المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

Like Tree1Likes
  • 1 Post By مقطوع راسي

إضافة رد
   
 
LinkBack أدوات الموضوع طريقة عرض الموضوع
  #1  
قديم 17/09/2012, 01:12 AM
زعيــم مميــز
تاريخ التسجيل: 03/05/2007
المكان: الــرياض
مشاركات: 4,965
ماحصل لي مع أكسيوم تليكوم حرفياً ..!!

بسم الله الرحمن الرحيم



لاأجيد المقدمات أبداً , دعوني أدخل في الموضوع

اشتريت جهاز بلاكبيري بولد 9900 جديد في تاريخ 22/9/1433هـ بغلاف اكسيوم والكيس الجديد
استخدمت لجهاز لفترة قاربت أسبوعين بعد العيد بكم يوم طفى الجهاز فجأة معي !!
رحت للضمان أكسيوم في شارع العليا فحص الجهاز قبل يدخله الصيانه وقالي بنرد عليك خلال 24 ساعه
ثاني يوم جتني رسالة منهم نعتذر لايمكن اصلاح جهازك !!
رحت لهم وبعد أخذ وعطى قالي الجهاز مفكوك !!
المهم تجادلنا وكبرت السالفة بحكم إني شاري الجهاز جديد وانا الي فك الكيس الجديد
قالي الموظف تعال بعد يومين بيجي المشرف وبيتفاهم معك انا ماعندي حل !!
جيتهم بعد يومين وقابلت المشرف الي اسم بدون مسمى فقط !!
قالي بنرفع شكوى وتواصل مع ادارة الشكاوى بكرة الصباح المهم ,
كلمت الشكاوي الصباح ردي علي موظف سوداني وبعد ماسمع المشكلة سكر الخط بوجهي !!
رجعت واتصلت مره ثانيه وكلمني سعودي اسمه صهيل تحديدا وقال برفع لك ايميل للصيانة وبيردون عليك ؟
لي الان قرابة شهر أو أقل بكم يوم محد دق علي محد رد علي !! ( محد معطيني وجه )
الفاتورة والشكوى عطيتها مندوبهم لنا 3 أسابيع وكل يوم كلم المدير العام وينتظر رده !!
ودخلنا في موال طويل عريض ماله نهاية سوى تطفيش المستهلك !!

تعرضت لانواع التكذيب منهم مع العلم أني أقسم بالله ان الجهاز انا فاك كيسه جديد
ودافع فرق سعر اكسيوم في السوقب بحكم انهم وكيل لبلاكبيري !!


الموضوع حاولت اختصره بأقل الكلمات ..
الي عنده حل ياليت يرد علي لانهم قسم بالله طفشوني !!


شـاكر ومقدر لكم
اضافة رد مع اقتباس
  #2  
قديم 17/09/2012, 03:31 AM
الصورة الرمزية الخاصة بـ مقطوع راسي
زعيــم مميــز
تاريخ التسجيل: 11/08/2007
المكان: بجنب الغضا أزجي القلاص النواجيا
مشاركات: 2,644
الله يصبرك ويعوضك خير ياخوي ..
أنا متأكد كل من دخل الموضوع له تجربة مشابهه ..
الغش عندنا عيني عينك واستهبال ما يصدقه العقل ..
ههههههههههههههه اذكر مرة الله لايعيدها قبل سنة اشتركت في جو "عذيب للإتصالات السعودية"
انا سألت قبل وكان فيه مشكلة ان الاشارة ما توصل حيّنا ..
لكنهم قالوا لي لك 3 ايام تجرب لو ما عجبك رجعه ويرجع لك ما دفعت كامل ..
قلت طيب .. واخذته وانهبلت طبعاً من سوء الخدمة تقطيع رهيب وجيتهم من بكرا ..
قالوا لي معليش الكرتون مشقوق ..!! ههههههههههههههههههههه
قلت له انت اذا اخذت المودم بتحطه في كرتون جديد للزبون الثاني ولا ..؟!
قالي إلا .. قلت اجل وش يهمك الكرتون هذا ..؟! قال آآ شوي اكلم مدري من ..
ويدق ويقوله السالفة .. ثم طبق وقال معليش هاذي سياسة شركة !
قلت له طيب هات اكلم مشرفك ذا .. قال معليش لو تبي تتواصل وعطاني الرقم المجاني حقهم ههههههه
ههههههههههههه قلت له ياخوي لو تبون تسرقون العالم طبوا بيوتهم واسرقوا وشوله فاتحين شركة ومعقدينها
ورحت للشركة الأم واشوى ضبطت اموري ورجعت دراهمي

