بسم الله الرحمن الرحيم

انا بحط كم نقاط .. راح تعدل وضع الهلال باذن الله :

- اولاً : رئيس كاش ومعنى كاش انه ما يروح يدور اللاعبين الرخيصين عشان يستثمرهم .. معناته .. انه اذا نوى يجيب لاعب جابه .. معناته .. انه اذا ناوي يجدد مع لاعب .. جدد معه باي سعر .. همه الاول والاخير نادية
مثال : منصور البلوي

- ثانياً : مدير مركز اعلامي .. ومدير المكز الاعلامي اللي نحتاجه الحين .. مدير مركز اعلامي برتبة ( محامي ) .. يوقف قدام كل من يحاول يتطاول على الهلال .. يعطينا كم تصريح ناري قبل اي مباراة عشان يصنع للفريق هيبة لو شكلية .. مثل ماهو صاير مع اي فريق من الفرق الاربع الكبار اذا تبي تباري الهلال .. لان ادارة الهلال و لاعبية وحتى جماهيره ( مع الاسف ) .. يتأثرون باي تصريح على الهلال .. وهذا يسبب ضعف شخصية للفريق في المباراة
مثال : طارق النوفل

- ثالثاً : نبي رابطة زي الناس .. نبي رابطة شعله .. نبي رابطة تعطي الفريق طاقة صعف طاقته .. ملينا من حضور الجماهير السلبي .. ملينا من شوفة الجماهير بالملعب مندون صوت .. ولا كأن فيه جمهور .. اضعف جمهور سعودي ( من ناحية التاثير على النتايج ) جمهورنا .. قسم بالله انقهر لما يحطون الصورة على جمهور الاهلي .. مع ان ملعبهم ما ياخذ ولا 17 الف .. الا انهم يهزون الملعب هز .. مب جمهورنا 50 الف بس .. بس ...بس ( ماعندك احد )
مثال : صالح القرني

- رابعاً : قائد الفريق .. بصراحة الهلال من روحة الدعيع وهو مندون قائد مع الاسف .. كل الكباتنة اللي مرو على الفريق .. كباتنه شكليين .. بس حاط هالقماش على ايده .. ولا تعليمات ولا بث روح الحماس للاعبين .. نبي كبتن من طينت سامي .. نبي كبتن يوجه اللاعبين من داخل الملعب .. ويعطي التعليمات ويوجه ويصارخ .. هذا هو الكبتن اللي يحتاجه الهلال
مثال : محمد نور , حسين عبدالغني


اتمنا توصل افكاري كما هي .
واعتذر لكل من لم تعجبه ارائي .

تحياتي

بانتظار اراؤكم ومشاركاتكم

والله مابقى الا انت واشكالك تقارن الهلال بلاعبين واداريين فاشلين يافاشل

احترم نفسك ووقف عند حدك لما تنزل الموضوع هذا

منب اقارن انا .. اعطيك امثله .. وما احد ينكر تفوقهم بالجوانب اللي ذكرته .. حتى لو كانو مع افرقة منافسة

النقطة الاولى: عبدالرحمن بن مساعد هو الرئيس المثالي للهلال هو الذي دائما يعتذر للجماهير الهلاليه وقدم كل ماعنده من اجل مصلحة الهلال انت واشكالك لما تقارن عبدالرحمن بن مساعد بمنصور البلوي شوف منصور الحين وينه ترك ناديه والجمهور يتبرع بدال الشاورما
ههههههههه يعني شبيه الريح بوادي ومنصور بوادي


النقطة الثانية : مدير المركز الاعلامي عبدالكريم الجاسر متواجد دايما مع الجمهور الهلالي وجميع الاخبار الهلاليه هو الذي يدافع عن الهلال
اما تجي لطارق النوفل هههههههه من هو طارق النوفل


النقطة الثالثة : الجمهور الهلالي الجمهور الوفي يعني تبي الجمهور الهلالي ينصرع داخل الملعب عشان تقارنه بجمهور الطحلب والخدم جمهور جدة بالعربي متخلفين تشجيع
جمهور الهلال يشبهني بجمهور مانشستر وسلتك جمهور هادئ ورائع بنفس الوقت

النقطة الرابعه : هي كلمة وحده القائد مجرد قائد داخل الملعب فيه مدرب القائد مايوجه المدرب هو الموجه وانا اشوف الكابتنيه كلام فاضي

ههههههههههههههه لابس تذكرت يوم تقارن لاعبينا بنور وعبدالغني


انا ابي اعرف شي واحد من الي نزل موظوعك ههههههههه

ان لم اقف مع هلاليتي وقت الانكسار فلن اعترف بهلاليتي وقت الانتصار

انا احترم موظوعك بس منرفز بنفس الوقت

ياخي والله الهلال مادري وش فيييييييييييه

نبي تقنعني ان دفاع عبدالكريم الجاسر عن الهلال نفس دفاع النوفل عن الشباب .. يارجال الجاسر رايح لامريكا وساحب على الفريق وتاركنا لاصحاب الشائعات ولا كان عنده نادي ولا مسؤوليه .. عكس النوفل مسح بالاهلاوية الارض لما تطاولو على الشباب .. هذا اللي نبية
بعدين وش فيها .. جمهور طحالب جمهور اللي تبي .. اهم شي انهم ازين من جمهورنا ( من ناحية التفاعل موب الحضور ) صح اننا اكثر عدد بس بدون تفاعل

