بسم الله الرحمن الرحيم

اخواني الزعماء، معظمنا متابع للدوريات الاروبية ونشوف تصرفات الرؤساء و استقطاباتهم، و مع ذلك لا توجد طلبات بالاستقالة كما نطالب نحن. رغم ان رئيسنا متبرع بوقته وماله و بصحته. الانتر متخبط، الارسنال سيئ ليفربول من اعرق نادي انجليزي الى الهاوية بكل ما تحمله الكلمة من معنى و مع ذلك الهجوم ليس بالصورة اللي يواجهها ابو فيصل في ظل وجودنا في المركز الثاني وترى لسه في امل و ما طلعنا من كاس ولي العهد.. وين الفشل؟؟؟ اذا ابو فيصل فاشل ولازم يستقيل اجل فهد بن خالد ويش يسوي؟ البلطان وين يروح؟ الفايز؟ فيصل بن تركي؟؟؟ اللي مو عاجبه الرئيس ليه ما رشح نفسه الصيف الماضي؟ ياخي ما عجبك ابو فيصل كان رشحت نفسك او على الاقل ذكرت اسم مرشح و حاولت تدعمه بحملة الكترونية الين ما يقتنع. ماحد رشح نفسه. تبغونا نصير زي الاتحاد والوحدة كل سنة رئيس مكلف؟ او النصر بعد وفاة رمزهم؟ خلونا عقلانين، واذا مو عاجبنا خلينا نوجد حلول منطقية وواقعية بقليل من الدراسة والتفصيل. انا مع استقالة الرئيس اذا كان في شخصية ناجحة فكريا بخبرتها السابقة، مقتدرة ماليا، و رشحت نفسها الصعف الماضي، ولكن للاسف، لا يوجد اي شخص حتى حضر الاجتماع الشرفي الاخير بهذه الصفة ، باستثناء 5 امراء كلهم يثقوا بالرئيس و يطالبون باستمراره.
الزبده ، لمن تطالبه بالرحيل لا تنسى تقول مين تبي يغطي محله....

صح كلامك انا ضد استقالة الرئيس

بعدين الامير عبدالرحمن بن مساعد قدم الشي الكثير للنادي وفرغ كامل وقته للفريق ولازال عنده الشي الكثير يقدمه وانا اثق فيه واتمنى استمراره بس لو يكون الدعم اكبر من أعضاء الشرف وباقي في الدوري مباريات فيه امل انشالله وعندنا بطولات ثانيه وبالتوفيق للزعيم

نهايه :-
وعسى ان تكرهوا شيئا وهو خير لكم .
تفاؤلوا بالخير تجده .

انا من محبين شبيه الريح ومن مؤيديه .. الى ماقبل التعاقد مع محمد مسعد !!!!

ولكن ماهو الشيء المميز الذي قدمه الرئيس عبدالرحمن بن مساعد للهلال سوى ثلاث لاعبين اجانب في خمس سنوات !!!!؟؟؟؟

وبالنسبة لمقارنتك رئيس الهلال برؤساء الاهلي والاتحاد والشباب فمع احترامي الهلال طموحة اعلى من طموح هذه الاندية فمن الطبيعي ان يقدم رئيس الهلال كجهود اعلى من هذه الاندية

لاتنسى الصفقات المدوية للهلال في عهد عبدالحمن بن مساعد :
عيسى المحياني ، سعد الحارثي ، فيصل الجمعان ، وليد الجيزاني ، محمد مسعد ، ابراهيم زايد
اسماء جبارة خخخخخخخخخخخخخخخخخخخخ

لايحسب له من الصفقات المحلية سوى اسامه هوساوي وبدون منافسة من بقية الاندية
وكذلك ياسر الشهراني بالاعارة ويمكن يرجع للقادسية نهاية الموسم

تحياتي لمن يعرف يصنع التاريخ

عندى ردود على كل اللي قلته، لكن بنتجاوزها ونفترض جدلا ان كلامك صحيح يا مميز... وينك ما رشحت نفسك الصيف الماضي؟ او وين مرشحك؟ نفس السؤال موجه لك يا لغة الارقام؟؟

آسعد آلله آوقآتكم بكـل خير

آخوي كلآمك جدآآ منطقي بس آنت خذيت آلجمهور حق آبو فوز معآه وآبو هزيمه ضده

آول شيء حنآ مآنقول مآنننآفس ع آلدوري وولي آلعهد طلعنآ منه هذي ولله آلحمد بـ آقل آلمستويآت آلهلآل يحقق مرآكز متقدمه في آلدوري و يحقق آلطبوله ولي آلعهد و آكبر دليل آلسنه آلمآضي مع دول ....

بس آللي حنآ نطآلبه و آلكل يطآلبه هذآ آلمستوى مآ بتآكل عيش قدآم حمآس و قوة آلريآن و آلعين

آلآسويه قريبه و آصآبآت آلعآبد ع عبدالعزيز ع مزاجية سالم آلله يستر بس كل آللي كـنآ نبغآه من عبدآلرحمن هي بس محترفين
بمستويآت عآليه لعيبة آلهلآل في آلوسط مآتعتمد عليهم بس هم مكملين و جميع لعيبة السعوديه مثل ذالك


وآصلآن مين طآلب بـ آقآلة عبدآلرحمن بن مسآعد

في عهد عبدآلرحمن بن مسآعد آفضل آلمحترفين حضروآ للدوري آلسعودي
وفي عهده نآفسنآ ع كل آلبطولآت آسيآ ع آلدوري ع ولي آلعهدد ع كآس آلملك بس مآوفقنآ آلحظ في بعض منهآ


بس حنآ نطآلبه آشويه بـ محترفين ع مستويآت نيفيز و رآدوي

و نطآلبه بـآنه لآ يضيع جهود آلآمير بندر بن محمد ولآ محمد بن فيصل هم يشتغلون من سنوآت ع جلب لعيبه مميزين

و بـ سهوله نفرط فيهـم عشآن فلوس آنآ عآرف آن مبلغ آلفريدي مبآلغ فيه بس كلهآ سنه آو سنتين وبيدخل آلآستثمآر
آلخصخصه و كل شيء رآح يكون بسهوله بس للآسف


وهي اشياء و ملاحظات وصدقني بيفوز الهلال ع الفيصلي وبيجي جمهور يمدح عبدالرحمن بن مساعد

بس محد يدري بـ الازمه اللي راح تعصف بـ الهلال امام قوة العين و حماس و هيبة الريان

بتوفيق لـ عبدالرحمن بن مساعد و الله يعينه

و اشكرك ع هذا الموضوع الجميل

وآعتذر آذآ كلآممي فيه آي غلط


............

الرئيسى ما عنده شيء جديد يضيفه للفريق. له سنتين يعيد و يكرر نفس الاسلوب. من الافضل له و للهلال ان يعطي فرصة لغيره من الكفاءات و هم كثر. الامير محمد بن فيصل لم نكن نعرفه قبل الرئاسة ولكنه اثبت وجوده بغض النظر عن الاخطاء التي ارتكبها في وقته. مطالبتنا بإستقالة الرئيس هي لمصلحة جميع الاطراف. لم يعد هناك من جديد يمكن ان يضيفه ابو فيصل. موضوع الاستثمار نجح مع نيفيز و فشل مع الاخرين و تكلفت ادارة النادي الشيئ الكثير. الاستثمار شيء جميل ولكن الاولوية للفريق و ليس للاستثمار.

العنيد