السلام عليكم ورحمه الله وبركاته

اصبح من المعتاد ان نرى هجوما على (كابتن الهلال) ياسر القحطاني

واعتقد ان البعض تمنى ان ياسر لم يسجل الهدف ويهزم الهلال (هزيمة تاريخيه )

فالبداية بتكلم عن الهزيمه التاريخيه (كتب احد الاعضاء ان الهلال كاد ان يهزم هزيمه تاريخيه وان ياسر انقذ الهلال منها وهاجموه الاعضاء بقولهم انها لن تصبح هزيمه تاريخيه ! كيف لا وان الهلال لم يهزم ولا مباراة افتتاحية وبالاخير نهزم امام هجر الصاعد من الدرجه الثانيه الموسم الماضي! لااهضم حق اللاعبين وياسر كان مستواه نوعا ما جيد صنع كم هجمه ولكن لم يكتب الله التوفيق )

بخصوص البلابل اللي حاصله ف موضوع ياسر

اللي يقول ياسر فاشل مانبيه واللي يقول جمهور ياسر كرهونا بياسر !

اعتقد ان من بدأ هالمشاكل (المندسين ) فهم بكثره وخصوصا عندما مدح ياسر جمهور العين قالو ياسر يكره الهلال وياسر يبي يجلس بالعين (مع اني اجزم ان اغلب الكلام ذا طلع من اعلاميين ومندسين وصدقو اخواننا فالله اللي مع الخيل ياشقرا)

وانتشرت هالظاهره واللي يتقنص اخطاء ياسر عشان ينقده واللي يقول جمهور ياسر كرهونا بياسر(ماكرهك بياسر االا المندسين ياطويل العمر)

الان طلع لنا احد المندسين اللي مدح سامي وقال الهلال فيه فراغ كبير من بعدك ياسامي ! وين اللي يقولون الهلال من يوم عرفناه وهو نادي بطولات !

بعدين وش هالفراغ اللي وضح بأول مباراة!

تركي_الوقيان ‏@turki_alogaen @SamiAlJaber ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته



سامي نجم واعتقد مافي احد يقدر ينكر هالشي (غير المندسين) لكن البطولات كانت قبل سامي ومع سامي وبعد سامي .. وكذلك قبل ياسر ومع ياسر وبإذن الله بعد ياسر



انا ترددت كثيرا في عمل هالموضوع خوفا من ان احد يجي ويقولي انت جمهور لاعب!



في النهايه مختصر للي يحدث بين جماهير الهلال

.. ظهر لنا شخص يمتدح ياسر كثيرا وجعله اسطورة لن تتكرر !



وظهر اخر وانتقص من ياسر وجعل منه لاعب (مايسوى ريال)


وسببو فتنة بين جمهور (مع الخيل ياشقرا) واصبح الجمهور ينقسم الى قسمين

1- جمهور يمتدح ياسر اذا قدم مستوى وينقده نقد هادف اذا فشل

2-جمهور ينتقص ياسر سواء قدم مستوى او لم يقدم مستوى !


جمهور اللاعبين ما يشكل نسبة 2% من الجمهور الهلالي .. واللي كثرهم بعيونكم هو المندسين اللي نشرو مواضيع مطالبة بأبعاد ياسر !



واللي يجلطني صدق اللي يقول ياسر لازم يكون احتياط ( وش رايك نخليك تدرب الفريق ونمسك كومباري الباب !)



اعتقد ان كومباري اعلم واكثر خبره من الجماهير بالهلال لذلك اتمنى ان تتوقفو عن انتقاص اللاعبين سواء ياسر او غيره ودعم لاعبي الهلال فهم بأمس الحاجه لدعمكم فأنتقاص ياسر لن يفيد ودعمه وانتقاده (نقد بناء) يفيده ويفيد الهلال ايضا !



والسلام عليكم ورحمه الله وبركاته

الله يكثر الجماهير الي من امثالك

كلام جميل وهذا هو منطق الجمهوور الواعي ...

مسكين يا ياسر ما خلوه بحاله مدري هالجمهور وش يبي ووش يرضية
خلاص فيه مهاجمين اجانب بس ما كانو جاهزين للمشاركه ولعب ياسر المفروض اننا نوقف معه

ياناس خلو اللاعبين بحالهم نبي ناس تنتقد اموور فنيه مستوى فني تكتيك اخطاء في تطبيق التكتيك نبي تشجيع حراام عليكم

يعطيك العافيه موضوع مميز تقبل مروري

إقتباس الرسالة الأصلية كتبت بواسطة Nada 7 للأسسف فيهه بعضض من جمآهير الهلآل محسوبين على النآدي مع الأسف وفيه نصهم مآكآن ودهمم يآسسر يجيب هالقول ..! بالمختصر لآزم نوقف مع اي لآعب لآنه كل لآعب على صدره هالشعار < يعني الدعمم والوقفهه للنآدي في الآخيييير ي اللي مآتحبون يآسسر آلف ششكر آخوي نآيف آبدددعت ..!

العفو عاد فهميهم هههههههههههه نقطه جميلة ذكرتيها ..

اللي يهمهم مصلحة الهلال .. ادعمو ياسر فبدعمكم لياسر مصلحة للهلال (لانه حاليا كابتن الكتيبة الهلاليه )

آأإه يآ سسسسآمي

آتمنى يرجع باسسرع وقت ممكن

ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته
ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته
ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته

يآأإسسر أفضل لآعب بالهلال يجلس على الدكه


بإذن الله لوبيز وخلفه الكوري

إقتباس الرسالة الأصلية كتبت بواسطة ابوخلـــود الله يكثر الجماهير الي من امثالك كلام جميل وهذا هو منطق الجمهوور الواعي ... مسكين يا ياسر ما خلوه بحاله مدري هالجمهور وش يبي ووش يرضية خلاص فيه مهاجمين اجانب بس ما كانو جاهزين للمشاركه ولعب ياسر المفروض اننا نوقف معه ياناس خلو اللاعبين بحالهم نبي ناس تنتقد اموور فنيه مستوى فني تكتيك اخطاء في تطبيق التكتيك نبي تشجيع حراام عليكم يعطيك العافيه موضوع مميز تقبل مروري

يعطيك العافيه مشاركة مميزه وبيض الله وجهك لاهنت

موضوع مميز ..
شكرا لك

مافيه حل وسط من حيث انتقاد البعض الامر الايجابي ينتقد عليه والامر السلبي ينتقد عليه
ورضا الناس غايه لا تدرك .

الامر صعب لكن ماتمناه هو ان الجميع يقوم بتحفيز الفريق بكامل طاقمه الاداري والفني .
ولا يلتفت للانتقادات الغير هادفه والمضره بالفريق .

الله يعينك يازعيم .

إقتباس الرسالة الأصلية كتبت بواسطة محبوب2007 آأإه يآ سسسسآمي آتمنى يرجع باسسرع وقت ممكن ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته ثمة اشخاص لم يخلقوا ليكون لهم بديل اما هم او لا هذه حقيقتك الهلال بعدك ياأبوعبدالله مااحد غطاء الفراغ اللي تركته يآأإسسر أفضل لآعب بالهلال يجلس على الدكه بإذن الله لوبيز وخلفه الكوري

مافهمت مشاركتك وضحها لاهنت (لاني شفت فيها تناقض )

سامي اكيد نجم هلالي .. لكن بطولات الهلال لاتتوقف على سامي

فالهلال اذا رحل سامي لديه رجال يعوضون فراغ سامي

ياسر محتاج لمهاجم يسانده بس
زي ماكان مع العين موجود جيان والحين مع الهلال ويسلي لوبيز
انتظرووا ابداع ياسر

وعليكم السلام

انا ماراح اتكلم الاعن شيء واحد يرفع الضغط اللي هو انه فيه جمهور من الهلال صدق بعض المندسين

وصار يقول مانبغا ياسر ياسر فاشل ياسر ليش يرجع

وكأن الهلال عنده تخمه بالهجوم

ياخي جب افضل من ياسر وخله يلعب

ومابدت مباراة هجر الا وبدأ بعض المندسين

بتوجيه سهامهم على ياسر

بالرغم من ان ياسر قدم مباراة لاتعتبر سيئة والوسط الهلالي لم يمول المهاجمين

ومع ذلك صنع ياسر لزملائه وسجل

وتجي تلقى كم مندس مع كم واحد مضحوك عليه يقعدون ينتقدون ويطالبون بأبعاده

يعطيك العافية اخوي ولي عودة لاني من الان اعرف اللي راح يسبون بياسر

إقتباس الرسالة الأصلية كتبت بواسطة .نايف العتيبي. مافهمت مشاركتك وضحها لاهنت (لاني شفت فيها تناقض ) سامي اكيد نجم هلالي .. لكن بطولات الهلال لاتتوقف على سامي فالهلال اذا رحل سامي لديه رجال يعوضون فراغ سامي

مآفي تناقض ولا شيي

سآمي مآفي آحد بيعوض رحيله

ويآسر آفضل لاعب يجلس على الدكه


بإذن الله لوبيز وخلفه الكوري هجووم نآري

إقتباس الرسالة الأصلية كتبت بواسطة عاشـ يـ 20ــاسرــــق موضوع مميز .. شكرا لك مافيه حل وسط من حيث الانتقاد الامر الايجابي ينتقد عليه والامر السلبي ينتقد عليه سواءً من مندسين او غيرهم رضا الناس غايه لا تدرك . الامر صعب لكن ماتمناه هو ان الجميع يقوم بتحفيز الفريق بكامل طاقمه الاداري والفني . ولا يلتفت للانتقادات الغير هادفه والمضره بالفريق . الله يعينك يازعيم .

امين ولكل داء دواء وان شاءالله بنلقا حل لهالموضوع

انت جمهور لاعب اكيد<<هذا حال البعض ولكن لو ندخل منتدى الاتحاد ونشوف اغلبيه الاعضاء النك نيم عن نور ولكن ماشفنا واحد طالع يقول

نور لاعب فاشل نور فيه وفيه مع ان نور واضح ان مستواه هابط بشكل كبير !

ولكن مازالو يدعمون اللاعب معنويا وضيع ركلة جزاء كادت ان تخسر فريقهم !

ولكن ياويلك ياياسر لو انك مكانه بنشوف مظاهرات قدام النادي بأبعاد ياسر!!

الله يعين بس

إقتباس الرسالة الأصلية كتبت بواسطة محبوب2007 مآفي تناقض ولا شيي سآمي مآفي آحد بيعوض رحيله ويآسر آفضل لاعب يجلس على الدكه بإذن الله لوبيز وخلفه الكوري هجووم نآري

الكوري صار افضل مهاجم يوم جا ياسر! مو كنتو تنتقدونه الموسم الماضي وبشده ! واللي يقول الله يعين على الكوري

الحين صار الكوري افضل من ياسر!

إقتباس الرسالة الأصلية كتبت بواسطة .نايف العتيبي. الكوري صار افضل مهاجم يوم جا ياسر! مو كنتو تنتقدونه الموسم الماضي وبشده ! واللي يقول الله يعين على الكوري الحين صار الكوري افضل من ياسر!

( وش رايك نخليك تدرب الفريق ونمسك كومباري الباب !)

إقتباس الرسالة الأصلية كتبت بواسطة خـالـد بــن فـهـد وعليكم السلام انا ماراح اتكلم الاعن شيء واحد يرفع الضغط اللي هو انه فيه جمهور من الهلال صدق بعض المندسين وصار يقول مانبغا ياسر ياسر فاشل ياسر ليش يرجع وكأن الهلال عنده تخمه بالهجوم ياخي جب افضل من ياسر وخله يلعب ومابدت مباراة هجر الا وبدأ بعض المندسين بتوجيه سهامهم على ياسر بالرغم من ان ياسر قدم مباراة لاتعتبر سيئة والوسط الهلالي لم يمول المهاجمين ومع ذلك صنع ياسر لزملائه وسجل وتجي تلقى كم مندس مع كم واحد مضحوك عليه يقعدون ينتقدون ويطالبون بأبعاده يعطيك العافية اخوي ولي عودة لاني من الان اعرف اللي راح يسبون بياسر

كلام صحيح ويعطيك العافيه

هذا ملخص للشوط الاول في المباراة الماضيه
‫ملخص الشوط الأول - الهلال وهجر دوري زين ج1 -‬‎ - YouTube
ونلاحظ ياسر صحيح ضيع فرصه او فرصتين بس برضو صنع فرصه

وهذا ملخص الشوط الثاني
‫ملخص الشوط الثاني - الهلال وهجر دوري زين ج1 -‬‎ - YouTube

لاهنت على مرورك العطر