بعض السعوديين فاهمين الكجوله غلط ! - نادي الهلال السعودي - شبكة الزعيم

نــواف الـمـالـكـي · #1 18/01/2013, 04:14 PM

" أعتقد بعد كم سنه راح يتغير شكل المواطن السعودي " هذي الجمله دائماً
أقولها بيني وَ بين نفسي إذا نزلت أتسوق أو أتمشى أو كنت طالع مع الشباب !
نزلت قبل يومين لأحد الآسواق بـ وسط الرياض وَ ما تفاجأت لما شفت شباب
لابسين سلاسل ( لأني قد شفتهم آكثر من مره ) لكن هذي المره مسكت وآحد
فيهم وسألته ، أنت سعودي ؟ جاوبني : ايه ههه ليه ؟ قلتله اهاا وَ مشيت !
~
انا على يقين تام بأن هالعينات لا يمتون لـ قبائل شبه الجزيرة بأي صله ، وهذا
ما يعني ان أبناء الجزيرة العربية ما يسوون هالحركات ، لا في كثير منهم يقلدون
الطبقة الدخلية على مجتمعنا من ناحية اللبس والحركات والكلام والإستهبال و الغباء !
~
اللبناني يـ كجول لكن اذا شفته اقول لبناني ، المصري يـ كجول لكن اذا شفته اقول
من وين من مصر ! السوري يكجول وإذا شفته اقوله وش صار على أهلنا بالشام !
البريطاني يـ كجول وَ معروف انه بريطاني ، الإيطاليين نفس الشي ، السويديين ،
الأردنيين ، الهندي اذا كجول نعرف انه هندي !
إلا السعودي اذا كجول ما تدري هو كاميروني وإلا سعودي !! ما تدري هو سعودي
وإلا اثيوبي !! مجتمعنا زي السفنجة يمتص كل شي ! حتى الأجانب يمتصهم !!
~
وَ هناك شباب مافي أمل يـ كجول أو حتى يلبس سروال رياضه

عايشين
على ثياب غير نظيفة وَ شُمغ متعفطه وَ يسحب رجوله !! طيب ليه ما يلبسون ثوب
نظيف وَ شماغ مكويه ! ليه يوم يجيبون الصورة على جماهير الإمارات أو قطر
أشوف ثيابهم نظيفه وغترهم مكويه ومحد فيهم متلثم ؟ في عندنا شباب متخلفين !
يلبس الشماغ وَ يتلثم ! يلللللللللعن ابليسك طاق اللثمه بالملعب ليه ؟ وش بتسوي ؟

#
وش الكلام هذا يا شباب وَ يا بنات ؟ وش هالتربية ؟ ياااااخي عرفنا انك فلان بن
فلان ومن القبيله الفلانيه ، طيب البس زين ! يعني اذا صار ثوبك مو نظيف وشماغك
مهب مكويه بتصير انت ( القبيلي ) الي محد قدك ؟ وإلا تبغى تعلمنا انك توك جاي من
البر !! وإلا وش وضضضضضعك بالضبط ؟ الإماراتيين بدو ويلبسون لبس حلو وَ
القطريين زيهم وهم بدو والكويتيين بعد

~
شفتوآ الصورتيين : الأولى واحد تشوفه وتشك انه سعودي من شكله وَ
لبسه الغريب ! والثاني تشوفه وتعرف انه سعودي وَ لبسه غير لائق !
والعامل المشترك بينهم انهم كلهم يرفعون الضغط !
~
وَ بما اني شاب آسمحولي أقول للشباب لا تلبسون سلاسل مهب عشانها حرام !!!!
عشان السلسال من الأساس مهب راكب على وجهك

والله جد أتكلم

لو انك ايطالي
كان طلع السلسال عليك حلو ، بس ملامحك ما تهيأ له الحركات

~
كجول ، كل العالم يحبون يلبسون جنوز وَ تي شيرتات وَ قمصان بس قبل ما تلبس شوف
جسمك وش يناسبه ، حاول تختار شي يطلع عليك حلو ، مهب تروح تقلد الطبقة الدخيلة
وتلبس زي حقون السله

