العجوز والمراهق والخادمة .. !!




مشاكل المراهقين مع الخادمات مشاكل لا نهاية لها ولا نستطيع أن نتصور ما مدى ما قد تصل إليه ..

فالشباب السعودي خاصة والباكستاني عامة يعانون من اثر المتغيرات في اساليب حياتهم .. مما ينتج عنه حاله من تمازج الثقافات البشرية فيلجأ الهنود الى ممارسة لعبة الغولف في الشوارع والبارحات الفاضية .. !!




المهم ما اطول عليكم يقول راعي السالفة ..

تصادف بلوغي مع إن الوالد الله يغفر له ويطول بعمرة .. جاب شغالة اندونيسيه .. فيها سحبة عين ولا اطلق بخارية .. !!

يعني كل عينها سحبة والا ماهناش عين .. والخشم اللهم يا كافي كنه مجلسنا 4 في 6 .. وعليها جبهة لو ياخذها السعيدان يوزعها مخطط .. واغرب شيء هو الطول والعرض .. سبحان الله 2 في 2 .. !!

ماعلينا المهم يوم شفتها وانا اللي اشهق مادري وش اللي جاني بس حسيت انها فتاة احلامي ومستقبل حياتي .. عشقتها من أول قـزه .. !!

حاولت اصبر .. وصبرت اسبوع اسبوعين الا وماش .. ما قدرت اصبر .. واللي زاد المصيبة انها هي قامت تبادلني نفس المشاعر والاحاسيس الغرامية .. !!

فقررت اني افاتح العجوز ( الوالدة ) بالموضوع .. !!

المهم تحينت فرصة ذاك اليوم اللي كانت فيه العجوز مسفهله ومستانسه .. !!

ومثلكم عارفين شغل الدحوسة والتلزق .. !!

فعلى طول ماكذبت الخبر وقلت : وشلون القمر .. !!

هاه يمه وشلون اركيباتس .. تبين امرخس .. عسى مو ناقصس شيء بس .. وعسى مانتب محتاجه شيء ونفسك فيه .. !!


المهم العجوز ( الوالدة ) شكت بالموضوع طالعتني بذيك النظرة ولا خالد الفرحان اذا شاف يوسف الثنيان وقالت لي : وهي تحاول الامساك باقرب زنوباتها .. وش عندك ياخايب الرجاء .. كنك مثل زجالوا ..؟؟؟ ( اصل الوالده عندها ثقافة برازيلية .. وفي بعض الروايات ذات السند الضعيف أن اصل الوالده برازيلي ) .. !!


فقلت : ابد ياميمتي بس ابي فزعتس في موضوع .. !!

قالت : هات اللي عندك يالدمله .. ((عادي ام تدلع ولدها)) .. !!

فقلت : ابد ياميمتي انا ابي اعرس .. !!

والله وشوي إلا وجه الوالده يوم اسفهل وتقوم تفحز الزنوبه وقالت :
بعدي ايه هذا اوليدي اللي انا اعرف ( بلاتس ما تدرين وش بيقول بعد اشوي ) .. !!

لا وعلشان اغريها زود والين راسها قلت :
بعد ابترك التتن واصير اشيش بس .. عاد هي افرحت (( تحسب الشيشة شيء زين)) .. !!

قالت : أجل من هي بنت الحلال اللي حاط عينك عليها ياوليدي ..؟؟؟؟

فقلت : ابد يمة ( وعلى بالي ابقرب لها ومابي اصدمها ) .. قلت :
شفتي شغالة جيراننا تراني ما ابيها .. ولا حتى شغالة ابو اعزيز اللي ساكن فوقنا .. !!

حسيت انها وبحركة لا ارادية قربت الزنوبة مرة ثانية فاستعديت لتلقي سطرة مفاجئة بسرعة 100عقدة /بالساعة .. !!

فعاد قمت انا وابعدت اشوي عن مدى الزنوبه .. ثم القيت بالقنبلة .. !!
وقلت :
يمه ابيتس تخطبين لي ( سوهااااااااااتي ) شغالتنا ..!!


( في تلك اللحظة بس .. أول مرة اقتنع ان امي اصلها برازيلية )


فلم أكد أكمل كلامي إلا والوالده ناقزه مترين فوق .. ثم جت على جنب ودبل كيك في جبهتي .. وانا اللي انقز وانط في النخلة وارتد مرة ثانية .. وهي اللي ترقدني على صدرها .. ثم اتنزلني على ركبتها .. وهووووووووب على الطاير في باطن القدم في الثمانيات حقت باب الحوش قووووووووووول ..قاموا اخواني يطامرون وبعضهم من الفرحةفصـخ فنيلته ..على بالهم هدف ذهبي .. !!

المهم وبعد مالعلبت الوالده بصحتي .. قمت وانا اترنح ( دايخ ) وانفض الغبار من هدومي .. وانا اقول في نفسي كله عشان سوهاتي يهون .. !!

وقلت لامي ونا مسوي نفسي زعلان : انا طالع ومانيب راجع للبيت الين ماتوافقون على زواجي من سوهاتي .. !!

طبعا ماكملت كلامي .. إلا وذاك التبسي اللي كنه الصحن الدوار في جبهتي .. واشوف الوالده واقفه وكانها من حقين الكونج فــو .. !!



المهم وبعد هذه الأحداث الداميه كان لا بد من أن اخذ موقف جدي لكي تتم الموافقة على طلبي .. !!

فقررت أن أعمل مقاطعة للمنتجات المنزلية في بيتنا .. واضربت عن المطازيز والقرع والمرقوقه .. واعتكفت في غرفتي .. الين بغيت اهلك من الجوع .. وبدأت صحتي تتدهور وحالي يضعف .. !!

وبعد أن رأت عائلتنا الكريمة ما حصل لي .. تم أرسال مبعوثة السلام اختي إلى غرفتي .. وبعد أن تناقشت معها كثيراً وحاولت التوصل معي إلى حلول لاعادت العلاقات المبتورة بيننا ومن ثم اعادتي الى مجموعة العائلة الكريمة .. !!

ولكن لا فائدة .. فأنا مغرم جدا بالخادمة سوهاتي .. !!


وبعد أن وصلت الأمور إلى طرق مسدودة .. قررت العجوز أن تتدخل للقضاء على هذه المشكلة .. !!

ففجئة إلا وباب غرفتي مدفوع بكل قوة .. وإذا أنا بالعجوز واقفه أمامي .. وشادة شيلتها على وسطها وكأنها مستعدة لخوض معركة كارتية .. !!

المهم أن مجرد دخول العجوز افزعني .. وقبل أن يشرد ذهني في ماذا ستفعل بي .. إذ هي تصرخ بأعلى صوتها .. ثم تركض نحوي .. ويوم أنها قربت كان ترفسي ذيك الرفسه في بطني .. ويوم إني نزلت راسي وإذ هي تباغتني بلكمة خطافية .. أعادة لي صوابي .. !!

فتوسلت لها أن تتركني .. ولكنها عاجلتني بحركة سوبلكس كادت أن تكسر عظامي .. !!

المهم قامت تجلد فيني العجوز إلين قلت اشهدإن الجيب سيارة .. ويوم إني حسيت من كثر الجلد والبقوس إن روحي بتروح بيد العجوز .. !!

قلت لها : خلاص والله إني هالحين عرفت بس .. أن الله حق وأن الملائكة وأن النبين حق وان الموت حق وأن النار حق وأن الجنة حق ..!!





المهم زبـــدة الموضوع ..

يا من ابتلي بخادمة وعنده مراهق في البيت .. انتبه واحذر وفتح عيونك زين .. فالأمر جداً خطير .. فأنت تجمع في بيتك البنزين والنار .. !!


هذا ومن أراد أن يعلق على الموضوع .. فله مطلق الحرية والتصرف .. !!


(ملطوووووش) = (منقووووول)