الحمد لله على كل حال قدر الله وما شاء فعل

لديك في الهلال نجوم اعدهم هم الغيورين على الكيان حاليا وهم

محمد الشلهوب
ياسر القحطاني
نواف العابد

من وجهة نظري لايوجد غيرهم والله يحسن نيتي ولا يؤاخذني ان اخطأت

انا لاحظت بعد ان مافي لاعب تقدم يهدي الجمهور حتى المرشدي كان مترردد لان عارف ان الجمهور مايحبه
لككن اتمنى من الاداره اتخاذ قرارات حاسمه ترجع هيبة الزعيم
اولا بعودة سامي الجابر ,,,
ثانيا عدم مجاملة الاعبين

الحمدلله على كل حال قدر الله وماشاء فعل

كل الامور بيد رب العالمين واللي حصل مساء امس ماكان بالحسبان

الكل ماتوقع اللي حصل امس

حظر الجمهور .. الكل كان متفاؤل .. الكل متحمس .. الكل يشجع

وفجأه انقلبت الموازين كلها

انصدمنا بمستوى عادي جدا .. لعب ضايع .. خطوط مفككه

لاعبين غير قادرين على صنع المستحيل

مستوى هزيل .. تغييرات متاخره

روح غائبه .. تمريرات مقطوعه .. محاولات يائسه

دفاع مشتت .. وسط متباعد .. هجوم نايم

جمهور غاضب .. وتخبيط مدرب


صدمه غير طبيعيه .. نتيجه غير متوقعه

ردة فعل جماهيري كبيره .. رمي قوارير واحذيه اكرمكم الله

كسر زجاج سيارة لاعب ماله ذنب .. ردة فعل لاول مره تحصل من جمهور الزعيم

اين العقلاء .. هذا مهو جمهور الزعيم اللي نعرفه

خسارة مباراه لاتعني نهاية المطاف .. ياما فزنا بمباريات وحققنا بطولات

ليه ياجمهور الزعيم تسوون كذا ؟ .. هل اثرت فيكم جماهير الانديه الثانيه ؟!!

هل الفريق اول مره يخسر ؟ .. نسيتو اننا خسرنا من الفتح !!

وش صار بعدها !! .. وش اللي اختلف !! .. كلها مباراه وخسرناها !!

رجعتو ترددون اقاويل الانديه الثانيه .. من متى العالميه صعبه قويه علينا ؟

نسينا البطوله اللي تاهلنا لها .. نسينا اننا الفريق الوحيد باسيا اللي محد كسر رقمه ..

حققنا 53 بطوله .. وغيرنا يبي له سنين يوصلنا .. عتبي الوحيد لكم انكم انجريتو

خلف مشجعي الانديه الثانيه .. وقمتو ترددون اقاويلهم .. ردة فعلكم غير طبيعيه

وش ذنب ياسر الشهراني !! .. تكسرون زجاج سيارته .. ويدخل المستشفى عشانكم

انا متاكد ان اللي صار مهو من جمهور الزعيم .. لانه جمهور عقلاني وماتوصل

ردة فعله لهالشي .. طلعنا من اسيا .. وخسرنا الكاس .. باقي قدامنا بطولات

امس ماكان يوم طبيعي لنا .. التشكيله هي نفسها اللي مع الشباب .. والخطه نفسها

والتكتيك نفسه بعد .. حققنا الفوز قدام الشباب .. وخسرنا من اولسان

فرق شي واحد بين المباراتين .. الرووووووووح كانت مفقوده امس

يعني المشكله مهي من اداره ولا مدرب .. المشكله من اللاعبين فقط

الروح كانت مفقوده وماكان فيه روح .. وهذا هو سبب الخساره

حتى لو غير المدرب .. وسوى اللي عليه .. الخساره بتكون هي هي

مابيتغير شي .. لان اللاعبين ماكان عندهم روح عشان يفوزون

والهدفين ضغطت عليهم اكثر .. وصار الفريق يلعب بلا هويه

امامنا استحقاقات كثيره .. لابد من ايجاد الحلول

لابد من التغييرات .. المهاجم الكوري لابد نغيره ونجيب صانع لعب

وهرماش لازم نغيره بعد .. خلاص اخذ فرصته بشكل كبير

ومانجان ارى تغييره ضروري .. لانه ضايع وغير ملتزم دفاعيا

يتقدم كثير وتكون خانته فاضيه ويتورط المدافعين

نحتاج مدافع محلي على مستوى كبير .. ومهاجم محلي كبير

واتمنى من الجمهور الهلالي ماينجر خلف اقاويل جماهير الانديه الاخرى

وترى احنا النادي الوحيد اللي يشارك كل سنه باسيا .. لاننا ثابتون والبقيه متحركون

السنه هذي الشباب ماشارك .. والنصر ماشارك .. والسنه الجايه الاتحاد مابيشارك

وكل الانديه السعوديه ماحققت بطولة اسيا .. اخر فريق الاتحاد عام 2005

يعني لا تجلسون ترددون كلام الانديه الاخرى .. تراكم افضل فريق سعودي

ولا يغركم كلامهم .. والدليل على ذلك .. انهم طلعو في القنوات يتغنون بخروج الهلال

عرفتو الحين ان فريقكم هو الفريق المسيطر على الكؤووس وغيره يندب حظه

له كم سنه ماحقق بطوله .. ووبطولتهم الموسميه .. خروج الهلال من اي بطوله حتى لو وديه وهذا الواضح واللي ملاحظ منذ زمن بعيد

شاكر لكم حظوركم ومساندتكم .. وبالتوفيق لزعيمنا في قادم البطولات

مشكلتنا احنا يااخواني اننا على نياتنا وطيبيين نشجع باقي فرق الوطن اللي تمثلنا خارجيا وندعي لهم

وهم بعد خروجنا تشمتو فينا وطلعو حرة السنيين اللي ذاقو فيها المر من الزعيم

وعلى راسهم فهد الهريفي وحاتم خيمي وطقتهم

اتمنى من كل هلالي يحب الزعيم ويعشقه انه مايشجع اي فريق سعودي يمثلنا خارجيا

لانه مهو شغلنا فازو او خسرو اهم شي هلالنا

لمناقشتي ادخلو هنا

http://vb.alhilal.com/t1124404.html

قدر الله وماشاء فعل .. وعسى ان تكرهوا شيئا وهو خير لكم .
صدمة وتعجب وذهول ، لا اجد تبرير لماحدث .. ولكن هزيمة مذلة.
ومهما كان جماهير الهلال اكبر من تنزل باخلاقها لهذا المستوى ، هل يصل الحال الى الرجم وقذف العلب.
ما هكذا عهدناكم جمهورنا الغالي.
الامر محزن اكثر عندما نصل لهذا المستوى.
تقبل مروري وشكرا لك على الطرح الموفق.

الهلال بحاجة الى قائد داخل الملعب ليس لحمل شارة الكبتنية فقط وانما لتوجيه وبث روح الحماس داخل الفريق فبعد اعتزال الدعيع ورحيل سامي الجابر لم يوجد في الهلال من يقود الفريق ويوجه اللاعبين داخل الملعب او من على الدكة
(غاب القائد فغابة الروح)

إقتباس الرسالة الأصلية كتبت بواسطة هـــلالي من زمــــان ادارة عبدالرحمن بن مساعد بحثت عن نفسها اولا ادارة تبحث عن المصلحه الشخصيه على حساب كيان(الهلااااااااااااال) ادارة همّشت تاريخ النادي ادارة اهانت الهلال ادارة تبحث عن المصلحه التجاريه ادارة اعتمدت على الخيبات والاعذار البهته المتعارف عليها كل موسم ادارة رسخت في اذهاننا (ربما بسخريه)ان من يقول الحق مندس حتى مشرفين المنتدى (الا من رحم الله) قلت الحق قبل اشوي وبدون تجريح وحجبوا تنزيل المواضيع مني كنت منتظرها للامانه لاني ادري انها ادارة مرتزقه همها الاول التطبيل لابن مساعد وكللهم تعلموا من البوق المسترزق حقهم الجاسر العاثر اخيرا ......... وش تتوقع من ادارة فيها كل اللي سبق ؟؟؟ بطولات؟؟ انجازات ؟؟؟ مالك الا دوري الحواري ادارة اخيرا تستهون بألم جمهور احب الكيان قبل مايفكرون في رئاسة النادي وتردد(ايه صحيح العالمية صعبه قويه) رياح التغيير وجبت وأولها ادارة ابن مساعد(لحفظ ماء وجهك يابوفيصل بس) والذيل اللي متذيلته الادارة وماخذينه مثل الشبيحه (الجاسر) وراهم الحمدلله على كل حال

احسن رد

واللي بيقول مندس واللي يقول اللي يقول

شكرا لك ياصاحب الرد

وشكرا ياصاحب الموضوع

أنا فقط أتمنى رجوع سامي وبندر بن محمد يمسك الرئاسة فقط ،،

اتمنى من جمهور نكون مثل جمهور فريق ليفربول ندعم الفريق الوقت الان خطير على الهلال اتمنى من الكل ينسى مباراة

فعلا في تاريخ الهلال جماهيره ماعمرها سوت ماسوته البارح بس الصبرله حدود
نقطه مهمه جداً يغفل عنها الجميع وهي :
مباريات الذهاب والاياب مهمه جدا سواً المبارة الاولى في ملعبك او خارجه الادارة والمدرب يغفلون هذا الشيئ والدليل مباراتنا مع الغرافه وام صلال ولاتحاد المباراة الاولى مهمه جداً
شوف الاتحاد خدمته المباراة الاولى يجب ان نركز في المباراة الاولى في ارضنا ام خارجه حتى مايكون هناك ضغط .

اشباااه الهلال احسم من رواتبهم وراعين في يدينهم ملايين الله يزيد ويبارك مو لاعبين تتكل عليهم

اااااااااااااااه بس وين الروح وين الاعبين اللى عندهم غيره على الفريق واحترام للجمهور

يجيب الله مطررررررررررررررررررررررررررررررررررررر

اول كنا نقول ان المدرب سباك
والحين يجب ان نقول عن ابن مساعد انه سباك
من وقت ما قال انه فاوض اكثرمن 20 مدرب وانا عارف نه ماعنده سالفه
بس طقطقه ع راس الجمهور