إقتباس إقتباس من مشاركة الماسه الزرقاء بصراحه الجو ونااااااسه ياليت كل يوم جونا كذا الله يديمها من أمطار والله يوفق الجميع وشكرا يا مراسلنا يا سهل

ودك تخيم بالثمامه

ايها الأخوة المشاهدون السلام عليكم ويرني ان اقدم لكم تقريرا مفصلا عن نشرة الأحوال الجوية ليوم امس وهذا اليوم ولكن قبلها يسرني ان اقدم لكم تقريرا مفصلا عن احداث يوم امس بعد ان قمت بجولة في شمال وشرق الرياض على متن سيارة لاندكروزر ابيض اللون موديل 2002 قير عادي تقل 8 اشخاص من بينهم محدثكم قرقاص وقد قمنا بمهمات انقاذ ومساعدة ناجحه ولكن من سوؤ الحظ ماخذت الكاميرا!!!! فقد قمنا بسحب سيارة لومينا متعلق على الرصيف على طريق الملك عبدالعزيز حاول عبور الرصيف لكنه غرز في التراب اللي فيه النخل وبعدها اتجهنا للمحمديه ولقينا راعي اللينكولن اللي طاح كفره الخلفي في احدى حفر المجاري وكان يحاول يرفع السياره بخشب !!!! مدري وش كان يبي بها الطريقه بس يمكن مع الروعه سواها بعدها طلعناه و عدنا للمصيف وعند بنده تحديدا لقينا هوندا غارق في المويه فدفيناه لين طلعناه من وسط البحر
وبعدها اتجهنا لحي القدس وشارع انكاس ولقينا حقين امانة الرياض يشفطون الماء من عند اسواق الشرقي من الجهة الشرقيه ويكبونها في الجهة الغربية وبعدين يسوون العكس مدري وشلون يفكرون
وهذه بعض الصور ليوم امس من جرايد اليوم



وهذه نشرة سريعة للأحوال الجوية


من خبرتها وهم يحطون شمس ومايجي المغرب الا والشوارع غرقانه مطر!!!!

قرقاص .....

يقولون أن بعد الأمطار بيجي موسم القرقاص !!!

صحيح ولا لا ؟

الله يعطيك العافيه يا قرقاص على النشره المفصله
لكن كان ناقصكم كاميرا علشان تصير الصور خاصه بالزعيم

إقتباس يقولون أن بعد الأمطار بيجي موسم القرقاص !!!

ماشاء الله على الامطار اللي هطلة عليكم جعلها امطار خير وبركه ..

حنا في الدمام جانا شيء بسيط بس اغرق بعض الاحيا من ضمنها حينا (( عبدالله فؤاد -سابقا -

حي الشفا - حاليا )) وان شاء الله الامطار متواصله على المملكة العربيه السعوديه خلال هذه

الايام وتسمى الساريات وهي امطار صيفيه ..

ربي يجعله خير لكم يا اهل الرياض