[ALIGN=CENTER][SOUND]http://www.mohammed-abdu.com/ra/ba7al3aza.ram[/SOUND][/ALIGN]

صباح اليوم الخميس .. ماجانيش نوم .. بعد صلاة الفجر والجو كان جداً حلو خصوصاً وأن الرياض كل اليومين اللي راحو والمطر ماتوقف .. فكرت أمر الدرعية البهية وأشوف السد خصوصاً وأني متأكد بأنه راح يكون فاضي من هالناس بحكم ان الوقت صباح خميس والعالم تحتريه لها اسبوع عشان تنام صح ، وانا بيني وبينكم أحب مثل هالأمكان اللي تكون فاضية وهادية .. عموما أخذت لي يجي 50 صورة متنوعة .. وقلت أعرض شوي منها في الشبكة ، منها تشجيعاً على السياحة الداخلية ( تراني اسمع فيها ولا ادري وشي ) ، والأمر الثاني عرض الصور في الموقع يمكن يزيد شعبية عشاق التصوير في المنتدى ، طبعاً الدعوى هواية لا أكثر ولا أقل ولا يجي أحد يستلم الصور نقد .. لان السالفة كلها هوية في هواية . ( أنا داري ان البارق بيجي يشرح لي شوي عن سرعة الغالق ، ويزيد بيطلع عيوب العدسة .... بس من الحين ماعلي منهم لأني هاوي .. اذا وقعت عقد احترافي يحق لكم بعدين ) ..


ما أطول عليكم .. هذي صور السد :
[ALIGN=CENTER]












هذي الصورة من أعلى السد [/ALIGN]




[ALIGN=CENTER]
يمكن ماحد يصدق أن هالصور طبيعية من دون تأثير .. أعجبني شكل هالنبتة طالعة من وسط الموية قمت وصورتها ..



هذي دليل ان الصورة بدون تأثيرات .. خذت حصاة ورميتها ثم صورت على طول وطلع هالتأثير



واحد ماشاء الله مروق وجايب فطور ودنيا وشاهي واختار هالمكان الرايق .. صورته من فوق السد وفي الاخير سلم علي وعزمني ماقصر بس اعتذرت منه لان منتدى الطبخ عندنا في شبكة الزعيم صبح الخميس يبدعون فيه بشكل غير طبيعي [/ALIGN]

[ALIGN=CENTER][/ALIGN]سبحان الله هالشجرة تصارع من أجل البقاء .. جذورها متمسكة في الأرض كأنه واحد متعلق بيديه مايبغى يطيح .. ويبدو أن شكلها خلاص .. بتروح فيها .




عموما .. ياشباب أنا أنصحكم تروحون للسد هاليومين وخاصة وقت الفجر .. بصراحة وقت من أروع ما يكون خصوصاً وأن طريق السد والله يفتح النفس من جد .. كله نخيل وأشجار يمكن تشم هواء في هالشارع تحلم فيه بعدين .. بصراحة انا ما أجامل ويابخت من هو ساكن هناك ;) ..
الشاهد .. وانا راجع كل أصور فيديو هالمرة للشارع بس عاد لاتلوموني لأن أسوق وأصور في نفس الوقت لذلك من الطبيعي يصير فيه اهتزاز ( ياهو هالولد خايف من النقد من جد ) ..

الملف الأول حجمه : 990k
http://www.alzaeem.com/news/4831/24-04-2003/dr1.MPG

الملف الثاني حجمه : 670k
http://www.alzaeem.com/news/4831/24-04-2003/dr2.MPG


تحياتي
الإعصار
8.30 صباح الخميس

يعطيك الف عافيه على هالصور الرائع وصراحة صوره الشجره مانقدر نقول غير




ســــــــــــــــــــبـــــــــــــــــــــــــحـــــــــــــــــــــــــــــــــان الله

[ALIGN=CENTER]الاعصار هوووون,,,
الاعصار بووووووه,,,
الاعصار بذا,,,,,
الاعصار هنيااا....

