28/09/2012, 05:08 PM
|
 | زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
11-12 ,, ثاني ايام عيد الاضحى .. اخر موعد لـ عتق رقبتي من هذا التاريخ
بسم الله الرحمن الرحيم بدايتا كل واحد يكون له تاريخ ميلاد ويفرح فيه ويحتريه  وبعضهم يسوي له حفلات ميلاد
ويجيبون لهم عصيرات وكيكه اكيد مستانسين بيوم ميلادهم  ,,
11-12 هـ هالتاريخ يوافق ثاني يوم عيد الاضحى المبارك ,, هالتاريخ يوفق وقت بزوغي من امي
وصيحاتي وزعاقي تتوالى في المستشفى معلنه حياه بوكيمون صغير اللي هو انا حتى اني اذكر اول مانولدت
قال الدكتور : ده الولد بينتزره مستقبل باهر <~ الدكتور كان مصري ان ماخانتني الذاكره
المهم لو تلاحظون يوم مولدي ثاني يوم عيد اضحى ,, يعني انا انسان لاقرب عيد الاضحى مدري وش يصير فيني
اجلس العب بالمشَايه ولا اكل سيريلاك ولا اي شي
حتى العالم اللي تسوي حفلات عيد ميلاد لهم ويستانسون فيها ويضحكون فيها مع اني ضد هذا كله لكن لو بفكر اسوي عيد ميلاد
محد مسوي لي وش هاليوم الميلاد ثاني يوم عيد اضحى ,, خرووف ؟
يعني لو بيسوون لي حفله وكذا ماراح يجيبون لي كيكه يا بيجيبون لي ذبيحه ولا بيجيبون خروف منسدح ويسوون زي فلم كرتون يحطون بثمه تفاح وبرجليه كنادر بيضاء وعليه شموع ولا يقولون لي سنه حلوه ياجميل بيقولون لي عيدك مبارك ياخروفنا
بعدين ثاني يوم العيد الناس تاكل كبده ولحم وانا توي مولود حتى امي وابوي احسهم يقولون وقتها ,, وش يبي ذا الله يصلحه احس ابوي يقول لاخلآنا نذبح ولا ناكل من هالكبده ولا نسوي زي هالعالم
ودي اسوي زي العالم وعيد ميلاد ويجيبون لي هدايا بس تاريخ مولدي مايساعد يعني الهدايا بيجيبون لي كبده وحميس وكيس فيه لحم مكتوب عليه
من ام محمد جيرانكم ,,
بعدين من زين الطبايع يقولون اهلي كانو بيسموني عيد ,, عَ اساس جاي في عيد الاضحى
زين ماسموني نعيمي ولا نجدي ,,
انا انسان انتظرت ومنتظر وسأنتظر لين يجي اليوم اللي احصل مفاجاه احد مسوي حفله ميلاد ويجيبون لي كيكه 
بالله كل واحد يغمض عينه ويفكر لبرهه بعيد اضحى ينولد هو وييييين زين ماطلعت لي قرون بس ليتني مولود في رمضان كان سموني لقمه القاضي بس صدق احسه يوم زي الناس ولا نهايه السنه <~ برى  هذا مافي جعبتي ولا لقيت الا انتم افضفض لكم 
|
1Likes
الوضع الشجري
