حسن العتيبي .. لازلت وستظل ابناَ للنادي .. شاء من شاء وابى من ابى ..! - نادي الهلال السعودي - شبكة الزعيم

m_hilal_m · #1 13/09/2012, 03:21 PM

السلام عليكم

كثير من مواقع التواصل مستمره بالسب والشتم والتجريح
بحسن العتيبي وكأنه لاعب السنه والسنتين !!
حسن العتيبي حتى ولو كآن ع خطأ يضل ابن النادي اللي خدم النآدي اكثر من 20 سنه
كل هذا نسيتوه يالجماهير في لحظه ؟
ياما فرحنا حسن وياما مدحتوه ورفعتوا فيه ..

حسن ماجاب طاري انه زعلان وهو ع الدكه
حسن يقول طلعت اوضح الناس تسب !! تلومونه ؟!!!
طلع يوضح اللي حصل ينلام ع هذا ؟

المدرب اخطأ ومو اول مره والمغيربي بعد
ومع هذا يطلع الجاسر ويكذب العتيبي ويبرر للمدرب والرئيس

حسن بس يبي يعرف وضعه في النآدي !!
مايبونه ماله داعي حركات التهميش وكانه مو موجود
قولوا انت مانبيك ماتنفع للنادي وجود الحراس الثلاث مغنينا عنك
موضوع التهميش محد يرضاه لنفسه

واجزم لو ان الموضوع اللي حصل مع العتيبي يحصل مع ياسر
الكل وقف معه لان له اعلام يضخم الامور وله جمهور
حقيقه وللاسف

محد رآح يؤيد كلامي الا العآقل ..!

مجنون نواف 24 · #2 13/09/2012, 03:27 PM

انتهى الموضوع ؟؟ وبكرا فيه مبارات وموضوعك سامج واتمنى بدال ماتكتب هالمواضيع الي مامنها فايده تكتب مواضيع تحفيز للجماهيرر موضوعك موب وقته > وبخصوص عنوان الموضوع سيبقى ابن النادي شاء من شاء وابى من ابى ؟؟ الي يجهلك يقول احنا طردنآه ؟؟ هذا كله بيد المدرب والاداره الجمهور ماله دخل !! واتمنى من المشرفين حذف مثل هالمواضيع الي جابت لنآ الحباط ..!

مجنون نواف 24 · #3 13/09/2012, 03:29 PM

وبخصوص تكذب الجاسر والمدرب ومدري وش سالفتك > يعني حسن فوق راسه ريشه مايقول الصدق او مايحرف بالكلام ؟؟ بصراحه الف علامةة استفهأم ؟؟؟؟؟؟؟؟؟؟؟؟؟؟؟؟؟؟؟؟؟؟؟

القويطير · #4 13/09/2012, 03:38 PM

الى سلة المهملات .....................................................

غير الهلال ما حبيت · #5 13/09/2012, 03:40 PM

يعطيك الف عافية على الطرح وبتوفيق لي الجميع
وحسن انظلم وان شاءالله يتعدل الوضع وترجع الامور لي مجاريه

neo pavel · #6 13/09/2012, 03:41 PM

أهتم بالفريق كامل و لا أهتم بلاعب مستواه ضعيف واحتياطي

ورانا آسيا أهم من مشاكل الفريدي والعتيبي

mohammed al-yusuf · #7 13/09/2012, 03:43 PM

ادارة الهلال كلها لم تمكث ربع ما مكثه حسن العتيبي بالهلال

من العار معامله لاعب خدم الهلال اكثر من 20 سنه بهذا الاسلوب

اين احترام اساطير الهلال ..!

اين احترام من خدم الهلال ..!

هكذا تعاملون اساطيركم يا جمهور الهلال ؟

حسن العتيبي ومحمد الشلهوب اكثر لعبان خدموا الكيان الازرق

لو الهلال منصف لما خرجت الكبتنيه من الشلهوب والعتيبي

حسن يبلغ من العمر 36 سنه عاش بالهلال 20 سنه يعني مدة بقائه بالهلال اكثر من نصف عمره

وانا متأكد انه حسن العتيبي يلعب للهلال ونص اعضاء المنتدى لم يخرجوا للدنيا ..!

عيب يعامل بهذه الطريقه

حسن العتيبي حقق بطولات للهلال واخرها كاس ولي العهد امام الاهلي في نصف النهائي عندما عاد بالهلال في ركلات الترجيح اللي اشبه ما كانت بالمعجره .. وقدم للهلال الشيء الكثير

لكن للاسف ادارة لا تعرف احجام اللاعبين .. جعلت من بعض اللاعبين اللي ما يسوا شيء جعلته اسطوره ومن اللاعبين اللي خدموا الكيان اهانتهم

ادارة الهلال ( ما يطلوبه الجمهور ) لو حسن جماهيري كان شاهدت الاداره تعامله افضل معامله ..

اترك لكم هذه المقاطع لحسن العتيبي عندما ظهر في وقت اختفاء بقية لاعبين الهلال

كان الهلال ليس في افضل حالته ابداع العتيبي رجح كفة الهلال

الهلال امام الغرافه والفرق الاسيويه

العتيبي امام الاهلي في كاس ولي العهد عندما قهر الاهلاويه و اذهل الجميع

http://www.youtube.com/watch?v=idNPI3WqlBk&feature=related

m_hilal_m · #8 13/09/2012, 03:52 PM

إقتباس

الرسالة الأصلية كتبت بواسطة مجنون نواف 24


	وبخصوص تكذب الجاسر والمدرب ومدري وش سالفتك > يعني حسن فوق راسه ريشه مايقول الصدق او مايحرف بالكلام ؟؟ بصراحه الف علامةة استفهأم ؟؟؟؟؟؟؟؟؟؟؟؟؟؟؟؟؟؟؟؟؟؟؟

إقتباس


	محد رآح يؤيد كلامي الا العآقل ..!

