|
:::::::::: لماذا ( فاز الاتحاد ـ تعادل الأهلي ـ خسر الهلال ) ؟ :::::::::: ::::::::::: السلام عليكم ورحمة الله وبركاته ::::::::::: لماذا فاز الاتحاد ، وتعادل الأهلي ، وخسر الهلال ( قراءة مختصره ) اولا : الاتحاد : في البداية نبارك للاتحادين هذا الفوز القوي على فريق صيني قوي واجه الاتحاد فريق صيني قوي ومنظم وباغت الاتحاديين من البداية واستطاع ان يسجل هدفين وفي كل مره يعود الاتحاد وهنا اذكر بعض الاسباب في نظري 1- الاتحاد يملك مدرب يستطيع قراءة الفريق المنافس 2- الاتحاد رغم المشاكل الادارية الا ان الادارة تحتوي مشاكلها قبل أي مباراه آسيوية 3- الاتحاد يملك قائد حقيقي في الملعب وهو محمد نور شاهدوه كيف يصرخ على اللاعبين ويحفزهم ويدفعهم لبذل المزيد 4- في الاتحاد اكثر من 6 لاعبين فوق الثلاثين ومع هذا يقدمون عطاء يفوق لاعبي الهلال الصغار فسعود كريري مثلا يفوق مستوى هرماش والقرني لوحده 5- الجمهور ورابطة الاتحاد اكبر محفز للفريق فهم يدفعون اللاعبين بقوه عكس رابطة وجماهير الهلال 6- اللاعبين ملتزمين بمراكزهم وبقوة ثانيا : الاهلي : نبارك للاهلاويين نقطة التعادل ضد الفريق الايراني وهي نقطه ايجابيه واجه الأهلي فريق ايراني قوي على أرضه ومع هذا استطاع التعادل للاسباب التالية : 1- مدرب قوي ويستطيع تغيير الخطط اثناء اللعب بكل اقتدار 2- لاعبين يملكون حماس منقطع النظير يقاتلون من البداية حتى النهاية 3- إداره قوية وقفت بحزم مع المتخاذلين وابعدتهم عن الفريق فالفريق لايقف على لاعب معين 4- المحافظة على الاجانب المميزين من الموسم الماضي 5- استشعار أهمية البطوله واستشعار أهمية تمثيل الوطن 6- اداري للفريق قوي وصاحب نظرة فنيه تساعد المدرب 7- اللاعبين ملتزمين بمراكزهم وكل لاعب يعرف المهام المناطة به ثالثا : الهلال : هارلكم الخساره والاياب ليست صعبه بحول الله وقوته واجه الهلال فريق كوري كان قبل اللقاء تم تصويره على انه بعبع مخيف قد يلتهم الهلال واستجاب الهلاليون لهذا التصوير رغم سفر المدرب قبل شهر ومشاهدة الفريق على الطبيعه لكنه كما يبدو لنا انه لايجيد قراءة الخصم ولايملك خطه واضحة بالملعب فملعب الهلال يشبه لحد ما (حارة كل من ايد اله ) فوضى وعدم تنظيم وعدم التزام ولعلي الخصها بالاسباب التالية : 1- مدرب الهلال مدرب ضعيف فنيا ولايجيد قراءة الخصم كما أنه لايملك منهجية واضحة فتراه يلعب بمحورين واحيانا بثلاث اظهره وربما اربعه ومهاجمين ولايو جد صانه لعب وهكذا 2- إدارة الهلال مثالية اعلاميا ضعيفه اداريا فالهلال يتعرض لقصف اعلامي يوميا والاداره صامته كما انها لا تستطيع التعامل مع اللاعبين بحزم او بقوة ومثال ذلك وقفت تتفرج على قضية الفريدي وتتركها للايام بدون حل جذري وحاسم ( البقاء أو الرحيل ) وانتهى الأمر 3- لايوجد اداري للفريق بعد رحيل سامي وهذا يدل على