم و تقليص الفارق







يعطيكم العافية

وش سالفة اللقطة ذي ؟ يعني فيه بلنتي لروما ؟؟
وين اليوفاوية عنها ولا جيدين بعد كل مباراة للميلان يصايحون ويبحكون عن كل خطأ




.

لم ولن أستطيع التصديق بأن توتي يقصد إيذآء بيرلو .. ممكن أصدق توتي يؤذي ماركيزيو أو فيدال ..
لكن زميلآن لمشوآر إيطالي طويل يؤذيآن بعض لن أصدقها .. بيرلو رفع رجله فجآء تدخل توتي على ركبته بدون قصد ..

لكن المضحك بالأمر .. أن اليوفنتينو تركوآ تخبط كونتي ومآروتا في اللقآء واتجهوآ إلى تدخل توتي تبريراً للهزيمة المستحقة !!

بدأوا يحبون كونتي أكثر من حبهم للكيآن .. ذلك تشجيع لا أميل إليه

إقتباس الرسالة الأصلية كتبت بواسطة عــون ^ المفاهيم مختلفة دائما ً / اصلا ً عادي

يجب أن لا تمر هذه اللقطة مرور الكرآم .. وبهذآ الأستديو خآصة ..
وين صآلح اللي جآي مدرعم أمس ويقول .. غريبة مآ فيه بلنتي لميلآن ؟
هذا روما زرفتوه بلنتي مستحق .. قلنا لكم اليوفي محآبى من الإتحاد الإيطالي لكن مآ صدقتوا !!

اليوفي معرووف بقوته البدنية واللياقة العالية وهذا مافتقده بالأمس والسبب ليس المشاركة الخارجية انما عدم المداورة فوجود ايسلا ووجود بوغبا وايضا جوفينكو 3 لاعبين راح يعطونك حيوية اكبر لو انك بادي المباراة بهم غير كواليا وانيلكا الخطأ خطأ كونتي بالمقام الاول الي مااستغل السكواد الي معه واقام المداورة بشل سليم .


روما لم يتوقف على اليوفي المسألة هدف بمجهود فردي توتي توفق على بوفون .


بالاخير نظام الببغاء بشيء ماشفته ماغير تردد ونت ماتدري وش السالفه يطلع شكلك باايخ

إقتباس الرسالة الأصلية كتبت بواسطة حظيظ الف مبروك لجمهور روما الفوز المستحق عطفا على المستوى الشوط الثاني الخشونة من لعيبة روما مع تعاطف الحكام معهم كانت كفيلة انه تخلي اللعيبه يطلعون من جو المباراة وماننسى نبارك للاتحاد الايطالي خسارة اليوفي الي تعمد يحطه بوقت ضيق مع انه لاروما ولا اليوفي عندهم شي وسط الاسبوع وهالشي سبب ارهاق للعيبة اهم شي ان اصابة بيرلو تطلع خفيفة والحمدلله مافيه اصابات ثانية هدف توتي صاروخ لو فيه ثنين بوفون مايردونه ،، واتمنى نشوف تدخل من الاتحاد الايطالي على الكوعه والضرب ونشوف ايقافات لهالخشونه فرحة لعيبة روما ووقفتهم قبل نهاية المباراة بخمس دقايق ذكرتني بكلام مردونا يوم قالوله نبيك بس تفوزنا على اليوفي ،، فعلا كونتي قدر يرجع هيبة اليوفي للدوري الايطالي .. هاردلك زعماء ايطاليا ،، تمسو على خير

هلا بك حظيظ


الاتحاد الايطالي وقح جداً ،اما انه يبي يزيد المشاهدات ويقسم المباريات بين السبت والاحد عشان المداخيل.

او تعمد انه يخلي اليوفي يلعب السبت عشان ياثر الارهاق على نتيجة المباراة.

كلا الحالتيين فيها تهميش لليوفي وطبعاً ماهي جديده على الاتحاد الايطالي بس انا اشره علي انيلي الي يلعب دور المثالي ويبغى يطور الكره في ايطاليا؟! وين تطور يا الحبيب وبرلسكوني وموراتي للحين مستلمين قطبي ميلانو

انيلي يجب انه ينتهج نظام العواجيز عشان يحسون ان فيه فريق كبير اسمه يوفي مو كالياري او باري


النقطه الثانيه

كونتي مدرب لازال ينمو، لاكن اتذكر مورينهو قوم الدنيا وقعدها في الموسم الماضي بسبب تدخل عادي على كرستيانو وطالب الحكام بحماية نجم الفريق. وفعلاً صارو اللاعبيين اكثر حذر والحكام اكثر حمايه للدون.

اذا بيرلو ما حس بالحمايه من الحكام والاتحاد الايطالي طبيعي انه يلعب بتخوف لان مافي نظام يحميه. يعني على سبيل المثال ولد جيرانا طلع مسدس وهددني وبعدها اعتذر ورحت للشرطه وقلت لهم ترى ولد الجيران هددني وقالو توكل علي الله يمكن ما يقصد واهم شي انه تعذر. اكيد بخاف اني اقابله بالشارع مره ثانيه خوفاً علي مستقبلي من هذا المنطلق الي انتظره من كونتي ان ماتمر هذي الحركه مرور الكرام ونبي تصريحات ناريه لحماية نجم الفريق.



طبعا توتي من عرفناه ب 99 للحين مافيه فرق اللهم عمره زاد ولا العقليه نفسها. وش تتوقع من لاعب ما يعطي مونتيلا شارة القياده اتذكر مونتيلا علي خط التماس بيده كبتنيه وتوتي طالع وبيده كبتنيه ، غاسلين يدهم منهم. اذا هذي التصرفات تصدر منه لزملائه داخل الفريق ما بالك بزملائه بالمنتخب.

توتي كلاعب لا خلاف عليه من افضل لاعبي العالم بل افضل من كرستيانو وميسي في البرايم حقه