زبدة الهرج الله ياخذهم هالتجار وياخذ اللي سامح لهم يسوون هالفعايل بالشعب
Mr.B.H.T likes this.
اضافة رد مع اقتباس
  #3  
قديم 17/09/2012, 04:31 AM
زعيــم نشيــط
تاريخ التسجيل: 17/07/2007
مشاركات: 870
الله يعوضك اخووي بس ترا ها الحركه صارت مع واحد مع اخوياي الا انه من دخلوا على المشرف وهو معطيه العين الحمرا ,, الشاهد انهم استبدلوا له جهاز بجديد لكن برضوا الجديد طلعت له مشكله بالبطاريه وحامت كبده وباعه وشرا واحد جديد .
اضافة رد مع اقتباس
  #4  
قديم 17/09/2012, 09:31 AM
زعيــم جديــد
تاريخ التسجيل: 05/11/2004
مشاركات: 20
مهما صار .. وحتى لو تأخر الرد
لا تسكت عن حقك
" ما ضاع حق وراه مُطالب "
الله يعينك .. وينصرك عليهم
وان شاء الله بتاخذ حقك كامل
بس ياليت تعطيهم العين الحمرا
لان واضح انك حبيب والحبابة ما تفيدك بشئ عند المطالبه بالحقوق
خاصه مع التجار الي ما يخافون الله
موفق ,,
اضافة رد مع اقتباس
  #5  
قديم 17/09/2012, 01:17 PM
الصورة الرمزية الخاصة بـ هلالـــ موت ـــي
زعيــم متواصــل
تاريخ التسجيل: 04/09/2007
مشاركات: 138
انشب لهم ولا تسكت عن حقك حتى لو توصل الامور للمحكمه
اضافة رد مع اقتباس
  #6  
قديم 17/09/2012, 05:51 PM
الصورة الرمزية الخاصة بـ AbdulRahman bin Mohammed
زعيــم مميــز
تاريخ التسجيل: 08/02/2010
مشاركات: 2,989
لعلمكـ ترى الجهاز اذا كان فعلا مفكوك ينلغي الضمان عنه


اذا مو مفكوك انشب لهم لمين يتجاوبون معك
اضافة رد مع اقتباس
  #7  
قديم 17/09/2012, 06:42 PM
الصورة الرمزية الخاصة بـ ع ـبود الودعاني
زعيــم مميــز
تاريخ التسجيل: 29/03/2009
مشاركات: 12,363
ابشر بالعوووض ي اخوي

وغريبهه منهم انا قبل اسبوع شريت جلكسي3 منهم الموظف يعدد المزايا الي عندهم والله اعجبوني حتى مافيه ضمممان الضمان رقم جوالك بعد يسجلون في الكمبيوتر واسمك ونوع الجوال

بسسس هذولي الشرركات نصب في نصب حتى اسعارهم تفرق عن المحلات الي برا

جوالي مثلك بولد 9900 ومشتريه اول مانزل بـ 1500 وعندهم قبل اسبوع بـ 1599
اضافة رد مع اقتباس
  #8  
قديم 18/09/2012, 05:16 PM
زعيــم مميــز
تاريخ التسجيل: 03/05/2007
المكان: الــرياض
مشاركات: 4,965
شاكر لكم ردودكم جميعا

