3 مراات انسرقت نعالي في وقت قياسي! أبي حلول يا جماعة الخير ! :"( - نادي الهلال السعودي - شبكة الزعيم

™ṂṒḤĂṂṂĂĐ · #1 31/07/2012, 02:00 PM

السلام عليكم ورحمة الله وبركاته ...

في يوم شديد الحر .. قمت من النوم للذهاب إلى مسجدنا المبارك .. صليت الظهر .. جلست شوي بالمسجد .. ثمّن طلعت .. وإلا فنعالي الحبيبة مسروقة

كيف شلون متى ليه ؟ مدري

فكرت ثم فكرت .. قلت مافيه حل إلا أنك تحط رجلك وتناقز عشان ماتحترق رجولك .. وفعلتها , والحمدلله أن ماكان فيه أحد .. ولا كان فطس عليّ ضحك

أول يوم نمشّيه ... ثاني يوم ونفس الصلاة ونفس النعال بس اللهم هذيك حقتي وهذي حقت أخوي

طبعاً ينقالك "تعلّمت من الخطأ" وحطيتها بالصندوق ..

ونفس الحالة صليت ثم جلست شوي .. أطلع من المسجد أروح الصندوق .. ولا نعالي مسروقة مرة ثانية!

واحترقت رجلي مرة ثانية من هالحر

اليوم الثالث :

قلت أجل حط وحدة في صندوق ... والثانية في صندوق ثاني .. وسويتها اليوم "اللي هو اليوم الثالث" .. صليت ثم جلست شوي .. طلعت وأنا كلي ثقة بأني راح ألقاها .. وطلعت وأنا مسوي إني أنا الذكي اللي حجرت للسراق

ولا هي انسرقت

وبحكم خبرتي بالصندوق بتاع المسجد ... صرت أعرف أن هذي حقت واحد ... وهذي حاطينا وقف بالمسجد

أخذت المقطّعة .. اللي هي حقت المسجد ...

السؤال :

كيف عرف الحرامي هذي نعالي ... وكيف فرقها من ( ميتين وست وسبعين ) نعال؟! يعني أنه يتابعني ...

أريد حلول .. غير القفل ..

وشكراً

هلالــ للابد ــي · #2 31/07/2012, 02:53 PM

هههههههههههههههههههههههههههه
مستقعد لك هذا الله يعينك
الحل: تجي المسجد بشرابات بسب هههههههههه

عاشـق الـمـسـتـحـيـل · #3 31/07/2012, 03:07 PM

هههههههههه
الحل يَ حبيبي انك تنزل نعالك في اي مكآأن وتراقب من يصرقها

غـــــريـــــب · #4 31/07/2012, 03:08 PM

اكتب ورقه , ترا بدعي عليكـ اذا سرقت نعالي ههههه

™ṂṒḤĂṂṂĂĐ · #5 31/07/2012, 03:31 PM

فيكم خير يعني ... حلول جيّدة .. وخصوصاً حقت أخونا "غريب" ... هههههههه

***الزعيمه امولي*** · #6 31/07/2012, 04:42 PM

المشكله هذي اغلب الناس يعاني منها
بس الله يعينك مافيه حل
الا زي هذا الهندي

azoooz20 · #7 31/07/2012, 05:10 PM

روح حافي

أمزح امزح

عموما يمكن احد مسوي فيكـ مقلب

(s.M.s) · #8 01/08/2012, 03:06 PM

إقتباس

الرسالة الأصلية كتبت بواسطة ***الزعيمه امولي***


	المشكله هذي اغلب الناس يعاني منها بس الله يعينك مافيه حل الا زي هذا الهندي

افضل حل لك هذا الحل

...............................

Prince Hearts · #9 31/07/2012, 05:38 PM

من السنة النبوية إنك تذهب إلى المسجد أحياناً وليس دائماً حافي القدمين

لكن الحل هو أنك تخصص زنوبة الله يكرمك وتكون خاصة للمسجد

مستشاره · #10 31/07/2012, 05:47 PM

^

هذه السنه يستحيل تطبيقها فـ السعوديه ، لأنك ستجد أذى على الارض ، ابر طبيه ، مسامير ، شوك ، و اذا كان التحفي فيه ضرر ، فالأولى ان تلبس نعليك

تتوقع ان فيه احـد يستقصدك و لا دائماً يصير كذا بالمسجد ؟؟! و الظاهر ما لك حل الا حل أخونا الزعيم الخرجاوي

هلالي عايش حياته · #11 31/07/2012, 05:59 PM

هههههههههههه والله سالفتك غريبة

لكن اذى تبي تعرف منهو الي يسرق نعالك

ركب كاميرات امزح امزح

FAISAL AL7RBY · #12 31/07/2012, 08:47 PM

هناك رابط بين السرقات الثلاث وهي [ جلست شوي ]

بـ اعتقادي لو ما جلست شوي ممكن ما تنسرق انعالك

المرة الثانية اذا صليت اطلع ولا تجلس شوي شوف نعالك تنسرق ولا لا

و اذا انسرقت المره الجاية لا تجي بـ نعال البس شربات حتى ما تحترق رجليك

من شدة حرارة الارض هذا حل مفيد لك