|
فعلا جماهير الهلال مغلوب على امرها ... بعد التحية والتقدير للزعماء كافة .. الجميع لاحظ بعد انتقال الفريدي وهوساوي التطبيل الاعلامي الكبير جدا للادارة وخصوصا من الفراج وبتال وبعض صحافة الادارة من الاعلام الازرق .. بأن الهلال في يناير سوف يكتسح الصفقات ومش اي صفقات سوبر ستار بعد ان اوهمونا باسامة المولد وغيره من النجوم المحليين ولاعبين محترفين محور وصانع لعب على مستوى عالي وملفاتهم منتهية .. يخرج علينا رئيسنا الداهية البارح يوصرح بتلميح بقاء الاجانب .. الهلال وضعه الفني لا يحتاج لقناعة كمبوارية قصانع اللعب والمحور مشكلة واضحة للعيان .... ممكن اتقبل اصرار المدرب على بقاء منقان .. ولكن اصراره على عدم الحاجة لصانع لعب .. هذا تخريف فني وليست نظرة فنية من يشاهد الهلال الان يدرك انه عاجز فنينا .. ويلعب على فورمة نجومه متى ماكانوا رائقين الهلال رائق .. اما بصمة مدرب .. لا والف لا .. اتحدى تحضرون لي ثلاث مباريات للهلال بتشكيلة ثابته ... مدرب وصلنا معه للجولة 16 من الدوري فضلا عن مباريات الاسيوية وايضا ولي العهد .. وهو لا يعرف امكانيات فريقه .. ادارة لا تفقه بالامور الفنية ... ومدرب لديه قناعات غريبة عجيبه .. ولكن اذا استمروا على قناعاتهم صدقوني لن نتجاوز المجموعة الاسيوية . جميع الفرق مستوياتها متدهورة .. والدليل الفتح متصدر بقوة والنصر ينافس .. الفرق الكبيرة تلعب بسمعتها فقط .. والا بهذا المستوى في ظل تعافي الفرق لن ننافس حتى على الرابع . |
الله يصبرنا على المدرب والادارة تكرر التخبط |
المصيبة الكبرى ان الامير عبدالرحمن بن مساعد سعيد بعمل المدرب وياخذ راية بالمحترفين الاجانب راح تكون كارثية فى اسيا امام العين والريان والاستقلال ومالفائدة من اللغاء عقد المدرب بذيك الفترة بعد ماتقفلت الانتقالات الشتوى كارثة لو تسائلون اصغر مشجع هلالى مامشكلة فريقك ياعزيزى راح يقلكم وبكل براءة 1/ صانع لعب مكان عادل الهرماش لانة لايوجد صانع لعب بالهلال بعد رحيل الفريدى 2/محور دفاعى مكان يونغ سو لان لسنا بحاجة الى يونغ سو الموجودين فيهم الخير والبركة 3/ التعاقد مع مدافع محلى ومهاجم محلى على مستوى عالى ولو على سبيل الاعارة لاسيا وبس هذا مايحتاجة الهلال الفترة القادمة بدون فلسلفة ولا كلام كثير وافضل من الان الغاء عقد المدرب ياناس والله مفلس وراح يجيب العيد فى اسيا وتذكروا مشاركتى هذا فى اسيا لن لعب امام الفتح وامام نجران والفيصلى والخ ... اللى فوزنا عليهم مباركة ومجهود وخبرة لاعبينا وليس تكتيك المدرب من الان فى وقت الى الالغاء عقد المدرب وتعين المدرب الاولمبى زلاتكو او اعادة سامى الجابر اعتقد الفترة كافية جدا لاعداد الهلال الفترة المقبلة ماجد |
تعرفوا الحل النسب الاستغناء عن الداهيه كمبواريه وجلب زلاتكو للفريق الاول ... لان الجميع يعرف مشكلة الفريق ماعدا المدرب ... محتاجين محور دفاعي وصانع لعب ... مدربنا مايبغا صانع لعب يريد مهاجم ... اعتقد حتى اذا وافق ع جلب صانع لعب ماراح يعرف يوظفه صح او ماراح يلعب اساسي ... الله يعيننا ويصبرنا ... عواااافي ... |