يالله حيووووه ما صدقنا نشوف لك موضوع

ورايق بعد حاط ابونورة

عاااد تصدق الفطور خلص
ما لك الا تلحق خويك قبل ما يخلص الفطور


تحياتي
الإعصار
8.30 صباح الخميس
هلا اعصار الساعة ثمان ونص الخميس


اما السياحة فاحسن سياحة بارجاء المنتدى

ويسلمووووو على الصور الرائعة والاغنية الاحلى لابو نورة

تحياتي
صمت العيون™[/ALIGN]

روميو - هلالي الجوف - صمتوه شكراً لكم على هالردود السريعة

إلا وش رايكم ياشباب .. بعد هالموضوع تتوقعون يحطوني مشرف ؟

على طاري الابتسامات الجديدة .. ماتحسون ان هذا هو أبو سليمان ماغيره !


<=== عز الله اللي توقف يوزره

أخوي الإعصار مشكووووور على هاللقطات الحلوة ..

بس ..

مفروض إنك مريت على المنتدى قبل ما تروح .. لأن كان ودنا نخاويك <<< لزقة
لو قلتلي كان ضبطت لك ((المقلقل)) ..!! بس مالك في الطيب نصيب

تحياتي ..

[ALIGN=CENTER]الإعصار .. شكل الموضوع مكرر .. وأنا تحكني يدي ودي أقفله ..

وش هالتصوير يالهاوي .. بعدين ترى سرعة الغالق مرة سريعة والدليل إن الصور عليها ( غبش ) <---- الله من زين النقد..

بسم الله ما شاء الله .. عاد التصوير مرة رااااايق .. مثل روقان اللي رايح من فجر الله يتمشى .. لا وبلحاله بعد..

أنا عارف إنك داق علي بس جوالي مقفل .. لأنك مستحيل تروح هالأماكن ولا تعلمني

<----- من جد ماكل بنفسه مقلب..

[HR]

بصراحة عاد أسمع بسد الدرعية ولا قد شفته .. وبالصور اللي جبت والمقطع اللي حطيت .. شوقتنا نروح..

منظر هادي وجميل .. ويا حظ من هو ساكن عنده ;)..



بعد التدقيق .. لقينا هذا أبو الذهب .. رايح عشان يفطر بعدين يمارس هوايته " صيد الأسماك ".. ليتك والله مفطر معه..بس عاد ترى فطوره دجاج شواية مع نفرين بخاري ..

على العموم .. والله موضوع ممتاز بفكرته وبصوره وبراعيـــــه...;)


تقبل كل الشكر والتقدير إعصار باشا..


وللجميع تحياتي ،،،

أخوكم / البارق[/ALIGN]

ما شاء الله عليك اخوي الإعصار

صور رووووووعه وخيااااااال ,,

نبغاكم كذا ما تروحون مكان إلا تجيبون لنا صور له

وألف شكر لك

تحياتي لك و للجميع ,,

ههههههههههههههاي

أنواع المسكات يا الإعصار

بس مسكة رااااااايقة

كنك أنا

دورني عند الهدوء والطبيعة الحلوة بس ما مسكت معي سدود أبد

يمكن لأني في سد خلقة

<--- من سكان شرق الرياض

رح جعلك عقب هالصور إن يطيح هالموضوع بوجه وزير الإعلام السعودي

ويخليك مصور رئيسي بس مهوب مصوّر سدود وطبيعة لأ... مصوّر مجلس الوزراء

الله يوسّع صدرك وصدر اللي يفطر بلحاله بالعافية

ويلوموني بالفول اللي يطلع هالمواهب وخصوصاً صبيحة مباراة الهلال بالنصر ...


شكراً يا رائع ...

لو بالشبكة عشرة إعصار [ كان سلم الصحّاف نفسه على طول ]

<--- لا تلومه مواصل وشاف سدّ ..

الحاتمي ...

مـــن مــر هـــنـــا .....

مرحبا اخوي الإعصار

نسيت اقول لك اني الصبح ما جاني النوم

وي وي

الاعصار حضر



انشاء الله الهلالي يفوز اليوم <===== ايش دخل امها في السالفه



مشكور على الصور الرايقه يارايق ياسفن اب <========= قاعد يستهبل على الاداره شكله بينطرد

ههههههههه


ونتمنى تتواصل معنا

[ALIGN=CENTER]الاعصار هنا

يالله حيه وانا اقوووول المجلس منور

الصووووور رهيبة والله

يعطيك العافية اخوي الاعصار....[/ALIGN]

ما شاء الله يا حظ السد شاف الإعصار !!!!!!!