|| ابرز ماحدث بالجوله الماضيه ||

ساوثهمبتون خصم ما يُستهان فيه أبداً، كلنا شفنا كيف حجر للسيتي ولليونايتد، أيضاً هالمباراة هي مباراة جيرو .. لازم لازم يسجّل .. هنري وبيرغكامب كانت أول أهدافهم ضد ساوثهابمتون، وهالشيء ممكن يكون مصدر تفاؤل للجمهور الآرسنالي .. جيرو صاير وجبة دسمة للإعلام الإنجليزي والفرنسي، بعد كل مباراة وفرصة ضايعة تبدأ المقارنات بينه وبين بيرسي، حتى فينجر للأسف بعد مباراة ستوك سألوه قالوا هل افتقدت فان بيرسي قال ايه أكيد بفقد واحد سجل 30 هدف بالدوري وهذا شي مب سهل! للأسف هذا أسوء جواب طلع به فينجر وزاد الضغط على جيرو بشكل كبير .. ما أنكر دور بيرسي واللي سواه معنا الموسم الماضي لكن وجب على فينجر أنه يرفع من ثقة جيرو بدل ما ينزلها .. كان ممكن يقول أن بيرسي قعد أكثر من موسم الى أن صار على ماهو عليه ومن هالكلام .. جيرو متواجد فيه كل مقومات المهاجم الناجح، ناقصه هدف بس وتنفل سبحته بإذن الله

شكراً ..

الكيو بي أر فريق سهل بس المباراه بتكون صعبه لأننا تونا مهزومين بنهائي سوبر أوروبي و بالأربعة بس نقول إن شاء الله نحقق فوز مطمئن و مستوى رائع و بعدها نلتفت لليوفي
اتمنى التشكيله كالآتي :
تشيك - تيري - كاهيل - اشلي - إيفا - ميكيل - لامبارد - موسيس - هازارد - أوسكار - توريس و يدخل ماتا بالدقيقة 60 بدال موسيس و بإذن الله نصقعهم ب 6 و تيري يسجل هدفه ال 50 مع البلوز
؛
بالنسبة لمباراة المان يو ضد ويجان أتوقعها تعادل او فوز لويجان
يعطيك العافيه ع التقديم

