مشكلتي بطء في الجهاز بعد الفورمات - نادي الهلال السعودي - شبكة الزعيم

الفتى الهاوي · #1 31/07/2012, 07:33 AM

السلام عليكم ورحمة الله وبركاته
صباح / مساء
الزعمااااااااااء

سبق يا اخوان طرحت مشكلة عندي بالالعاب وغيره قبل رمضان
والاعضاء ما قصرو بيض الله وجيهم وتقبل الله صالح اعمالهم
تفاعلو معي واعطوني كم حل لكن دون فائدة
والمشكلة كانت بطء في الالعاب وغيرها
ما لقيت حل إلا الفورمات لكن بمحل غير اللي كنت اتعامل معه
والحمدلله انحل الثلاث مشاكل اللي كنت اعاني منها

* لكن الحين مشكلتي

الاولى هي
بطء في الجهاز وهي ( التنقل بين الاقراص والمجلدات ون دخلت على قرص ياخذ وقت الجهاز عشان تطلع معي الملفات والمجلدات كلها )

وبعض البرامج الموجودة على سطح المكتب
يعني لما اضغط على ايقونة برنامج ياخذ وقت من شان يفتح معي
ولما اضغط على ايقونة الصوت برضو تاخذ وقت لما يطلع مؤشر الصوت
عشان اقدر اوطي او ارفع الصوت وكذلك ايقونة الايميل تاخذ وقت
والمشكلة الثانية هي :
البلوتوث موجود لكن فيه بعض المشاكل صورتها لكم بعد ما سويت اصلاح طلع معي التالي

حتى عارض الصور بعد ياخذ وقت من شان تطلع الصورة
واحيان كثيره بعد يقطع النت مع اني مشترك بـ4g واحيان كثيرة تطلع علامة مثلث ( مضطر اكتب اللون ) لونها اصفر بوسطها علامة تعجب مع جميع اخواني اجهازتهم ماشيه زي الحلاوة
ونا والعياذ بالله من كلمة ( أنا ) ما ودي بفورمات لأن توي مسوي فورمات من كم اسبوع مع اني سويت اشياء مثال ازلت بعض علامة الصح من بعض البرامج عند بدء التشغيل ورحت لخصائص الكمبيوتر وحطيت وشلت مثل بعض الاخوان لكن دون فائدة
ون كان فيه حل عساه يكون بالتفصيل من شان ما اجيب العيد

الجهاز hp 6730s
32بت
ويندز7

ولكم جزيل الشكر ورحم الله والديكم وتقبل الله صالح اعمالكم بهالشهر الكريم

الفتى الهاوي · #2 03/08/2012, 03:54 AM

وينك يا زعماااااااء
انتظر تفاعلكم معي

فآإرس الحربي · #3 05/08/2012, 05:56 PM

قد صارت لي نفس مشكلتك
وديته للصيانه وطلع فيه فايروس

الفايروس على ماظن يقدر يشيله بدون فورمات

lonely22 · #4 05/08/2012, 11:35 PM

مشكلتك بالتعاريف ركب برنامج يبحث عن التعاريف الناقصه ويثبته لك

مثل : Driver Genius Professional
http://www.driver-soft.com/products/drvgenpro.exe

+ شغل ويندوز ابديت وثبت كل التحديثات مهمه جدا لتشغيل البرامج واالالعاب

Đexter · #5 06/08/2012, 03:15 AM

اسباب كثير اهمها يمكن الجهاز ما تحدث
او انك ما ثبت كرت الشاشة وهذا اهم شئ

الفتى الهاوي · #6 06/08/2012, 05:48 AM

الف شكر لكم
وعلى مروركم الكريم وتفاعلكم
ون شاء تضبط الامور

الفتى الهاوي · #7 06/08/2012, 06:31 AM

إقتباس

الرسالة الأصلية كتبت بواسطة lonely22


	مشكلتك بالتعاريف ركب برنامج يبحث عن التعاريف الناقصه ويثبته لك مثل : Driver Genius Professional http://www.driver-soft.com/products/drvgenpro.exe + شغل ويندوز ابديت وثبت كل التحديثات مهمه جدا لتشغيل البرامج واالالعاب

مشكور اخوي بس البرنامج اللي عطيتني لما فتحته يقول ادخل رمز الرخصه
هل هو مجاني ولا ايش بالضبط