تم التواصل مع حماية المستهلك وردوا علي بالاتي ( عزيزي المستهلك
السلام عليكم ورحمة الله وبركاته
نفيدكم نحن مركز تلقي البلاغات والشكاوى بجمعية حماية المستهلك بأنه قد
وصلتنا رسالتكم البريدية المرسلة إلينا بخصوص(اكسيوم تليكوم)،وعليه
نفيدكم بأن قرار مجلس الوزراء رقم (202) وتاريخ 17/6/1428هـ نص على "
إنشاء وحدة رئيسية في وزارة التجارة والصناعة بمستوى وكالة تسمى(وكالة
الوزارة لشئون المستهلك) ؛ تجمع فيها نشاطات خدمة المستهلك التي تتولاها
الإدارات المعنية بذلك في الوزارة , وهذه الوكالة هي الجهة التنفيذية
التي تتولى المسئولية الرقابية والإشرافية على التجار وإيقاع العقوبات
على المخالفين ، وبالتالي يمكنكم تقديم شكواكم إلى هذه الإدارة عن طريق
الرقم المجاني8001241616 المخصص للإبلاغ عن أية شكاوى ضد التجار أو
المتاجر , كما يمكنكم التقدم بشكوى عن طريق زيارة موقع وزارة التجارة
والصناعة على الرابط http://www.mci.gov.sa
شاكرين لكم طيب تواصلكم معنا,,
مع تحيات
مركز تلقي البلاغات والشكاوى
جمعية حماية المستهلك
ولمزيد من التفاصيل نأمل منكم زيارة موقع الجمعية:
www.cpa.org.sa )
وتم التواصل مع وزارة التجارة وبإنتظار الرد منهم ..
وسأوافيكم بكل جديد بإذن الله
اضافة رد مع اقتباس
  #9  
قديم 19/09/2012, 05:30 AM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,922
اف اف

هذا وأكسيوم هي اللي ماخذه السمعة في السوق

كل هالسمعة وفي الأخير طلعت خدمة الصيانة فاشلة

لاحول ولا قوة الا بالله

وين الرقابة ياناس

الله يعينك وبلغنا وش صار معك
اضافة رد مع اقتباس
  #10  
قديم 21/09/2012, 04:41 AM
الصورة الرمزية الخاصة بـ إحساس خالد
زعيــم مميــز
تاريخ التسجيل: 02/08/2007
المكان: عاصمه الكآبه & بلاد العم سام
مشاركات: 3,811
ارفع برقيه بالفاكس على الملك
’،
انا كان مزعجني واحد باتصالات ... كلام شوارع رحت للـ STC
ماحد احد بعدين طحت بموضوع كيف تكتب برقيه للملك
رفعت برقيه والله بعدها بثلاث ايام كلمني واحد نسيت اسمه قالي رفعت
برقيه كذا ... ومن الاخر حاب تتنازل قلت لا قالي كلام اترفع عنه وشوي
جاني رقم ويحلف لي انه اخوه الصغير سفيه وانه معاق
ويعتذر مني ويبيني اتنازل قلت الوعد الشرطه الفلانيه
وصار اللي صار .... الوكاد الولد ماشفته شفت اخوهـ لكن تأدب ...
’،
استفدت من الخبر هذا
وامانه قلنا وش يصير عليك

(( بسم الله الرحمن الرحيم

طبعا الطريقة برقية الى الديوان الملكي

واليك التفاصيل :

كيفية ارسال برقية للديوان الملكي وشكوى وزارة

التجارة والوكيل الموضوع سهل جداً ومجرب ...

1- أذهب الى وزارة التجارة واشتك عليهم وتأكد إن


خطابك تم توريده برقم وتاريخ معين وخذ رقم

التوريد والتاريخ ولا تضيعه ولا ترجع لهم ابد

ولا تروح لهم ثانية.

2- بعد 7 أيام فقط أرسل برقية للملك عن طريق

الرقم 969 ومن هاتف بيتك .. واكتب إنك اشتكيت

للوزارة ولا تجاوبوا معك.

3- البرقية كل كلمة بريال يعني لا تكثر قرق .. لا أنت

عندك قروش واللي يقرأ البرقيات ماعنده وقت...