ساندرلاند وملعب النور؟ كان الله في عوننا .. أحد أشرس ملاعب الدوري الإنجليزي .. ليفربول لو يلعب ضد بروميتش سيتي ما ماراح تتصوّر بيفوز ولا يبي يبنشر .. ببساطة الفريق لحد الآن يبي يبني نفسه على المنهجيّه الجديده وكل مالها الجولات تشتد وتقوى .. تبي تمشي بـ منهجيّه واضحه وتبي تطبّق التكتيك اللي في بالك من حق كل مدرب إنّه يمشي بالوضعيّه اللي تتماشى مع أفكار ذهنه ويحس بنجاحها وهذي النقطة لحالها أساس كُل نجاح مُدرّب .. بس الأمر كيفيّة إنّك بتطبّق هالتكتيك و وش الخطوات اللي أنت بتقدمّها بهاللحظات وقت ما إنت تبني الفريق على هالوضعيّه والفلسفة اللي يتبعها بـ برندان .. يبيله وقت ؟ يبيله صبر ؟ كل هذي نعرفها تماماً ومعطينه الضوء الأخضر فـ مثل هالفلسفة اللي تريّحك وتحس إن مُدربك له فكره معينه وشاركها مع جماهيره وشرح لهُم الوضعيّه ..
طبعاً كـ مُشجّع لـ ليفربول مهُوب عاجبني الوضع بالفريق وكيف إننا نجيب نقطه من ثلاث مُباريات ومُباراتين كانت ضد أرضك .. فعليّاً النقاط ضد السيتي وأرسنال مقبوله .. الفريق ماكانت عنده مشاكل كبيره مع الأندية اللي تنافس على الدوري .. وضعيّه ليفربول من هالناحية كان يتفوق على السيتي وأي فريق كبير ينافس إمكانيّة وحظوظ فوز ليفربول مُتقاربه .. لكن اللي يلفط بـ مخّك كيف إنت ضد وست بروم تخسر .. بداية موسم ؟ تأقلم ؟ كلها ذي نخليها على جنب شوي قدامنا جولات مثل ساندرلاند الآن أبي أشوف التطبيق الفعلي لـ تكتيكات روجرز .. المشاكل اللي نعاني منها المُوسم الماضي ابيها تتلاشى خصُوصاً الكورة اللي ما نعرف نتعامل معها قدام الباب .. إحصائيّات بالهبل المُوسم الماضي وفُرص تحقيق الأهداف " 18 " كورة بالقائم والعارضه أظن ! .. تشوف الميركاتو يبدأ وينتهي والفريق ماعالج هالوضعيّه هنا إنت تحط نقطة وتوقّف شوي ..
ليفربول أبداً بـ مسألة تناقل الكورة من ملعبه لملعب الخصم فيها تحسّن واضح .. عالجنا هالأمر والخلل الكبير من الثلث الهجومي الأخير لـ ليفربول دائم ما تكون فيه فاعليّه ودايم هالجانب ضعيف من ناحية التهديف .. أحد أهم اسبابه عدم تواجد مُهاجم صندوق أو بالمُصطلح الأعنف " قروي " يخلّص لك مجهودات كبيره يسويها الوسط هذي نبي نعاني منها خصُوصاً الفرق اللي بتقفّل ..
هالثلاث جولات بين أقير وسكيرتل عمليّة " هجولة " و " فهاوة " بـ مخ الإثنين .. روجرز قام بـ إفتراضيات عجيبه على هالثنائي وإلزاميّة التمرير وترك العشوائيّة بحيث إبقاء الكورة مع الفريق لـ أطول فترات مُمكنه .. نرجع لـ فترات المُباريات السابقة ونلاحظ الأهداف اللي دخلت علينا بـ سبب هالإلزاميّه .. غير كذا إعطاء أنريكي وجونسون مهام هجوميّه كبيره .. مثلاً جونسون وأنريكي وقت الكورة ما تكون مع الثنائي الدفاعي تشوفهم بنص ملعب الخصم .. وهذي فيه ضغط كبير على هالثنائي وبديهي بتكون فيه هالأخطاء المتكررة .. ركزت على هالنقطة لأننا شفنا وضعيّه مختلفه لـ هالثنائي مع " كيني " وكيف كانوا أحد افضل الثنائيات فـ العالم والأعلى كلين شيت .. هالنقطة تحديداً متى ما تمّت مُعاجلتها الفريق يبي يوصل لـ مرحلة أنضج لـ إعطاء نسبه أكبر لـ الفوز .. متى ما وصل لـ أعلى مستوياته هالثنائي بتتعالج أمور كثير .. الجانب الدفاعي // البناء الهجومي .. بتشوف عوامل نجاح كبيره لـ فكرة روجرز ..
مُقابلة فريق يدربه أونيل هذي لحالها تضرب لها ألف حساب .. وخصُوصاً النشوة اللي حدثت بعد مجيئة لـساندرلاند الموسم الماضي .. وكيف كان عظمه بالحلق لـ أكثر فُرق البريمر تنافس وإنتشاله من وضعيّة مُتدنيّه .. لـ وضعيّة مُتقدمه بين الأندية وإمكانيّة فوزه كبيره بـ هاللقاء .. العناصر والعوامل والأدوات إكتملت لـ مُفكّر ومُؤرّخ فـ البريمر .. أونيل عالج الأدوار الهجوميّه بـ فليتشر .. ونشّط الأجنحه بـ جونسون .. فريق مُتكامل وعناصره قويّه جدّاً وخطوطه متكامله بـ كل فقرات الملعب .. مأموليّة صعبه جدّاً لـ ليفربُول و وضعيّه صعبه .. شويّة منطقيّة و تثبيت بوريني بالـ 18 والضرس على الطرف نبي نشوف تحسّن من ناحية التهديف ولو إنّي ما إقتنعت كل الاقتناع بـ بوريني لكن يبقى افضل من الضرس قدّام الباب ..

رينا
انريكي - اقير - سكيرتل - جونسون
ألان-شاهين
جيرارد
رحيم-بوريني-سواريز ..

تشكيلة واقعيّه وأشوفها مُناسبه جدّاً .. كون جيرارد يكون ثابت خلف المهاجمين وشاهين كـ محور هجومي و واجبات دفاعيّه بتقلل من خطورة الهجمات المضاده اللي يعاني منها الفريق طيلة الثلاث جولات الماضية ..
مايصلح نطمر جولتين ؟ ساندرلاند / يونايتيد .. صعبه يا عيال ..

رابطة ارسنال .. جعل يدينكم ما تمسّها النار لبّى خششككم على هالتقديم ..

ان شاء الله قدها و قدود القنــرز و ثاني على فوز على التوالي و الشباك نظيفة
و عقبال عودة المصابين و تقوى الشكيلة

تذكير بسيط .. حادثة هيلزبرو وبعد أحدث وأشنع الكوارث الرياضيّة فـ بريطانيا وكان نتيجة عدم التنظيم شهدت 96 قتيل فـ مباراة ايفرتون وليفربول بـ النهائي .. واللي نشوف لحظات صمت كثيره كل سنة و وقفات حول هالكارثه .. الصحيفه أعلاها طلعت وتكلمت عن هالقضيّه وتكلمت عن إن جمهور ليفربول كان أحد أسباب هالكارثه وإن الضحايا كان أكثرهم من جماهير إيفرتون وإن الجمهور له سبب بـ الوفيّات و تأخير إسعافهم ! .. ماكان فيه اسلوب ابجح من هالاسلوب ورجعت وتكلمت ان الجمهور " يتبوّل " على الضحايا أعزكم الله ! .. قذاره لا مُتناهيه لـ الصحيفة أعلاها ومن بعد هالكارثه إلى اليوم والنادي مُقاطع لـ الصحيفة .. الآن جماهير الليفر طالبت هالصحيفة إنها تحط هالعنوان على الصحفة الرئيسيّه لها وبـ بنط عريض وبالأسود .. وفعلاً هذا اللي صار والصّن تقدم اعتذارها لـ جماهير الريدز ..

فهد يامال العافية على التقديم مجهود يذكر فيشكر


ارسنال ساوثهامبتون

من الجميل اللعب مع فريق يلعب كورة حلوة وجميلة وبدون تقفيل وفي الامارتس .. اقولها وبدون غرور هو اختبار لهم وليس لنا .. صح الفريق بثر ونشب للسيتي واليونايتيد .. بس اتوقع في ظل الاداء التصاعدي للقنرز حقيقة وللامانة اتوقع نتيجة كبيرة لصالحنا ... لا اعلم عن مدى جاهزية ابو ديابي لكن الوكاد انه مهوب لاعب وهذا معناته مشاهدتنا للاسطورة القادمة بسرعة الصاروخ ارون رامزي ... مثل هالامور تحدث في كرة القدم .. تعاقد مع لاعب قريب جدا مننا مثل نوري شاهين كان كفيل باراحتنا من خشة رامزي لكن الله كريم ... حتى ولو شارك رامزي اتوقع نتيجة حلوة للقنرز.



هييرو سجلني متابع لقلمك من يوم الليلة .. قلم فخم بحق وحقيقة

فتكو بعافية

بالرغم من صعوبة المباراة إلا أنا لن نرضى بغير الفوز

بآلتوفيق لـ الارسنال " هالمره وبعــد ماشفت المستوى قدام الليفــر اتوقع واتمنى الفوز " وخصوصا بـ اقدام الامير بولدي

عوافي

الله يوفق القنرز قدام ساوثهامبتون صراحه فريق مايستهان فيه احرج السيتي واليونايتد وان شاء الله اشوف جيرو يسجل ويفطر

بالتوفيق للمدفع الهدار وثلاث نقاط مهمه ان شاء الله

ومتى ترجع ياجاكي وحشتنا قسم انه القنرز ياساده