الفتح : يمشي ع خطوات ( جيرتس ) .. - نادي الهلال السعودي - شبكة الزعيم

خلايـآ مدمرة · #1 14/12/2012, 04:28 PM

السلام عليكم ورحمة الله وبركاته ..

الموضوع واضح من العنوان ..

انا مدري وش اقول .. بس زي ماتشوفون ان قوه ( الفتح ) القادمون من الخلف ..

والهجمه المرتده ..

مدري الى الان الادارة مقتنعه بما يقدمونه لنا ( الاجانب ) في الملعب ..

اذا كان محور مايقدر يجاري ويركظ في الهجمه المرتده ..
ويكون اللاعب الخصم اسرع منه .. ما الفائده من المحور ..

والله يـ اداره 60 الف مره نلاحظ المشاكل اذا كانت الاداره مقتعه بما يقدمه المدرب ..

من الانديه المحبطه نفسيا من بطوله ابطال اسيا كـ 0 الاهلي الاتحاد وما قدمه الهلال معهم ..

فهي غلطانـــــــــــــــــه ..

اذا تكتيك .. زي الفتح .. يكرر السيناريو .. الي لعب فيه في ( الرياض ) ...

يكرره هنا ولا عرفت تقراءا لمبارااه ..

RAFA REAL · #2 14/12/2012, 05:24 PM

يا اخي نفسي اعرف ليه شاب على الاجانب وبس
طول ما جمهور الهلال وهدا تفكيره عمرنا مانحقق اسيا
ترى الفتح لاعب بثلاثة محترفين واحنا باربعة
لكن الفرق الاعبين المحليين شوف الانسجام كيف في الفتح
والهلال الى الان يعتمد على الزوري والقرني والمرشدي
وربي يالفهيد افضل من القرني بالف مرة
لكن جمهور الفتح ماينفخون لاعبيهم

.Mohammed# · #3 14/12/2012, 05:26 PM

مثل م قآل آخونآ آللي فوق .. لآعبين الفتح منسجمين مع بعض لثبآت التشكيلهه ..

آمآ مدربنآ آلسسَبببآآك كل مباراه تشكيلهه كيف تبي يظهر مستوى الفريق واللاعبين !

الحمدلله اني هلالي.! · #4 14/12/2012, 05:51 PM

المدرب هو اللي ماأوجد الانسسجاام في لعيييبتناا
لازم المدرب يثبت على تشكييلةة معينةة

بني شهر · #5 14/12/2012, 06:15 PM

الثبات من اهم اسباب الانسجام بين الاعبين
وهذا ما يفقده الهلال
مبروك للفتح وهارد لك للزعيم

hilal99 · #6 14/12/2012, 06:17 PM

ادع بسلامة هرماش

بارك الله فيك

الفتح وضع كل جهده انتظر القادم

وسترى الفتح على حقيقته

سعود الازرق · #7 14/12/2012, 06:18 PM

لقد كتبت سابقا عن هذا المدرب الفاشل وحددت مواقع الخلل (هو أصلا كله خلل)

على الادارة أما أن تقر بفشل هذا المدرب أو ترحل!!!!!

نحن نعرف أنه في الغد سوف يخرج عدة لاعبين يمدحون هذا المدرب بأمر

الرئيس!!! وأن اللاعبين هم سبب الخسارة!!!!.

أي فريق تكتيكي سوف يهزم الهلال وبسهولة وذكرت هذا سابقا.

وتحديدا من شهر رمضان ,,,,,,,,

هل مازال التدوير في اللاعبين فكرة هذا المدرب الضائع جيده للهلال؟!!! ونحن في وقت الحصاد!!!!!!!!

يا ابن مساعد نحن بحاجة أفعال و أول فعل صحيح هو إعفاء هذا المدرب ......

كان يجب طرد هذا المدرب بعد أولسان مباشرة

رائد البلادي · #8 14/12/2012, 06:20 PM

كل مباراه بتشكيله كيف تبي الفريق ينسجم

مدرب ماتعرف له كيف

يلا مبروك الفتح يستاهل وهاردلك لنا

هلاليـ 9 انتراوي · #9 14/12/2012, 06:28 PM

كومباريه اخطا لما بدا بالغنام على حساب الفرج ولكن المفروض مانحط اللوم على المدرب..
وجهة نظري ان هرماش والكوري مكانهم خارج الزعيم..

عبودي الجهني · #10 14/12/2012, 06:49 PM

انا ما الوم المدرب الوم من مسكه زمام الفريق

ست اشهر عاطل ولا احد فكر فيه ويجيء امير الغفله يتعاقد معه وهو يدري ان ما برأسه شيء بس عن قولت جبنا مدرب وسوينا اللي علينا

ويطلع ويصرح تصريح خبيث على اكشن يا دوري ويقول ندمت على اقالة " دول " بنص الموسم يعنى انسوا انه بيطير كمبواريه ,, فهمتوا!!