نص البرقية للملك يجب أن تكون كالتالي:

"خادم الحرمين الشريفين يؤسفنا أن نرفع لمقامكم

الكريم الظلم الذي وقع علينا من شركة ........... وكيل

سيارات ........ حيث اشترينا منه سيارة جديدة وقد تعطلت

عدة مرات حتى ولم نجد لديهم قطع الغيار اللازمة علماً

بأننا رفعنا الأمر لوزارة التجارة ولم نجد منهم أي

تجاوب .. خادم الحرمين ليس لنا بعد الله إلا أنتم في

أخذ حقنا كاملاً من هذه الشركة وأمثالها "


ولعلمك ترى ما تحتاج تمدح ولا تردح بالبرقية

أصلا الملك ما يشوفها ولا يقراها إلا إذا تكررت

أكثر من مرة لنفس المشكلة...

وعموماً شنبي مهب على رجال إذا ما حلوا

مشكلتك بس عشان يفتكون من برقياتك...

سألني واحد جربتها ؟

1- مع الغرفة التجارية وخفضوا رسم تجديد

السجل من 900 إلى 300 ريال

2- مع البنك الأهلي استرديت مبلغي بسرعة

البرق بعد ما اشتكيتهم مع مؤسسة النقد

ملاحظة: لا يمكن تسجن عشان برقية إلا اذا

قليت أدبك مع الملك أو ارسلت في أمور ما لك

علاقة فيها - مثل ليش ما تفكون الربط بين الريال

والدولار .

أما مطالباتك بحقوقك فصدقوني سمعت

قصص يشيب لها الولدان مثلاً:

موظف في أرامكو كل يوم ياخذ طرف غرفة وينام

ولا يشتغل... بعد 5 سنوات نوم رفع برقية إن ترقيته

متأخرة .. جته الترقية قبل اخوياه اللي يكرفون .


بتسكتون على حقكم اسكتوا وخلوا الذيابه تاكلكم

تبون حقوقكم سووا مثل ما يسوي الرجاجيل .


تسعيرة البرقيات


الكلمة الواحدة سعرها كالتالي :


برقية مستعجلة تصل خلال 6 ساعات = ريال واحد للكلمة

برقية تصل خلال 24 ساعة = نصف ريال للكلمة


طبعا هذا السعر للكلمة الواحدة فيجب عليك الاختصار

وممكن ترسل اكثر من برقية مثلا كل اسبوع برقية

وتأخذ رقم البرقية لمتابعتها في الجهة التي سوف

ترسل اليها .


للأمانة منقول ..))



اخر تعديل كان بواسطة » إحساس خالد في يوم » 21/09/2012 عند الساعة » 04:57 AM
اضافة رد مع اقتباس
  #11  
قديم 13/10/2012, 10:38 PM
زعيــم مميــز
تاريخ التسجيل: 03/05/2007
المكان: الــرياض
مشاركات: 4,965
بعد الصلاة والسلام على رسول الله
أشكركم جميعا على التفاعل مع الموضوع
وأشكر وزارة التجارة حقيقة في التعامل الراقي مع المواطن وضمان حق المواطن
والحمد لله الفضل يعود لله ثم لوزارة التجارة ممثلة في الأخ : يزيد القميزي
بعد تواصل مع وزارة التجارة تم أخذ الفواتير مني جميعها واعطائي مذكرة استدعاء
لاكسيوم تليكوم ولكن ممثلهم لم يحضر ..!!
بعد ذلك قام الأخ يزيد مشكورا بالتواصل مع الوكيل الشرعي وشرح له المشكلة بالكامل
ثم تواصل معي الاخ يزيد وتواصلت انا مع الوكيل الشرعي وذهبت الى الصيانة
وسبحان الله ثاني يوم عطوني جهاز بديل ..
الي حاب أقوله لكم لااحد يسكت عن حقه خصوصا ان عندنا وزارة التجارة
بموظفينها ماشاء الله عليهم وناس تشتغل باخلاص وذمة وضمير
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube