سلمان الفرج ما اظن انه يستحقها صحيح هو لاعب مستواهـ جيد لكن لا أؤيد ان يحمل الكابتنية .،

الله يوفق هلالنا

كأنك تلمح للقناص أبوعبدالعزيز ياسر القحطاني
الله يسامحك بس
القحطاني عاد بقوة في الفترة الأخيرة وأظهر حماس منقطع النظير وشارك مع الهلال في آخر ثلاث مباريات قبل مباراة الإياب الآسيوية، وسجل هاتريك في الرائد، وسجل في الشباب، رغم عدم مشاركته في كامل المباريات، وظهر بمستوى رائع ذكرنا بياسر الكاسر أيام العز

بخصوص اختفاءه في مباراة الإياب، حقيقه لازلت أجهل سبب غيابه عن المباراة وعدم تواجده ولو حتى على دكة الاحتياط، ولكن أكيد أنه قرار المدرب أولاً وأخيراً، المدرب وااااضح إنه ما كان حريص على ياسر من بداية استلامه للهلال، وأنا شخصياً أستبعد تعمد ياسر عدم المشاركة نهائياً في المباراة

ختاماً أقول.. رفقاً بـ ياااااسر
فهو وبقية النجوم.. هم أمل الهلال بعد الله

وسلامتكم

بعيدا عن الانتقادات بالمستوى
لكن كحماس داخل الملعب،، ارى المرشدي اكثر اللاعبين حماس
وككابتنيه ،، ياسر هو الأفضل الآن لاستلامها

الفريدي هو الاعب الأنسب لقياده الهلال

كلامك عين الصواب

خير الكلام ماقل ودل

.....................................

سلمان اكثر لاعب يعطي في الملعب... ولو اعطوه الكابتنيه بيكون قدها...
ولاء ،جهد، مهاره، ذكاء.... هذه صفات القائد.. وكلها موجوده سلمان الفرج
وكلنا نذكر نور اول ماطلع... كان مبهذل والجمهور الاتحادي كله يسبه... اي والله ما انساها ولا حتى يعرف يشوت كوره حتى والمرمى مفتوح قدامه... لكنه كان يحمل الصفات اللي فوق وبالنسبه للاتحاديه هذه الصفات تكفي... وعطوه الثقه وكان قدها..
عندنا للاسف تنعطى الكبتنيه للانهزاميين مثل ياسر والشلهوب وغيرهم نحبهم ولكن لازم الكبتن تكون صفاته مقاتل حتى النهايه ليحفز اللاعبين
او تعطى لحسن العتيبي... اللي ما يكره الهلال ويحب نفسه... وهمه الاول والاخير يخرب ويوتر الاجواء بالنادي وقت كاس آسيا...
اتمنى مراعات كل صغيره وكبيره عند اعطاء الكبتنيه لاي لاعب... لانها مسؤوليه كبيره

ماأقول الا الله يخلف على اللي سمحلك تنزل مواضيع ..!! اجل لاعب عمره 21 سنه تبيه يصير كابتن

والله ياهو محرق قلوبكم ماانتم لاقين الا الكابتنيه انا ارى انا ارى والكابتنيه تبطي عظم مادام ياسر بالهلال (اضربها يأس) ان واحد يصير كابتن والقناص افضل مهاجم في اسيا واسطوة الخليج واسيا موجود

المشكلة ماهي بالكابتنية .. المشكلة بالانهزامية باللاعبين

زمان كباتن على أرض الملعب حتى الفاشل معهم يصير نجم !!

اللاعبين الحاليين يملكون المهارة لكن ماعندهم ثقه بأنفسهم وانهزاميين

المدرب يختار الكابتن والفريق كل لاعب يؤدي مايطلب منه والروح لازم تكون من الجميع وتوجيه بعض وقلوبهم على بعض اما الاسماء فلاتقدم ولا تؤخر شكرالك