بسم الله الرحمن الرحيم





نظرا لكثرة عشاق هذا الطور المميز , وعدم وجود موضوع يجمعهم لتبادل الخبرات والتحديات والمتاجرة

وبنفس الوقت شرح بسيط لهذا الطور .. فقد تقرّر أن يكون هذا هو الموضوع الرسمي للألتميت تيم ..












فقرات الموضوع :



1 - ما هو الألتميت تيم

2 - شرح لخصائص الألتميت

3 - فيديو شرح للالتميت تيم

4 - الخاتمة













ما هو الألتميت تيم




هو قسم أو طور من أطوار لعبة فيفا , لكن الشيء اللي يميز هالطور هو إنه كل شيء به متعلق بالأونلاين

فكرة الألتميت هي إنك تقود فريقك من الهاوية إلى القمة ..

أول ما تبدأ الطور راح يعطوك فريق وإنت تكون الآمر الناهي فيه يعني " الرئيس " وتتحكم بكل شيء بالفريق

" تغيّر الطقم , تغيّر الملعب , تغيّر الإسم والشعار , تشتري وتبيع اللاعبين .... " , بس أكثر شي يميّز

طور الألتميت تيم هو وجود سوق للّاعبين , يعني تبيع وتشتري من أشخاص حقيقيين . وفيه خصائص

كثيرة للألتميت راح أشرحها ب النقطة القادمة .












شرح لخصائص الألتميت





الواجهة الرئيسية للألتميت تيم :








1 - Single Player Tournament : وهي بطولات تلعبها بس أوفلاين .. يعني مع الكمبيوتر

واذا اخذت البطولة يعطوك كوينز على حسب مستويات الصعوبة .


2 - Online Tournament : وهي نفس الأولى بس الفرق إنها أونلاين , تلعب مع أشخاص حقيقيين

واذا حققت البطولة أيضا يعطوك كوينز .


3 - Single Player Season : وهو نفس حكاية طور " مواسم وجه لوجه " اللي كان بفيفا 12

بس الفرق إن هذا أوفلاين , يعني تلعب مع الكمبيوتر وعلى مستويات مختلفة .. وكل ما تتأهل لدرجة أعلى يعطوك

كوينز .


4 - Online Season : طور المواسم أونلاين .. نفس اللي باللعب العادي بس هذا تلعب بفريقك اللي

ب الألتميت وأيضا يعطوك كوينز على كل درجة تصعد لها .


5 - Team Of The Week Challenge : تحدي فريق الأسبوع .. الشركة كل أسبوع تنزّل فريق مكوّن

من 11 لاعب من اللي ابدعوا على أرض الواقع , وبإمكانك تتحدى هالفريق كل أسبوع على مستويات صعوبة

متعددة واذا فزت يعطوك كوينز " كل ما زاد مستوى الصعوبة كل ما زاد الكوينز " .


6 - Squads : من هالقائمة يمديك تشوف وتتحكم بفريقك وتشكيلاتك , مثلا إنت عندك اكثر من تشكيلة

وتبغى تبدّل بينها , تروح لهذا الخيار وتضغط على الفريق الفعّال وتختار التشكيلة اللي راح تلعب بها .


7 - Store : السوق و هو مكان شراء البكجات .


8 - Trade : المكان اللي تبحث فيه عن اللاعبين بخيارات متعددة , يعني تحدّد الحد الأعلى لسعر اللاعب

و مركزه و فريقه وجنسيته .... إلخ , وأيضا بإمكانك تراقب اللاعبين اللي حاطهم للبيع .


9 - Club : النادي وهنا تقدر تتحكم بكل أمور النادي , الشعار وتغييره , والإسم و أيضا حذف النادي إذا تبغى .










1 - اللاعبين :


من الركائز الأساسية للطور هم اللاعبين , وينقسموا على حسب القوة والطاقة إلى ثلاثة أقسام :







1 - الذهبيين







وهم الأفضل والأقوى من ناحية الطاقة والأوفرال , يعني لو عندك رأس مال وتبغى تسوي تشكيلة محترمة

راح يكون الذهبي هو الإختيار الأفضل .. ولكنهم بالمقابل غاليين جدا .. يعني اقل لاعب ذهبي سعره 300 كوينز

وتوصل اسعارهم ل مليون كوينز !




2 - الفضيين







وهم متوسطي القوة , يعني لا بقوة الذهبيين ولا بتواضع البرونزيين .. الخيار الأمثل لبداية جديدة في الألتميت تيم

هو تشكيلة فضية .. اسعارهم متفاوتة .. أقل لاعب فضي سعره 250 كوينز .. يعني لو تبغى تعمل تشكيلة

فضية من 11 لاعب ما راح تكلفك أكثر من 2500 كوينز >> مجرّبها


3 - البرونزيين





أقل الأنواع من حيث القوة .. أول ما تستلم فريقك بالألتميت كل اللعيبة اللي فيه راح يكونوا برونزيين .












وفيه لاعبين يلمعوا .. يعني يكون ذهبي ويلمع أو فضي ويلمع أو برونزي و يلمع

والفرق بينهم وبين العاديين إنهم أفضل , يعني الفضي اللامع افضل من الفضي العادي ونفس الكلام للذهبي

والبرونزي



4 - اللاعبين المميزين " لونهم أسود "





وهم عادة يكونوا لاعبين عاديين " فضيين أو ذهبيين " لكن بسبب إبداعهم على ارض الواقع تقوم الشركة تنزلهم

ب طاقة اقوى من العادية .. يعني مثلا العتيبي في هذي الجولة بدّع وصد بلنتيين وانقذ الفريق , يقومو ينزّلوه

ب لون مميز " أسود " و ب طاقة أقوى .















البكجات :








وهي " حزم " تكون على ثلاثة أنواع .. ذهبية و فضية و برونزية .. عادة يكون موجود فيها مجموعة من اللاعبين

بالإضافة الى بعض الأدوات القابلة للإستهلاك , يعني " كرة , عقد , ملعب , طقم , علاج "

أسعارها :

الذهبية , يوجد نوعين من البكجات الذهبية





الأول عادي , وسعره 5000 كوينز .. يتكون من 12 عنصر ذهبي , بالإضافة لـ عنصر نادر .





الثاني ممتاز , وسعره 7500 كوينز .. يتكون من 12 عنصر ذهبي و 3 عناصر نادرة .



الفضيّة


وايضا يوجد نوعين منها :






النوع الأول عادي , وسعره 2500 كوينز .. يتكون من 12 عنصر فضي و عنصر نادر .







النوع الثاني ممتاز , وسعره 3750 كوينز .. يتكون من 12 عنصر فضي و ثلاثة عناصر نادرة .





البرونزية :


يوجد نوعين منها .







الأول عادي .. سعره 400 كوينز , ويتكون من 12 عنصر برونزي و عنصر نادر .






الثاني ممتاز وسعره 750 كوينز ,, يتكون من 12 عنصر برونزي و 3 عناصر نادرة .










العقود :


لكل لاعب عقد يحدد عدد المباريات اللي راح يلعبها , يعني مثلا لاعب في عقده 7 مباريات راح يلعب 7

وعشان تزوّد مباريات اللاعب اذا انتهى عقده لازم تشتري العقود ..

والعقود تنقسم إلى ثلاث أقسام :



1 - عقود ذهبية





وهي أكثر العقود اللي تزوّد عدد المباريات للاعب


2 - عقود فضية





ثاني العقود من حيث عدد المباريات


3 - عقود برونزية





أقل العقود إللي تزوّد مباريات للاعب











نجي لشيء مهم جدا بالألتميت تيم وهو الكوينز , وطبعا الكوينز هي الفلوس اللي تشتري بها اللاعبين

والمدربين واي شيء قابل للشراء ..



طرق الحصول على الكوينز :


1 - عن طريق لعب المباريات , كل ما تلعب مباراة الشركة راح تعطيك كوينز على حسب نقاط معينة وهي :

عدد الأهداف " كل ما سجّلت أكثر كل ما زاد الكوينز "

الأخطاء " كل ما قلّت الأخطاء كل ما زاد الكوينز "

الكروت " كل ما قلّت الكروت كل ما زاد الكوينز "

مستوى الصعوبة " كل ما زاد مستوى الصعوبة كل ما زاد الكوينز "


2 - عن طريق المتاجرة باللاعبين , يعني مثلا تشتري لاعب ب 300 كوينز وتخليه عندك وبعد فترة تنزّله

و تبيعه ب 500 كوينز .. بكذا تكون ربحت 200 كوينز .



3 - عن طريق شرائها بفلوسك الحقيقية , يعني من الراتب










الخطط وتأثيرها على اللعب :


لكل لاعب خطة معينة له , يعني لما تجي تشتري لاعب راح يكون مكتوب ببطاقته خطة محددة مثل

2 - 4 - 4 أو 2 - 3 - 5 أو 1 - 3 - 2 - 4 أو 2 - 1 - 2 - 1 - 4 وعشان تعرف تأثير الخطة على اللعب

لازم اول شيء نعرف ايش هو الكيمستري :




الكيمستري :



هو مدى تجانس اللاعبين وتحركاتهم ب الملعب .. يعني مثلا عندك تشكيلة اللاعبين اللي فيها منوّعين

يعني فيه من الدوري الإنجليزي وفيه من الإيطالي وفيه من الإسباني راح يكون التجانس منخفض وبالتالي

تحركات اللاعبين والتمريرات راح تكون سيئة .. على عكس لو كان الفريق كله من دوري واحد او من جنسية

وحدة راح يكون الكيمستري عالي والتمريرات والتحركات راح تكون ممتازة .





تأثير الخطط على الكيمستري :


تأثيرها وبكل بساطة إذا توافقت خطة اللاعب مع الخطة اللي يلعب بها فريقك راح يزيد الكيمستري والعكس ..

يعني لو اللاعب خطّته 2 - 4 - 4 وخطة الفريق 2 - 4 - 4 الكيمستري راح يرتفع .. واذا كانت خطة اللاعب

مختلفة راح يقل الكيمستري .




تأثير المدربين على الكيمستري :


كل مدرب له خطة خاصة فيه " نفس قصة اللاعب " .. لو كانت خطة المدرب موافقة لخطة الفريق راح يكون

الكيمستري عالي و العكس صحيح .












فيديو شرح للألتميت تيم :




‫شرح كامل قوائم - FIFA 13 ULTIMATE TEAM‬‎ - YouTube











الخاتمة



ب الأخير أحب أشكر كل من ساعدني على إتمام هذا الموضوع وخروجه ب أفضل صورة

مصممنا MrMlok

و مشرفنا iBraHem9

والسلام خير ختام