السلام عليكم ورحمة الله وبركاته

بسم الله والصلاة والسلام على رسول الله نبينا محمد وعلى اله وصحبه اجمعين من النبيين والصدقين والشهداء والصالحين اما بعد :

انا من زمان ما كتبت موضوع او شاركت بموضوع كوني متابع فقط لكن حدتني الظروف اني اكتب.

الخطأ ليس عيبا لكن السكوت عن الخطأ وعدم تصحيحه هو العيب انا ودي اتكلم عن الاخطاء اللي ارتكبناها المواسم اللي راحت ولا تعلمنا من اخطائنا ولا صححناها ولا حاولنا نصححها بالبداية حنا ما ذبحنا الا المجاملة على حساب الفريق و عدم وجود مستشار فني دائم يستطيع تحديد الحاجه الفنية للفريق مو نسال جيرتس مره وكوزمين مره والا فلان وعلنتان مره لان ما احد يقدر يحدد لك مكامن الخلل في الفريق الا المستشار القريب من فريقك مو اللي قد مر على فريقك , لذلك لابد من وجود مستشار فني لان جل الذي نراه اجتهادات من اعضاء مجلس الادارة ليست مبنية على رؤية فنية (..دقـــيـــقـــة..).
ايضا من اسباب الاخفاق التاخير في التعاقدات سواءا اللاعبين او المدرب وايضا تعدد الخيارات وعدم اختيار المناسب سواءا اللاعبين او المدرب يعني معقوله نتفاوض مع 24 مدرب واخرتها مانقدر نجيب الا مدرب عاطل من 6 اشهر لا وياليت سجله التدريبي مميز ترا اكبر انجازاته حصوله على دوري الدرجه الثانية بفرنسا انا ما اقول لكم ان المدرب فاشل لانه ما اخذ فرصته الى الان لكن انا اقول وانا متاكد 100% اننا كنا نقدر نجيب مدرب اكفأ منه بمراحل بس اللي خلانا ما نجيب هالمدرب هو (..ضـــعـــف الــــمـــفـــاوض..) انا ما ادري وش فيهم مالقو الا هالمفاوض انا ما انتقص منه لا والله المفروض نبوس راسه ونقول له مشكور ماقصرت والله يعطيك العافيه على جهودك وتعبك معنا طوال عملك معنا واللحين جا الوقت نعطي الدور لغيرك , لأنك في النهاية ما نجحت النجاح المامول منك , الصراحه ودي اعرف ليش المجامله على حساب النادي.
لا واللي يقهر بعد ان الفريق يحتاج وهذي واضحه وضوح الشمس (... يحتاج صانع العاب اجنبي...) لان اللاعبين اللي عندنا يوم يبدع وعشرة (.. يـجـيـب الــعــــيــــد..) انا ودي اسال ليش عندنا مهاجمين اجنبيين وحنا محتاجين واحد المفروض يروح الكوري ويجي مكانه مدافع اسيوي احسن من نجيب مهاجمين واخرتها مافيه ولا كورة تجيهم لانه صناع اللعب عندنا كوره صح وسبع طعش كوره خطأ يعني المهاجم يبي يضطر يرجع وراح يقل مجهوده وعطائه وبالتالي تقل خطورته لا والمشكله ان المهاجمين الاجانب تقريبا ماراح يلعبون مع بعض من اول المباراة يعني واحد لازم يكون بالدكة لان نظام المجاملة ماشي عندنا يعني من الاخر جيبو مدافع اسيوي واكرشو عنا مانقان واستغلو مكانه بصانع العاب من طراز رفيع مثل نفيز سابقا ودي سوزا لاعب الاتحاد حاليا.
وايضا حنا والكل عارف محتاجين لمحور دفاعي بحت ما نبي محور مهاجم ودي اسال ليش الى اللحين هرماش جالس انا ما اقول انه لاعب مش كويس لكن الضروف هي اللي حدتنا اننا نبدله كون الفريق محتاج لمحور دفاعي.
وايضا من مشكلاتنا الانصياع لرغبات اللاعبين وطلباتهم واعطائهم الفرصه للي يد الادارة وتنفيذ اوامرهم وشروطهم وتحديد اسعار عقودهم مثل ما هو منطبق على الفريدي بصراحه انا اشوف لو يروح الفريدي عنا راح نكون احنا المستفيدين لانه لاعب يعطيك مباراه وعشر لا وايضا من فوائد ذهابه ان الادارة راح يكون لها كلمه عند باقي اللاعبين لكي لا ينتهجوا نهج لي الذراع وفرض الشروط والطلبات وايضا لابد أن تعطي الادارة كل لاعب مايستحقه من خلال عطائه بالملعب فقط وعدم الانقياد لكونه لاعب جماهيري او استعراضي او غيرها

في الاخير ان اصبت فمن الله وان اخطأت فمن نفسي والشيطان هذا اللي حبيت اقوله وآسف على الاطاله وسوء الصياغه كوني كتبته على عجاله