نعم المدرب ماشيه معه بالبركه وباجتهادات بعض اللاعبين فالمدرب كل مباره يخبص
بالتشكيله فتاره يجرب الزوري مكان المرشدي وتارة يضع نامي مكان البيشي واخرى
يضع الشهراني وسطا واحيانا في احد الاظهره وهل تعلم الاداره بان عقد اللاعب هو اعاره وعندما نحسب فترات لعبه فهي قليله مقارنة بجلوسه على دكة الاحتياط
ثم ناتي للوسط الضائع فالجميع حتى الاعمى يشاهد انخفاض حاد لمستوى عبدالعزيز ورغم ذلك يشركه فمن الافضل تركيعه بالدكه واعطاء الفرصه لسالم الدوسري ..
والمحاور يتم تغيرها من مبارة الى مبارة والهجوم ايضا هناك تدوير لايطاق ويجعل التجانس بين اللاعبين يخف .. اذن المدرب يعمل ولايدري ماذا يعمل ويفكر انه انجز
زعيمنا ضائع ولانضحك على بعض فجميع فرق زين تمر بانحدار وفوزنا عليهم بمجهودات بعض اللاعبين وسيكون الفتح هو المحك عندما نقابله بالاحساء . . .



ومضــــــــــــات :________

يادارة انتي غائبه عن الفريق ولاوجود لكي الا عن طريق تويتر على الاقل لاتجعلي المدرب يخبص هكذا . . .
_ يادارة بلاش مجاملات فاسامه المولد يحق له الانتقال بحكم النظام فلماذا لاتوجهي له عرض حتى لو بغرض رفع قيمته حتى تحترم الادارة الاتحاديه الميثاق
_ الهلال بحاجه الى صانع لعب يمين وليكن بدلا هرماش
_ الكوري اضحوكه وعرفنا انه مقلب نبي احد غيره معقوله لاعب يضيع فرص بهالكم ومازلنا متمسكين به من جد ايعقل
_ سامي عبدالله الجابر رجل المرحله المقبله يابن مساعد يريد منك الفرصه



تحياتي للجميع

اتفق معك اخي الكريم
في بدايته مع الفريق كان الامر مقبول اما الان ولازال يجرب فهذه مشكلة فيه ستؤثر على اداء الفؤيق اوقات الحسم

الهلال افضل من بداية الدوري قاعد يتحسن بس اهم شي الاستقرار لازم المدرب يكون تشكيله مستقره والابقاء على الاجانب عدا الكوري يغيرونه بس

اذا حضرت للمدرج لك حق للنقد وشكرا بتوفيق للهلالنا. ....

كل مباراة لها خطة و تشكيلة. هل برشلونه اليوم يلعب مع بنفيكا بنفس الاسماء اللي يلعب بها في مباراة اخرى. دعوا المدرب و خلونا في التشجيع.

ليس تغيير التشكيلة في الفريق سبب هبوط المستوى هناك أسباب كثير لذالك ومنها :

١- كثره التوقفات في الدوري .. وعاد عد واغلط كم توقفنا من بدايه الدوري .
٢- عدم الانضباط من اللاعبين في الملعب ورسم التكتيك اللي يضعه المدرب ..شوف الفرق بين مباراتنا
مع الاهلي و هجر وتعرف وش اللي اقصده .
٣- الدعم المعنوي للاعبين من الجمهور ما شفنا شي حضور لا يقارن بالحضور قبل سنتين إلا النقد
اللي ضيع الفريق .

المدرب يبغى يستفيد من جميع اللاعبين دون استثناء وقال لها في المؤتمر الصحفي انه يبحث
عن الاعب المثالي اللي يؤدي دوره على أكمل وجهه وعاد البطولات وتوقيتها ملخبط لو ظل على
تشكيل معين راح يرهق اللاعبين و لا يكمل الدوري إلا وتسمع ذا جاه شد وذا جاه أصابه مزمنة لا سمح الله
المدرب عارف وش يبغى خلوه وانتقدوه بعد نهايه الموسم

ما ضيعنا إلا المطالبات جب هذا ود هذا وانت جالس وغيرك يشتغل ادعم الفريق فبعد انتهاء الدوري
لك الحرية في النقد و الطلب ...


تحياتي

إقتباس اذا حضرت للمدرج لك حق للنقد وشكرا بتوفيق للهلالنا. ....

تستاااهل لاايك
ياخي تقعدون تتنتقدون
انتقد الجهور الي لو اني لاعب كان انسدحت ورقدت :p

ال مستور حاول لو سمحت تكتب باللغة العربية

المشكله انكم تقولون احضروا ومن هالكلام ......

انا اولا لافوت اي مبارة للزعيم ومعه بالسراء والضراء

ولكن مايحصل من تدوير لم يحصل للهلال منذو عرفي القديم به

مدرب داق خشم الشباب والأهلي والنصر وبيلحق بهم الإتحاد ان شاء الله بنتائج ثقيلة..وتقول لي الطاسة ضايعة

لكن صدقت أختنا