نبي تقنعني ان دفاع عبدالكريم الجاسر عن الهلال نفس دفاع النوفل عن الشباب .. يارجال الجاسر رايح لامريكا وساحب على الفريق وتاركنا لاصحاب الشائعات ولا كان عنده نادي ولا مسؤوليه .. عكس النوفل مسح بالاهلاوية الارض لما تطاولو على الشباب .. هذا اللي نبية
بعدين وش فيها .. جمهور طحالب جمهور اللي تبي .. اهم شي انهم ازين من جمهورنا ( من ناحية التفاعل موب الحضور ) صح اننا اكثر عدد بس بدون تفاعل

صراحه اول شي موضوعك خلاني اشك انك مندس
منصور البلوي ليش ماقلت البلطان
صالح القرني ليش ماقلت حقوي والا حق الاهلي
محمد نور وعبدالغني ليش ماقلت تيسير الجاسم والا احمد عطيف

اما من ناحية عبدالكريم الجاسر فأنا الى الان ماشفت من هالادمي لا فايده ولا عايده الا شي واحد انه اذا غرد الرئيس يجيك ويغرد بعكسها وخلها على الله

‏اسف على هذا الكلام، لكن من قام بجلب مانقان مدافع الهلال فهو لايفقة في الكرة شي ، لاعب ابجديات المدافع لايعرفها! لايتسطيع تعويض جزء من هوساوي

الهلال ما راح يرجع وعقلية بعض اللاعبين والمنتهيه صلاحيتهم موجودين
لان الواسطه لها دور
لاعبين للاسف الشديد اعطيناهم كم فرصه بس للاسف مستواهم في انحدار
والاداره للاسف الشديد ساكته
يعني لا حياة لمن تنادي
ولا تتعب نفسك بالكلام لان الاداره اذن من طين واذن من عجين
ولا يهمك الجمهور اللي يحترق بالحضور
والمشكله يطالبون بحضور الجمهور وفي الاخير خساره من الفتح وتعادل مع هجر

الى متى هذا المستوى الهزيل في اللاعبين
اللي كل واحد شايف نفسه
الله يستر من الجاي بس

إقتباس النقطة الثانية : مدير المركز الاعلامي عبدالكريم الجاسر متواجد دايما مع الجمهور الهلالي وجميع الاخبار الهلاليه هو الذي يدافع عن الهلال اما تجي لطارق النوفل هههههههه من هو طارق النوفل

اما النوفل من هو شكلك ماتعبت الموسم الي راح هو لحاله مسح باعلام الاهلي كله وانا اعتبر له
نسبه بتتويج الشباب بالدوري وهو افضل من الجاسر بكثير

إقتباس النقطة الرابعه : هي كلمة وحده القائد مجرد قائد داخل الملعب فيه مدرب القائد مايوجه المدرب هو الموجه وانا اشوف الكابتنيه كلام فاضي

اخوي لاتقولها لاحد
لان هالكلام تدل على واحد مايفهم بالكوره ام الكبتن ماله دور
هههههههههههه قويه هاذي

اخوي في حالة النرفزه او العصبيه لا تدخل للمنتدي لانك تقول كلام غريب

المهم اشوف المنتدي قالب حرب شباب تونا ثاني مبارات يعني باقي علشان
نقرر الفريق مايقدر ينافس او يقدر ينافس

كلامكك ببرد عليه نقطه نقطه


1- حنا ما شفنا عبدرحمن بس مساعد يوعدنا بلاعب الا وجابه لو غالي .

2- مدير المركز الاعلامي الاستاذ عبدالكريم الجاسر .. من اكبر المدراء بالمراكز الاعلاميه للانديه وافضلهم

بحيث انه يرد بشكل هادىء وبرد ملجم .. وهذا اللي نبيه .

3- الرابطه انا معآآكك ,,

4- لا تقارن اصغر لاعب بنادي الهلال بحسينوه ولا مهمد نور

لان الكابتن يجب يكون اخلاق ومنتظم ولا يعلوا صوته على صوت الاداره مهما حدث

ويكون قدوتهم بالملعب ووبرّا الملعب تبي لاعبين الهلال يصيروا زي حسينوه ولا نور .. لا اخلاق ولا لعب نزيه

ومطالبات بالتبطح ع ارضية الملعب ومشاكل مع اللاعبين ومشاجرات ..؟؟؟


ما اوافقك الا بنقطة ( الرابطه ) غيره ما عندك سالفه .. مع احترامي .