اتمنى من الجهاز الفني اعطاء الفرصه للحراس البدلاء . واعطاء العتيبي اجازه طويله الامد

الهلال غاب عنه الدعيع وماتأثر
والدعيع افضل من حسن
مشكور اخوي على موضوعك
بس الهلال ما يتاثر بغياب اي لاعب
وإذا على حسن .... بكره يجي للهلال حار افضل منه بإذن الله
تقبل مروري

أعتقد حسن آلعتيبي زودهآ شوي ... ف آتمنى بيع عقدهه أو إعآرتهه لـ سببين :
كبر سنه ، وجود الأفضل منه "$..............!

لو فيني شده كان نزلت لك ثلاث صفحات يوتيوب لابو عتب على قولتك كلها نكبات للهلال

لاتسوي مقارنات تصير فيها خسران ماعلى العتيبي اكثر من الي له .

( دعوها فأنها منتنه )

لا بد أن نؤمن بأن للعمر دور وخاصة في ردة الفعل السريعة
والرجال عمرة36 الله يعطية العااااافية
خلاص لابد أن نعطي اللاعبين الصغار الفرصة
في صالح النادي وفي صالح المنتخب

حارس نكبة بكل ماتعنية الكلمة ومع احترامي موضوعك مخالف للواقع المفروض حسن يتعلم من السديري الامضباط مع انه اصغر منه..
حسن اكبر لاعب فالفريق ويسوي هالحركات... من جد عقله صغير وشفيها اذا حيطك المدرب..؟ قبله حيطوا يوسف وسامي ومحد منهم سوا اللي سواه ..
اذا حطيت لنا اربع مقاطع ابداع بتلقا اربعين مقطع نكبات من حسن ويكفيك اللي صار هالموسم واهداف الفتح وهجر فينا

اتمنى يتدخل الامير عبدالرحمن ويحل الموضوع وحسن لاعب كبير وقائد للفريق كنت اتمنى يكون قدوه للاعبين الصغار

اشوف الردود عكس ما اشتهت ريح عنوانك .. وانا ماراح انكر مواقف حسن ولا ماضيه
لكن التعالي والظهور للاعلام بمظهر المظلوم ليس وقته ولاهو صحيح في الاصل .

حسن مستواه الان لا يؤهله لحماية العرين الهلالي حقيقه يجب ان نقر بها .. والمجامله على
حساب الهلال الكيان انا وانت وكل هلالي يجب ان نرفضها .

وخذها مني البقاء للأصلح والمدرب يريد من يفيده في الفريق ويحقق نتائج ايجابيه

على فكره نصيحه مني حاول تغير عنوان الموضوع لايجي ابو علي مندفق وينصفق

إقتباس الرسالة الأصلية كتبت بواسطة almtab3 اشوف الردود عكس ما اشتهت ريح عنوانك .. وانا ماراح انكر مواقف حسن ولا ماضيه لكن التعالي والظهور للاعلام بمظهر المظلوم ليس وقته ولاهو صحيح في الاصل . حسن مستواه الان لا يؤهله لحماية العرين الهلالي حقيقه يجب ان نقر بها .. والمجامله على حساب الهلال الكيان انا وانت وكل هلالي يجب ان نرفضها . وخذها مني البقاء للأصلح والمدرب يريد من يفيده في الفريق ويحقق نتائج ايجابيه على فكره نصيحه مني حاول تغير عنوان الموضوع لايجي ابو علي مندفق وينصفق

اي والله جاكم اسم الموضوع على "الكيف" لكن ماقدر اغيرة من عندي

يعطيك العافية حسن لاعب كبير اتمنى من الادارة تحل المشكلة وتريحنا من الهم

كم يقول المثل

.. لو دامت لغيرك ماوصلت اليك ..

اتمنى من الكابتن حسن يفهم انه خلاص شارف على الاعتزال

وكمشجع لا انكر تضحياته للكيان

لكن خرج من هو افضل منه وعليه القبول بذلك ومحاولة الوصول لمستواه

الحقيقه مستواه نازل وهذا مايشفع له انه يبقى اساسي وهو زعلان يبي اساسي

الحمد لله فيه السديري يسد مكان الدعيع والاهداف الي دخلة في العتيبي يصدهأ حارس الحواري