ياحبي انت حتى الحكام بعد ماهم كفو يصيحونك ،،
وبالنسبه لردودي معك حق. انا صار لي اكثر من خمس سنين وانا اتكلم بحياد وبواقعيه حتى على اليوفي
وكنا نناقش بكل حياد وواقعيه لكن للاسف انصدمت من بعض الردود هنا والمكابر والدق من تحت لتحت
واكتشفت ان بعض الاشخاص وانت على رأسهم مايهتمون بالصراحه ومعتبرين فريقهم فوق النقد فا ليش اتعب نفسي بنقاش عقيم ؟ فيه اشخاص هنا يتكلمون بكل صراحه ويتركون التحيز وهالاشخاص بس الي ارد عليهم واناقشهم عن الامور الفنيه لأني متأكد انه بيكون نقاش له فايده حتى لو ماحد اقتنع بكلام الثاني،،
لكن اقول الفريق سيئ ويقولي العام وانتم كنتو ويتشعب الموضوع هذا مايبي احد يناقشه ومقفل مخه،، لا تستغرب لو صار ردي كذا لاني امشي معك على نفس السيستم
فيه هنا ناس اكره ما يشوفون اليوفي بس يتكلمون بواقعيه حتى على انديتهم .
انت كشخص احترمك واخ عزيز وغالي ...
-----
روما انظلم اليوم بهدف تسلل لاودينيزي حتى بلنتي اودني مشكوك بصحته وماشوف احد قال نادي الرشاوي؟
بلنتي لكييفو لبيليسر قدام نابولي ما انحسب ولا شفنا صياح ونياح؟
انتر جاب هدف تسلل اليوم وماشفنا صياح ونياح ؟
حتى بمباراة بارما فيه زرف لهدف صحيح
حتى برا الدوري الايطالي تشيلسي انزرف بهدف تسلل وانطرد توريس ظلم هل يعني المان نادي الرشاوي؟
ونسيت اقول هدف الميلان التسلل وبلنتي باتو مع اني ماشفته بس ابعتبره بلنتي ونقول انزرفتو
وبلنتيين لليوفي مانحسبن
خلاصة الكلام الاخطاء التحكيميه موجوده وواضحه لكن فقط اليوفي الي نادي رشاوي ؟ اقدر كره البعض لليوفي بس مايعني انه يعمي العقل ،،
انا اعلن رسميا برائتي من هـ الشايب ! قناعات اقل مايقال عنها غبيه ! الفريق عناصريا اكثر من ممتاز ! الفريق لو كان مع مدرب كفو مستحيل نشوفه بهـ الحال على الاقل بتلقاه ورا الانتر ونابولي اغلبيه العناصر ادائهم اكثر ممتاز من اوزفالدو الى كاستان كيف نخسر أجل ؟ بسبب قناعات فنيه غبيه وتنظيم دفاعي كارثي او عبط مدرب طلب لاعب بالاسم والى اليوم يكابر ويشركه كل مباراه وليته مركز مايأثر المحور ! اتكلم عن تاكسي طبعا ، وتراي ماتكلمت عن ابعاده لبورديسو لانه مايتفق معه بالافكار !!! ، زيمان حسبي الله عليك اليوم ماله اي حق ان تكلم بعدا لمباراه عن اللاعبين
إقتباس
خلاصة الكلام الاخطاء التحكيميه موجوده وواضحه لكن فقط اليوفي الي نادي رشاوي ؟ اقدر كره البعض لليوفي بس مايعني انه يعمي العقل ،،
بما انك بالصداره موب واقف الكلام هنا وبيكمل الى اخر الموسم ولو صارت معجزه واليوفي صار الثاني وفريق آخر اخذ الاول بنسمع نفس الكلام منكم عليه يعني الزبده اللي بالصدره يتحمل الكلام اللي يجيه
تحكيم الكالتشيو بكبرهه زفت
لكن الي يرفع الضغط الي يجونكك انه بس اليوفي
الانتر الجولةة الي راحت ويقولون اليوم بعد ! وميلان البارح ومحد قال شي
يضرب اللاعب ولاعب يلمس الكورهه معتمد بيدهه ولاعب يشيل رجل من ورا ولا تبيه يعطي اصفر !
اوكي لهم بلنتي وهدف !
واليوفي له بلنتين لكيليني ولبوغبا وبدايةة الشوط الثاني فيه انفرادهه للأبو بندر واحتسبها تسلل !
عموما ع طاري ابو بندر
اللاعب ك اول مبارات حلو تحركاته وتمركزهه وعندهه ارتقاء عالي اتمنى اشوفةة اكثر
واستغرب المدرب فضل فوزي ع جوفينكو !
جوفينكو اخر مباراتين افضل مباراتين قدمها بحياته مع اليوفي ! وتجي الثالثةة تلعبةة احتياط !
دخل جوفينكو سو للنفسةة كورتين ولا احلى ومفروض يدخل مع بدايةة الطرد خاصةة إنه صار مساحات وشوارع بالملعب وعشق جوفينكو المساحات
روما بيضيع مع ذا المخرف عندهه نجوم لكن فيه سبيكه تاكي جنب الخط م يعرف يوظف اللاعبين
* الميلانيةة الي زعلآنين ع نتيجةة مبارات اليوفي مفروض تفرحون انه خسر كاتانيا
ترا بالحآلةة ذي الفارق بينكم نقطةة وحدهه ههههههههههههههههههههههههه
واليوم الاستديو الخلصي
يوم صارت السالفةة ع اليوفي متهيض من انتهى الشوط الاول ع طول مكالمةة ع ابو الشريف خخخخخخخخخخخخخخخ
والشوط الثاني اثرهه راح يسحبةة من بيتهم وجايبةة الاستديو خخخخخخخخخخ
الجولة هذي جولة الكوارث التحكيمية !!
-هدف غير صحيح للميلان
-هدف غير صحيح لليوفي
-هدف صحيح ملغى لكاتانيا
- بلنتيين اثنين لليوفي ما انحسبوا
- هدف صحيح ملغى ل لاتسيو
- هدف صحيح ملغى لبارما
وثمان كروت حمراء الي عديتها ! واكثر من عشرين كرت اصفر تعبت وانا اعد !!!
وضع التحكيم بالكالتشيو من حفرهه للدحديرهه
عضو اللجنة الإعلاميه للرياضة العالمية رئيس رابطة ميلان
تاريخ التسجيل: 27/01/2009
مشاركات: 4,232
إقتباس
الرسالة الأصلية كتبت بواسطة هلالي فوق عن خشومهم
^
شين وقوي عين خخخ
ع طول نسو الي صار البارحح
هدف صحيح ملغي وبنفس الوقت فيه بلنتي لليوفي غير محتسب
بالتوفيق للزعيم الايطالي
اتكلم عن اليوفي واقطع فيه وانت كذالك خذ راحتك في الميلان
امام توصل انك تغلط على عضو هذا ما احد يرضى ومالك احقيه تغلط على احد وهذا امر ملاحظ منك بكثرة
.
إقتباس
الرسالة الأصلية كتبت بواسطة ســـــهم
حسنــاً .. اليوفي فآز بـ آخطآء تحكيمية لآ يمكن نكرآن هذآ آو تجآوزه ولكن التجآوز والنكرآن الحقيقي
هو عندمآ يجير فوزه الدآئم وفوزه باللقب للتحكيم , فهنآ ينقلب التجآوز إلى حقد وضغينه يحآول من يفتعلها آستفرآغ هم كبير في قلبه صنعه اليوفي .
لم ولن يكن اليوفي فريق تحكيم , ولكن هذآ قدره وهذآ مصيره لآنه الـ numper 1 في إيطآليا فـ من الطبيعي آن يكون مهآجم ومحآرب , كمآ هو الحآل مع برشلونه في آسبآنيا والذي استفآد آحيانا ( كغيره ) من التحكيم , فجيرت كل آلقآبه وسحره ومتعته للتحكيم , إنه ضريبة آن تكون بطل .
كلمآ آرتفعت الطآئرة في السمآء زآدت حولها الغيوم , كذلك اليوفي كلما آرتفع شأنه آكثر زآدت الحرب آكثر.
(())
مع احترامي لقلمك الرائع لكن ما يحدث من مهزلة تحيكيمة في الدوري الايطالي والي يصب في مصلحة اليوفي بعيد عن ما يحدث في الدوري الاسباني
***********
ازعجونا بسالفة البلنتيين الي ما انحسبو اذا على كذا الميلان امس ما انحسب له بلنتيين واحد لـ باتو والثاني دي يونغ لكن ما حدث في مباراة كاتانيا اثبت ان الكالتشيو بولي عائد لا محالة
ما حدث اليوم في ايطاليا كآفة ، و مباراة روما و اودينيزي على وجه الخصوص ، يجعل الجميع يعلم ان ايطاليا اصبحت مريضة بـ اتحآدهآ و حكآمهآ ، ما يحدث الآن هو مسيرة لـ الاخطآء الفآدحة والفادحة جداً من الحكآم ، اول مرة اتحدث بأن الحكم هو سبب خسآرة فريقي ، بالرغم من أن رومآ تضررت كثيرآ جداً من الاخطآء التحكيمية ، التي يعتبرهآ اكثر المتآبعين بـأنهآ طبيعية ، ولكن مآ يحدث لـ رومآ خصوصآ هذآ الموسم لآ يكآد الشخص العآقل يعتبرهآ أخطآء طبيعية ، صحيح اننآ قبل ثلآث سنوآت خسرنآ الاسكوديتو بـ سبب الحكآم ومبآرآة رومآ و سآمبدوريآ التي اهدت الانتر اللقب خير دليل ، ولكن بالنظر إلى مبآريآت رومآ هذا الموسم وخصوصآ التي خسرهآ او يتعآدل فيهآ النآدي الشريف اغلبهآ بـ سبب أخطآء تحكيمية ، اول مبآرآة في الدوري امام كآتآنيآ تعآدلنآ 2-2 وهدفي كآتآنيآ اتت من موآقع متسللة وفي نفس المآتش الحكم يحتسب تسللآت غريبة وغير صحيحة على مهآجمينآ ..
مبآرآة سآمبدوريآ في الالمبيكو في الجولة الخآمسة التي تعآدلنآ فيهآ الحكم لم يحتسب بلنتيين لـ رومآ وآضحتين ، والجولة السآدسة ضد اليوفي ، الجميع يعلم ما حدث فيهآ وهدفي اليوفي الآوئل غير شرعيين ..
في البآرحة امام الاودينيزي في الاولمبيكو الحكم يحتسب تسلل على لآميلآ او اوزفآلدو في الشوط الاول غير صحيح وكآد يأتي بـ هدف لـ مصلحتنآ ، غير ان لآعب اودينيزي دوميزي من المفترض ان يطرد في الشوط الاول بـ تدخلآته الهمجية الخطيرة ، غير طرد اللآعب رقم 27 بسبب بصقه على تآخسيدس ، غير البلنتي اللي فوز الاوديني الغريب والعجيب .
هل مل مآ دُون اعلاه اخطآء تحكيمية طبيعية ؟! ، ولآ نستفيد من اي خطأ تحكيمي ؟!
اترك الاجابة لكم ؟!
الله يسآمحك ، ي اللي خليتني احب الكورة ، اتمنى اعتزآلك اليوم عشان انسى ام الكورة اللي جآبت لي الهم والضغط و السكر ، فرآنشسكو
الانتر جالس يتطور بشكل كبير , خط دفاعه الافضل بالدوري اخر المباريات ,
خوان - رانوكيا , مواهب مظلمه اصبحت نجوم , رانوكيا العام مافيه اسوء منه وكان ممكن يباع الموسم هذا اخذ فرصته وحتى الآن افضل مدافع ايطالي حسب اللي شفته ,
البرازيلي كان يسمى نكبه , لعب قدام تورينو وقدّم شي خيالي وللآن مستواه للافضل , فعلاً هاللاعب اللي اشوفه يمتلك مقومات المدافع وخلال موسمين راح يكون الافضل بالعالم ,
صامويل عامل خبره مهم ووجوده بين مدافعين معدل اعمارهم 22 سنه شي ممتاز , لكن لازم يشوفون بديل لان هذا اخر موسم له
كامبياسو فعلاً الكلمات ماتوفيه , حالياً افضل لاعب وسط في ايطاليا اخر المباريات وماابالغ لو قلت العالم ,
3 مباريات 3 اسيست وهدف , متخيلين ان كل هذا يسويه لاعب 85% يميل للدفاع !
الفريق بعد يناير راح يصبح حديدي , والجميل انه صار مايتعثر ضد الانديه الصغيره ,
ع طاري التحكيم , فيه طردين لبولونيا لم تحتسب كلها كوع ع كامبياسو ورانوكيا , وهدف كامبياسو اعتقد انه تسلل ب فارق نص اصبع
المكان: ظرف مكان منصوب وعلامة نصبه الفتحة الظاهرة على آخره
مشاركات: 7,956
إقتباس
الرسالة الأصلية كتبت بواسطة s.Milandini
الله يرحم لي والديك ومن يسمع .. ركز معي شوي .. شوي بس :
فيه بلنتي لـ بآتو .. ترآ جد والله كل محللي الميديآسيت والسكآي قآلوه .. تزرف ميلآن ليه ؟
هدف الشعرآوي تسلل على أبآتي ؟ إيه أدري ومعترف بهالشيء .. لكن لنا بلنتي مزروف .. ليه مآ تملك الجرأة وتعترف بهالشيء ؟!
حظيظ .. ردودك مآ هي على خبري .. كانت أدلة وإثبآتآت .. الحين مآش
مآ ألومك يآ صديقي العزيز .. لأنك أساساً مآ تملك رد على الكوارث التحكيمية اللي تصير ..
ميلآن ؟ عقبال مآ يدخل فيه 100 هدف ويهبط لكن مآ نفوز بالغش ..
ولله الحمد مآ أشجع فريق فآسد .. كله على بعضه كومة قذآرة وفسآد ..
مآ صحت من اليوفي يآ الغآلي لأنه مآ هو كفو يصيحني .. أجل تعادل مع نورشلاند !!
أنآ أصيح من الحكآم اللي يبون يحولون الأسكوديتو من ميلآن إلى اليوفي ..
الحكآم بس اللي يخوفوني ويقهرونني .. الحكآم بس يا عزيزي ..
حكآم ولا في الخيال ..
حلوة النظرة بمكياليين
هدف الشعراوي عادي يحسبها لأنه الميلان أنزرف ببلنتي , لكن اليوفي ليس من حقة أنه يحسب له هدف رغم أنه أنزرف في بلنتيين !!
أما الميلان مهوب فاسد .. الميلان من أعلى الهرم للقاع كله على بعضه فساد
بعدين التعادل أحسن من الهزيمة من ملقا
أنا هدف ميلان ما نزلتها من أمس و مستني ردودكم لأني عارفها مسبقاً قلت خلنا نشوف أخرتها و فعلا ما خيبتوا ظني
ــــــــــــ
مباراة ميلان ضد جنوى بعيون ميلانية(لكن بالعكس)
أنه الميلان الفريق الفاسد الفرق الراشي رئيسهم من فتره وقع ضحية كوارث سياسية و يريد أن يكمل كوارثة بالدوري هدف غير صحيح بمساعدة الحكام من جديد أنه فضيحة التوتونيرو عادت من جديد .. نعم الفريق فاسد ولا يستطيع أن يؤدي من غير المساعدات التحكيمية التي تهب في مساعدتهم من ذات اليمين و ذات الشمال .. ولا تزعجونا بالبلنتي على كذا اليوفي لدية بلنتيين غير محتسبان ..... إلخ
مباراة اليوفي ضد كاتانيا بعيون ميلانيية( لكن بالعكس)
أن هدف اليوفي صحيح ولا غبار و السبب أن هناك ركلتي جزاء لم تحسب لنادي نعم أنها العدالة التي أبت و عيت إلا أن تسكت الحكام الذين أرادوا أن يسلبوننا نتيجة المباراة بعد المجزرة التي قام بها لاعبين كتانيا في حق لاعبين اليوفي .... إلخ
عجبت لمن يؤمن بالقدر كيف يحزن، عجبت لمن يؤمن بالرزق كيف يتعب، عجبت لمن يؤمن بالموت كيف يفرح، عجبت لمن يؤمن بالحساب كيف يغفل، عجبت لمن يؤمن بالدنيا وتقلبها بأهلها كيف يطمئن لها .. !!
اخر تعديل كان بواسطة » juve1897 في يوم » 29/10/2012 عند الساعة » 08:41 AM
يعني قصدك مثل ضريبة صدارة ميلان 2011 لما الكل كان يصيح من بلنتيات ميلان المستحقة ؟!
بالرغم من أن البايرن بالبوندز ليغا كان يمتلك نفس العدد من البلنتيات لكن لأنه مآ كان متصدر مآ كان أحد يتكلم عنه ؟!
تقصدون كذا ولا قصدكم شيء ثاني ؟!
أنتم كأنكم تقولون أننا حآسدين اليوفي على الصدآرة ؟! وكأننا ما لنا عيون نشوف وش اللي جالس يصير لليوفي من الحكام ؟!
إقتباس
الرسالة الأصلية كتبت بواسطة حظيظ
خلاصة الكلام الاخطاء التحكيميه موجوده وواضحه لكن فقط اليوفي الي نادي رشاوي ؟ اقدر كره البعض لليوفي بس مايعني انه يعمي العقل ،،
حظيظ أخوي .. المقصد أن اليوفي تتكر معه الأخطآء جولة بعد جولة .. بعكس بقية الأندية مثلاً روما متى آخر استفاد من التحكيم ؟! أو ميلآن متى آخر مرة استفاد من التحكيم ؟! يآخي اترك كلامي .. اسمع كلام ألتوبيللي وش قال أمس .. يقول من النآدر أني أشوف مباراة لليوفي بدون أخطآء تحكيمية .. هذا كلام واحد كان يلعب بالكالتشيو مو بس يتابعه من التلفزيون بالشرق الأوسط !!
- الزبدة أنها جولة مثيرة للاشمئزاز بسبب كثرة الأخطآء التحكيمية .. ويا ليت الأخوان اليوفاوية ما يآخذون على خآطرهم علي إن كان كلامي مآ أعجبهم بخصوص اليوفي ومجاملة التحكيم له .. جولة راحت بخيرها وشرها ، والطيور طارت بأرزاقها .. عل وعسى يتعدل الوضع شوي الجولة الجآي وما بعدها ..
وﻻ زال الميﻻني اذا تحجر ، قال ﻻ تتكلم علي تكلم ع فريقي ههههههههه
ياخي قسم بالله حالكم يرثى له / ويعجبني الشاطح اللي فريقه هبط بسبب التﻻعب
ويقول انزرف اهداف وﻵ افوز ب الغش وان فريقي اشرف فريق ههههههههه
والله العظيم مضحكين ، انا قبل ادخل اليوتيوب عشان مسرحيات الحين ﻻ
اشتري فشار و بيبسي واقعد اناظر ردود الميﻻنيه و حطو عون فوق البيعه هههههه
ياخي من ردودكم واضح انكم تبكون كل هذا عشان اليوفي قاعد يدرس في ايطاليا
اليوفي يقدم دروس بالتحكيم او غيره ، استفاد من التحكيم وانظلم ك غيره من الفرق
لكن الشي المضحك ان ميﻻن استفاد من التحكيم كثيرا ، لكن يقبع في المراكز المتوسطه
هذا يدل ان الميﻻن سيئ بالتحكيم او غيره ، ماقصرو معكم عطوكم من البلنتيات والاهداف الغير صحيحه
يبون يمشونكم لكن منتم بكفو ، فريق يندق من ملقا وش ترتجي منه
نقطه اخيره / الانتر فريق محترم جدا ، لكن مازلت عند رائي الفريق يبيله مدرب بطل
صدقني لوفيه مدرب غير ستراما يمكن نحصل الانتر يفوز بالخمسات دائما
سكواد بطل بمعنى الكلمه ، لكن يفوز بشق الانفس ،
يكفي ان الجولات الاخيرة صايرة مملة ، حتى الاستديو بعد بيصير ممل؟!
لاتسيو + كاتانيا + جنوى + كييفو ظُلِموا اليوم حتى تشلسي !
بلنتي الاوديني فيه شك كبير بعيدا عن الهدف !
بغض النظر عن الي صار في مباراة السامب ،،
الاخطاء جزء من اللعبة ، لا شك !
مشرف منتدى الرياضة العربية والعالمية عضو باللجنة الاعلامية للرياضة العالمية نائب رئيس رابطة عشاق الكالتشيو
تاريخ التسجيل: 13/01/2009
المكان: Riyadh
مشاركات: 6,892
إعداد: forza_JUVE10
تصميم : del peeroo
||... تقديم الجولة العاشرة ...||
اهلاً و سهلاً بكم عشاق كرة القدم الإيطالية في شبكة الزعيم الموقع الرسمي لنادي الهلال السعودي.
من خلال هذه الصفحة سنقوم بمتابعة مباراة الجولة العاشرة و ستكون مباريات الجولة متاحة خلال أيام ( الثلاثاء - الأربعاء - الخميس ). متصدر فرق الترتيب اليوفينتوس سيقوم بإستضافة فريق بولونيا أما باليرمو سوف يستضيف ميلان على ملعب الباربيرا ، بينما أتلانتا سيقوم بإستضافة نابولي. قد تكون أهم مباريات الجولة هي إستضافة فريق الإنتر لفريق السامبد بالإضافة لإستضافة لاتسيو لفريق تورينو، أيضا روما سيشد الرحال إلى بارما و ستختتم مباريات الجولة بلقاء جنوى فيورتينا.
||...نتائج الجولة الماضية...||
دي ناتالي ، حقق الهدف فريقه الثالث من خلال ركلة الجزاء ضد فريق روما. اللاعب سجل خلال مسيرته 12 هدفا في مرمى فريق روما و يرتفع رصيده التهديفي إلى 157 هدفا.
الإنتر - برشلونة - بايرن ميونخ (الفرق الوحيدة هذا الموسم التي لم تخسر خارج ملعبها)
نابولي لم يفز (في ملعبة) بجميع مبارياته الثمانية في السيريا A ، منذ شهر أبريل 1990 .
ميلان أخيرا إنتصر في مباراته الآخيرة و لكنه خلال الخمسة مباريات في ملعبه لم يسجل سوى ثلاثة أهداف.
ستيفان الشعراوي يكمل مسيرته التهديفية خلال هذا الموسم و إستحق 6أهداف.
بوفون يوم مباراة كاتانيا ، إحتفل بمباراته رقم 500 خلال مسيرته في الكالتشيو. أرتورو فيدال يسجل هدفه رقم 10 خلال مسيرته في الكالتشيو.
فرقة مونتيلا تعتبر (UNBEATEN) في ملعب الأستوديو فرانكي ملعبها. خلال 422 دقيقة لم يستقبلو في ملعبهم هدفا. لوكا توني يسجل الهدف رقم 103 في مسيرته.
سيينا & باليرمو لم يتعادلو مسبقا بنتيجة سلبية (0-0) منذ يناير 2005 .
||... ترتيب الفرق بعد نهاية الجولة التاسعة ...||
||... ترتيب الهدافين بعد نهاية الجولة التاسعة ...||
||... مباريات الجولة العاشرة ...||
ملاحظة جميع مباريات الجولة ستقام في توقيت واحد عند الساعة 10:45مساء. مباراة واحدة خلال يومي الثلاثاء و الخميس بينما بقية المباريات خلال يوم الأربعاء
المباراة : Palermo Vs AC Milan ملعب المباراة: Stadio Renzo Barbera اليوم : الثلاثاء 30-10-2012 القناة الناقلة : الجزيرة الرياضية +1 HD1 معلق المباراة : علي سعيد الكعبي
المباراة : Atalanta Vs Napoli ملعب المباراة: Stadio Atleti Azzurri d'Italia اليوم : الأربعاء 31-10-2012 القناة الناقلة : الجزيرة الرياضية (لم يتم التحديد) معلق المباراة :
المباراة : Chievo Verona Vs Pescara ملعب المباراة: Stadio Marc'Antonio Bentegodi اليوم : الأربعاء 31-10-2012 القناة الناقلة : الجزيرة الرياضية (لم يتم التحديد) معلق المباراة :
المباراة : Internazionale Vs Sampdoria ملعب المباراة: Guiseppe Meazza اليوم : الأربعاء 31-10-2012 القناة الناقلة : الجزيرة الرياضية +8 معلق المباراة : حاتم بطيشة
المباراة : Juventus Vs Bologna ملعب المباراة: Juventus Arena اليوم : الأربعاء 31-10-2012 القناة الناقلة : الجزيرة الرياضية +1 HD1 معلق المباراة : علي محمد علي
المباراة : Lazio Vs Torino ملعب المباراة: Stadio Olimpico in Rome اليوم : الأربعاء 31-10-2012 القناة الناقلة : الجزيرة الرياضية (لم يتم التحديد) معلق المباراة :
المباراة : Parma Vs AS Roma ملعب المباراة: Stadio Ennio Tardini اليوم : الأربعاء 31-10-2012 القناة الناقلة : الجزيرة الرياضية (لم يتم التحديد) معلق المباراة :
المباراة : Udinese Vs Catania ملعب المباراة: Stadio Friuli اليوم : الأربعاء 31-10-2012 القناة الناقلة : الجزيرة الرياضية +6 معلق المباراة : محمد بركات
المباراة : Cagliari Vs Siena ملعب المباراة: Stadio Comunale Sant اليوم : الأربعاء 31-10-2012 القناة الناقلة : الجزيرة الرياضية (لم يتم التحديد) معلق المباراة :
المباراة : Genoa Vs Fiorentina ملعب المباراة: Stadio Luigi Ferraris اليوم : الخميس1-11-2012 القناة الناقلة : الجزيرة الرياضية (لم يتم التحديد) معلق المباراة :
ختاماً تقبلوا تحيات إخوانكم في اللجنة الاعلامية للرياضة العالمية. و سامحونا على القصور أخوكم تركي .