قوة اللاعبين على الادارة وفرض رايهم 4- لايوجد في الهلال كابتن حقيقي يقوم بالتوجيه وتحفيز اللاعبين والصراخ عليهم فقط قطعة قماش كثيرا ما يتعازمون عليها وهي فقط لاجراء القرعة لاغير 5- المركز الاعلامي بالهلال يشارك بالفوضى الحاصله بالهلال والمفترض انه يعرف ماله وما عليه 6- لاعبي الهلال لايلتزمون بمراكزهم والمدرب والادارة لايحركان ساكن 7- الأنانيه تضرب اطنابها في الهلال وبقوة والجميع يتفرج كذلك 8- ادارة الهلال تتجاهل الجماهير فالجميع كان يطالب بوضع المرشدي مثلا على مقاعد الاحتياط فقامت الادارة ووضعت شارة الكباتنيه على اللاعب وهو نفسه قد هاجم مدرب الفريق الموسم الماضي 9- رابطة الهلال اشعر انها تشجع اي فريق يلعب ضد الهلال بتلك الاهازيج البارده والقديمه وعدم التفاعل في العوده ( الاياب ) الأهلي : يملك أكبر فرصة بين الاندية الثلاث للتأهل إن شاء الله تعالى الهلال : إذا تحركت الإدارة بجدية فالتأهل من نصيب الهلال ان شاء الله فالأمر ليس صعبا الاتحاد : رغم الفوز إلا انه يجب عليه الحذر جيدا فلن يجد حكما مثل اليوم كما ان الهدفين الصينين لهما مفعول قوي فيكفي الصيني هدف واحد ليتأهل بأفضلية التسجيل وعليه يجب على الاتحاديين الحذر بشده ولايعميهم الفوز انتظر ارائكم :rose::rose::rose::rose::rose::rose::rose::rose::rose: تحياتي للجميع :rose::rose::rose::rose::rose::rose::rose::rose::rose: ( تعديل ... الفريق الصيني يحتاج هدفين للتأهل وعذرا للخطأ وشكرا للعضو رعد الجنوب 1 للتنبيه ) |
الاتحاد لو يلعب بدون مدرب أيضاً يفوز لانهم رووووووووووووووح |
اختصر لك كل كلامك بكلمه وحده (لاعبين الاتحاد والاهلي) يلعبون بذمه ويحسون انهم فعلا يمثلون الوطن > الهلال لا روح لا احساس لاعبين اكبر همهم الاستايل والسيارات يستلم فلوسه ويحرق اعصابك > وربي ان رجال اسيا الاتي وابو نوران هو القائد الوحيد السعودي الي يرفع راس السعوديه ب اكمله خلانآ واقعيين الاتي يستاهل وانصح لاعبينآ يتابعون كيف يلعب الاتي ويفهمون وش لون يلعبون بروح |
اتوقع الأتحاد هو اللي بيتأهل من الفرق الثلاث |
باختصار الروح هي وقود لاي فريق |
شرح وافي يعطيك العافية .. الهلال يعاني من عدم وجود قائد في الملعب .... اتفق معاك الهلال فقير فنيا ... أخطاء كبيرة في التشكيل الاساسي .. كان من الممكن ان يبدأ الشهراني ظهير يمين ويزج بالشلهوب او سالم تعزيز للوسط .. اللاعب الكوري صرحت اكثر من مره .. لاعب لايليق بالهلال اطلاقا .. ... |
ررررررررررررررررررررو ح الاتحااااااااااااد تكفيهم نااس تبي تلعب تبي تفوز تبي تعمل شي تبي تسعد جمااهيري رررررررررررو ح الاتحااااااااااااااااد وبس |
كل الفرق السعوديه بتتاهل ان شاء الله واذكركم الخصووم سهله للغايه اصعبها الايراني بس الاهلي بينتصر عليهم |
