عندي اختبارات وأبي ألهي نفسي وأشغل وقتي بأي شئ غير مفيد .. من كل بستان شوكة !!
بسم الله الرحمن الرحيم ..
سلام من الله عليكم ورحمة منه وبركاته .. كيفكم وشو اخباركم .. حابب أبربر على رؤوسكم شوي وأطلع .. اللي عنده وقت يكمل واللي ما عنده وقت يكمل شغله
1- الطقاقات نعنبوا ابليسهن !!
الحين الواحد يبي يعرس ويطلق العزوبية في هذه السنة باذن الله وأهله يدورون طقاقة سنعه صوتها كأنه عبدالله بلخير .. عشان تحرك البنات اللي بالفرح وتقولهم ((طيااره .. طيااره .. سياراااه )) << ودي اعرف وش يحسون فيه البنات وهم رافعين يدهم ويحلقون في الجو ... المهم ما علينا
الحين ورا أسعار الطقاقات غالية كذا .. لو أشتري لي كامري 2000 مستعملة نظيف أحسن لي .. أقل وحده وأبشع وحده تلاقي سعرها ب 5 الاف .. والحلوين يكونوا من 12 الف فما فوق .. ليش كذا .. والله عيب يا معشر الطقاقات .. ... ساندوا الشباب عشان يتزوجون .. شوفو أبو مقبل للحين ما تزوج عشانكم
2- mbc3 هل هي حرب شخصية بينهم وبين مشايخ أم هي بالفعل قناة واطيه !!
أولا شوفوا هذا الفيديو ..
بصراحة مصيبة والله .. خلوكم من حربهم مع العريفي وشلته وانسوهم تماما ... وش رايكم باللي شفتوه بالفيديو ؟!!
نعنبوا ابليسكم يا ام بي سي .. والله في لقطات غطيت عيني منها خجلا وعفة .. قبلات على بوسات على أحضان على تعري على شذوذ على طووووووووط .. ما ابي أكمل عشان لا أنحضر ... لا بجد بجد وش ذا .. ايام زمان كنا نشوف كابتن ماجد ورابح والنمر المقنع وهايدي وعدنان ولينا وفولترون وسالي وليدي .. وكنا ياحليلنا مبسوطين .. ولا شفنا هايدي وبيتر يرتعون سوا نستحي .. بصراحة ما رأيته في هذا الفيديو مصيبة .. يجب على كل بيت أن يحذف كل هذه القنوات وأن يوفر للأطفال بدائل ممتعة ومسليه أكثر .. يعني أنا أشوف أطفال الألمان يقضون معظم وقتهم في الملاعب الرملية وفي الحضانات اللي تعلمهم أمور تفيدهم مستقبلا وتؤسسهم بشكل ممتاز .. فليش ما نخصص في كل منزل غرفة تعليم ومهارات وتسلية للأطفال .. نحط في الزاوية ملعب رملي ونخلي ه الطفل يتمردغ في الرمل الين يبلع العافية .. وعاد الله يعين ماري على التكنيس والتنظيف ... لازم حل والله ... أفيدونا !!
3- لماذا نقصت الهمم والعزائم ؟!!
بعد 18 يوم عندي اختبار ل3 مواد مجتمعة وفيني قعود همة مو طبيعي وحاسس اني ما راح أقدر أذاكر ه المواد .. قعدت أهوجس في الليل .. الحين ايام الثانوية كنا نذاكر قبل الاختبارات باسبوعين ونختم 14 مادة من الجلده للجلده .. والمعلمين ابناء اللذينا ما يحذفون لنا ولا تعريف واحد .. ومع ذلك كنا نحفظ ونفهم كل شئ وننجح .. بل نتفوق وما يردنا الا 95 % << طبعا 95 % ايام الوزاره ما يجيبها أطلق شنب في الجيل الحالي أبو 99.99 % .... فما السبب ؟!! ساعات أقول والله يا احمد شكل المناظر اللي تشوفها كل يوم هي سبب ضعف الذاكرة مثل ما قال الشافعي .. شكوت الا وكيع سوء حفظي فأرشدني الى ترك المعاصي وأخبرني بأن العلم نور ونور الله لا يهدى لعاصي ... يمكن ذا سبب ... لكن وش بقية الاسباب ولو عندكم حلول أفيدونا !!
4- وراه المجلس نايم !!؟ << خف علينا يا داوود الشريان
الحين ليش ما كل واحد فيكم ينزل موضوع ويفضفض ويحيي المجلس شوي .. يعني شنبات ومخضرمي المجلس الشياب راحوا .. البركة فيكم يا شبابنا .. حركوا المجلس شوي .. فضفضوا .. اتركوا عنكم تويتر والفيس .. ترى قديمك نديمك لو الجديد أغناك .. لا لا الموضوع يبغاله حل جذري .. اعملوا موضوع شتشته طيب .. موضوع كزبرة جرجير بقدونس أي شئ
5- وبعدين معك يا بشار المجرم !!
أتعبت سوريا وأتعبتنا أيها الجبان .. أزهقت أرواحا طالما أحببناها .. وأهلكت أرضا طالما عشقناها .. وأبدت نسلا طالما تعالجنا وتعلمنا على يديه .. فالله أسأل أن يرينا فيك وزمرتك وكل من يشد على يديك عجائب قدرته وعظيم نقمته وجميع سخطه .. أرهقتني أحداث سوريا والمجازر لديهم .. حق على كل واحد منا أن يبذل لهم ما يستطيع حتى ولو بدعوة واحده في جوف الليل ..
6- الفشخره ... إلى متى ؟!!
قبل كم يوم سمعنا ان نجل أمير قطر اشترى سيارة ب 2.2 مليون جنيه استرليني .. يعني 12 مليون ريال سعودي .. نعنبوا ابليسك في عالم تموت وعالم بردانه ومو قادره تحصل شئ تلبسه وانت مشتري لي سيارة مرصعة بألماس !! الى متى هذا البذخ يا حكامنا والشعب جائع وفقير وليس لديه ما يكفيه .. والله لا يقبل بهذا عاقل !! لو رسلت بالمبلغ هذا بطانيات وطعام لمخيم الزعتري في الاردن لكسبت أجر الاف الأسر المسلمة !! لكن سبحان الله يهدي من يشاء !!
7 - الرقم ذا عجيب غريب !!؟
كل شئ اعجازي في الكون مكون من الرقم 7 .. السماوات الأرض ايام الاسبوع عجائب الدنيا أشواط الكعبة والسعي ألوان قوس الرحمن ايات الفاتحة عدد البحار عدد الجمرات قارات العالم ... الخ ... وهذا غير اني مولود في يوم 7 ... ولمحبي الكيمياء المستويات المدارية للالكترون سبعة .. الضوء المرئي 7 ألوان والغير مرئي 7 اشعاعات .. سبحان الله !!
ماقول الا كما قال الشاعر الكبير رؤوف حمدي( ومباركين عرس الاثنين ليلة ربيع عين وقمرا)
ولاتنسى تعزمني على العرس بس...
والله الآن في عالم الآيباد صعب السيطره على الطفل يعني لو نغلق mbs الآيباد يوفي بالغرض
خصوصآ للأطفااال اللي قلوبهم خضراء.... هع
..... ودي اعرف سالفة البقدونس يعتريني فضول كبير ويالليت احد يفيدني واكون له من الشاكرين....
احمل تويتر المسئوليه كااامله عن نوم المجلس فهو من قااام بشفط الأعضاء ... ويوجد عضو نشيط هنا مازال يحاول فيني ويقدم لي اغراءات ان انضم الى عالم المتوترين ولكن اقابله بجفااء ورفض تااام....
اعااانگ الله على الاختبارات والمصااايب الزرقاء والخضراء اللي عندكم.. احم
انصحك بلبس عدسااات سوداء لكي ترى كل اشقر اسود وهيك ترجع الحياه الطبيعيه
لمجراها الطبيعي وتنعم بالهدوء والسكينه وتذاااكر على راااحتگ وأقل من مهلگ....
عندنا تاجر اسمه سعود صاهود بدل ساااعته الثمينه بعماااره بالسالميه ههههههههههـ
نحمد الله ان الدعوى فقط غبااار وليس زلازل وبراكين على مانشوفه من تبذير ....
وش فيها لو عطيتني ساااعتگ ياااخي العمارااات عندگ واجد....
نسأل الله ان ينصر الشعب السوري على عدوهم وطاااغيتهم ويعجل بهلاكه انه على كل شي قدير.......
