السلام عليكم ...


طبعاً انا جديد هنا بس قلت افيدكم يمكن احد يبغا هذي المعلومات


---

طبعاً انا متواجد في الدمام ولما جاء يوم الفحص الطبي وتقديم الاوراق رحت لهم

قالوا لي روح جيب برنت المرور حق المخالفات ...

دحين انا جديد عن المنطقة وضيعت شوية وفي الاخير الحمدلله حصلته (مرور الظهران)

للي ضيع مكانه زيي وصفة كالتالي : تخلي ارامكو وراك وامشي شوي بتجيك اشارة عديها والثانية عديها وبعدين ارجع (يوتيرن) واطلع فووق فيه طلعة (تخوف) كبيرة شويا ههههههه

امشي شوية بتحصله على يمينك وفيه مسجد كبير قريب منه
__________________________________________

المهم جبت البرنت بعد لطعة وانتظار طويل بسبب ان العسكر مروقين جوا بالمكيف ويقولوا دوامنا الساعة 10 ..

وديته لـ إرامكو (التوظيف) واعطيتوا البطاقة حقتي والبرنت وقال انتظر شوية جاء دوري وطلع الفحص الطبي حقي في مستشفى سعد tongue المهم مستشفى سعد هذا طلع مستشفى كبييير مره ماشالله حلوو ,,

رحت للمستشفى وطبعاً في ارامكو يعطوك استمارة كذا مختومة من ارامكو توديها للدور السادس وتعطيهم الورقه وتعبي بيانات بسيطة رقم الججوال الاسم تاريخ الميلاد عربي وانجليزي لازم

وبعدين تجلس شويا الى ان يجي دورك وتجيك النيرس(السستر) وتنادي على اسمك :$

تروح معاها تحط لك اسواره على يدك حقت المستشفى هادي .. الموووهم اول شيء

1: تسوي لك الممرضة فحص لـ طولك ووزنك وقياس الضغط والحرارة .. وشيء ثاني الظاهر نسيته.


2: تجي نيرس ثانية تاخذك :$ وتوديك (غرفة التحقيق) وتسألك أسئلة وتعطيك ورقة تجاوب عليها
بالنفي أو الايجاب .. يعني دحينا هما عندهم + و - .. مو علامة صح او خطا يعني علامة الـ+ Plus صح
وعلامة الـ negative - يعني خطا
المهم جاوب وأنصحك تجاوب بكل صدق ههههه لانو فيه فحص سريري وحركات

3:تجيك النيرس تقولك خذ الورقه هادي وروح للدور الخامس اعتقد المهم تروح تفحص السمع
تدخلك النيرس عند دكتورة متخصصه بالسمع :$ تحطك في غيره وتسكر عليك غرفة صغييرة مره
وتلبسك سماعات وتعطيك جهاز زي الزر كذا والدكتوره من برا تشغل لك اصوات اذا سمعت الصوت اضغط على الزر او الجهاز بسرعة وبيطلع لك صوت ثاني بعدو بسرعة اضغط بسرعة وخليك سريع عشان يطلع الفحص حقك اوووكيهtongue

4: بعدين تقولك ارجع مرة ثانية فوق الظاهر الدور السادس رووح سوي فحص للنظر عاد هنا لازم تركز
بيجيك ممرض ياخذك ويسألك اسئلة ومعاه اختبار حق العيوون (حساسية العيون للألوان اعتقد)
بعدين يقولك اجلس شويا .. وبعدين يوديك على غرفة ثانية يحط لك سبورة بعيدة شوية وانتا تقرا اللي يطلبوا منك يعني مربع فتحته يمين او يسار او فوق او تحت وحروف وأرقام حاول تركز

5: فحص الدم (يدي توجعني دحين) اذا جاء دورك بتدخلك النيرس وتشفط دمك تخليك تدوخ tongue
بس انتبه وخليك هادي .. لانو انا حركت يدي بسرعة الابرة تحركت ونزف دم وعصبت عليا النيرس بس خف الالم الأن الححمدلله .. اذا سحبت الدم وخلصت بتعطيك علبة (فحص البول) الله يكرمكم , تروح الحمام وتسوي امورك tongue بس انتبه صوب كويس ههههههه , واذا خلصت سكر العلبة كويس وحطها في الكيس حقها ووديه للنيرس (غرفة تحليل الدم) عاد طبعاً تحليل البول يطلع فيه (الحشيش والمخدرات) والحشيش مايطلع في تحليل الدم اعتقد فـ ماادري كل واحد ينتبه هههههه انا الحمدلله سليم.

6:الفحص السريري : هنا انا خفت وقعدت اوسوس دكتور ولا دكتورة وايش بيسوي فيني ؟ انتظرت دوري وجاتني النيرس واخذتني ونادت ممرض فلبيني ثاني .. انا قلت السالفة يابو الحبيب فيها إن ههههههههه ودخلتني غرفة حصلت دكتورة :$ حلوة شوية المووهم ..
قالت لي رووح جوا ادخل وإنزع ملابسك عشان فحص الاعضاء التناسلية !! عاد هنا دورني انحرجت وقلت لها نعم ؟؟ قالت لازم نسوي لك الفحص هذا أول انا قلت معقوول ؟؟؟ كنت بصراحة بطلع واتركها (مع نفسها) المهم بعد كثرة مناقشة (يحاول انو يخليها تبطل هذا الفحص) قالت لي روح بسرعة مع الفلبيني خليه يفحصك مافي وقت ! << انا كنت احسبها هيا اللي راح تفحصني :$
الفلبيني هذا وضعه مو كويس ههههه انا رضخت للأمر الواقع ورحت معاه المهم فحص الـ *****
وما أدري صراحة ايش المقصد من الفحص هذا .. الموووهم خلصنا من الصعب هذا,

طلع الممرض هذا ,, وجات الدكتورة :$ فصخ ثوبك والفلينة ونام على السرير ! << شغلهم تفصيخ في تفصيخ tongue

المهم جات وفحصت وتسألني أسئلة انتا تلعب رياضة ماشالله عليك ؟ قلت لها ايوا قالت ماشالله وجات وفحصت القلب وقالت لي شهيق وزفير الخ وخلصت منها الحمدلله لبست ملابسي وإتجهت لـ غرفة الاشعة..


7: الأشعة موقعها في الدور الارضي في المعمل تروح للاستقبال وتعطيهم اوراقك (كلهم بنات)
تنتتظر شويا تجيك الدكتورة تنادي عليك وتاخذك لـ قسم الاشعة ,, رحت معاها دخلنا غرفة كبيرة وقفلت الباب.. فيها ادوات كبيرة حقت الاشعة ومعي اثنين معايا بيسووا فحص المهم قالت يافلان فصخ ملابسك جوا غرفة الملابس وخليك لين اناديك tongue والثاني كمان (الثوب المره هذي بس) .. انا كنت اخر واحد وماكان فيه مكان قالت روح جوا عند الكمبيوتر اجلس icon301 جلست هناك انتظرتهم الموووهم حطت الاول قدام الاشعة وشغلتها وطلبت منو ياخذ نفس ويكتمه جوا وعاد هيا تطلع صورة الرئة عندها وايش فيها وايش مافيها .. المووهم طلعوا الشباب وبقيت انا اخر واحد خلصت من الاشعة وطلعت ,,وقالت لي رووح للدور الاول او السادس نسيت واعطيهم اوراقك وروح البيت خلاص .. (الحمدلله افتكيت)

---------------

هذي تجربتي مع الفحص الطبي في مستشفى سعد ( اول مره اسوي فحص طبي) واذا نسيت شيء سامحوني كنت صايم وتعبان وماني مركز ..

حاولت اخلي الموضوع فكاهي شوية عشان يتقبلوا الناس الموضوع ومايخافوا من الفحص
سهل وبسيط وخليك جريء وتمشي امورك ان شاء الله

+ اتمنى من الشباب اللي فحصوا يقولوا لنا ايش صار معاهم كمان
+ فيه بنات بعد الظاهر كان عندهم فحص للـ CPC
اخوووكم : وسييم جدة