انا الحين ما ادري ليه الامير متعب نفسسسه بامر المدرب يا اخي عندك ""كوزمين"" ليه ما نرجعه للفريق !!

قسمن عظمن مدرب تكتيكي مثله ما راح تلاقي وهو ضالت وهو من راح يجيب لك اسيا وكل البطولات

خلايـآ مدمرة · #11 14/12/2012, 07:15 PM

إقتباس


	يا اخي نفسي اعرف ليه شاب على الاجانب وبس طول ما جمهور الهلال وهدا تفكيره عمرنا مانحقق اسيا ترى الفتح لاعب بثلاثة محترفين واحنا باربعة لكن الفرق الاعبين المحليين شوف الانسجام كيف في الفتح والهلال الى الان يعتمد على الزوري والقرني والمرشدي وربي يالفهيد افضل من القرني بالف مرة لكن جمهور الفتح ماينفخون لاعبيهم

يابن الحلال انا .. ما شبيت ع الاجانب انا .. اقيم ع الاداء الي اشوفه في الملعب . .

انت لو انك تشوف المباراه وتشوف .. معدل السرعه في ( المحور ) . = عادل هرماش ..

وبين الكره المرتده من ( نادي الفتح ) ...

قسم بالله .. مايردهم الا خط الكورنر مافي لاعب يوقفهم .. ( سرعه ) ..

يعني اذا كان المحور لا يتملك السرعه ..

وش نبي فيه .. خاصه في الكرات المرتده الي يعتمد عليها الفتح .. واصلن واضح طريقه لعب الفتح ..

بعدين اذا كنت تقراء لـ مبارياات .. لو تشوف ( مانغان ) .. والله يصلح مشروع ( محـــور ) ..

قسم بالله احسن من انه يكون ( دفاع ) ....

وهذا رأي ومقتنع فيه ..

وراح انزل عليه موضوع ونشوف تقييم ( الهلاليين ) .. فيه ..

اداءه ابهرني اليوم كـ محور احسن من انه قلب دفاع ..

والحين ابي ارجع لك لـ النقطه رقم ( 1 ) الا وهي ( الاجانب ) ترى مابدع فيهم الاجانب الا

( ويسلي ) فقط .. لـ غير و ( مانغان ) كـ محور

( هرماش + الكوري ) = الانتقالات الشتويه تنتظرهم .
نبي لنا .. محور صح ( صانع لعب ).. بس ..

خلايـآ مدمرة · #12 14/12/2012, 07:20 PM

والله الاحظ كثره كلام ( الانسجام ) في خساره اليوم ..

يابن الحلال .. كأنك تقوول ان ( العابد ) .. والزوري .. و الفرج .. مالعبو الا اليوم .مع بعض .؟

وش الانسجام الي تتكلم عليــــــــــــه . ترى منسجمين مع بعض اكثر من انك تنسجم في المباراه ..

الموضوع كله في ( التوظيف ) ... . مافي توظيف لاعبين في مراكزهم المفضله .. ترى المدرب ..

يلعب اليوم كأنه يلعب .. ( كيرم ) .. التبديلات عنده زي ( شاهي ابو 4 ) .. لا كان خسران حذف كل الاوراق ..

لو ان الاوراق ذي مدخلها من الشوط الاول . كان نقول انك مدرب .
شارك لي بـ ( العابد + عبدالعزيز الدوسري ) مع بعض بدايه الشوط الاول ..وخل لي ياسر الشهراني احتياط ... وثبت ( الزوري ) في الدفاع لـ ( الكرات المرتده ) .. الي يعتمدون عليها الفتح ..

والله لو بـ افتح لك مشروع ( خطه ارسمها لك ) .. رسم .. بتقول ذا جاي ( يتفلسف علينا ) ..

بس وش نقوول .. انا والله ادري ومتأكد مستحيل ناخذ الدوري كذا ..

انتظر وش اخرتها مع ( الانتقالات الشتويه ) اذا فيه ( شيء نار ) .. تواصلنا وطاردنا وراء الزعيم .. .

مافي شيء .. احسن لي .. اكتم ( العبرات ) .. واجلس لين تجي اداره زي الناس تشوف وش متطلبات .. الجماهير ..

تعبنا وحنا نوجه .. الناس متفتحه ترى وتفهم كوره ..

!هلالي · #13 14/12/2012, 07:24 PM

هرماش والكوري تكفووون برا برا على حسابي .

al-jouf · #14 14/12/2012, 07:27 PM

مدربنا ماينعرف لهه !!

مره فوق ومره تحت هي حظ ولا ....!!