لما يكون فيه رجال يكون فيه قتالية .., لما يكون فيه قتالية تنبني الروح !! تشوف نتائج لما عندك ذكور ... حط يدك على خدك لين الله يفرجهآ !! مباريات خروج المغلوب وبالذات القارية يبي لها قتالية ثم قتالية ثم قتالية !! |
اهنيك صراحة اخوي على موضوعك ما شاء الله ,, وانا عندي تفاؤل ان الهلال راح يفوز بمباراة الاياب بحول الله وقوته ,, |
للاسف المستوى اللي وصل له الهلال من فشل الادارة اجانب الموسم الاخير مستواهم كان سيء ولما الحين فيه اثنين منهم يعني الادارة استخسرت تدفع كم ريال عشان اجانب تستاهل ..ماتبي تدفع وتدور اسيا ؟؟؟ |
الاعلام هو اللي خرب اللاعبين السعودين بشكل عام، بذات الصغار في السن.. ما اقول الا الله يوفق الهلال في الرياض! |
ياااحبيبي الروووح مهم بالملعب شووف الاتحاااد وربي يمتع باسيا فريق عند جمهور مايمل يشجع طوال المباراة ونقطة مهمة يمكن البعض ماركز عليها اجانب الاتحاد ينسجمون بسررعه والكل لاحظ هذا اليووم وان شاء الله بالاياب الزعيم يبدع ونشووف على الاقل شي يشفي غضبنا عليهم يااااارب وفق زعيمنا |
اتفق معك في ان مدرب الهلال ضعيف فنياً ولايقرا الفريق الخصم 0 تصحيح معلومه الفريق الصيني يحتاج 2 صفر لكي يتأهل والاتحاد فرصه كثيره0 الاهلي له ميزة الارض والجمهور واتوقع تأهله بركلات الترجيح0 الهلال بهذا المستوى والتكتيك خارج البطوله |
لا الوم الاعبين ولا الوم المدرب باقي مباراه سيكون انشاءالله لهم موعد مع المباراه القادمه |
الأتحاد لعب مباراة شوط واحد مع خشونة طاغية ولولا لطف الله لكان الفريق الصيني راح الصين بطيارة إخلاء طبي:cry::cry: الفريق الصيني كان ممتاز ومدربهم تاريخ < < ياليت يدرب الهلال " الأهلي حارب اسبهان لآخر ثانية يلعبون كأنهم بجدة روح وإصرار فريق متكامل ...له حظوظ كبيرة بالبطولة " هلالنا يعلب بلا رووووح ..ولا تكتيك..عشوائي داخل الملعب من بداية الدوري وهذا نهجه المدرب مفلس فنيآ ماعنده رؤية للمباراة ...حتى التغييرات متردد بها الهلال يحتاج غربلة ....ووقفه صادقة من رجاله الأوفياء لو راحت آسيا لا سمح الله يكفي كسبنا السديري ويكفي أن نكسب رحيل هرماش والكوري والسنغالي والمدرب ... يعطيك العافية قراءة رائعة :rose::rose::rose::rose::rose::rose: |
فاز الاتحاد لانه لعب بروح الفريق الواحد ,, وبثقة الكبار وبدعم واهازيج جماهيرهم التي تهتف بهم وهم خسرانين ,, عكس جماهيرنا التي تحارب لاعبينها كمثال تحارب احمد الفريدي وتطبل لمحمد نامي !! خذ هالعينه عندك وحللها لن تجد في مخها مفهوم كرة قدم |
رئيس الهلال يقول هالموسم موسم الافعال وليس موسم اقوال بس اللي نشوفه عكس كلامه يما حذرنا وحذرنا وحذرنا لاكن هو الفاهم ومعه الجويسر هم اللي يفهمون بالهلال بمبروك عليهم الهلال بكبره.....................................؟؟؟؟؟؟؟؟؟؟؟؟؟؟؟؟؟؟ |
