06/01/2013, 10:30 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
الأضحوكه الأضحوكه ....قصيده ....سليمان الشدوي
انت واحد تنتمي للجهل نمره واستماره
..........وفي روايه ثانيه.! "الجهل" نفسه ينتمي لك
الحروف اللي تلملمها وتكملها عباره
............عمرها ماصادفت " جاهل " يعذبها مثيلك
ودها تتعذرك ..! ملت من الوجه وغباره
..........ودها تهجر شفاهك / وانت تمضي في سبيلك
لو تعلمت الأدب / ما طاح من وجهك وقاره
.............ولو جمعت المعرفه /ماضاع من عقلك دليلك
فوق راسك يهطل "الجهل" بحفاوة وبغزاره
................انتبه للسيل "سيل الجهل " ياخذك ويشيلك
انت "أضحوكة" زمانك / لاتفكرها شطاره
................. يوم تجهر بالخطا / بين البشروتشد حيلك
خلك اللي يُضِحك العالم وغرّد ياخساره
.................. لاتروح ولانلاقي للضحك / واحد /بديلك
"التناقض" في كلامك مايسمونه اثاره
................ مايسمونه سوى تعبيرعن شخصك وميلك
عشت"متناقض " ومتخلف عن الفكروأطاره
........... "والتخلف " يا تجي له " ياولد "والا يجي لك
شعر "ابوالطيب" أهنته / يوم حاولت اختصاره
.................لاتسولف بالشعر "تكفى" طلبناها دخيلك
دام في قلبك من "الكاسر" ومن مجده حراره
..........ابشر "بوسواس " يستنزف جهودك طول ليلك
ياسر الكاسر (وزير المجد )في اكبر وزاره
......... ياوسيع الوجه /من يشفي من "العله " غليلك
والعرب قالو/ بأن "الحُر" يفهم بالأشاره
.................وانت لاتفهم / ولاعندك اشاره / ياحليلك
خذ معك دفتر "ابوستين" واكتب لك عباره
..............ان كل "الجهل " بالدنيا العريضه ينتمي لك
|
9Likes
الوضع العادي