لو عارف انك تبي تقيل .. كان ما كتبت فضفضتي الا بعد قيلولتك .. بس يالله خيره من ربك ... يمكن كانت حتصير حاجات مش ولا بد في قيلولتك
اما الطقاقات عندكم يضحكو ... خير وهي جالسه سعر وهي واقفه سعر ... مافي غير انك تشتري لها كرسي مثل اللي يجي بالكافيهات .. الطويل ذاك وتركزه في نص المكان المخصص لهم وتجلسها عليه .. وتصير تغني وهي جالسه وكأنها واقفه واتحدى اذا فهمت كلمة
بالنسبة للبقدونس ... فالأخ هلالي من أرض اليمن فتح موضوع تكلم فيه عن البقدونس .. نسيت وش محتوى الموضوع بالزبط .. المهم وانا أخوك الموضوع كان عبارة عن موضوع شتشته تحت غلاف البقدونس ...
شف لك المانيتين مسلمات , ناخذهن ونستر عليهن انا وانت وبأجر بإذن الله ..
وبكذا كسبت عدة اشياء .. جمال الشكل والروح والقلب والأجر الوفير بإذن الله ..
وتفتك من الطقاقات بالمرة انت فكر ورد لي وان كانك ماتبي شف لي انا لحالي
حتى لو مسيحية يمكن ادعوها وتسلم واخذ اجرها وركز على الشقراوات
هذا اجمل حل لموضوع الطقاقات وخذها نصيحة اخوية مدسوسة في جرة موية صحة
ولامن درا ولا من شاف
واما لنومة المجلس .. ياخي التويتر الهى الشعب وانا صحيح عندي تويتر لكني
من اشد اعداء التويتر واعتقد انه الي ماقدر يثبت نفسه بالشكل الكافي راح للتويتر
كلها كلمتين وانت خالص
لكن على قولتك قديمك نديمك حتى لو الجديد اغناك
يارجال التهاون والتسويف يبدولي انها عرق مدسوس في اجساد العالم العربي اجمع ..
وياخي بالعكس انت عندك مناظر واشياء تفتح نفسك للدراسة ..
ضع نفسك في مكاني , وصدقني ماتدرس لو اختبارك بكرا عج وشيفة عورا
مع كامل احترامي لاتقوم ثورات الحين ماحنا ناقصين
الفشخرة .. حقيقة مشكلة واعتقد انه لم يفكر يوما ان هذه النعم لم تأتي منه !
بل من الله وان الله قادر على نزعها في لحظة ..
نحتاج لحظة تأمل فقط .. وسنعلم اننا كثيرا مانخطأ ونندرج تحت الفشخرة ..
الواحد معه ايباد وايبود وجالكسي وسنكرس قصدي ايفون ونوت .. ويبخل بعشرة ريال صدقة !
الله يهلك بشار .. وينشط المجلس .. ونصير تجار ..
لو انا لحالي ماعندي مشكلة اصير تاجر
ياخي الماني ولون كتابتك اخضر مالومك والله من العيون الخضر الي سحرك حلاها ..
اقصد عيون الشجر يا اخوان لأنها اخضر .. بأخضر .. لاتفهمون غلط
في النهار صفين رجال يتبادلوا اطلاق النار ابتهاجا بالعروسين .. شوي يتحمسون وتنشب معركة بينهم
في الليل اناشيد المجاهدين القديمة اللي كانت مسموحة في الثمانينات .. وينتهي الحفل بالتذكير بالجهاد وفلسطين والعراق والشيشان وكشمير ... الخ الخ
تلتقي زوجتك بعد ذلك .. وانت مليئ بالحماس من خلال يوم حافل بالخطابات واطلاق النار والاناشيد الجهادية
عاد انصحك لا تدخل غرفتك وانت بالكلاش والجنبية والقنبلتين اللي في طرف الكمر .. سبحان الله يزداد الحماس والسلاح يطول
( 02 )
بخصوص ام بي سي
لن اعلق عليها سلبا او ايجابا ! .. لسبب بسيط جدا ان الجميع يلعنها ولكنها تحظى بالمرتبة الأولى في المتابعة لدى المشاهد العربي !
اشعر ان مجتمعاتنا اصبحت تعاني من انفصام في الشخصية ! .. لذلك اعتقد انه قبل ان نطالب مجموعة ام بي سي بمعالجة نفسها .. علينا في البداية ان نعالج انفسنا .. فلا يليق ان نسب الشئ ونحن نتابعه !
والمقطع المقدم من خلال اليوتيوب .. ليس سوى فزعة من احبتنا طلبة العلم .. فالمقاطع الواردة اغلبها من قناة اخرى كما يظهر مع الصور .. اضافة ان برنامج سمبسون والذي يظن الجميع انه برنامج للاطفال هو حقيقة ليس مخصص للاطفال .. واذا ما تابعته فهو برنامج معني بمشكلات المجتمع الامريكي السياسية والاقتصادية والاجتماعية من خلال قالب كوميدي من عائلة سمبسون ،،،
من جانب اخر .. كان حري على احبتنا طلبة العلم .. ان يتجنبوا الوقوع فيما يحذرون منه ! .. فليس من اللائق ان يتم وضع صور خادشة للحياء العام في المقطع الذي اعدوه بحجة التحذير .. فلا اعتقد اذا ما اراد احدهم ان يحذرني من الخمر ان يطلب مني شربه حتى يثبت لي انه يذهب العقل !
تريد النصيحة .. مارسها وبارك الله فيك .. ولكن لا تقع فيما وقع فيه الاخرين .. وتصبح معهم سواء
ختاما .. راق لي النشيد اخر المقطع .. وما دريت هل الموضوع عن افلام كرتون أو عن الجهاد في افغانستان ! .. اجل يسقطون الطغاة !
( 03 )
بخصوص الدراسة .. والهمة
سوف اذكر بجملة يمنية شهيرة تغني عن الف كلمة وموعظة :
زر نفسك وقع أحمر عين واترك عنك الهذرة والخراط ! .. شلوك الجن
اعتقد الآن ان المعنويات ارتفعت بشكل كبير
( 04 )
هنالك جيل سابق كان حاضرا بقوة في المجلس ومحصور اهتمامه بشكل كبير بالمجلس فقط .. بعد ذلك تطورت مسؤولياتهم الاجتماعية - عمل وزواج واطفال ... الخ ، فلم يعد بوسعهم ان يكونوا كما كانوا .. ومع ذلك هؤلاء الكثير منهم لا زالوا متابعين للمجلس فقط .. واحب ان استثني منهم المميز دوما ابو خالد ( المشاغب )
وهنالك جيل جديد بالمجلس وافق حضورهم تقنية ( تويتر ) والتي نال ايضا من اهتمامهم .. وهم مميزون جدا .. المرعب وفيصل الحربي وحروف الغلا وهلالي للأبد وبن جبلة وبن حمود ومعجب هلالي ومستريح البال و fj والزبيدي ... واخرون كثر اتمنى ان يعذرني الاحبة ان سقطوا مني سهوا ،،،
المجلس لن نقول انه في ركود .. او انه في ازدهار ! .. هو افضل بكثير من مرحلة سابقة في عدد المتابعين .. ولكنه ليس كذلك في عدد المتفاعلين
ويبقى المجلس له رونقه الخاص .. فهنالك الكثير من الموضوعات والنقاشات .. ما كانت لتكون الا لأنها بالمجلس والمساحة التي يوفرها لن تجدها في تويتر من الاستطراد والتوضيح والتفصيل ،،،
المجلس في قلوبنا
( 05 )
ربما يكون بشار على حق ونحن على خطأ !
بدأت اشعر ان هنالك لعبة اعلامية ليست نظيفة تمارس على مجتمعاتنا
هنالك باطل يتحول الى حق ! .. وحق يتحول الى باطل ! .. وكل ذلك يصنعه الاعلام
هنالك قناعة بدأت تنتابني : انظر اين يتجه الاعلام .. وأعلم يقينا ان الحق في الأتجاه الآخر !
هذا والله أعلم ،،،
( 06 )
هذا امير قطري ! .. وانت لست من قطر !
بالعربي : what's wrong with you ?
الله يعطيهم ويعطينا والمسلمين
وبخصوص اعمال الخير فهي لوجه الله .. وليس الجميع ابن الخطاب .. وليس الجميع ابليس !
( 7 )
كل رقم احادي لو بحثت حوله ستجده مميز بأمور عدة
على سبيل المثال : هنالك عقيدة يطلق عليها ( البهائية ) ويعدون انفسهم مسلمون ! .. وهم يقدسون الرقم ( 9 ) .. ولديهم كثير من الحقائق الكونية والدينية المرتبطة بهذا الرقم !