انت تقارن الاهلي والاتحاد يعني علبالك ريال مدريد وبرشلونه بحريقه وعساهم مايتهلون انت تقول مثالية عبدالرحمن بن مساعد ونت مثالي ومسوي وطنيه وتبارك روح منتداهم باركلهم اوك هذى منتدى للزعيم فقط والاتحاد ان شالله فوز الفريق الصيني والاهلي كان الجزيره يستحق لكن الايراني ان شالله يطلعهم من جده وروح شوف منتدياتهم اجزم90%من جمهورهم واعلامهم يتمنى خسارة الهلال ولاتقول نكون احسن منهم هذي سذاجه تتمنى الخير لناس لاتريد لك الخير الهلال راح يعود بشرط وقلته قبل المباره وجود الفريدي والشلهوب وتكثيف الوسط كومباريه سباك والمفروض اقرب رحله على فرنساء المرشدي وغيره من اشباه الاعبين تواجدهم غير مفيد واذ مافيه مدرب فيه الحسيني او اي مدرب وطني قادر على قيادة الهلال كومباريه مخ مافيه |
بدون فلسفة زايدة .. لا مدرب ولا أجانب السبب هم اللاعبين يلعبون بدون روح وقتالية مدرب الاتحاد فاشل وخواف .. وأغلب لاعبي الاتحاد عواجيز وفاشلين ( تكر المنتشري السعيد ابراهيم هزازي .. الخ ) ومع ذلك يلعبون بروح وقتالية ويفوزون ويمتعون لاعبينا أفضل من حيث الامكانيات وصغر السن لكنهم يرتبكون ويلعبون بخوف للاسف |
سيخرج فريقان ويبقى واحد ... توقع :) الفريق الصيني ... يحتاجين يفوز بفارق هدفين .. ... الاتحاد ماكان جيد... في الدوري ... لعيبة الاتحاد عندهم علاقة ود مع الجمهور ... والواسطة فيها محمد نور ... الاتحاد دائما فريق البطولات ذات النفس القصير.. وخروج المغلوب ... لانه يشيله الجمهور مباراتين ثلاث يلاقي نفسه في النهائي .. تعود على هالجوو ... بالتوفيق للزعيم .... وتكفون لاتتخاذلون ... الروح المعنوية من هنا نصنعها .... تكفوون يارجال ... اعتبروها حرب ... خلوو اللاعبين يحسون ان وراهم جمهوور ينغزى به .. :) تقدرون .... والله ان شالله بيكرمنا :) |
انا ارشح الاهلي والاتحاد اما الهلال بيخرج كالعاده اللاعبين لاروح ولا مهاره ولامدرب والله مادري كيف بيعوضونها في الاياب والامور تعبانه الله يرحم ايام الرئيس الذهبي بندر بن محمد |
وربي كـلامـك سليـم السليـــم وبالصمييييييم أوافقـك بكــــل نقطــه ذكرتهـــا وياليت إدارتنـا تقرا موضوعـك وتحط ايدهـا على الجـرح وتشوف حل لهالسلبيات الحاصلة بالفريق وتتــدارك بعضها قبـل مباراة الإياب شكـــراً لموضـوعـك من جد ويعطيـك العـافيـه |
الهلال وانا اخوك فيه عدة مشاكل الخصها لك بالآتي : 1- زي ما تفضلت عدم وجود قائد ميداني ( مثل نور ) يحترمه اللاعبون ويلهب الحماس في نفوسهم ، وهذا ما يفتقده الهلال .. تخيل أسوأ لاعب عندنا هو القائد ... يا سلااااام !!!!!!!!!!!!!!!! 2- الهلال فنيا يعاني من عدم وجود صانع اللعب ( قائد خط الوسط ) .. وهذا افتقدناه اليوم بشكل ملحوظ . 3- خط دفاع يتواجد فيه المرشدي والزوري .. هل تنتظر منه الا الأخطاء والبطء وسوء التغطية . 4- هرماش والكوري هل هما مقنعان في الموسم الماضي لكي يتم الابقاء عليهما هذا الموسم ... اذا لدينا خانتين اجنبيتين لم نستفد منهما .. من السبب ؟ 5- لا أعلم ماذا يريد اللاعب الهلالي ليلعب بحماس حاله حال بقية لاعبي العالم !!!! عموما لست متفائل بالمباراة القادمة ،،،، |
