16/08/2012, 01:07 PM
|
| زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
ومن العايدين ومن الفايزين (( ان شاء الله )) .. بسم الله الرحمن الرحيم بدآ شهر رمضان وخلص وانا انسان ماحسيت فيه من دوام ونوم ونوم ودوام وحتى الروتين مافي روتين يا استراحه ياقهوه ياقريح ,, بينتهي رمضان وبطني بينتفخ اكثر من اللازم من كثر هاللقيمات والبسكوت اللي نضرب فيها .. والله جد اللهم لك الحمد يارب ,, بس بدايه رمضان وش حليلي نآحف فجأه آشوف آني سمنت وانتفخت وانتفخت لو درىآ عني الامير مشعل يحسب ان بطني ارض بيحوطها بالشبك وبيكتب املاك خاصه وبعدها ببيعها له لايصير زي مستشفى عرقه مهجور هالبطن,, سنه ورى سنه والعادات تختفي وحده ورى الثانيه ,, رمضان هالسنه مافي ولا واحد عزَم لو مجامله افطرت مرتين مره عند عمتي واحس حامت تسبدها مني ومره في فندق النوفتيل قبل المملكه واحس اني مفطر فَ السوليدير في لبنان الوضع خليطي وساعه صدر الله يهديهم وحاطين موسيقى قبل الفطور وقفوها وقت الاذان ورجعت من جديد وهاللبنانيات بكل مكان حتى اني قلت اللحين بيقدمون لنا الاقحواني والنبيذ وين عايشين ,, وكل واحد مع عايلته بعد الفطور بزقارته وانقلب الفطور دي جي .. بعدين ليه مانشوف مسرح بشكل رسمي يعني سبحان الله عندنا مسرح مركز الملك فهد الثقافي اللي كل المسرحيات صارت فيه الحين ,, طيب من المفترض يكون هناك مسرح ثاني ويكون اسمه بشكل واضح مسرح ,, امورنا كلها بالخفيه الله يعين بص .. اخيرا وليس اخرآ فيني تتسه يعني فيني غلقه بطلعها امي الله يطول بعمرها نوره من تمسك هالتلفون تطنش خلق الله ,, اذا كلمت ومسكت السماعه لو يصير فيه تفجيرات وصافرات انذار ماهيب داريه قبل فتره على اني بوديها خالتها مدري منهي المهم وحده تعيبانه مدري وش جايها وكبيره بالسن يعني يالله حسن الخاتمه اقولها بتروحين وهي تكلم تقول لا وتأشر بيدها رح ,, واروح اركب السياره واشغل اناشيد انا البندوره الحمرا شوي الا انها متصله وينك هماي قايله لك بروح تنحاش بسم الله وش السالفه يمه انتي قلتي لا كذاب ماتبي توديني الله يصلحك ياولدي ومدري كيف انا بديت اشك ان معي زهآيمر ,, وماشاءالله تكلم احيانا الله يطول لي بعمرها وتقول طول ع التلفزيون شوي احيانا احس انها تتصل على 961 حق الساعه وتسوي نفسها تكلم ماشاءالله عليها الله يطول بعمرهآ ويرحم امهات المسلمين,, العيد فرحه ....فرحه فرحه .. والله هالعيد الله يجيبها ع خير احتري بس هالفعاليات محتار اروح للسيرك الصيني والروسي اللي فالملز اللي لو بروح اللحين بيسلمون علي بيقولون شخبارك وين العيال الي معك نفس السيرك نفس العروض نفس الجماهير ولا فعاليات مدري وين وكل الفعاليات وحده عرضه ولا رقص لاروتين ولا ساعه صدر ولاشي ماغير الواحد يواصل يوم العيد لين العصر ثم يتوفى فوق مفرشه لين الليل ويطلع كأنه في مدينه زومبي مافي احد ونروح نسلم على خلق الله ,, عندي عمه ابوي من 10 سنين كلما رحت اسلم عليها تحط منديل ملفوف وكل يوم اصير على رجاء انها 500 وافتحها لينها حلاو بقر ولا حلقوم ,, الله يهديها طيب لو 10 ريال حق الراس مره جدتي رحت لها عطتنني 1000 ريال ,, وآلله اني شكيت فيها قلت لايكون خيط وحيط وبعد شوي تقول وين فلوسي يحسبوني سارقها احلف اقول والله ماخذها وهي تقول ان ماخذتها ماعاد كلمتك اقول لها جدتي ترى هذي الف ريال يعني فتحي عيونك شوي تقول هاه ايه ادري وتشوفها ايه خذها والله انك دايما تسلم علي ودايما تجي وتستاهل كل شي والله بعد هواش ومشاكل اخذتها واعلم الوالده اقول امتس فيها شي ؟ ترى عطتني هالمبلغ مب بكره تتهموني اخاف ان الفيوز انفصلت اللحين ولا شي ,, المهم هالعيد لاصواريخ ولا شروخه ولا ثوم ذاك الاصفر اللي يوسخ الجدران شريته قبل كم يوم مير وكنت بنطرد من البيت ,, شاريه عشان تزعجنا وتزعج العالم عشان تروع هالبزراين عشان توصخ البيت طيب انا ابي احس بالعيد ماعاد فيه دسته صواريخ ولا شروخه ولا سوق الحمام ولا شي وش هالعيد كاني رايح لعزيمه وكلهم مشخصين وكلن يسوي نفسه مبسوط يحتريهم يحطون الاكل عشان ياكل ويطس ,, وانا ماغير واقف برى العب مع البزراين صواريخ واقول تحداني امسك الصاروخ لاجا يطير وهيك ,, لأني من جد مليت من هآلوجيه في وجيه من عرفت نفسي وعرفت العيد ماتغيرت نفس الوجه وشنب وسكسوكه لاجا اول يوم العيد تشوف الحرمه بعبايتها تحس راسها كبير ,, كأنها لقيمات ولا اناناس وهذا كله من تسريحتها ولا حاطه مكياج حق 10 حريم وكانها متمكيجه بـ باكنج بودر وجههآ منتفخ من هالخرابيط سقى الله ايام القناه الاولى اول ايام العيد يجيبون برنامج من العايدين ومن الفايزين الزبده ادري موضوعي نآزل بوقت خآيس لكن الشكوى لله ,, شطحه اخيره ,, .. ترى مسلسل حبر العيون فَ النهايه بتصير حياه الفهد هي بنت سلوى وشكرا من كثر ماجلست افكر من هي بنتها قلت شكلي حياه الفهد ماتدري ان سلوى هي امها سؤال اخير للحريم والبنات وهيك للحين في استشوارات لازم تطفينها وانتي تستشورين لين تبرد ولا تخبطينها بيدك ؟ ولا ماتذكرونها ياآلله فمان الله
وشكرا
اخر تعديل كان بواسطة » مجنون الزعيم(9) في يوم » 16/08/2012 عند الساعة » 01:35 PM |