01/08/2012, 04:47 AM
|
 | زعيــم جديــد | | تاريخ التسجيل: 19/01/2011
مشاركات: 13
| |
|
قصتي والفريدي والثلاثة ...
السلام عليكم ورحمة الله وبركاته ... اسعد الله صباح / مساء كل عاشق متيم في اللون الأزرق الملكي  وجعلها الله هاذه الأيام أيام مباركة وتقبل الله منا ومنكم الصيام والقيام ... مرة من المرات حضرت مباراة للزعيم الملكي ضد الإتفاق النهائي ومنذ بداية المباراة اللي لفت انتباهي مشجعين مايوصلون خمسة والله اقل اذا ماكانوا ثلاثة يجلسون في الخلف مدري وش اللي خلاني اغير مكاني واجي عندهم المهم من بداية الشوط الثاني وهم على كل هجمة يتمنون هدف للفريق المنافس ( الِإتفاق ) سألتهم ليش : قالوا عشان يتحمسون لعيبة الهلال !! كيف يتحمس اللعيبة وهم متسيدين المباراة عرض وطول !! وعلى كل هجمة للإتفاق أو حتى نص هجمة يرددون : ياسلام على الفن ،، ياسلام على المتعة ،، ليت الهلال يلعب كذا !!! تغيير للاعب / أحمد الفريدي ،، اول مادخل الاعب ليش وش يبون فيه هذا لاعب فاشل لاعب بارد !! لاعب ميت !! لمس الكرة اخطاء في التمرير يا فاشل اطلع برا ماتعرف تلعب هذا لسانهم وكلامهم .. اخطا في كورة أخرى ونفس الكلام مع انها والله اخطاء اللي فاهم كورة يشوفها عاادية جداً .. سقط أحمد الفريدي وهو يحاول يلعب كرة عرضية من قدمه الشمال الضعيفة المهم اخوياي الثلاثة رددوا وبصوت مسموع اطلع برا ويردوون بصوت واحد : فاشل فاشل فاشل فاشل هذا عآآآدي اللي قهرني الصوت قام يزيد وبنفس الحماس ونفس الرد من الجماهير الأخرى الحاضرة فاشل فاشل فاشل فاشل والله من القهر قمت اصفق واقول ماعليه يا أحمد وكأن الاعب يسمعني ثلاثة اثروا على جهة معينة لاحظوا ثلااااثة !!!! *أحمد الفريدي : لاعب صغير في السن سيتطور مستواه إلى الأفضل يارب يجدد ونشوفه يرسم الإبداع مع زملاءه الاعبين في الوسط ورسم الابداع الهلالي داخل المستطيل الأخضر .... *كومباريه : ادعوا الله لك التوفيق في رسم خطة وتوضيب الاعبين بشكل رائع وممتاز.. *جماهير الهلال الملكي : لا تنجرفوا وراء كل ماهو سيئ بحق زعيمنا وزعيمهم وقفة واحدة فقط وعدم التجريح في الاعبين او كل من ينتمي للكيان الازرق ولنقف مع زعيمنا من اجل الكيان لا من أجل لاعب فقط ... *إدارة منتدى الزعيم : كل الشكر لكم على حرصكم وتواجدكم لمصلحة المنتدى ولكن بعض المواضيع والله تسيء للاعب نفسه كمسلم قبل ان تسيء لنا كقراء الرجاء التركيز على بعض المواضيع التي لا تخدم شيء وشكر الله لكم ووفقكم ... آآآآسف على الإطالة وتقبلوا تحيآآآتي واشواقي ولكم الشكر والتقدير  |
الوضع العادي