ياخييييي والله الاتحاااد ناادي مشششش ممكننننن !! اييي روووححح اييي اصرااااررر اي حرررب اي قتالييههههه ؟؟ مو طبيعييين وربي !!!!! |
اخ بس لو يتجمعون ويشوفون درس من الاتحااد والله ماهي عيب ياخي قدرو الشعار يرحم امكم والله حرام تعبنا والله تعبنا |
رررروح الاتحاد وخشونة لاعيبتة قادتة للفوز وصدقني راح يتاهل الفريق الصيني |
انا كل مافكرت من بنقابل اذا تاهل حنا او الكوريين تجين غبنه وقهر ولاراح نقابل لاالاهلي ولا الاتحاد بنقابل بونيدكور والفريق الاسترالي فرق مفروشه لنا بالورد اااااااااااااه يالقهر ياخوفي سيناريو ذوب اهان يتكرر الله يستر |
لاعبين عندهم روح وحماس ماهم مثل لاعبينا شايفين انفسهم واللى زاد الطين بله هالمدرب الغبي |
إقتباس:
اللاعبين مالهم دخل المدرب اجبرهم على مراكز غلط وماوظفهم زين حاطلي الشهراني وسط!!! ونامي اول مره يلعب من العام والله حرام يلعب هالكوري معنا |
مشكلة الهلال عدم ودود رووووووح يامسلمين وكثرة الاحتفاظ بالكرة من قبل القرني وهرماش حتى اني احس اني مليت من كثر ماتبقى الكورة معهم وسط الملعب في الهلال بطيء بطيء بطيء أتوقع ان يتأهل الهلال ولكن الى متى ونحن نشاهد مباريات الهلال ويدينا على قلوبنا ؟؟؟؟ يامسلمين قكونا من الكوري وهرماش الله يرحم والديكم خلونا ننهزم بأبناء النادي وليس بمحترفين من هالعينه ؟؟؟ |
ان شاءالله يتأهل الهلال ويطلع الاتحاد والاهلي |
مبروك للاتحاد والاتحاد جمهورة يكفي للفوز بس نبغي حضور في الاياب وتفاعل وتشوفون والمدرب يلعب لاعبين صح مو كل يوم واحد وبكل صراحه الكوري مايصلح مع وسلي ياسر ووسلي ثنائي خطر اما الكوري خلوه مهاجم لحاله افضل |
باذن الواحد الاحد معوضين في الاياب |
لا الوم الاعبين ولا الوم المدرب باقي مباراه سيكون انشاءالله لهم موعد مع المباراه القادمه |
ااقولها لكم اللي عاجبه الاتحاد يروح يشجعه واذا تبي تمدحه روح منتداه وامدحه هذا منتدى الهلال ولرفع معنويات الهلال مو تهبيط معنوياتهم بمقارنات لاتجدي نفعا كلامك ع العين والراس لكن مووقته هذا الوقت وقت مسانده اللاعبين وتحفيزهم للمباريات القادمه كمبواريه ليس سيء ويجيد قراءه المباريات ولكن يعاب عليه فقط التاخير في التبديل والاهلي راح يفوز في الاياب والاتحاد يخسر بهدف ويتاهل الفريق الصيني والهلال راح يفوز بالرياض كفايا مقارنات قسم بالله مافي مجال للمقارنه الهلال افضل من جميع النواحي لكن روح لاعبين الاتحاد والاهلي هي الفاصل الاول هي الكلمه هي الداعم هي سبب الفوز الهلال يحتاج لروح ليظهر الهلال والله يوفق الهلال ويخيب ظنونكم وباذن الله اللاعبين قدها وقدود بانهم يخلوكم تندمو على اي مقارنه وعلى اي كلمه انتقاص بحق الهلال والموعد الملز بالتوفيق للهلال |
إقتباس:
وياليت ماتنتقص من حقوقهم كرجال مع العلم اني لو قلت انك منت رجال ماراح ترضى انتقي حروفك بعنايه ولاتنتقص من اي لاعب فجميع لاعبين الهلال رجااااااااااااااال |
لما سكون عندك لاهبين ظي نور ونايف ولاعبين اجناب علي مستوي الاتحاد والااهلي راح تفوز صدق الغريق الصيني سجل هدفين لاكن الاتحاد يعرف يفوز بروح لاعبينة الاتحاد مرشح قوي انو ياخذ كاس اسيا فيهم روح ومدرب يعرف يقراء فريق الخصم ومتي يغير شوف مدربنا خبص في الفريق كلها وتغيرات في اخر ربع المبارة علي المدرب ان يعرف كيف يقراء خصومه لا ياسر ولا الشلهوب ولا احمد الفريدي وربي الي يصير كثير ينا شفت المبارة ويالتني مشفتها ما استمعت وكل العرضيات غلط لما شفت مبارة ااتحاد شفت لعب حماس لعب جماعي ومن عرضيتن من ابراهيم الي اخوة نايف خلصو المبارة |
غياب العابد + الفريدي + الشلهوب اثر كبير على الهلال الفريق الصيني الي لعب معاه الاتحاد لو لعب معاه الهلال راح ياخذ الهلال 5 عندهم لاعب اغلى من ميسي و دفاع الاتحاد + الروح ساعدت الاتحاد اتوقع ان جميع الاندية السعودية راح تخرج الهلال لانه غير متسقر على تشكيلة الاتحاد لانه يقابل فريق مليونير عنده لاعبين عالميين اجانب بمئات الملايبن و الاتحاد معذور الاهلي راح يخرج لان دفاعه ضعيف جدا |
الفرق هو الدلع الي ملاقينه واداره ضعيفه جدا جدا وتجامل اللاعبين مجامله قويه بطيبه واذا كانت لا تقدر تفرض سيطرتها على اللاعبين عليها الاستقاله فورا لانها مستأمنه على النادي الكل شاف الاتفاق والاتحاد والاهلي وخاصة الاتحاد مع المشاكل والغلاغل الي بين الاداره واعضاء الشرف الا ان اللاعبين كانو رجال وقلبو النتيجه من خساره لفوز بماذا يزيدون عن لاعبين الهلال كلهم خلق الله بس الروح وحب الفريق هي الي تفرق بين لاعبين الهلال وبغية لاعبين الفرق الاخرى وكمان ادرة الفرق الثانيه اذا كان عندها لاعب مميز تتمسك به وبقوه الا الهلال يدلع اللعبين ومخليهم على راحتهم واذا جا يجدد للاعب يستسخسر فيه الفلوس مع انه يدفع في الاجانب ايا كان المبلغ |
اسمع بختصااااار شديد الوطنية وحب الوطن مايحددة مباراة كرة قدم ولا أحد يساوم عليها المهم : الله لا يوفق الاتحاد والاهلي كلهم كلاب ولا يتمنون لنا غير من حفرة لدحديرة الله لا يوفقهم |
اهنيك صراحة اخوي على موضوعك ما شاء الله ,, وانا عندي تفاؤل ان الهلال راح يفوز بمباراة الاياب بحول الله وقوته ,, |
اقسسم بالله حرام عليك تقارن لاعبينن الاتحاد الي يملكون رووح وحماس مع لاعبين ابن مسساعد رئيسنا يطبل للاعبين اذا خسرو ! يعني وش تبي الاعب يقدم دامه اذا خسر لقاء الي يمدحه واذا فاز نفس الشي ! اقول لرئيسنا الموقر ماهو عيب انك تمسك الاعبين وتعاتبهم بشده على هالمستوى من حقك تعاتبهم لانك تدفع عليهم ملايين وهم ماستاهلون خمس الاف وماهو عيب تمسكهم بالمعسكر وتشغل لهم شريط فديو يتابعون مباراة الاتحاد اممس وتشغل لهم مباراتهم امس البطوله للاتححححاد بهالروح الي يملكون رغم المشاكل الي عندهم الا ان روحهم قويه ولو يخلونهم يمثلون المنتخب كاس اسيا للمنتخب اه بالقههر بس قاله فيصل ابو اثنين هالجيل لاتنتظرون منه شي |
ياحبيبي التوفيق من الله والله لا الاهلي والاتحاد ظهرو بمظهر جيد ولكن التوفيق حالفهم |
الاتحاد ملك الروح والمدرب والقائد الاهلي ملك الروح والمدرب والنظام الهلال شوية عيال يجرون بالملعب لا روح ولا ارادة وتصميم ولا مدرب ولا قائد ولا تنظيم مستحييييييييييييييييييييييييييييييييلة يا اسيا |
إن كنت تقصد ان الهلال أداءه سيء بالمباراة أنت غلطان الهلال أبدع الشوط الثآني لدرجة أن اولسان جلس يدافع .. بس ما توفقنا بتسجيل الهدف , الفريق الكوري قدر يسجل من خطأ فادح . لآ تجلس تقول لي روح و خرآبيط , الاتحاد يلعب بأرضه تبيه ينهزم !؟ اللاعبين يدركون ان الهزيمة بأرضك تعني الكثير لأنه احتمال ضعيف انك تفوز بأرض الخصم . من ناحية الاهلي أقدر اقول نجى من سباهان لكن الفريق الايراني هذا مو سهل أبداً و الاندية الايرانية معروف عنها تبدع بخارج ارضها . أتوقع في الايآب : الاتحاد ينجو ويتأهل . الاهلي يخرج من البطولة . الهلال بإذن الله يتأهل , لكن اتوقع بصعوووبة . |
فرق بين من يلعب بروح عاليه وعشق للنادي اللي ينتمي له وفرق بين من يلعب بتهاون وماهمه شي بس همه الفلوس !!!!!!! الله يعدي الامور على خير بسسس :( |
لاعبين الاتحاد رجال بعكس اللي عندنا ناس اخر همهم النادي والجماهير |
ليه الهلال هو االاخير بس .. مايهمني لا الاتحاد ولا الاهلي .. همي الاول والاخير هو الهلال .. مو عيب وشي عادي الخساره وبرا ارضك بعد لانها كوره فوز وخساره .. لكن العيب والقهر انك تخسر بهالمستوى وهالاستسلام كانك تلعب قدام الريال !!! كومبواريه اعمى بهالمباراه .. ملعب الكوري وعبدالعزيز الدوسري وهرماش وهم بمستوى جدا منخفض ومخلي ياسر وسالم والفرج والشلهوب عنده بالدكه ؟!! الاخطاء فادحه والاعبين لازم يحسون بالمسؤوليه ويلعبون بمستوى غير اللي شفناهم فيه .. الجمهور هو اللي بيقول كلمته واذا صار شي غير بالايآب فهو بعد الله بسبب الجمهور فقط لا غير |
الروح هي من قلبت نتيجة الإتحاد والحماس الذي يبثه محمد نور على زملائه اللاعبين كان له دوراً إيجابياً أما ربعنا الله يرحم حالهم ولكن بإذن الله نشوف مباراة غير في الإياب ولاعبين يحرثون الأرض حرث |
