بسم الله الرحمن الرحيم
اما بعد....
اول شيء ابقولكم هاردلك
انا من هذا الموضوع لا اجرح في اي لاعب او اي انسان انتقادي انتقاد بناء لتحليل المبارتين السابقة
الهلال و هجر
هاذي اهداف المباراة
أهداف الهلال و هجر 2-2 | دوري زين HQ - YouTube
شوفو الاهداف الي علينا زين
الحارس والمدافعين:
المرشدي و مانقان شوفو فقط كيف يمشون بس والحكم لكم
المرشدي ومانقان كانهم يقولون للاعيبه تعال طال عمرك رح سجل لا احتكاك ولا ضغظ على المهاجم ولا شيء
الحارس حسن
تصدقون انا ما الومه مدام في دافعين زي كذا بس وخذو قاعدة دايم اذا كان عندك مدافعين ممتازين اذا عندك حارس
الوسط والهجوم: نواف انا مدري وش يبي من الاخير الى يومك هذا اناني يسحب وتنقطع الكوره منه, وفي الوقت اللذي يجب ان يناول يروح يشوت وتروح فوق وفي الوقت الذي نبي منه يشوت يروح يا يسحب وتنقطع منه واذا جاء ما يناول الى لسالم بس. سالم
يسحب وتنقطع الكوره واناني ولا يفرع يرفع من الاخير والحكم لكم
الهجوم:ياسر انا ارى انه ماله ذنب لانه ماتجيه الكوره ودفاع هجر مغلق تماما وهو يصنع بس
وبحكم شفته بالعين الاماراتي شفته يبدع وهو صانع لعب انتم وش رايكم
الهلال والفتح
ملخص الشوط الاول
ملخص الشوط الأول - الهلال والفتح دوري زين ج2 - YouTube
ملخص الشوط الثاني
للاسف ما لقيته
اهداف المبارة
أهداف مباراة الهلال الفتح (1-2) دوري زين السعودي HD - YouTube
انتم اكيد شفتوا اهداف الفتح اعطوني رايكم
برائي الشخصي ارا ان الهدف لاول الراس لايتحمله ابدا حسن اقولكم ليش 3 لاعبين كانهم يقولون انت خذ الكوره
انتبهو زين المرشدي شوفو كيف يدق راس, هرماش والشهراني يناظرون بالكوره ولا احد فكر انه يعترض
ولا يحتك ولاشيء و سالمو حط الكورة في زاوية صعب اي حارس يصده الهدف الثاني
الهدف الثاني الحارس ناول للعابد يبي يسحب بي طريقة وقطعه اللاعب المرشدي راح مع اللاعب الي معه الكوره وسالمو فاضي يمين محد عنده ايووووووووه توقعون مانقان وينه قاعد الاخ يناضر هو وراء المرشدي حتى الكوره اول ماجت لسالمو راح يهرول عند سلمو شوفو كيف يمشي اول ماجت الكوره عند سالمو اذا استنتجت ان حسن لا يولام
الوسط والهجوم: كذالك العابد وسالم يرجعون لهوايتهم المحببة التسحيب و الانانية
عبدالعزيز لاعب يفرق في اي وقت مهو اناني واذا جاء يسحب ياخذ اللاعب وعديبه
الشلهوب حرام يدخل بديل وسالم موجود والله حرام
الهجوم: ياسر ينتظر كوره ويسلي لايلام بسبب اول مباراه الحراره وللعلم تر هو الي صنع الكوره للبيشي بعد الكعب من الفرج
_______________________________________________________
المبارتين بشكل عام ماتشوفون انا لعيبتنا حوليه اسف على الكلمة بس ماتنطبق الى هي لعبيتنا اول ماتجي الكوره بس يشتون على الحارس ياسر العابد والبيشي هدفه انا مادري وش فيهم انهبلو اللاعبين لايحطونه زاوية ولا سقاطي ولا شيء عند الحارس وانا ماحطيت ملخص الى عشان هذا انا لعيبتنا لو تشوفون الهجمات على الحارس ما يشتون الكوره الى عنده وعشان الفتح مالقيته الملخص
__________________________________________________________
نستنتج ان سالم ونواف لعيبه انانيه
عزوز فنان
الشلهوب ما ادري ايش اقول
ياسر احبه بس بشكل عام اذا فيه غيره افضل منه جيبوه
الحارس يتحمل جزء من الاهداف
الشهراني يروح قدام ويترك الجبهة اليسرى فاضيه
هرماش محور هجومي
الفرج جوكر
الدفاع بااااااي
اللاعبين لايضغطون على اللاعب ولا احتكاك
المدرب برائي الخاص ماله دخل لان اللاعبين هم الي يلعبون
المدرب يلعب في العمق ولعبنها هذا من ايام جريتس صاروا كل الاندية يعرفونها ومع ذلك اللاعبين لايعرفون يتعاطون الطريق هاذي بسبب الدفاع المتكتل لهجر والفتح
اللاعبين يعرفون يسددون اذا لقو فراغ واكبر دليل هرماش
عدم استقلال الركنيات بسبب المناولات لان سالم هو الي يرفع وياليته يرفع تجي ارضيه او يناول للعابد
_______________________________________________________
الحلول
ترا يا ناس الحلول بسيطة
العب باربعة وسط محورين وثلاثة قدامه لان هرماش هجوم والغنام دفاع وتذكرون الغنام في بيروزي وش سواء
الامام عزوز والفريدي او الشلهوب المهاجمين الخلف ويسلي وامامه الكوري
الدفاع يطلع المرشدي ويدخل المسلم مع مانقان الاظهرة ياسر و البيشي وياسر مفروض ينتبه للخلف اعطاء الفرصة لشراحيلي شوفو كيف راح يصير فاشب بسبب الدفاع
الاعتماد على اللعب في العمق واذا الدفاع متكتل الاعتماد على التسديدات خارج 18 وعندنا لاعبين يعرفون يشوتون
ومفروض المدرب يعلمهم او اللاعبين من نفسهم يعرفون خلاص الدفاع متكتل نعتمد على التسديد
الضغط على حامل الكره لان لعيبتنا ينتظرون اللاعب الين مايجيهم اول مايجيهم يناول
الخطة من الاخير
حسن
شهراني المسلم مانقان او المرشدي البيشي
الغنام او الفرج
هرماش
الشلهوب او الفريدي عزوز
ويسلي
الكوري او ياسر
نقاط بخصوص ابعادي للعابد او سالم لانهم انانين 2 عدم التركيز 3 لابناولون كوره للمهاجمين
الفريدي والشلهوب فريدي عنده ميزه ماتكون عند غيره تمريرته عجيبة بس يعيبه البطء بس التفكير العميق ايش يسوي يناول او يسحب او يسدد
الشلهوب ما احتاج اتكلم عنه لاعب كبير داخل وخارج الملعب وخبرته واهم شيء التسديد يتقن الفاولات و الركنيات
التبديلات
اذا كنا متاخرين لاسمح الله في الشوط الاول يبدا المدرب في الشوط الثاني نفس الخطة لمددت عشر دقائق اذا مانفع شيء يخرج الفرج او الغنام ويدخل ياسر او الفريد او الشلهوب ويدخل صانع لعب وانا افضل ياسر لان ياسر في العين ابدع في صناعة العب
واذا مانفع في اخر 20 دقيقه دخول الجهني بدل الكوري ودخول العابد بدال الشلهوب
___________________________________________________________
اخيرا وليس اخرا اسف على التطويل هاذا كله بس هاذا افضل من الي يجرح بالاعبين انا عطيتكم التحليل كامل والاستنتاجات من المبراتين والحلول افضل من الي يشتم او يسب او يجرح
ان اصبت من الله وان اخطائت من الشيطان
ارجو من الاعضاء اي خطا في الموضوع يتنقد ولا يسب
واي واحد اعجبه موضي وطرقت تحليل يشكرني فقط وما رايكم هل اكمل ام لا في المباريات القادمة لانكم انتم الداعم الاول لي وللهلال