يا سمو الامير تفضل لترى ما حدث حتى انتم يا جمهور تفضلوا - نادي الهلال السعودي - شبكة الزعيم

الرأي الحيادي · #1 08/08/2012, 05:49 AM

السلام عليكم ورحمة الله وبركاته
بداية لا ألوم الجمهور على هذا الهجوم العنيف وتوزيع الاتهامات في كل الاتجاهات لأنه
جمهور اعتاد على الانتصارات خصوصا في الدوري ...

فنرى التحليل المتباين من شخص لآخر وكل شخص يدّعي انه أصاب كبد الحقيقة فلم
يمهل البعض نفسه وإعطائها مزيدا من الهدوء والنظر في الأمر من إبعاد مختلفة
فليس من المعقول مع أول إخفاق نرى المواضيع التي تنسف جهود الإدارة وكأنها لم تعمل شيئا أو تظهر الهلال وكأنه غاب سنوات وسنوات عن البطولات

فلغة الخطاب بعد الهزيمة أصبحت كلغة الخطاب كما في منتدى الفريق الجار والذي سبب ضغوطا لإدارة ناديه انتهى الأمر بها لإغلاقه

فأرجو من الجميع التحدث بعقلانية وروية والبحث في الأسباب التي قد تكون هي السبب بعيدا عن التجريح المقيت والذي يضر ولا ينفع

و سأسرد بعض النقاط التي أرى أنها سببا في إخفاق الفريق وما حدث فيه
فلا ننكر أن الفريق جميعه سيء عدا لاعب أو لاعبين وأنهم لم يكونوا على قدر المسؤلية
vغياب مبدأ الثواب والعقاب في الفريق مما قد يتساوى المجتهد مع غير المجتهد

v غياب الروح وهذه مشكلة عانى الهلال منها كثيرا وفقدنا بسببها بطولات وعلاج هذه المشكلة سهل جدا وهي تطبيق اللائحة التي طبقها البلطان على فريق الشباب فهذه اللائحة ممتازة وعملية جدا فهي تحث اللاعب على تطوير أدائه والنظام داخل وخارج الملعب فلكم ان تقرؤها وتحكموا عليها
مع العلم ان عبد الرحمن بن مساعد مقتنع بها إلا أن المثالية وخوفه من غضب اللاعبين قد يكون حائلا دون تطبيقها

v بعض اللاعبين يرى انه وصل لمرحلة انه أصبح نجم لا يشق له غبار فبلغ الغرور منه مبلغا كبيرا وهذا بسبب الجمهور الذين ما أن يبرز لاعب إلا وتجد عشرات الألقاب والمقارنات مع لاعبين أوروبيين والمشكلة أنه يصدق نفسه والنتيجة ما ترونه أمامكم

v أرى أن قضية الفريدي ألقت بظلالها على الفريق فتجد في كل مقابلة تلفزيونية الفريدي جدد والفريدي لم يجدد وكأنه أفضل لاعب كرة أنا لا أقلل من شأنه لكن الإدارة لابد أن تنظر بحيادية لمستواه وهل يستحق ام لا وإذا أعطته الإدارة ما يريد هل ستنظر لغيره من النجوم الذين يفوقونه وأنهم سيطالبون بمبالغ مثله أم لا وهل ستنظر الإدارة أيضا للعائد الفني وجدواه من هذا اللاعب

الرأي الحيادي · #2 08/08/2012, 06:04 AM

شكرا لرفع الموضوع,,,,,,,,,,,,,,

TRR · #3 08/08/2012, 07:20 AM

كلام جميل ومنسق …

وازيد على كلامك هو ان شخصية المدرب لابد ان يفرضها على اللاعبين في ان يكون له موقف مع اللاعبين الذين تسببوا في الاخطاء … من خلال الطرق التي يراها مناسبه …

كم ان الاداراة لابد ان تكون على يقين في ان الهدف هو الاسيويه … فلو حصل مثل ذلك بالاسيويه … سوف تصبح مشاكل كبيره …

وشكراً … تقبل مروري

Faisal Canada · #4 08/08/2012, 07:27 AM

الهلال ضايع خل عنك سالفة بدايته ومابدايته
ياحبيبي الفريق البطل مستواه واحد من اول الدوري خل عنك بس التطبيل
مير عسى الله يخلف علينا

مجنون نواف 24 · #5 08/08/2012, 08:17 AM

الفريق البطل يبآن من آول يوم يشعلهآ نآر ويبدآ حمآس الاعبين وآلروح آلعآليه

> فريقنآ الله يجزآهم خير ماقروا قبل موسمين وثلاثه لاكن ليش آكذب على نفسي

وآقول الفريق بيحسن الاوضآع (ملينآ من قولة الفريق انشاء الله بيتحسن )

نضحك على آنفسنآ حنآ > آهم شي عندهم قصة الشعر ولآ الاستعرآض

> لاعبينآ يقومون بالاستعرآض > وآلفتح يضرب بالاهدآف وين الفائده

>الكابتن حسن خلاص كبر صار مايحرس مرمآه بروح وبتئلق وبحمآس

>والدليل تصريحه اليوم بالبرود ولاكن فريقه خاسر >آلمرشدي من متى صآر نجم

> قلي المرشدي وش قدم متى قالو ان المرشدي من الصعب يوقف مهآجم؟

> آصبر آنت توك ب آلبدآيه > ورآح تشوف آلوضع من سيئ للسوء..

> ملينآ من تفآئل تفآئلنآ لمآ الفآل مل > وآلعبيه الاجآنب ليش كذآ ؟

> آلسبب (آلآستثمآر) >وآلدليل تصريح آبن مسآعد يوم يقول آلعيبه آلمحليين مآهم مرغوبين ولآ كآن نستثمرهم

> يآبن مسآعد كل آلي آقوله (حسبي الله ونعم آلوكيل)

ابوخلـــود · #6 08/08/2012, 08:23 AM

الله يكون بعون الهلال بالايام القادمه راح تعيش الادارة مرحلت ضغط بسبب اخطائهم

المدرب لازم يكون له كلمه في تدريب اللاعبين وشحنهم بروح الفريق الواحد والحماس

Hilaliyah.M · #7 08/08/2012, 08:30 AM

احسنت اخوي

لابد من تطبيق مبدأ الثواب والعقاب الا متى واشباه اللاعبين يلعبون بلا مبالاة واستهتار

تمرد اللاعبين هو سبب هذا المستوى الهزيل

لكن وش نقول مع هالادارة ! ننتظر ونشوف وش بيصير في الايام القادمة

السفينه الزرقاء · #8 08/08/2012, 08:32 AM

ياخي واضحه مشكلة الهلال
ما فيه صانع لعب مميز
يحرك الفريق بحيث كل
الكور تطلع من عنده

يا بعد الدنيا · #9 08/08/2012, 08:32 AM

الجمهور لا حول له ولا قوة

فأتمنى من الأدارة أنها لا تلوم الجمهور في قادم الايام أذا لم تجد جمهور يحضر للفريق

لست هنــــا !!!! · #10 08/08/2012, 08:41 AM

اتفق معاك اخوي
لكن مع هذا لا بد نعترف انه في تقصير كبير من اللاعبين خلال الجولتين اللي فاتت
لاول مره اشوف بدايه باهت للهلال
اذا ما استوعب الدرس في المباراة الاولى مع هجر .. الحال نفسه مع الفتح ما تغير شي
بالعكس الهلال كان سيئ جداً في المباراة واكثر اللاعبين تايهين ويلعب لنفسه فقط

اعتقد اننا لازم ننقد الفريق ونظهر عيوبه لكن الاهم النقد السليم والمفيد للفريق مستقبلا
الاداره لازم تتحرك من اللحظه هذي
حال الهلال عصب وصعب جداً !!!
لازم اللاعبين يحسون بالمسؤليه .. والا اذا استمر الحال على ماهو عليه .. راح يكون اسواء موسم للهلال
لانه راح تكون هناك مباريات قويه

يعطيك العافيه
احترامي وتقديري
تحيتي

العود االازرق · #11 08/08/2012, 10:00 AM

اي فريق في العاالم اذا كان دفاعه ضعيف وحارسه مرتبكة تكون النتائج عكسية والهلال يعااني من ضعف واضح على مستوى قلبي الدفااع هذا واقع الهلال يجب ان يعالج اخطائه ولسا الدوري ببدايته

teva4ever · #12 08/08/2012, 10:39 AM

ياحبيبي نتكلم بواقعيه شوي

الغلط من ابوفيصل بنسبه لاتقل عن 80%

الله يهديه ابوفيصل من بعد قيريتس .. كل سنه يجيب مدرب جديد ... وكل سنه يبغى يبني ويأسس فريق

وكل سنه يجيب محترفين جدد ... وين الاستقرار !!؟

وكملها بالسنه هذي على غرار السنوات الماضيه

يجيب مدرب غير متميز ... يخليه يعجن لك في خمس مباريات الي ست على اساس اننا صبرنا عليه

ويتم اقالته في نص الموسم وجيب بديل والبديل هذا يمشينا الي نهاية الموسم ونجيب بواسطته الحد الادنى من الطموح

