سبحان الله وبحمده سبحان الله العظيم

كلامك سليم وليت اغلب الجمهور المتحمس يتفهمون هالامور

الفريق اول مباراتين له لا تاقلم ولا انسجام والمدرب لم يثبت على تشكيله
ولا يلام فالفريق جديد وعناصر جديده ويحتاج وقت مثل ماقلت لنحكم

يجب علينا كجمهور ان نحضر الملعب بكثافه ونآزر الفريق لان من المصلحه ان تآزر وليس ان تنتقد من البدايه فالفريق مقبل على استحقاق آسيوي مهم ويحتاج الدعم وليس الضغط

والله الموفق

يبن الحلال ..
بلا بداية دوري .. بلا نهاية دوري ..
ليلة العيد تبين من عصاريها ..
وبهاللاعبين الاجانب ..اللي وجودهم بالمراكز الخطأ !
ووجودهم بالاحتيـاط انفع للهـلال ..
شف وجه التيس واحلب لبــن



كلموني عن الهلال الموسم الجاي ..او بعد الانتقالات الشتويه ..
وان مشينا.. هي بتوفيق الله ثم بدعوة الجماهير ..
ولا عشوائيات بالفريق ! اولها لاعب مصاب ونوقع معه ! ام الفهاوه

الهلال فيه تخبطات من الادراة من عبدالرحمن بن مساعد شخصيا ومن اللاعبين لكن سبب التعادل والخسارة

شي مقدر ومكتوب قدر الله وماشاء فعل لكن يتحمل منها مايتحمل الامير والمدرب واللاعبون ولا تقولي برشلونه

وريال مدريد وتقارن دورينا فيهم لان اقل فريق بالدوري الاسباني يجي يلعب بدورينا بياخذ الدوري فرقه قويه

مو زي دورينا أكثر الفرق دون المستوى ومع هذا يهزمونك ويقولي برشلونه ورريال مدريد انت جالس تحلم

موضوعك هذا جيد للتحفيز ولعودة الزعيم وتفاءل الجماهير وزرع ثقتها من جديد بالهلال ورجالاته وانا مومن بالله

الواحد القهار بأنه سيوفق الزعيم بالفوز بالدوري واسيا وبحوله وقوته سنتربع على الذهب وزعماء أسيا

وان الله اكرمنا ونفوز ببطولة العالم للانديه عندها سيكون للهلال بأذن من الله وبقوته وبتوفيقه شأنن عظيم

كلام في السليم يا اسامه

وهذا حال الاندية الكبيرة

والله موضوعك عقلاني

افضل من الموضوع الي صاحبه يحلف ان الزعيم لن يحقق اي بطولة بهذا المدرب

شكراً على الموضوع الرائع

هزيمة الهلال من الفرق الصغيرة درس جميل في البداية وسترون نتائجه الطيبة

الخلل واضح وأخطاء الإدارة واضحة لكن التعديل ممكن وقادم والإدارة ستفعلها

الفرق الصغيرة تتطور أيضاً وتكبر وهذا شيء طبيعي جداً والزعيم يتطور

هاتان الهزيمتان ستكونان دافعاً للتغيير والتعديل والتطوير

فريق كالزعيم قد يمرض ولكنه لا يموت

غضب الجمهور الهادر دليل غيرة واهتمام وسترون التغيير للأفضل بأول مباراة قادمة

الغضب الحاد والألفاظ النابية لا تشرف أي جمهور والدين الخلق والدين المعاملة
ولا يكون المسلم طعاناً ولا لعاناً ولافاحشاً ولابذيء

تحيتي

وضع الهلال مايطمن ضروري نلحق من الحين , الحين صار هجر يتقدم علينا ونتعادل معه بالبركه و الفتح يفوز علينا وبأرضنا ويحشر فريقنا عند الباب ويطقطق علينا

لا ياحبيبي هذا مايمشي هالكلام وحتى الآن مانشوف اي تحرك

لو فيه اداره واعيه المفروض بوقت التوقف الآن نشارك بدورة وديه مثل الشباب والاهلي والنصر
ونستفيد من اخطائنا وانسجام لعيبتنا لكن للآسف المدرب مسافر ومعطي اللعيبه اجازه وويسلي ومانجان مسافرين بعد

لاحظ فريق الشباب صاحب العلامه الكامله ست نقاط بالدوري طلع يشارك بالدوره

مب فريقنا نقطه من ست وقاعد هنا وباجازه بعد وعندنا منعطف آسيوي مهم في 19 سبتمبر بعد شهر تقريبا و آسبوع ولسه مدربنا مب عارف اللعيبه زين وهذا وضح في تشكيلته قدام هجر و الفتح

لكن مالنا اللا الدعاء للزعيم بهالوقت انه يرجع بقوه مع الجولة الثالثه وكفايه تخبطات واخطاء فرديه ياللاعبين حسوا شوي بالقمصان اللي تلبسوها و الجمهور اللي يحترق من الملعب وخلف الشاشات