السلام عليكم ورحمة الله وبركاته

هارد لكم يازعماء على الي صاير

اول شي قبل مابدء حديثي لابد انك تقراء المووضوع وانت مركز وغير معصب

وتفكر بهدوء

مباراه هجر والفتح شفنا اشباه لاعبين بدون استنثاء الا واحد ياسر الشهراني

مع أحترامي للبقيه لان مستواه في المباراتين ثابت ورائع وتحسه يلعب

بروح ...

المهم هذا ليس بموضوعي

موضوعي يازعماء شفنا مواضيع وشفنا مطالبات وكلام والله الواحد يستحي ان يقوله

مهما كان هاذي كوره مثل ماتتقبل الفوز لابد انك تتقبل الخساره

انا وانت وجميع الزعماء يردون الزعيم بشكل ثاني هيبه الزعيم

فكيف نرجع هيبه الزعيم بالسب والشتم وأطردوا اللاعب الفلاني

لابد أن نقف مع الزعيم لابد نساندهـ

بيجي واحد ويقول هل هذا مستوى علشان نوقف معه صح مو مستوى ولا حتى الشعله يلعبون مثل الزعيم في المباراتين السابقتين يلعبون بروح بروووووووح

سؤالي هل السب والشتم وأقيلوا المدرب واطردوا اللاعب هل بينفع الفريق في الوقت الحالي هل الاداره راح تستجيب لكم شباب يازعماء ياعقلاء

ياليت الواحد يهدي من نفسه شوي والله والله اني انا البارحه لو داخل كتبت غير هالموضوع بس بعد ماهديت ماشفت شي يعني يستاهل مثل ماأتقبل الفوز لابد اني اتقبل الخساره

ولنا في الموسم الي طاف والي قبله أمثله في بعض الأنديه الي طالبت بأستقالة رئيس النادي واللاعب الفلاني ولا صار اي شي من الي يبونه ولو صار كانهم في الدرجه الاولى الان

والي خضعوا الي ضغط الجماهير والأعلام هل حققوا بطوله ..؟؟؟ اتحدى احد يجاوب على هالسؤال


ونقطه قبل لأنساها الكل لاحظ كل واحد يكتب موضوع عن لاعب فيه ومافيه ياحبيبي انت وياه الخطاء يتحمله الجميع

من لاعبين ومن مدرب

وعلى فكره قبل لأنهي موضوعي في شي لازم يتوقعه المشجع ان الخطاء وارد وتنقلب عليك النتيجه في أي وقت في المباراه

بعطيكم مثال مثل الرائد مع الجار اخطاء في كوره وسجل في مرماه الاتفاق مع الاتحاد هم بعد في خطاء محمد نور في مباراتهم الأولى يوم ضيع ركلة الجزاء هل قام جمهور الاتحاد بالسب والشتم على اللاعب ...؟؟؟؟

الكوره فيها اخطاء وعاد الي يستفيد من الخطاء هو الكسبان

مشكلتنا أحنا يازعماء والي قاعد نشوفه في المنتدي من مواضيع تافهه واعتقد انها مقصوده وليس من عشاق الزعيم

والقصد عارفينه عشاق الهلال قلت عشاق ولا قلت مشجع

اني اقبل الفوز ولا أقبل الخساره

الي عنده اعتراض يجيب لي نادي افضل نادي بالعالم ماقد خسر في مسيرته الكرويه

كبروا عقولكم ولاتخلون صغار العقول والمندسين يخربون واجهة منتدانا الغالي

نبي نتكاتف ونتعاون وحضور التمارين وتشجيع اللاعبين مثل جمهور الغربيه الي رفع ناديه وصار الان ينافس على البطولات وانتم اعرف مني وين كان ترتيبه بالدوري وكم له عن الدوري بس من الي رجعه رجعه الجمهور بوقفته بمساندته وهو خسران هذا الجمهور الي ينحسد عليه .

خساره مباراه وتعادل ليس بنهاية المطاف لابد لابد نوقف مع اللاعبين يازعماء

والله والله اني حزين على الي صاير في الجولتين الي طافت بس مابيدي حيله

مانقول الا حسبي الله ونعم الوكيل وربكم يزينها إن شاء الله

وياليت بعد توصل الكلمه الي أبو فيصل انه يتكلم مع اللاعبين وأن يكلمهم عن هالمستوى الهزيل والمخجل

وبالتوفيق للزعيم


# ماراح تسير يالزعيم لوحدك #