بعد التحية والتقدير للزعماء كافة ..

الجميع لاحظ بعد انتقال الفريدي وهوساوي التطبيل الاعلامي الكبير جدا للادارة وخصوصا من الفراج وبتال وبعض صحافة الادارة من الاعلام الازرق ..

بأن الهلال في يناير سوف يكتسح الصفقات ومش اي صفقات سوبر ستار

بعد ان اوهمونا باسامة المولد وغيره من النجوم المحليين ولاعبين محترفين محور وصانع لعب على مستوى عالي وملفاتهم منتهية ..

يخرج علينا رئيسنا الداهية البارح يوصرح بتلميح بقاء الاجانب ..
الهلال وضعه الفني لا يحتاج لقناعة كمبوارية قصانع اللعب والمحور مشكلة واضحة للعيان .... ممكن اتقبل اصرار المدرب على بقاء منقان ..

ولكن اصراره على عدم الحاجة لصانع لعب .. هذا تخريف فني وليست نظرة فنية

من يشاهد الهلال الان يدرك انه عاجز فنينا .. ويلعب على فورمة نجومه متى ماكانوا رائقين الهلال رائق .. اما بصمة مدرب .. لا والف لا .. اتحدى تحضرون لي ثلاث مباريات للهلال بتشكيلة ثابته ...

مدرب وصلنا معه للجولة 16 من الدوري فضلا عن مباريات الاسيوية وايضا ولي العهد .. وهو لا يعرف امكانيات فريقه ..

ادارة لا تفقه بالامور الفنية ... ومدرب لديه قناعات غريبة عجيبه ..

ولكن اذا استمروا على قناعاتهم صدقوني لن نتجاوز المجموعة الاسيوية .

جميع الفرق مستوياتها متدهورة .. والدليل الفتح متصدر بقوة والنصر ينافس ..

الفرق الكبيرة تلعب بسمعتها فقط .. والا بهذا المستوى في ظل تعافي الفرق لن ننافس حتى على الرابع .

الله يصبرنا على المدرب والادارة تكرر التخبط

تعرفوا الحل النسب الاستغناء عن الداهيه كمبواريه وجلب زلاتكو للفريق الاول ...
لان الجميع يعرف مشكلة الفريق ماعدا المدرب ...
محتاجين محور دفاعي وصانع لعب ...
مدربنا مايبغا صانع لعب يريد مهاجم ...
اعتقد حتى اذا وافق ع جلب صانع لعب ماراح يعرف يوظفه صح او ماراح يلعب اساسي ...
الله يعيننا ويصبرنا ...
عواااافي ...

ما الفااااائدة من مهاجم بدون صانع لعب

على عز السلهوب ونواف التمياط كان عندنا كماتشو

ثم التايب ومن بعده نفيز ... ومن بعدها دجينا بهرماش وطقته

عندي احساسين

واحد منهم يقول ان المدرب بيجيب العيد في اسيا واخرتها بتطرده الادارة وتوعد الموسم المقبل ( وهي الحكم بالنسبة لنا لانها هي المطلوبة اما الباقي كل مرة نجيبه او نوصل مراحل نهائية )

واحساس يقول ان المدرب هذا داج وربي داج

ماعندي احساس غير كذا
عجزت احس ب غير كذا ياناس
والله انه داج داج داج

فيه فريق يخلص الدور الاول مع كم مباراة خارج الدوري وهو ماثبت على تشكيلة وكل شوي يغير اماكن اللاعبين ؟

انا خايف من اسيا هالسنة ذي مانبي تضيع علينا !!
معنا اقوى الاندية ونبي ننافسها ونكسحها ب ثلاثية في كل مباراة مثل 2010 !
والله حرام هالوقت يروح مع هالمدرب !

المشكلة انه مقتنع في طريقته انه يغير التشكيلة كل مباراة !
ياخي مافي مدرب على وجه الارض يسوي مثل ماتسوي !

يعني انت بتصير السبشل ون حق الكورة وبتثبت انه تغيير التشكيلة هذا شيء كويس ؟

انقذونا يا ادارة ترا المدرب مش مدرب ! سباك اصرف

بصراحه التغريدات لا تبشر بخير لكن وش نقول الله يصلح الامور شكرا لك

الله يستر وبالتوووفيق للزعيــــــــــــم

،،

أتفق معك في كل حرف

المدرب جاااهل والاداااره مش ولا بد ،،،

لا يوجد صانع لعب غير الشلهوب وممسكه الدكه !!!

الحمد لله على العاافيه

،،،

يعطيكك العافيهه
باالتوفيق ل هلالنااا

الظاهر انتم ماينفع لكم الا رئيس مثل فيصل بن تركي ..
اجل مع كل اللي سواه لكم عبدالرحمن بن مساعد ماقدرتو عمله لكن الغلط غلطته اللي رفع من طموحكم يدفع كاكثر رئيس مر على الهلال وفوق هذا كله مايلقى منكم الا الجحود .. فعلا آبن ادم مايملى عينه الا التراب ...

الفريق الان وصيف الدوري وعنده فترة راحة وراح تتصلح الامور وانتم كل واحد مسوي فيها فاهم .. ويتفلسف من مخه .. المفروض نشوفكم بالمدرجات تدعمون الفريق واكثركم من المنتدى الى التويتر ويجي يتلفسف هنا ...

ماقول الا رحم الله الجماهير المرجله الطيبين اللي كانو على الحلوه والمره مع الهلال
ويفكنا الله من جماهير الطواقي اللي اشغلتنا بافكار لاتقدم الا الوجع .. اتمنى ان الاداره تبتعد والله مو كرها فيها الا انكم مانتو كفو رئيس مثل عبدالرحمن بن مساعد وشوف من بعده عنده قدره يجي مكانه ويدفع مثله ... عشان تعرفون قيمة هذا الانسان واللي يضحيه لجل النادي اللي اشك وبقوه انكم مشجعينه ...