السلام عليكم ورحمة الله وبركاته ..

بدخل بالموضوع مباشره ..

الان في مباراة الشباب ونجران رفض حكم الساحه ان الكابتن وليد عبدالله ان يلعب المباراة بسبب قصة شعره وعليه حلق شعره حتى يتمكن من اللعب ..

مما جعل مدرب وادارة نادي الشباب تضطر لـ تغيير الكابتن وليد عبدالله قبل بداية المدرب وبديله شيعان ..

،،

ولاحظنا قصات الشعر على لعيبة الهلال الفتره الاخيره على لاعبين الهلال " الشبآب " كـ نواف العابد وسالم الدوسري ..
حتى مايحصل لنا مثل ماحصل للكابتن وليد عبدالله في مباراة اليوم وتسبب احراج وارباك للمدرب في تشكيلته الاساسيه ..
ولا ادري هل هذا القرار ساري على الاجانب ايضا ام اللعيبه المحليين فقط ..

فأتمنى توصلون صوتنا لـ الاداره ولـ تويتر الامير عبدالرحمن بن مساعد او اي شخص مسؤول بإدارة النادي حتى يتنبهون لـ هالنقطه ..

وان شاء الله النقاط الـ3 من نصيب الزعيم والله الله بالحضور ي جماهير الشرقيه ..

بالتوفيق للملكي ،،

..... للـرفــــع .....

،،

إقتباس الرسالة الأصلية كتبت بواسطة عآشقه الهلاآل والله انك صادق وش هالقصات الي موب من عاداتنا الله يهديهم بس وان شاء الله يقصون ويفكوننا ولا ينحرج المدرب بكره

اتمنى يوصل هالشي لإدارة النادي لاني ملاحظ اغلب لعيبتنا الشباب الله يهديهم حاطين قصات ..
وسمعت من المعلق حق المباراة ان هالسنه بيكون تشديد عليها بشكل كبير ..

مشكوره على مرورك اختي ..

والله صادق يااارب يوصل الكلام للادارة حتى مانتورط

كلام جميل.....

اتمنى اخذ الحذر قبل المباراه....

وهذي من اختصاااص الاداااره

مشكووور......

إقتباس الرسالة الأصلية كتبت بواسطة عااشق كاكا والله صادق يااارب يوصل الكلام للادارة حتى مانتورط

تسلم حبيبي على مرورك ..

اتمنى يوصلونه الشباب للاداره لان اكثر من لاعب عندنا مسوي هالقصات ماهو لاعب واحد فقط ..

بالتوفيق للزعيم ،،

اتوقع قرار منع القصات للاعبيين المحليين فقط .. وان شاء الله ان الادارة تكون انتبهت له الموضوع ..

يعطيكـ العافيهـ ..

إقتباس الرسالة الأصلية كتبت بواسطة توت الهلالية وعليكم السلام ورحمة الله وبركاته حقيقي لازم يكون للإدراة الهلالية وقفة حازمة مع اللاعبين وقصاتهم بغض النظر عن الأنظمة والقوانين مشكور عالتنبيه يعطيك العافية شكرا لك

ياليت والله يكون فيه وقفة من الااره صارمه على مثل هالامور بحكم ان اللعيبه قدوه للشباب وتقليد الشباب لهم ..

العفو حبيبي وشاكر لك مرورك ..

إقتباس الرسالة الأصلية كتبت بواسطة بن جبله كلام جميل..... اتمنى اخذ الحذر قبل المباراه.... وهذي من اختصاااص الاداااره مشكووور......

الاجمل مرورك يالغالي ..
فعلا لازم ياخذون الحذر من مثل هالامور الاداره ..
واتمنى مايغفلون هالشي ..

العفو يالغالي ..

كل واحد حر بشعرهه !!
يعني هذا شي راجع للآعبينن ..
،
اما اذا كان صدز ان الحكم منع وليد عبدالله من اللعب بسبب قصةة شعرهه .. اتمنى من الادارهه التدخل وتشوف صرفتها مع اللآعبين ..
عموماً بالتووفيق للزعيم الملكي غداًً وحصد النقاط ال 3

إقتباس الرسالة الأصلية كتبت بواسطة SeMo KSA اتوقع قرار منع القصات للاعبيين المحليين فقط .. وان شاء الله ان الادارة تكون انتبهت له الموضوع .. يعطيكـ العافيهـ ..

الله اعلم هل القرار ساري على اللعيبه المحليين فقط او على الكل حتى الاجانب ..
الله يعافيك وشاكر لك مرورك ،،

إقتباس الرسالة الأصلية كتبت بواسطة جراح شمر كل واحد حر بشعرهه !! يعني هذا شي راجع للآعبينن .. ، اما اذا كان صدز ان الحكم منع وليد عبدالله من اللعب بسبب قصةة شعرهه .. اتمنى من الادارهه التدخل وتشوف صرفتها مع اللآعبين .. عموماً بالتووفيق للزعيم الملكي غداًً وحصد النقاط ال 3

لا ياخوي ماهو كل واحد حر بشعره ذا قرار منع القزع وقصات الشعر ..
ايه صحيح انا شايفه بنفسي تم منع لعب وليد عبدالله وتكرر هالشي في مباراة الاهلي والشعله .. مع لاعب الاهلي وليد باخشوين ايضا منعوا لعبه بسبب القزع برضوا .

الله يسمع منك وان شاء الله الـ3 نقاط ..
بالتوفيق للزعيم ،،

شيء غريب على اني شفت شعره وكآن عادي من وجهة نظري .!!
يعني قصات الشعر مسموحه بالشوارع والاسـواق والاماكن العامـه وبالمباريات لاا .؟؟؟

الله يعين على الاتحاد السعودي ووالله يعين على الخشبيه لايصير نقلها للمباراة مثل نقل مباراة الاتحـاد !!

يعطيك العافيه وتقبل مروري

إقتباس الرسالة الأصلية كتبت بواسطة SeMo KSA اتوقع قرار منع القصات للاعبيين المحليين فقط .. وان شاء الله ان الادارة تكون انتبهت له الموضوع .. يعطيكـ العافيهـ ..

حتى الاجانب يوم فيكتور قص شعرة

ابشرك طلعت شعورهم ماعندهم قزع