ياابوفيصل

انت اختيارك لكومبواريه اساسا كان خاطيْ

اولا : مدرب لايحمل سجل تدريبي عالي

ثانيا : سبق ان تمت اقالته وياحب ادارتنا للمدربين المقالين امثال دول وحاليا كومبواريه وهاشيك

ثالثا : اهم سبب انت عارف انه " لب " المنافسه اللي يطمح لها الهلال هي في بدايات الدوري ... على بلاطه .. همنا كله في الاسيويه وانت عارف انه الاسيويه في بداية الدوري يعني ماعندنا وقت او مجال حتى نسمع كلمة " الفريق لسه ماانسجم ويبغى لنا انسجام ومدري ايش "

المفروض تكون المعايير هذي قدام اعين ابوفيصل قبل اختيار المدرب

ومشكلة ابوفيصل للأسف

انه يبحث عن شخص مثل مورينيو

لويس فان جال

قوس هيدينك

و

و

ابوفيصل يبحث عن اسم تدريبي عالي جدا

واللي من المستحيل يجي في الشرق الاوسط وخصوصا مع الاحداث اللي صايره عندنا

ميشيل برودوم ماهو اسم تدريبي ممتاز ... وابصم انه لولا وليد الفراج وبرنامجه كان ماحد عرف منهو برودوم

وهذا هو مبدع مع الشباب ... لكن ماسألت نفسك ليه ؟

لانه يتم دراسه طريقة لعب المدرب ... مشاهدة مباريات له قبل التوقيع معه

بالله يابوفيصل ... هل شاهدت مباراه واحده لكومبواريه قبل التعاقد معه ؟

والدليل على انه البلطان درس برودوم بشكل مكثف ... انه كان على استعداد انه يستغنى عن الشهيل بسبب برودوم ... يعني راح يفرط بنجم في الظهير علشان مدرب طلب كذا ...لانه يثق بالمدرب ناهيك عن الملبغ الخرافي للتجديد واللي يثبت كلامي

كارل ياروليم ... تراه مساعد مدرب ... ياقلب لاتحزن ... شوف كيف ماشي مع الاهلي

ماتورانا ... قبل مايكون في الهلال ... احد يعرفه ياجماعه ؟ بس جاب اسيا وصار معروف للجميع وخطفه النصر

يابوفيصل اسطوانه انه المدرب بعد موسمين راح ينسجم مع الفريق هذي غصب راح تصير !!

ياخي اذا كان الحمار " تكرم ويكرم القاريء " اذا عودته على طريق معين عدة مرات راح يعرف يمشي فيه بكل اريحيه !! كيف بالانسان اذا جلس للفريق موسمين واكثر !!

طبيعي راح ينسجم

لكن بعد فوات الاوان !؟

هالخطط هذي ماتنفع .. ليه ؟ لانك تملك فريق بطل ماتحتاج تبني من جديد

ياخي الصين اللي راح تحصر الاقتصاد العالمي بين حدودها ... مابدأت من اول

كوريا .. شركة هيونداي مثلا ... بدأت من حيث وقف الاخرون

صارت سياراتهم احسن من التويوتا وغيرها

وانت تجي تبي تغير مجرى التفكير والتخطيط وتبي تبدأ من اول ؟

فيصل بن تركي كان كذا

كان يبي يبني مجد شخصي له ... اقال المدرب السابق ... وشات المحترفين ومنهم التون المبدع

وجاب مدرب جديد غير معروف ... ومحترفين من طقة رازفان

وش النتيجه ؟ ولاشي

لكن يوم بدا يصحصح ويفتح مخه شوي ... جاب مدرب قد حقق انجازات كبيره مع الهلال

اوكي ماراح يمدحون فيصل بن تركي لانه مو هو اللي اكتشف ماتورانا ... بس اهم شي يمتلك فريق قوي

وهذا اللي بدأ يبين خصوصا نهاية الموسم الماضي يوم وصل النهائي

الكلام كثير

وارجوا من ابوفيصل انه يستفيد من اخطائه الماضيه ... ويفكر بالمعايير الموجوده قبل التهور والتعاقد مع " المتوفر حاليا " من المدربين !!

اسف للأطاله

أبـو حيـه · #13 08/08/2012, 11:06 AM

كان الله في عون الاداره من الغضب الجماهيري

الزعـــ11ـــيم · #14 08/08/2012, 11:23 AM

ماقول الا االصبر ثم الصبر حتى يضهر
الفريق...

Fasfas11 · #15 08/08/2012, 11:46 AM

إقتباس

الرسالة الأصلية كتبت بواسطة teva4ever


	ياحبيبي نتكلم بواقعيه شوي الغلط من ابوفيصل بنسبه لاتقل عن 80% الله يهديه ابوفيصل من بعد قيريتس .. كل سنه يجيب مدرب جديد ... وكل سنه يبغى يبني ويأسس فريق وكل سنه يجيب محترفين جدد ... وين الاستقرار !!؟ وكملها بالسنه هذي على غرار السنوات الماضيه يجيب مدرب غير متميز ... يخليه يعجن لك في خمس مباريات الي ست على اساس اننا صبرنا عليه ويتم اقالته في نص الموسم وجيب بديل والبديل هذا يمشينا الي نهاية الموسم ونجيب بواسطته الحد الادنى من الطموح ياابوفيصل انت اختيارك لكومبواريه اساسا كان خاطيْ اولا : مدرب لايحمل سجل تدريبي عالي ثانيا : سبق ان تمت اقالته وياحب ادارتنا للمدربين المقالين امثال دول وحاليا كومبواريه وهاشيك ثالثا : اهم سبب انت عارف انه " لب " المنافسه اللي يطمح لها الهلال هي في بدايات الدوري ... على بلاطه .. همنا كله في الاسيويه وانت عارف انه الاسيويه في بداية الدوري يعني ماعندنا وقت او مجال حتى نسمع كلمة " الفريق لسه ماانسجم ويبغى لنا انسجام ومدري ايش " المفروض تكون المعايير هذي قدام اعين ابوفيصل قبل اختيار المدرب ومشكلة ابوفيصل للأسف انه يبحث عن شخص مثل مورينيو لويس فان جال قوس هيدينك و و ابوفيصل يبحث عن اسم تدريبي عالي جدا واللي من المستحيل يجي في الشرق الاوسط وخصوصا مع الاحداث اللي صايره عندنا ميشيل برودوم ماهو اسم تدريبي ممتاز ... وابصم انه لولا وليد الفراج وبرنامجه كان ماحد عرف منهو برودوم وهذا هو مبدع مع الشباب ... لكن ماسألت نفسك ليه ؟ لانه يتم دراسه طريقة لعب المدرب ... مشاهدة مباريات له قبل التوقيع معه بالله يابوفيصل ... هل شاهدت مباراه واحده لكومبواريه قبل التعاقد معه ؟ والدليل على انه البلطان درس برودوم بشكل مكثف ... انه كان على استعداد انه يستغنى عن الشهيل بسبب برودوم ... يعني راح يفرط بنجم في الظهير علشان مدرب طلب كذا ...لانه يثق بالمدرب ناهيك عن الملبغ الخرافي للتجديد واللي يثبت كلامي كارل ياروليم ... تراه مساعد مدرب ... ياقلب لاتحزن ... شوف كيف ماشي مع الاهلي ماتورانا ... قبل مايكون في الهلال ... احد يعرفه ياجماعه ؟ بس جاب اسيا وصار معروف للجميع وخطفه النصر يابوفيصل اسطوانه انه المدرب بعد موسمين راح ينسجم مع الفريق هذي غصب راح تصير !! ياخي اذا كان الحمار " تكرم ويكرم القاريء " اذا عودته على طريق معين عدة مرات راح يعرف يمشي فيه بكل اريحيه !! كيف بالانسان اذا جلس للفريق موسمين واكثر !! طبيعي راح ينسجم لكن بعد فوات الاوان !؟ هالخطط هذي ماتنفع .. ليه ؟ لانك تملك فريق بطل ماتحتاج تبني من جديد ياخي الصين اللي راح تحصر الاقتصاد العالمي بين حدودها ... مابدأت من اول كوريا .. شركة هيونداي مثلا ... بدأت من حيث وقف الاخرون صارت سياراتهم احسن من التويوتا وغيرها وانت تجي تبي تغير مجرى التفكير والتخطيط وتبي تبدأ من اول ؟ فيصل بن تركي كان كذا كان يبي يبني مجد شخصي له ... اقال المدرب السابق ... وشات المحترفين ومنهم التون المبدع وجاب مدرب جديد غير معروف ... ومحترفين من طقة رازفان وش النتيجه ؟ ولاشي لكن يوم بدا يصحصح ويفتح مخه شوي ... جاب مدرب قد حقق انجازات كبيره مع الهلال اوكي ماراح يمدحون فيصل بن تركي لانه مو هو اللي اكتشف ماتورانا ... بس اهم شي يمتلك فريق قوي وهذا اللي بدأ يبين خصوصا نهاية الموسم الماضي يوم وصل النهائي الكلام كثير وارجوا من ابوفيصل انه يستفيد من اخطائه الماضيه ... ويفكر بالمعايير الموجوده قبل التهور والتعاقد مع " المتوفر حاليا " من المدربين !! اسف للأطاله

والله يالغالي كلامك سليم ميه بالميه ياليت ابوفيصل يشوف الي صاير