............

مجنون نواف 24 · #9 13/09/2012, 03:52 PM

Everyone should only speak the coach is the one who does Maizhae

m_hilal_m · #10 13/09/2012, 03:57 PM

إقتباس

الرسالة الأصلية كتبت بواسطة القويطير


	الى سلة المهملات .....................................................

عفوآ
اترفع عن الرد ...

إقتباس

الرسالة الأصلية كتبت بواسطة غير الهلال ما حبيت


	يعطيك الف عافية على الطرح وبتوفيق لي الجميع وحسن انظلم وان شاءالله يتعدل الوضع وترجع الامور لي مجاريه

حسن انظلم ومالقى اللي ينصفه

إقتباس

الرسالة الأصلية كتبت بواسطة neo pavel


	أهتم بالفريق كامل و لا أهتم بلاعب مستواه ضعيف واحتياطي ورانا آسيا أهم من مشاكل الفريدي والعتيبي

اللاعب من الفريق واهتمامي بالفريق هو اهتمامي باللاعبين ..
بغض النظر عن مستوااه الرجل انظلم ويبي من ينصفه
اذا داخل النادي مشاكل مستحيل تحقق الاسيويه !!
موضوعي ماراح يجيب لك الاسيويه ولا يبعدك عنها

إقتباس

الرسالة الأصلية كتبت بواسطة mohammed al-yusuf


	ادارة الهلال كلها لم تمكث ربع ما مكثه حسن العتيبي بالهلال من العار معامله لاعب خدم الهلال اكثر من 20 سنه بهذا الاسلوب اين احترام اساطير الهلال ..! اين احترام من خدم الهلال ..! هكذا تعاملون اساطيركم يا جمهور الهلال ؟ حسن العتيبي ومحمد الشلهوب اكثر لعبان خدموا الكيان الازرق لو الهلال منصف لما خرجت الكبتنيه من الشلهوب والعتيبي حسن يبلغ من العمر 36 سنه عاش بالهلال 20 سنه يعني مدة بقائه بالهلال اكثر من نصف عمره وانا متأكد انه حسن العتيبي يلعب للهلال ونص اعضاء المنتدى لم يخرجوا للدنيا ..! عيب يعامل بهذه الطريقه حسن العتيبي حقق بطولات للهلال واخرها كاس ولي العهد امام الاهلي في نصف النهائي عندما عاد بالهلال في ركلات الترجيح اللي اشبه ما كانت بالمعجره .. وقدم للهلال الشيء الكثير لكن للاسف ادارة لا تعرف احجام اللاعبين .. جعلت من بعض اللاعبين اللي ما يسوا شيء جعلته اسطوره ومن اللاعبين اللي خدموا الكيان اهانتهم ادارة الهلال ( ما يطلوبه الجمهور ) لو حسن جماهيري كان شاهدت الاداره تعامله افضل معامله .. اترك لكم هذه المقاطع لحسن العتيبي عندما ظهر في وقت اختفاء بقية لاعبين الهلال كان الهلال ليس في افضل حالته ابداع العتيبي رجح كفة الهلال الهلال امام الغرافه والفرق الاسيويه http://www.youtube.com/watch?v=QOQOo8yFbyc&feature=related العتيبي امام الاهلي في كاس ولي العهد عندما قهر الاهلاويه و اذهل الجميع http://www.youtube.com/watch?v=idNPI3WqlBk&feature=related

+1

‪Faisal Al-Juhani · #11 13/09/2012, 04:05 PM

يعطيك الف عافية على الطرح وبتوفيق لي الجميع
وحسن انظلم وان شاءالله يتعدل الوضع وترجع الامور لي مجاريه

رعد الجنوب1 · #12 13/09/2012, 04:21 PM

يعني اللي يتفق مع رايك عاقل واللي يختلف مجنون 0ماقول غير الحمد لله
ثم اذا كان دكة الاحتياط ظلم لحسن فلعبه اساسي ظلم للهلال 0

سلطان عاشق الزعيم · #13 13/09/2012, 05:01 PM

ولد النادي موب ولد النادي يحترم انظمة وتعليمات النادي حلوه هذه اما اكون القائد للفريق واساسي او اخرّب انا مع المدرب ومع الرئيس ضد العتيبي ولا تبرر كفاية دلع اللاعبين مدلعين بما فيه الكفاية وانا اقول خله يعتزل ويفارق النكبه هذه احسن له واحسن لنا بدل الشوشره قبل الآسيوية

eemالزعـيـمAlza · #14 13/09/2012, 05:19 PM

المشكله مايدري الصحيح مع المدرب او اللاعب
المهم تركوا المدرب وحطوا اللوم على اللاعب والسبب عشانه لاعب مستواه منخفض !!

طيب بكذا يمكن تظلمونه وتظلمون المدرب بتوزيع التهم

احلى شي الواحد يتابع بدون يرمي التهم

بن جبله المطيري · #15 13/09/2012, 05:23 PM

ان شاء الله تنتهي سالفة العتيبي علي خير....

ادعموا الفريق بالمواضيع الحماسيه والمحفزه والمواضيع هذي الاداره تتكفل بها