والله مهب راكبه عليك

خل هالملابس للي يقولون احنا من
السعوديه وَ هم ما يمتون لأي قبيلة عربية ، جالسين يشوهون صورة السعودي ، يعني
فوق تشويه السعوديين ( الحقيقين ) للبسهم جونا هالطبقة وجلسوآ يشوهون الصورة معانا
~
كلامي محصور على طبقتين من المجتمع السعودي وليس على الكل #

أمنيتي انوو تكون صورة المواطن السعودي بالثوب أو بالكجوله مشرفة
وأنيقة وتخلي العالم يعرفون انوو احنا سعوديين ولنا ذوقنا الخاص #

بن جبله المطيري · #2 18/01/2013, 11:10 PM

هلا بالمالكي...

ماااعتقد انها حكرآ على الشباب السعودي...

عندنا وعندكم خير ...

يارجاال السلاسل تهون عند اللي يجيگ لابس جينز ونص الدنيا المستخبيهـ طالعه ياااعمي

استح على وجهگ تكفى مااادري من ضاااحگ عليه وقااايلهـ انت كشخه هالشكل ^~*

ولا يجيگ مقنزع الشعر كأنه ديگ رومي ولا زاااايد الطين بله وصااابغهـ أصفر يععععععع...

ولا هالحين طايحين يسوون غمازات بخدودهم ياااولد وش خليت للبنات المزايين هههههههههههـ

انا مااادري وش فيها الشماغ والعقااال بسسس....

على العموم هو تقليد للغرب اعمى...

ويالليت نقلد الغرب بالشي المفيد ونترگ الشي المخالف لعاداتنا وتقاليدنا...

الف شكر حبيبي على الموضوع...

محبة الرحمن · #3 19/01/2013, 08:30 AM

آهلا وسهلا بكك

آغلب من يعمل تلكك الحركات مراهقين
آعجبه ستايل شخص أجنبي وقلدة
حتئ ولم يكن لائق عليه

بالنسبة للنظافة الثياب ومقارنتكك بين شبابنا ؤشباب الإمارات وقطر
المقارنة شي سلبي ، كل البلدان بها من هو راقي بمظهره وبها من لاا يهمه المظهر

لو أردنا أن نكون شعب راقي كغيرنا
يجب أن تتغير أسس التربية لدينا
ومراقبة الطفل منذ الصغر حتئ يكبر وينضج

يعطيكك العافية .. شكرا لكك
دمت برعاية الرحمن

Alessandro Nestaa · #4 19/01/2013, 09:19 AM

والله من جد في ناس يااخي اهم شي اقلد وبس حتى لو شكله مو مناسب مع اللبس

افضل شي الواحد يلبس شي مناسب عليه ومايلفت النظر

مو كل موضه تنلبس مثل طيحني وبابا سمحني وصبغ الشعر وووالخ !!!!
وين عايشين !!

انا افضل بالاماكن العامه الواحد يحترم الذووق العام مثل السووق والمستشفيات وووالخ الواحد يلبس ثوب

اماكن الشبابيه البس اللي تبي جنز برمودا

\

الف شكر اخوي

نــواف الـمـالـكـي · #5 19/01/2013, 11:42 AM

إقتباس


	آغلب من يعمل تلكك الحركات مراهقين آعجبه ستايل شخص أجنبي وقلدة حتئ ولم يكن لائق عليه

بغيت أتكلم عن هالنقطه بنفس الموضوع بس عشان ما يطول تركتها .
#
انا اتابع الممثلين العالميين ، اقرأ أخبارهم ، أشوف صورهم ، أشوف لبسهم
تعودت على كذا ، ما عمري شفت ممثل بريطاني أو أمريكي ( أبيض

)
أو استرالي .. الخ ، لابس سلسال كبير وَ طاق كاب حقون السله وَ تي شيرته
كبير !! بإستثناء اثنين أو ثلاثه ( من المغنين ) !
تخيلوآ معاي كل الممثلين ما يلبسون كذا ، إلا بعض المغنين المراهقين وبعد مو
كلهم يلبسون زي كذا !
يمكن بعضكم يقول ان هالممثلين جوهم غير ، ردي على هالكلام في كثير من
من المشاهير يحضرون مباريات لكرة السله ويلبسون الكاب أو ممكن يلبسون
تي شيرت الفريق أو أي لاعب ، لكن بعد ما تخلص المباراة يرجع للبسه
الطبيعي ، زبدة كلامي الغربيين على قد إنفتاحهم ما قلدوآ التقليعات القادمه
من شباب افريقيا !
#
انا جالس اتكلم عن طبقة الممثلين وَ المغنيين ( الغربيين ) الي عليهم الكلام ،،
ادري ان فيه بريطاني يلبس سلسال وهذي الظاهره بالنسبه له مهب مكتسبه
من ثقافه غير ثقافته هو متربي على كذا ، لكن ومع هذا كله ما شفنا شباب أو
مراهقين الغرب يقلدون التقليعات ( الغبيه ) الي جايه من افريقيا !
~

إقتباس


	بالنسبة للنظافة الثياب ومقارنتكك بين شبابنا ؤشباب الإمارات وقطر المقارنة شي سلبي ، كل البلدان بها من هو راقي بمظهره وبها من لاا يهمه المظهر

يا محبة الرحمن تتوقعين اني مو عارف ان فيه سعوديين ذوق ؟ آدري ان فيه
سعوديين من زود كشختهم ينورون الخليج ( كله

) وَ أنا أولهم

~
اما للمقارنه ليش ما أقارن السعودي بالإماراتي أو القطري ؟ ترين في ناس من
آهل الامارات مرتاحين مادياً لكن مو أغنياء وَ مع ذلك ثوبه يلق بياض وغترته
مرتبه ونفس الشي آهل قطر وبعض الكويتيين

وَ كلامي هذا مهب معناته ان كل السعوديين ثيابهم وغترهم ( رايحه فيها ) !!
انا جالس اتكلم عن عامة الشعب وحددت طبقة منهم يسيئون لـ دينهم وَ وطنهم
لأن الإسلام ما قال البس ثوب موب نظيف ولا قال لا تهتم بـ شكلك .
#
بن جبله مشكور ع مرورك

،،
محبة الرحمن آحترم رأيك ومشكوره ع مرورك

،،
نيستا يالميلانيستا

لبى أناقة آمبروزيني بس

مشكور على مروركـ

نــواف الـمـالـكـي · #6 19/01/2013, 11:58 AM

إقتباس


	انا افضل بالاماكن العامه الواحد يحترم الذووق العام مثل السووق والمستشفيات وووالخ الواحد يلبس ثوب اماكن الشبابيه البس اللي تبي جنز برمودا

لو أمشي على كلامك آصير ماني محترم الذوق العام !

ما أحب ألبس ثوب
بالمستشفى أو بالسوق ، آكثر وقتي مكجول

~
اليساندرو أختلف معاك ، انا اشوف انوو عادي تلبس جنز و تي شيرت أو بلوفر
وتروح المستشفى أو السوق أو أي مكان عام

،،

نــواف الـمـالـكـي · #7 19/01/2013, 12:11 PM

إقتباس


	ولا يجيگ مقنزع الشعر كأنه ديگ رومي ولا زاااايد الطين بله وصااابغهـ أصفر يععععععع

والله اذا بغيت الصدق انا آحب آقنزع أبو الشعر

بس قنزعه عن قنزعه تفرق

وَ السسبايكي مهب شينه بس في طرق لها كثيره

وَ ترى قصة هتلر بطله

~
اما الي يصغون شعورهم ودك تفتحلهم مشاغل خاصه فيهم يفصلون على كيفهم
ويسوون شعورهم ويحطون ميك آب شوي

وَ كريمات واقيه من الشمس
عشان البشره ما تسود آكثر

الله يسود وجيههم

Alessandro Nestaa · #8 20/01/2013, 04:12 AM

إقتباس

الرسالة الأصلية كتبت بواسطة نــواف الـمـالـكـي


	لو أمشي على كلامك آصير ماني محترم الذوق العام ! ما أحب ألبس ثوب بالمستشفى أو بالسوق ، آكثر وقتي مكجول ~ اليساندرو أختلف معاك ، انا اشوف انوو عادي تلبس جنز و تي شيرت أو بلوفر وتروح المستشفى أو السوق أو أي مكان عام ،،

انا نفس وضعك

ماعندك مشكله بالبس بس اهم شي الواحد يراعي الذووق العاام
في اي مكان سوا كجول او رسمي

W.S.10 · #9 21/01/2013, 11:25 PM

بارك الله فيك أخي الكريم ،،

أولا المقارنة أمر ظالم فلكل شعب عيوبه ومميزاته وطباعه الخاصه ،،
ثانيا أخي الذين يلبسون الثوب الأصفر واللطمه هم من فئة ( اللحوج )
ومسألة انك تقول بدو فالبدو ناس أرقى وأشرف بكثير من هاؤلاء الحثاله الذين
يطلقون على انفسهم ( درباويه )
عزيزي مجتمعك لديه عيوب كثيره ولا أخفيك أنني اعتزلت الأسواق واعتزلت الناس
وأصبحت افضل القراءه بدلا من الاختلاط بالناس فالبعض يصفني بالقطوع
او بالوحداني هل اُلام ؟ فإن أردت زيارة صديق أو حبيب وجدته لاهي بالبلاك بيري
أو الايفون وأرى راسه للأسفل لا يلتفت يمين أو يسار
عزيزي اصبح إكرام الضيف لدى البعض يسمى اصراف وهو الذي كان سابقا كرما
المجتمع يحتاج أن يعاد تأهيله من جذوره ، لذلك يجب أن نربي أطفالنا على الطريق الصحيح
وذلك بإعادة النظر بالمناهج الركيكة التي تدرس لأطفالنا
وصدق أمير المؤمنين حينما قال نحن قوم أعزنا الله بالإسلام فان اردنا العزة بغيره آذلنا الله ،،،

كان الله بالعون واللهم زدني صبر ،،،
والله يصلح الحال الشعب كل سنه يتجه للهاوية أكثر واكثر
الله يصلح الجميع

شكرًا لك وعذرا لردي القاسي نوعا ما

كن بخير

الهلالـmemeـية · #10 22/01/2013, 05:37 AM

يعطيك العافية ...^^ استمتعت بالموضوع والردود

ذكرتني بقوله عليه الصلاة والسلام باختصار ولو دخلوا جحر ضب لدخلتموه ...
والله لو تقول إلى أن تتعب ماحد معطيك وجه ... تذكر هذيك الأيام اللي كنت ترتبك فيها وتخاف وفي المدرسة
تستحي تقول كلمة عشان ماحد يضحك عليك ... بعدها كبرت وصاروا المدرسين يتكلمون عن (الثقة) وتناسوا
(الثقة العمياء) اللي يعيشها مراهقواشعبنا حالياً... صاروا يرجعون لايام الابتدائية و صاروا يقارنون نفسهم مع (الدفارة) اللي هم فاهمين
حقيقة أو معنى (الثقة) الحقيقية صاروا يسيرون لهدفهم إلى أن وصلوا لمراتب متقدمة...وأخينا في الله مازال يدرس (ث ق ة)
ويقول في نفسه (أنا كبرت أنا لازم أكون واثق ع طول)<<تفكير مراهق
ويبدأ يصير إمعه إلى أن ياخذ الدكتوراة في تقليد الغرب وبجدارة وتلاقي اللي معه مولايق عليهم شي تأكذ انهم مازالوا يدرسون علوم
(تقليد الغرب في أرض الاسلام) وشكككراً...^^ عذراً ع الإطالة

kalasnikov · #11 23/01/2013, 05:30 AM

قلة عقل ودين ..
والا ماراح تشوف اجنبي لابس ثوب ويتمشى بالشوراع

تقبل مروري..........