آلله يسستر بعد فترة التوقف نشوف وش الجديد .. |
ما الفااااائدة من مهاجم بدون صانع لعب على عز السلهوب ونواف التمياط كان عندنا كماتشو ثم التايب ومن بعده نفيز ... ومن بعدها دجينا بهرماش وطقته |
رايك ياعزيزي هو رأئي كل مشجع هلالي بصراحه كنت متوقع الامور تتعدل بس مدري الاداره تستهبل ولا السالفه عناد مستحيل كل العالم متفقين على شي الا الاداره والمدرب يشوفون شي مانشوفه |
ههههههههههههههههه هلال زمان كان يسعدنا ببطولاته ومستوياته اما هلال الحاضر فهو يضحكنا بقرارات ادارته والتي تعتبر اغبى اداره مرت على الهلال يارب يفكنا منها وااااااااااهـ يالزرق بالمختصر الاداره تعبث بتاريخ الهلال |
عندي احساسين واحد منهم يقول ان المدرب بيجيب العيد في اسيا واخرتها بتطرده الادارة وتوعد الموسم المقبل ( وهي الحكم بالنسبة لنا لانها هي المطلوبة اما الباقي كل مرة نجيبه او نوصل مراحل نهائية ) واحساس يقول ان المدرب هذا داج وربي داج ماعندي احساس غير كذا عجزت احس ب غير كذا ياناس والله انه داج داج داج فيه فريق يخلص الدور الاول مع كم مباراة خارج الدوري وهو ماثبت على تشكيلة وكل شوي يغير اماكن اللاعبين ؟ انا خايف من اسيا هالسنة ذي مانبي تضيع علينا !! معنا اقوى الاندية ونبي ننافسها ونكسحها ب ثلاثية في كل مباراة مثل 2010 ! والله حرام هالوقت يروح مع هالمدرب ! المشكلة انه مقتنع في طريقته انه يغير التشكيلة كل مباراة ! ياخي مافي مدرب على وجه الارض يسوي مثل ماتسوي ! يعني انت بتصير السبشل ون حق الكورة وبتثبت انه تغيير التشكيلة هذا شيء كويس ؟ انقذونا يا ادارة ترا المدرب مش مدرب ! سباك اصرف |
بصراحه التغريدات لا تبشر بخير لكن وش نقول الله يصلح الامور شكرا لك |
الله يستر وبالتوووفيق للزعيــــــــــــم |
رحيل يو بيونج و عادل هرماش و التعاقد مع صانع العاب و محور هو المطلوب الان هذي الاعمى يشوفهآ .. بلاش مكابره شبيه الريح جمهور الزعيم هم وقوووودك بعد الله فلاتخسرهم بتخبطات كمبواريه |
،، أتفق معك في كل حرف المدرب جاااهل والاداااره مش ولا بد ،،، لا يوجد صانع لعب غير الشلهوب وممسكه الدكه !!! الحمد لله على العاافيه ،،، |
يعطيكك العافيهه باالتوفيق ل هلالنااا |
الله يبرد قلبك مثل مابردت حرتي من اول اتكلم والبزوره اللي ناذره من نفسها مكتتب محاماه عن الاداره الفاشله يعارضون كلامنا وكأننا نكره الهلال . الله المستعان..الاداره الحاليه اسوء واغبى ادراه مرت على الهلال بعد ادارة عبدالله بن مساعد طبعا اللي يغبن ان الرئيس معجب بفكر المفلس كومباريه ومسلمه الخيط والمخيط؟ معقوله ياناس الابقاء على الكوري وعدم جلب صانع لعب؟ معقووله ندخل اسيا 2013 بدون محور دفاعي ؟ من جدهم ذولي والا يستهبلون؟ وزياده عن التفريط بالنجوم هو جلب المفلسين يعني عادي المحياني والحارثي يروحون ويجينا السالم ؟ فعلا عش دهرا ترا عجبا.. |
| الوقت المعتمد في المنتدى بتوقيت جرينتش +3.
الوقت الان » 09:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd