والله لو اني في الرياض مااخلي مباراه
مااحضررها الجمهور هم وقود الاعبين
للحصول على البطولات اذا مافي جمهور = مستوى سيء = مافي بطولات
همتكم بكره الحضور الحضوووووووووور
يعطيك الف عافيه اختي

بارك الله فيك اختي الكريمة
موضوع رائع وداعم للجماهير خصوصاً في هذا الوقت الذي نحتاج من جميع جماهير الزعيم
المؤازرة والدعم والابتعاد عن الحساسية الزائدة خصوصاً عند الخسارة
حيث يجب ان يتم التعاطي مع الفوز او الخسارة باعتدال
اللهم وفق الزعيم في جميع مبارياااته القااادمة

إقتباس الرسالة الأصلية كتبت بواسطة عبدالعزيز abdulaziz مو جمهور الهلال الي يحاول تطفيش الاميرين عبدالرحمن وعبدالله كل ما يحاول التطفيش تشوفه من جمهور الفقر او الاتهاد او الطحالب الهلالي الحقيقي يتمنى كل التمني انه يرتقي النادي ,, لك ودي .

انا عارفه بس مع الاسف فيه البعض منهم هلاليين
ممكن كثر حبه للهلال وانه مو متعود ع تراجع مستواه
وعباله انه الاستثمار هو السبب وهذا نعذره لفتره لحد مايفهم
لكن اللي مع الخيل ياشقراء ع طول مشكله

إقتباس الرسالة الأصلية كتبت بواسطة مجنون نواف 24 اي واحد ساكن في الرياض ماله عذر واذا خسر الفريق يجي واحد ينتقد وهو جالس بيتهم يتابعهآ ياليت ي سكان الرياض تحضرون وش بيضركم كلهآ 90 دقيقه تمتع عيونك .. تحياتي

ماشاء الله عليك اشوف ردودك كلها فيها غيره وحب لزعيم
وجماهير الهلال كلهم فيهم الخير وحب الفريق
بس يعيب عليهم الاتكاليه وعدم الحضور بكثافه

إقتباس الرسالة الأصلية كتبت بواسطة محامي بندر بن محمد أختي والله تعبت وأنا أقرا الموضوع الله يصلحك سطر سطروش ذا وأهنيك على هالكلام الجميل لبى قلبك وبالنسبة لجماهير العيناوية جماهير ذواقة صراحة والله يوفقهم بحصد البطولات وان شاء الله يوفقون بأختيار باقي الأجانب ولكن الأستثمار لابد يدرس صح والجماهير الهلالية جماهير عريقة وكبيرة بأستطاعتنا نسوي المستحيل مع الزعيم ولكن أقرب مثال موبايلي أشتركنا بالموج الأزرق وكنسلنا شرايحنا من وحولنا على موبايلي وش أستفدنا من موبايلي مجرد ضحك علينا لابد من الأدارة تدرس أستثمار خاص بالجماهير الهلالية والنادي فقط بدون تدخل طرف ثالث والمقصد نفيد زعيمنا لا أكثر ولا أقل مو يتدخل طرف ثالث والمقصد يكسب هو لا حبايبي نبغى الفايدة للفريق فقط

ملعيش يالغلا اعتذر وبعمل له تعديل
كلامك جميل وانا متاكده ان جماهير الهلال كبيره ومحبه
ولن نبخل ع زعيمها لكن مادري ايش سبب عدم حضورهم
اما مو بايلي فانا غيرت ولم الاحظ الفرق جلست مع STC
كلهم سوى مع اني اشوف موبايلي احسن منهم

كلامك صحييح

واتمنى التوفيق للفريق

يوجد لداء البعض افكار تزيد من مداخيل الهلال ولكن كيف يصلون للمسؤلين عن الاستثمار لكي يوصلون هذه الافكار

إقتباس الرسالة الأصلية كتبت بواسطة سعوديه والهلال ناديه ملعيش يالغلا اعتذر وبعمل له تعديل كلامك جميل وانا متاكده ان جماهير الهلال كبيره ومحبه ولن نبخل ع زعيمها لكن مادري ايش سبب عدم حضورهم اما مو بايلي فانا غيرت ولم الاحظ الفرق جلست مع STC كلهم سوى مع اني اشوف موبايلي احسن منهم

الله يعطيك العافية بالنسبة لموبايلي ممكن أفضل من stc بالرصيد الأضافي لكن يطير بوقت معين

لو نلاحظ الجيل القديم نشوف حظور جماهيري كبير عكس الوقت الحالي الحظور الجماهيري فقط بمناطق معينة أما الرياض يحظرون لمباريات كبيرة سوآ ديربي أو مباريات مهمة بأسيا وأكثر الحظور من جميع المناطق فالمملكة يحظرون لرياض لكن نتمنى الكل يؤازر الزعيم وبالحلوة والمرة معاة

شاكر لك أختي تقبلي مروري

إقتباس الرسالة الأصلية كتبت بواسطة زعيمہۧ عينآويہۧ صحيح ما فيه عاقل ينكر إن شعبية العين زادت في المملكة لوجود القحطاني و لكن أجريت دراسات في الفترة الأخيرة و تبين أن العين يستمد تسويقه و استثماره من اسمه ك ماركة تجارية مسجلة " جمهور العين يحضر بكثافة من زمان ، و لكن السنوات الخمس قبل موسمين قل الحضور بسبب تراجع المستوى الموسم قبل الماضي كان العين ثاني أكثر حضور بعد بطل الدوري " الجزيرة " و للعلم كان العين ينافس ع الهبوط حزتها و جفنا الملعب ممتلئ أكثر من مرة الموسم الماضي لأن الفريق " بطل الدوري " قبل نهايته و متصدر و حضرت جماهير هلالية ياسرية معانا لكن مب معناته حضر 1000 هلالي ! بالنسبة للمتجر ما سمعت عنه ، و لكن لو كان صحيح فائدة كبيره للنادي السموحة ع التدخل

أولآ أرحب بك أختي عيناويه في منتدانا
ثانيآ الشي اللي كنت أقصده أن أدارة العين أستغلو وجود ياسر في ناديهم وأستثمروه بالشكل الصحيح اللي يعود على
ناديهم بالنفع بعكس نادينا اللي ما أستفادوا أي شي من قمصان الهلال ولاحتى من متاجره
وبالنسبه للجماهير صحيح أنها كانت تحضر بس ماكانت بكثافة وبأعداد الموسم الماضي حتى رئيس ناديكم أعترف بأنه
بعد وجود ياسر أصبح للعين مشاهده كبيره وأصبحت كثير من الجماهير تتابع العين وكانت هناك جماهير هلاليه تحضر
مباريات العين وحتى قمصان العين أصبحت الثانيه بعد الهلال من ناحية الشراء والأقبال عليها من الجماهير..

أتفق معك في كل كلمة

أنا متابع لكتاباتك كلها ماشاءالله روعة
الله يعطيك العافية

الأهم وهو الذي نحتاجه الحضور ودعم الفريق معنويا ونفسياً

والمال مطلب أساسي لجلب ما يتطلبه الفريق ولكي ينجح لابد من الفكر العالي

والفكر العالي بحمد الله موجود في زعيمنا



.....

لكن فيه ملاحظه .. تقولين جماهير العين فرحانه ..طيب أنا معك ومع تطبيق هذه الفكره

لكن لو جماهير الهلال بعدد جماهير العين لما رأينا من أحد معارضه

لكن جماهير الهلال أكثر بكثير وأكثر شعبيه بآسيا يعني لابد من وجود من يعارض الفكره ولابد من وجود من يؤيدها

الإختلاف فقط في كثرة الشعبيه.




شكرا

أنا واحد أشتري التذاكر وإذا حصل حضرت
وإذا ما حصل يكفي دعم الفريق ^^

تسلمين اختي على موضوعك الاكثر من رائع ومن متابعتي لجماهير العين فهي جماهير داعمه لفريقهافي كل شئ ومحبه له وتقدم ملصحته فوق كل شئ وغير انانيه في تشجيعها فهي تدعم في جميع الاحوال واتمنى من جماهير الهلال دعم فريقها وتشيجيع كل عمل تقوم به الاداره وتدعم اللعيبه حتى يصل الهلال الى مانصبوا اليه كمحبين لهذا الكيان الكبيرودمتم بخير