سري وخطير للغاية اختراق واكتشاف مؤامرة صفراء .. - نادي الهلال السعودي - شبكة الزعيم

الزعيمي ماجد التميمي · #1 31/01/2013, 07:45 AM

السلام عليكم وصباح مليء بالضماد وبلسم الجروح ..
أبارك فوز شقيقنا نادي النصر .. ونقول حظ أوفر لزعيمنا وفريقنا نادي الهلال ..
مباراة مآساوية بكل صورها وأشكالها بالرغم من الجهد المبذول والتفوق الفني من لعيبتنا .. ومما زاد الطين بلة بعض الأخطاء التقديرية من حكم المباراة في عدم احتساب ركلتي الجزاء .. وعلى أية حال قدر الله وماشاء فعل .. ولكن ليست هذه المشكلة .. فالواقع أن المشكلة في المباراة هي ضياع الهوية الهلالية وعدم التكتيك الواضح وتوظيف اللعيبة بالشكل الصحيح ..
فلو لاحظنا في المباراة وسط الملعب مفرغ تماماً .. خاصة في الشوط الثاني ..
بدليل إنه في الهجمات المرتدة للنصر نشوف مساحات كبيرة في وسط الملعب فاضية تماماً .!! وكانت الهجمات المرتدة تشكل خطورة على الهلال..
فالحمدلله إنه هذا مستوى هجوم النصر وإلا أتوقع لو أن مهاجمي النصر عرفوا كيف يتعاملوا بالهجمات المرتدة لربما زادت الأهداف لهدفين او ثلاثة ربما !!
ارفع القبعة احتراما لمدرب النصر الذي كان واقعيا وعرف كيف يتعامل مع أحداث المباراة وقد صرح بهذا الأمر بعد نهاية المباراة فقد أغلق مفاتيح اللعب لدى لعيبتنا وعمد إلى
تقفيل المناطق الخلفية
وفي الغالب يلعب على المرتدات ..
وكان واقعيًا في تعامله وتغيراته..
فهو مدرب مستقرئ جيد للخصم ..
بعكس مدربنا تماما فهو لايقرأ مكامن القوة والضعف في الخصوم وهذه من الأمور الملاحظة فيه !!
لذلك وجهة نظري للإدارة بسرعة التعاقد مع الكابتن سامي الجابر لتسلم زمام تدريب الفريق الأول..
وقد طالبت بهذا الشي قبل التعاقد مع كومبواريه..
عموما : هناك أمر خطير تسرب بطريقة ما .. فبعد فوز النصر كان هناك اجتماع على مستوى اعلاميين ممن انتماءهم للنصر ومن لم يحضر منهم تم التواصل معه عبر الأجهزة الالكترونية ـ فقد كبر طموحهم بتحقيق لقب بطولة ولي العهد .. وتنبؤاتهم تشير إلى أن النهائي سيكون بين الهلال والنصر ..ولذلك عمدوا إلى خطة جهنمية مضمونها زرع التشتيت الهلالي مابين الجماهير والإدارة لغرض الضغط على الإدارة وتشتيتها ذهنيا .. فاتفقوا في هذه المرحلة على اللاعب الكلومبي ( بليفار) بحيث يتم التركيز على هذا اللاعب فقط , والغرض من ذلك لمواصلة تقزيم عمل الإدارة واستهجانها بجلب لاعب دون المستوى !!! فهل يعقل لاعب كان الجميع يمتدحه في مباراة الاتفاق وبقدرة قادر في مباراة واحدة يكون لاعب بسيط بل والأدهى من ذلك يتم التباكي على عادل هرماش ؟؟ والأغرب من هذا كله أن المتباكين على عادل هرماش بالأمس كانوا يطالبون بزواله ؟؟ فلنحذر كل الحذر في هذا التوقيت خااصة ممن يكتبون في اللاعب الكلومبي بليفار ..
والأعجب من هذا كله انه ولا واحد ممن كتب عن بليفار تطرق للمدافع البرازيلي الجديد
ومدحه وأثنى عليه ؟؟؟؟؟؟؟ ماتلاحظون فيه شي غريب ؟؟؟
كل هذه المعطيات تؤكد أن الخبر هذا أكيد وانا اوجه كلامي هذا للمشرفين للمنتدى
بعدم السماح لنشر مواضيع تتعلق باللاعب بليفار ..
ماتلاحظون إنه بعد مباراة النصر يتم التركيز على اللاعب بليفار ؟؟؟
بالمناسبة الهدف من هذه الخطة الجهنمية بالتركيز على بليفار : هدفين :
1. خلق جفوة وصراع بين الجمهور والعمل الإداري لغرض التشتيت .
2. تهيئة لإيهام الرأي العام أن هناك جزار أخر يحل بنادي الهلال على خطا
الشريدة ورادوي وتفاريس ..
فلنكن فطنين وحذريين ولا نكن سطحيين في الطرح والتعليقات ..
وليعلم الجميع أن هذه الفترة من أصعب الفترات لزعيمنا الملكي العالمي..
ملاحظة : بعد المباراة استغربت من كلمة رئيس النصر الأمير فيصل بن تركي
حينما قال علمنا بتقديم الشكوى للجنة الانضباط ( بمصادرنا الخاصة ) ؟؟؟
مصادركم الخاصة ؟؟ صورة مع التحية بمن يتهمون الهلال باللوبي ونادي الدلال
وبمن يتهموه بشبيك لبيك ؟؟؟؟
همسة بسيطة لرئيس النادي ولرئيس أعضاء شرف النادي: أيرضيكم مايحصل بالهلال؟؟
لاتنسوا أنكم طلبتم منا الصبر والتريث وألا نحكم إلا بعد الجولة العاشرة والآن لم يتبق إلا 9 جولات..

6AREQ 14 · #2 31/01/2013, 07:53 AM

يارجال مانبي من الاداره شي نبيهم يطيرون الفاهم كمباريه ويجيبون زلاتكو لخبرته بالدوري
او اعادت سامي الجابر

شي ثاني بليفار هاذي ثاني مباراه له وهو عايد من توقف دوري والمشوار قدامه طويل

مشكور على حرصك ولازم نحطها عين الاعتبار

راكان الغامدي · #3 31/01/2013, 07:54 AM

كلامك صحيح وعين العقل واذا عبدالرحمن بن مساعد ماعين سامي الجابر من اليوم فأنا اعتبره مشجع نصراوي رئس الهلال لكي يدمره ومابي احد يزعل من كلامي

saleh369 · #4 31/01/2013, 07:55 AM

المؤامرة ليست جديدة يا أخي فهي منذ (الجمل ) ولكن ملاحظتي ان ادارة النادي تنفذ مخططاتهم بعلم او بدون علم رادوي ابعد وقبله كوزمين ثم ياسر والدعيع قبله وهلم جراااااا

سعوديه والهلال ناديه · #5 31/01/2013, 08:19 AM

والله وثبت كلامك
مع انك ثقه ومعروف
لكن صراحه كم من موضوع عن نفس الاعب
اكدها لمن يعتبرنا مطبلين
وبعدين اللي يقول المؤامرات مو جديده ع الهلال
نقول له بل جديده لانها مؤامرت قذره ومنظمه
والكل اتحد ضد الهلال
وبعدين ترو الحين صار الضغط اكبر لانه في اعلام
اكثر واوقح مع كامل احترامي لللشرفاء منهم

المــوج الازرق · #6 31/01/2013, 08:24 AM

مؤامرات كثيره ضد الهلال ومن زمآآآن

الله يوفق الهلال في المباريات القادمه

بالتوفيق للزعيـــمم

بلوو بن · #7 31/01/2013, 08:57 AM

طيب المهم وش صار على كومباريه اقلوه والا باقي؟

بن جبله المطيري · #8 31/01/2013, 08:58 AM

مجرد الحكم على لاعب محترف من اول مباراتين او ثلاث فهذي تبعث الشگ والريبه....

اااااه يوم كئيب الله يزين الآمور....

مشكور يالتميمي على الموضوع الجميل....

العقد الهلالي · #9 31/01/2013, 09:04 AM

لو استغلت اي من الفرص من مهاجميننا المحترمين كان تغيرت كل الاطروحات والضنون

اعطنى حظ وارمنى في البحر

احساسي ازرق · #10 31/01/2013, 09:52 AM

أتفق معك في كل شي إلا جملة

(بالرغم من الجهد المبذول والتفوق الفني من لعيبتنا)

خلنا واقعيين لاعبين انهزاميين وبدون روح باستثناء ياسر الشهراني والمحترف الجديد البطل أوزيا

مجنونه كريستيانو · #11 31/01/2013, 09:59 AM

المباراه خسرنها من العبقري سباك حده تصليح مواصير

مالوم اي لاعب يكون حبيس بدكه مثل الشلهوب وتلعبه اخر دقايق وتفرغ الوسط له وتملي المهاجمين ويسلي هبط من عبقري مدرب وشوي بيكون حارس كل لاعبيين مايبونه قتل موهبتهم فرقاه عيد بنسبه للاعبيين

عـ(ياسر)ـاشق · #12 31/01/2013, 10:07 AM

الاتحاد يستقبل الفريدي بكل جمهوره لنرفزه الجماهير الهلاليه عشان تضغط ع الاداره

النصراويين استغلوا مناصبهم للضغط على الهلال سوا اكانوا اعلاميين او اعضاء لجان ام ئيس عام لرعايه الشباب < ما اقصد اسير الشوق(نواف بن فيصل)< هذا نصرواي مصلع مابه طب

والاهلاويه جابو هوساوي وصفقات عاليه عشان جماهير الهلال تنقلب على الاداره وتبي صفقات عاليه مع ان مو شرط ان الصفقه عاليه عشان يبرز الاعب

^
والاكثر من هذا قفلوا منتدياتهم واستقروا عندنا للشوشره على ارئانا اتوقع منتدى الزعيم هو الداعم الاكبر لهم لان مواضيع السب والشتم بالاداره ما تحذف ومواضيع عدم الرضاء على الاعبين ما تحذف اكيد يوم تطلع من مباراه معك حق بس لو شاهدتم الاننتقادات بدون مباريات مثل اوزيا والمحترف الكولمبي

الله يوفق الهلال ويبعده عن كل مكروه

الزعيمي ماجد التميمي · #13 31/01/2013, 10:14 AM

إقتباس

الرسالة الأصلية كتبت بواسطة احساسي ازرق


	أتفق معك في كل شي إلا جملة (بالرغم من الجهد المبذول والتفوق الفني من لعيبتنا) خلنا واقعيين لاعبين انهزاميين وبدون روح باستثناء ياسر الشهراني والمحترف الجديد البطل أوزيا

انتبه أنا قلت ( التفوق الفني ) ماقلت التفوق التكتيكي !!
النصر انتصر على الهلال تكتيكيا وتقفيله لمنطقة الصندوق ..
حتى لو تلاحظ لاعب النصر عسيري في مبارياته السابقه كان يهاجم
في مباراة الهلال أنا متابعه ولا هجمة وحده هجمها ؟؟ وش معنى هذا؟؟
معناه إن اللاعب عنده تعليمات تكتيكية وهو ملتزم فيها ..
أما من ناحية الجهد فوالله واضح جهد لعيبتنا بل إنهم من حيث الجهد هم أكثر جهد من لعيبة النصر باعتبار السبرنتات والرجوع للمناطق الخلفية لكن لعيبة النصر مرتاحين مررره .. كلهم متراجعين للخلف وفيه كم لاعب او لاعبين متقدمين للهجمات المرتدة
من ناحية ياسر مثل ماقلت لك مافيه ممون له من الوسط بحيث تجيه تمريرات خطيرة
الوسط عندنا معدووووووم مره وفيه مساحات كبيرة فااضية باستثناء بعض دقائق المباراة لاتذكر..
وبعدين لاتنسى عندك عزوز ونواف العابد ماشاركوا في المباراة واللاعبين هذولا بالذات سبحان الله مستواهم امام النصر يكون في تصاعد ..
فلعيبة الهلال متفوقين فنيا ومهاريا وهاذي شهادة حتى من النصراويين انفسهم ولا أحد يشك فيها ..لكن النصراليوم مثل ماقلت لك تفوق تكتيكيا وبتقفيل الدفاعي والضغط على حامل الكرة باغلاق مفاتيح اللعب الهلالي

عذب السجايا · #14 31/01/2013, 10:38 AM

بعض الجماهير يعيش دور استخباراتي او يشتغل مباحث
مافي احمق في الدنيا بيحكم على لاعب من مباراة وهذه تكفي جوستافو لكن الاجتماع اللي صار هذا حدث غريب ومعلومة استخباراتيه تستحق عليها نوط الامن خاصة انها بعد المباراة على طول
احترم عقولنا الله يعطيك العافية

ابو عزوز "المدينة" · #15 31/01/2013, 10:45 AM

جمهور الزعيم واااعي إن شاءالله