احمل المدرب المسؤوليه الاكبر لانه هو اللي مختار هالتشكيله وهو اللي مابدل واصر على اخطآئه وطلع لنا الهلال بهالمستوى المبكي .. الفريق يبي له وقفه وكمبواريه يبي له قرصة اذن بعد عشان يعرف ان الهلال مو ملكه يلعب فيه وباعصابنا على كيفه .. نـآمي روح الله يسهل لك .. قهر ذولا يلعبون والشهراني والفرج يا احتياط ولا يلعبهم بخانه مو خانتهم !! ليه جايبينهم حنا ؟ّ! اذا تفائلنا بالرياض وقلنا الوعــد بالريـــاض مو تفائل بهالمدرب ولا باللاعبين بس عشان الجمهور لان الجمهور سيقول كلمته واذا تعدا الهلال اولسآن فـ الفضل بعد الله سيكون للجمهور .. الوعـــــــــد الـريــآض يا آولسآن .. |
الفريق الصيني اللي لعب مع الإتحاد كان ممتاز , وما أتوقع الإتحاد راح يتأهّل وإذا تأهّل راح يتأهّل بصعوبة أمّا سباهان ما أتوقع يسوي شيء مع الأهلي وأولسسان فريق سيء جدا , بس ارتباك الفريق أوّل الشوط الأول كان السبب في الهدف , وأتوقع رد الهلال راح يكون في الإياب ,,, الهلال والأهلي راح يتأهلون , والإتحاد ( إذا تأهّل ) راح يتأهل بصعوبة وأذكّركم بعد أسبوعين تحيـآأآتي |
الاتحاد والاهلي يملكان شي لايملكه الزعيم وهو الروح القتاليه في اللاعبين والاخلاص للشعار |
اهنيك على الموضوع الاكثر من رائع تحليلاتك في مكانها -- وكنت انا اقولها من امس خسارتنا امس 70 % يتحملها المدرب و30 % اللاعبين |
ياخوك مافي رجال في الفريق هذوله شويه سرابيت |
الله يوفق زعيمناا بالإياب تصحيح: الفريق الصيني لازم يجيب قولين مو قول واحد بإعتبار ان الأفضلية تكون في حالة التعادل فقط :) |
هارد لكم ياعشاق الزعيم .. ويارب نفوز بالإياب؛؛ حقيقة وبعيد عن المجامله والكذب والضحك على النفس ؛؛ الهـــــــــلال متهالك ومستواه ضعيف جدا وغير مطمئن ؛ فوضى داخل الملعب فالتركيز مفقود واللعب مجرد إجتهادات دون خطوره ،، كأن الهلال يلعب دون مدرب ؛؛؛؛ انا كأحد عشاق ومحبي الزعيم اتألم كغيري من محبي عشقنا الكبير (( الهــــــــــلال )) من تدني المستوى الى هذا الحد الهزيل ؟؟؟ هل هذا الهلال ..الذي كان يثير الرعب في قلوب الخصوم .. هل اصبح حملا وديعا يدعو للشفقه ؟؟؟؟؟؟؟؟ اتسآل بدهشه ما السبب في الوصول الى هذا المستوى المزري ؟؟؟ والسؤال الأهم هو ماهي الحلوووووووووووول الجذريه والسريعه للخروج من هذا الوضع المتردي الغير مطمئن إطلاقا وكيف يستعيد الزعيم هيبته (((( المفقوده ))) الله يعيننا ويصبرنا كعشاق ومحبين لهذا الكيان العملاق العظيم يارب . |
نبي مواضيع تحفيزيه شباب ارفعوا المعنويات |
أفتوني ليه الفريدي و العابد احتياط !!! |
تصدق ودي يتاهل الإتحاد والاهلي عشان يتقابلون والله ان تستمتع في مباراتين على كيف كيفك :s2::ba: والهلال حتى لو تخطى أولسان بإذن الله راح يواجه أديلايد الاسترالي او بونيودكور الأوزبكي وكل واحد منهم اصعب من الثاني :cry: هلالنا يعاني والإداره ماوراها الا الاستثمار حسبي الله ونعم الوكيل بس :mad: |
| الوقت المعتمد في المنتدى بتوقيت جرينتش +3.
الوقت الان » 09:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd