مساء الخير على الجميع

هاردلك التعادل المخيب للامال وان شاء الله المباراة القادمه امام الجار تكون افضل
انا اليوم شفت مواضيع كثيره تتحدث عن مستوى الزعيم عامه وبعض الاعبين خاصه وانا صراحه استحي ان اتكلم عن الهلال لانه ليس مثل الفرق الاخرى الهلال حقق 7 بطولات في اخر 5 سنوات يعني الهلال اسعدنا كثيرا في المواسم الماضيه ويجب ان نعلم مثل مايعمل الهلال هناك ايضا فرق تعمل يعني امر طبيعي ان يكون انخفاض في المستوى فالهلال ليس برشلونه وانا اريد ان اضب لكم مثل في نادي الريال فهو لعب ثلاث مباريات خسر اثتين وتعادل مره يعني الامور هذي طبيعيه انا احب اقول ان الان مو وقت الانتقادات احنا في بدايت اول 4 جولات من الدوري وباقي حوالي 22 جوله احنا الان همنا الاول والاخير (اسيا) ولو كان على حساب الدوري فالهلال حقق الدوري 14مره ةفي اخر 5 سنوات حققناه 3 مرات
يعني بالعاميه شبعنا من الدوري نبي (اسيا) والمدرب صرح بذلك وقال انا همي الاول والاخير كاس اسيا وهو من الاسباب اللي خلتني اوقع للهلال انا اقول لكم ان فيه مستوى متذبذب بعض الشي ولكن لنتكلم بعين العقل الدوري اما للاهلي او الشباب واذا كانت فيه منافسه ستكون من الاتحاد لانهم افضل الفرق في التعاقدات المحليه والاجنبيه وعندهم استقرار على مستوى المدربين اما الهلال فلقد تعاقد مع مانقان و ويسلي في اخر اسبوعين والمدرب قبل المعسكر بثلاث ايام وغير هذا فيه لاعبين تركوا الهلال وفيه لاعبين دخلوا التشكيله الاساسيه لم يكونوا موجودين العام الماضي مثل ياسر و ويسلي و مانقان و السديري و عبدالعزيز الدوسري يعني حوالي 50 بالميه وهم الان في تجانس بينهم وعلى الاقل لو نصبر عليهم الى مباراة النصر والشعله يكون افضل لان وقتها يكون لكم الحكم على مستوياتهم وانا مستعد ان اتخلى عن الدوري على ان اخذ اسيا .
للمعلوميه الهلال قدم مستوى ممتاز امام الاتفاق ولولا الهدف اللي جاء كان تغير الكلام والمواضيع اللي في المنتدى الان


(ملخص المباراة)
1- السديري قدم نفسه وبقوه في هذه المباراة لانه تصداء لاكثر من كورة خطيره
2-مانقان والمرشدي وضح التفاهم بينهم وتحسن مستواهم قليلا ولله الحمد
3- الزوري وسلطان مستوى ثابت بينهم ولله الحمد والقادم احلا ان شاء الله
4- هرماش والفرج برايي الشخصي افضل محاور في المملكه في الوقت الحالي
5- الدوسري والشلهوب ممتازين ولكن يعاب عليهم الفلسفه الزايده امام المرمى
6- ياسر و ويسلي اخطر مهاجمين في السعوديه برايي و واضح بينهم التفاهم
7- المدرب تغييراته ممتازه وتكتيكه خصوصا بادخاله لسالم بدل من هرماش والكوري بدل من ياسر.

تحياتي لكم وان شاء الله اني اكون وفقت في طرح الموضوع,

ما ادري الموضوع مكرر شكرالك

اعجبني موضوعك اخوي واهنيك على عقليتك وتفكيرك

المشكله هنا في جمهور فوز فقط واختلطت مع المندسين

يبغون فريق مايخسر ولا يتعادل وين صارت هاذي

يعطيك العافيه على موضوعك


الي راح يرجع الزعيم جمهوره اذا كان فيه جمهور ومؤازره تأكد ان الزعيم بخير

اتفق معاك في كل شيء الا حق منغان هذا لاعب مقلب وراااح تذكر كلامي

ايه انا كتبته البارح ولكن خلال ساعه راح للصفحه الثانيه ولم يدخله كثير من الاعضاء وانا كتبته مره ثانيه لانه موضوع مهم وانا ماكتبته مره ثانيه الا لغيرتي على ناديي الزعيم

إقتباس الرسالة الأصلية كتبت بواسطة عااشق كاكا اتفق معاك في كل شيء الا حق منغان هذا لاعب مقلب وراااح تذكر كلامي

اخوي ياليت ماتحكم من بدري الدوري توه على بدايته والاعب راجع من اصابه

إقتباس الرسالة الأصلية كتبت بواسطة زعيم آسيا6 اعجبني موضوعك اخوي واهنيك على عقليتك وتفكيرك المشكله هنا في جمهور فوز فقط واختلطت مع المندسين يبغون فريق مايخسر ولا يتعادل وين صارت هاذي يعطيك العافيه على موضوعك الي راح يرجع الزعيم جمهوره اذا كان فيه جمهور ومؤازره تأكد ان الزعيم بخير

