[poet font="Simplified Arabic,4,orange,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
على طريقة جورج قرداحي بديت اول سؤال = وخترت واحد كان جالس بيننا مخه نظيف

طبعاًسؤالي فالبدايه سهل عن لون العقال = اسود رمادي سكري بني خفيف

جاوب اجابه صح قال اسود وصل مائة ريال = سألت عن اي المدن يوجد بها نادي عفيف

عرعر عفيف المجمعه والا القطيف الاأحتمال = حذف اجابه مع اجابه وش بقى هو في عفيف ولاالقطيف

قال اتصلي في صديق هذا ولد عمي طلال = كلم ولد عمه بدا ضيع عفيف قال القطيف نادي طريف

نسى المدينه خلص المده تلخبط بألسؤال = قلت أسال الجمهور تسمع ردهم وتشوف كيف

قال أسئل الجمهور ردو كلهم قالوا عفبف يبن الحلال = جاوب غلط قال القطيف وش رايكم مخه نظيف
[/poet]

إي والله مخه نظيف ..

بصراحة تجي بعض الأحيان أسئلة إجاباتها بديهية .. والبعض ما أدري تجيه أم الركب أو ما أدري وش ؟؟

وبالعكس يعني يجي بعض الأحيان أسئلة ما أدري وش تبي ..

على العموم صح لسانك يا شاعرنا الجديد .. والله يعطيك الصحة والعافية أخوي " مشعل "..

وألف مليون شكر لك ..


تقبل تحياتي يالغالي ،،،

أخوك / البـــارق

اقووووووووول

كني شفت اسم سهلوووووووووووووه ولا انا غلطان !!


من يوم شفته غسلت ايدي :

يام مشعل قرداحي


وبليا زعل

اشكر ك على مرورك

واعجابك


بمشاركتي وشرف كبير لي حضورك بمتصفحي

تحياتي لك

الاخ من الدوار الجنوبي

والله ماني فاهم لك شي

بس اعتقد انك فضائي

وتستحق قصيده لك خاصه يا ام كنز

على العموم شكرا لحضورك والحمد لله منت اول واحد كان عسلت يديني الثنتين

[ALIGN=CENTER]شييييييييييي

بجد كل اسئلتهم سجع بسجع
ويضيعون ذا العالم

أييييييييييه

بس قصيدتك شيييييييييي

إذا أنت كاتبها بيدك... فا أنا أشهد أن عندنا مبدع جديد ...

ولاتحرمنااااااااا من قلمك الرائع أبد...

أما إذا أسم سهل هنا فإذا كان طلال فأنا بعد غاسله يدي

يسلموووووووو مشعل..

وتقبل تحياتي: الكرز[/ALIGN]

يزيد شكرا جزيلا للمرورك

واطرائك الجميل



الكرز


ياجماعه فهموني ايش السالفه انا اول مره اسمع سهل الي تقولو عليه

انا كاتب زاوية فضائيات بالصفحه الاخيره بجريدة الرياضيه واخر مشاركه كانت قصيده للهلال بمناسبة فوزه بكاس ولي العهد

وقصيدة جورج قرداحي نشرة بالرياضه قبل كذا واحتفظ بها ومستعد اثبت لكم

اذا احد يسرق قصايدي فهموني بس انتم شكلكم ماتبغوني استمر معكم



بس المساله طلع فيها سهل وانا لازم اتاكد من الوضع ارجو من المشرف العام مساعدتي

وحفظ حقوقي وانا اسف اذا فهمت الاخ الاول غلط

أخي الكريم مشعل

قصيده جميله وألف شكر لك

أما من ناحية سهل إلي مسوي لك مشكله ,,

إقتباس ياجماعه فهموني ايش السالفه انا اول مره اسمع سهل الي تقولو عليه

هذا سهل 888 أخ كريم معنا هنا في المنتدى
ولا احد أخذ قصيدتك ولا شيء يا اخوي ,,
لكن السالفه لأنك ذكرت إسم سهل في قصيدتك في الشطر ,,

إقتباس طبعاًسؤالـي فالبدايـه سهـل عـن لــون العـقـال

والأخ كنز نواف كان يقصد على ما أظن..
بما إنه شاف إسم سهل في قصيدتك فأكيد المتسابق راح يخسر يعني من جنبها

ولا تخاف اخوي محد تعدى على حقوقك
أتمنى إني وضحت السالفه ..تحياتي ,,

اقول يالغاليه كيفي كويتيه سبقتيني

[ALIGN=CENTER]كلنا واحد يالغلا[/ALIGN]

حيالله الاستاذ مشعل...

اسفر وانور منتدانا....

ولاتاخذ على خاطرك من الكلام الي فوق تراه مزوووح...

وان شاءالله فترة بسيطة وتاخذ على المزح معنا ...

حياك الله اخوي مشعل ..وننتظر جديدك يالغالي...

الأخ مشعل شاعر كبير ومعروف باسم فضائي وله عمود في الصفحة الأخيرة من الرياضية تحت اسم فضائيات ونحن هنا في شبكة الزعيم نشكره على نشر قصائده هنا .
كما اشكر الأخوات كيفي كويتيه والماسة الزرقاء على توضيح اللبس اللي حصل وكما قال ابو روان الدعوى مزوح
تحياتي للجميع

إقتباس إقتباس من مشاركة المــalmojــوج الأخ مشعل شاعر كبير ومعروف باسم فضائي وله عمود في الصفحة الأخيرة من الرياضية تحت اسم فضائيات ونحن هنا في شبكة الزعيم نشكره على نشر قصائده هنا . كما اشكر الأخوات كيفي كويتيه والماسة الزرقاء على توضيح اللبس اللي حصل وكما قال ابو روان الدعوى مزوح تحياتي للجميع

كما أكرر شكري له على كتابته معنا ومشاركته الزعماء ..