اقروا التاريخ زين تمعنوا يا اهل البقر !! - نادي الهلال السعودي - شبكة الزعيم

بنت · #1 17/09/2012, 06:49 PM

أعلم أنْ الموضوع والقصيدة لا تمت لهذا القسم ولكن من حبنا
للحبيب المصطفى أوددت أنْ أضع بين أيديكم قصيدة من أجمل
القصائد التي قرأتها بعد ردة الفعل لتلك الفئة الدنيئة التي حاولت
الاساءة للنبي عليه الصلاة والسلام

البراءة يا رسول الله من شر البشر

ومن رجال دينهم صورة ولا فيهم ضمير

والبراءة من عقوق وشرك وإنسان كفر

ومن عباد باعوا الذمة، بلا نفع وخير

والبراءة من نفاق ومن ضرار ومن ضرر

ومن نفوس همها الدنيا، ومرماها قصير

يامحمد.. يا نبي علم الدنيا الصبر

والله إن الصبر فينا فجّره وقت مرير

يامحمد كل ضلع كان مجبور انكسر

وكل جرح في بدنا من عذابه يستجير

يامحمد مابقى فينا ولا عرق خضر

ولابقى في صدورنا الاشهيق بلا زفير

انحنينا لين ساطتنا لواهيب القهر

وانتخينا ولالقينا في دواخلنا نصير

فرقتنا حربة الماسون والظهر انشطر

واشغلتنا لعنة الارهاب واحترنا كثير

ولا اتفقنا، وكل شي واضح، وتكفي العبر

لى متى يا أمة الاسلام.. مافينا بصير؟!

وين صرنا ، كل مانكتب سطر نشطب سطر

ماكتبنا الا صياح ولا شطبنا الا زئير

لايذين بخوف مابه لا فلاح ولانصر

وتايهين بلجة العالم، وقولة مايصير

مايصير إن النبي طه يهينوه البشر

ولا يصير إن الرسول يسيء له شخص حقير

ولايصير إنا نقول اللي حصل ازمة تمر

ولايصير إنا نتغاضى، النبي شانه كبير

النبي هذا العظيم الخالد بخلد الدهر

والحميم اللي على هديه نجينا من سعير

النبي هذا الكريم اللي سقى العطشى نهر

والنديم اللي على ممشاه ماضاع الضرير

النبي هذا الحبيب اللي فديناه العمر

والقريب اللي سكن فينا وغلانا كثير

النبي هذا البريق اللي شرق منه الفجر

والرفيق اللي دفاه أشعل دروب الزمهرير

يامحمد والله إنك فوقنا تاج وفخر

وأمتك يا أشرف الأشراف مازالت (بخير)

ماجبنا، لكن الأيام دولات وصور

والسحابة تاليتها تنتهي بظلمات بير

وكل حق ولو يطول الوقت حق، وينتصر

مرت فصول علينا وباقي الفصل الأخير

اقروا التاريخ زين تمعنوا يا اهل البقر

ولا تبيعون الضماير وانتم أدرى بالمصير

من طغى لابد ما يلقى المهانة والكدر

ومن بغى.. ربي على الباغي وله سوء (المصير)

للشاعر الدكتور صالح الشادي