الف شكر على ردك الراقي وشرفتني بمرورك

اخوي ملك التواضع هههههههههه

من كثر اعجابي بموضوعك كل شوي نقطه


اتوقع المنافسه واعتبرها بدري عليها بقوهه

تتكون بين الشباب والأهلي

دخلت الاتحاد وانا اشوف الاتحاد هم بعد مو في مستواه

شفنا لعبهم امام الفيصلي وكان الفيصلي بالشوط الثاني مسيطر على مجريات المباراه

إقتباس الرسالة الأصلية كتبت بواسطة زعيم آسيا6 نسيت اعلق على هالنقطه بالعكس في تغيريه ذا ماتوفق فيه المدرب الهجوم امس ماكان فيه اي شي وكان يشكل خطوره ياسر و لوبيز الخطاء لو استنى الكوري شوي واشراك الشهراني بدل الدوسري كان افضل بحكم ان الفريق مسيطر على المباراه وجهة نظر وتبقى المسئله للمدرب له حريه التبديل والله يوفق الزعيم

اخوي مع احترامي لك لو المدرب حط اي تشكيله سواء هجوميه او دفاعيه راح يكون هناك من ينتقده وهناك من يكون معاه يعني في تناقض اهم شي فكر المدرب ورضاءه على تغييراته

إقتباس الرسالة الأصلية كتبت بواسطة زعيم آسيا6 اخوي ملك التواضع هههههههههه من كثر اعجابي بموضوعك كل شوي نقطه اتوقع المنافسه واعتبرها بدري عليها بقوهه تتكون بين الشباب والأهلي دخلت الاتحاد وانا اشوف الاتحاد هم بعد مو في مستواه شفنا لعبهم امام الفيصلي وكان الفيصلي بالشوط الثاني مسيطر على مجريات المباراه

انا معاك ان بدري الحكم ولكن بحكم التعاقدات الاجنبيه والمحليه انا بنيت الامر على انهم هم من سينافسوا على الدوري لانهم يملكون كل المتطلبات سواء الخبره في الدوري ولاتنسى ان الدوري يبي له نفس طويل وتعب اكبر
والهلال ماتوفق في بعض الامور والهلال شغلهم الشاغل كاس اسيا في المقام الاول
ثم الدوري

بعطيك الف عاافية
وهاردلك للزعماء ع التعادل

وانا برأيي ان المستوى افضل من السابق

إقتباس الرسالة الأصلية كتبت بواسطة غير الهلال ما حبيت بعطيك الف عاافية وهاردلك للزعماء ع التعادل وانا برأيي ان المستوى افضل من السابق

شرفني مرورك واتمنى من المشجعين الهلاليين ان يكونوا مع زعيمهم في الفتره الحاليه وليس عليه

إقتباس الرسالة الأصلية كتبت بواسطة ملك التواضع اخوي مع احترامي لك لو المدرب حط اي تشكيله سواء هجوميه او دفاعيه راح يكون هناك من ينتقده وهناك من يكون معاه يعني في تناقض اهم شي فكر المدرب ورضاءه على تغييراته

فعلاً الانتقاد حاصل حاصل بس لو الزعيم فاز ماراح تشوف الانتقاد

مشكلتنا وانا اخويك جمهور الفوز والمندسين

مباراتنا البارحه لابأس فيه جيده جداً بدء الانسجام بين اللاعبين

وكنا مسيطرين على مجريات المباراه

وخطاء واحد اضاع علينا المباراه

وكل شي توفيق من الله


وانت قلتها الهلال شغله الشاغل آسيا الله يوفقه ان شاء الله

وأنا عندي احساس ان هالدوري السنه ذي قوي قوي جداً

وفرق مانتوقعها


والله يكتب الي فيه خير للزعيم

إقتباس الرسالة الأصلية كتبت بواسطة زعيم آسيا6 فعلاً الانتقاد حاصل حاصل بس لو الزعيم فاز ماراح تشوف الانتقاد مشكلتنا وانا اخويك جمهور الفوز والمندسين مباراتنا البارحه لابأس فيه جيده جداً بدء الانسجام بين اللاعبين وكنا مسيطرين على مجريات المباراه وخطاء واحد اضاع علينا المباراه وكل شي توفيق من الله وانت قلتها الهلال شغله الشاغل آسيا الله يوفقه ان شاء الله وأنا عندي احساس ان هالدوري السنه ذي قوي قوي جداً وفرق مانتوقعها والله يكتب الي فيه خير للزعيم

شرفتني في ردودك الراقيه وشكرا على سعة صدرك وياليت كل جمهور الزعيم مثل عقليتك

تحياتي لك: