السلام عليكم ورحمه الله وبركاته

كل عام وانتو بخير ان شاء الله

وهاردلك على التعادل اليوم الغير مرضي صراحه

طبيعه المشجع انه يبحث عن السلبيات ويترك الايجابيات وهذا حق مشروع

لاكن ليه ما نتكلم عن الايجابيات اليوم

* اول ايجابية من وجه نظري ان التعثر بالبداية ارحم من التعثر بالنهايه
* اعجبني المدرب في قراءه المبارات وتغيراته اللي لولا الله ثم هي ما صار شي بالمبارات على عكس غيره زي دول وهاسيك اللي يحك راسه الين يصفر الحكم
* عزوز الدوسري رجع من غياب طوووويل وقلب المبارات فوق تحت ولابد اساسي
* ياسر الشهراني شكلنا باذن الله اخيرا توفقنا بصفقه محلية رائعه والاعب لابد يكون اساسي
* وفيه ميزه ان الفريق ما ياس وظل يحاول مع العلم جت الدقيقة 86 والنتيجة 2-0 يعني لو تسال اي مشجع وقتها بيقول مافي امل لاكن الحمد لله جا هدفين وكنا نطمع بالثالث لاكن الحكم شاهد ما شفش حاقه للاسف


نجي للسلبيات

* هرماش ي عالم موب محور دفاعي ولا قد لعب بهالمركز قبل لا يجي الهلال والحين يلعب دفاعي لحاله والله شي صعب لازم يكون معه الغنام وسبب الهجمات اليوم كانت من العمق وبالتحديد المحور لان هرماش ضاااع ما يقدر يمسك نفسه ويتقدم
* الحراسه وما ادراك ماالحراسه والله تعبنا وحنا نقول العتيبي فيه عدم مبالاه غير طبيعيه وبالعربي الاعب نفسيه متى ما يبي يلعب لعب ومتى ماله خلق بيجيب فيك العيد
* الفريدي وسالم والعابد لا تعليق ما راح الومهم كثير بس ي ليت يخففون مهارات لانا نبي نفوز لو اترام يسجل لنا بدون فلسفه ويتعلمون من هدف عزوز هدف بطريقه عادية وبدون فلسفه وهدف انقذ نقاط المبارات
الهدف موب لازم يكون على طريقة ميسي لان حنا وين وهو وين
* ياسر اليوم صراحه استغرب من اللي يقولون كان بيومه لا والله ما شفناه الا لقطتين مره صنع هجمه ومره سجل هدف وما يتحمل الذنب كله لا الفلاسفه اللي وراه يتحملون ويتحمل شوي ذنب انه ما وده يتحرك لا يمين ولا يسار
* البيشي وما ادراك مالبيشي هذا الاعب من السنه اللي راحت وانا اقول لاعب دفاعي بحت ولا يمت للهجوم باي صله واصلا اذا هجم يالله يرجع للدفاع واليوم الاهداف كلها خانته فاضية والدفاع يتلخبط بسبب تقدمه وتركه للخانه وعدم رجوعه
* الزوري لا اوفرات والمشكله يحب يسدد وتسديداته في السماء لاكن ادواره الدفاعية اليوم كانت جيده
* الشلهوب واضح ان اللياقه مافيه ابد ويالله يحرك رجله ولا له ادوار بالملعب تحس انه تايه


آتمنى من المدرب المبارات القادمه عدم التهاون واللي ما يستاهل لا يلعب واللي سمعته ان المدرب صارم ويارب اشوف الصرامه قدام الفتح لان اذا ما ضبطت الوضع اول الموسم صعبه تضبطه بعدين

اتمنى التشكيله تكون

شراحيلي
الفرج المرشدي مانجان الشهراني
الغنام
هرماش
العابد ويسلي عزوز
الكوري اذا كان جاهز


الوعد الدرهـ ان شاء الله

اللهم وفق الهلال فوق كل ارض وتحت كل سماء