بصراحة انا اتمنا من بن مساعد الاستقالة لحفظ ماء الوجة واطالب برئاسة النادي لبندر بن محمد 00

الاسيوية تبي محترفين من طراز اساموا جيان وفيكتور وغيرهم من المحترفين اللي يشيلون انديتهم مهوب الكديش اجل بالله هرماش كم مرر كورة امس وكم فاول احتسب ضده والكوري اللي اصلا مبين انه كوري تقليد اذا صف جنب لاعبين اولسان

خلاص مافيه فائدة لـ مناشدة الادارة

لانها سوف ترحل قريبا

الافضل نأجل اللاعبين الاجانب الى نهاية الموسم

على ماأظن السلومي هو من جلب كماتشوا وتفاريس أفضل صانع لعب مغمور وافضل مدافع قيادي وحماس

ما يبون السلومي يجيب لهم يقولون مزمار الحي ما يطرب

نبي شي تنظيم الموسم الثاني ايام جيريتس ,, ما نبي جيريتس نبي ( التنظيم ) .

معزبك يبي صفقات يعقدها في قصره في باريس !!


القهر ..

بكرى بنشوف المرشدي والزوري ونامي والغنام والحارثي والكوري يلعبون في الفريق !!!

يا عالم ..

الفرق الاسيوية تختلف عن فرقنا بالسرعة وطرق اللعب .. ودفاع الفريق كله قشاش !!

لازم قلب دفاع اجنبي مميز وكنترول صح يقود الفريق وينظم صفوفه .. وظهيرين يدافعون ويهاجمون صح .. موب مثل المفلسين عندنا .

هل تذكرون مدرب جاء لنا واستفدنا من الركلات الثابتة وركلات الزاوية مثل غيرنا .

إقتباس الرسالة الأصلية كتبت بواسطة أنا كذا هلالي وانهاء عقود امثال نامي وماجد المرشدي والاجانب كلهم والزوري والفريدي ..هذا اكبر تعديل والله اليوم لامستوى ولانتيجه ولاحتى خساره نتشرف فيها ...

سبحان الله من يقدم ويقاتل يهاجم بغير مبرر
المرشدي ي جماعة الخير من اقووى المدافعين بالسعوديه ولكن مشكلتنا التطبيل
لمن يبدا بالهجووم على لاعب معين بسسب انه مايحبه او ماشابه يلحقه البقية بالنقد في نفس اللاعب ويمسككون عليه .. لاحظوو مباراة امس مين في الدفاع غير المرشدي ، مين قاتل غير المرشدي والهرماش والبقية يهرفوون في الملعب


عبدالرحمن بن مساعد ملييون مره ردد الجمهور مانبي اشباب لاعبين ولا اشباه مدربين ومن وجهة نظري بان الجمهور اكثر واكبر ثقافة من كافة ادارتكم الموقرة واكثر ثقافة ممن اوليتهم ملف اختيار اللاعبين الاجانب والمدرب

والمشكلة ان ادارتكم وخبراءك ينضحط عليهم بكل بسااطة من سماسرة اللاعبين ويسووقون علينا الفاسد الطالح واقتناعكم عند اول اشارة من هؤلاء .. كل عام ينضحك علينا اما بمدرب او بلاعب لايجيد اساساً اللعب بالشكل الصحيح

بالله عليكم الكوري ايش قدم للهلال من وقت انظمامه ي حابيب قلبي الكوري فاااشل وللمرة المليوون اوقول انه فاااشل ولا ينفع بريال واحد . الكوري ماهو لاعب قد طموح الهلال ولا طمووح الرائد ايضاً .. قسم بالله لو هو في فريق غير الهلال وفريق بادارة واعيه ومدرب قدير انه مايكمل الستة الاشهر الاولى من عقد ..

الشي الاخر مانقان وما ادراكما مانقان :
ضحية تسوويق وتمشي علينا بكل بساطة .. مانقان لو احد يبيه كان ماوقع معنا خلال ساعة من بداية مفواضاته .. نصب محترم من السماسرة على ادارتنا وخبراءها والجميع يمجد اللاعب وهو اصلاً لايفقه كورة هذا اذا كان لاعب اصلاً بالسابق .. اخاف انه مثل دكاترة الربيعية اللي يتم التعاقد معهم وهم يحملوون شهادات في السباكة والمراقص ..


الحمد لله ع كل حال نرددها هذا العام وكل عام ..

ولكن يبدوء اننا سئمنا منها لدرجة الاختناااق وافهم يافهيم ..

بالامانة هذا مدرب يقراء اللعب صح وهذا تشكيل يعتمد عليه .. وكما قلت بموضوع لي سابق بانه ثقافة مقاربة لثقافة ناصر الجوهر وهي الدوين بنوتة الملاحظ حتى خروجنا وهذا الامر كنت حاسس فيه من خلال قراآتي له ولمستوى الفريق ورتمه الذي لم يتغير وكل المبارايات اللي فزنا فيها كانت بضربات الحظ وليكن الفريق فيها بهوية تكتيكة واضحة :!

ماينفع لنا الا البرازيليين....

يارب سهل الاموور....

والله صادق اخوي بس الشكوى لله

راحت الكوره مع الثنيان وسامي صراحه صارت سامجه واشباه لاعبين يرتدون تيشرت ازرق لا أكثر مافيه احد عنده شعور ويحس بالجمهور اللي يحضر ويحترق من اجله ومن اجل الشعار اللي لابسه يا رجال ابو يعقوب كان يلعب بلاش مستعد اجزم انه ركض في اخر سنتين من حياته كثر ثلاثة لاعبين في وققتنا الحالي من اصحاب الملايين هذا خلاف الفكر الكروي والمهارات واساسيات كرة القدم للاسف هدف اللاعب حاليا الماده فقط لاغير والمشكله ان مستواهم خايس ومع ذلك اذا جاء التجديد بذ ام الادارة ومساومات وترى ان ما جددتوا معي الفريق الفلاني بيخطفني موب عاقل ليلى العامرية على غفله

من دون الأمير بنــــــــــــــــــــــدر بن محــــــــمد

قلتها وبسببها حرمت من طرح المواضيع ( ولعيون مصلحة الزعيم يهون ) اعيدها وبملئ فمي العالمية صعبة قوية بهالأسلوب المتبع والمسمى احتراف

ياجماعة الخير الموضوع ومافيه الهلال لايعاني ابدا من البطولات المحلية وهي لذلك ليست مقياس لأي رئيس يستلم زمام الأمور والسبب ان الهلال لديه ركيزة من افضل اللاعبين محليا و جميع انتصارات الهلال لاترى فيها رجال يحترقون لإن لديهم المهارات اللازمة واقرب مثال عندما طلع الفريدي في مباراتنا مع الرائد وقال كان بودي اجيب كعب قمة الإستهتار جفنتوس عندما هزمتنا بال7 والمانيا قبلها بالثمانية كنا نشوف لاعبينهم يبحثون ويحرثون الأرض من اجل الزيادة
وهنا مربط الفرس البطولات الخارجية مختلفة تريد الروح تريد عرق تريد الغيرة تريد الحماس وطبيعة الإنسان العربي هوا ابعد مما اتصور انا وانت من حكاية الإحتراف اعطيني رجل بهيبة الأمير بندر وقتها تجد رجال على ارض الملعب غير هالكلام راح نمشي على درب فريق الجار ولكن على المستوى الخارجي ونتغنى بأطلال الماضي

بن مسااااااااعد ضحك علينا العالم ياليت يستقيل ويكفينا شره

فعلا الهلال محتاج يرجع يجيب لاعبين برازيليين
لازم نجيب ثلاثه برازيليين ولاعب اسيوي مو شرط من شرق اسياء
نبي اوزبكي او إيراني او استرالي
مانبي كوري ....
ونبي مدرب محلي وبالذات سامي
وانهاء عقود امثال نامي وماجد المرشدي والاجانب كلهم والزوري والفريدي ..هذا اكبر تعديل والله
اليوم لامستوى ولانتيجه ولاحتى خساره نتشرف فيها ...