إقتباس الرسالة الأصلية كتبت بواسطة فتى اريزونا السلام عليكم ورحمة الله وبركاته كثر الحديث واللغط حول تجديد عقد الفريدي والحقيقه انها كلها آراء تحترم ولكن بعض الآراء كان بعيد عن الواقعية ولكن دعونا نتعامل مع الموضوع بلغة الارقام وبعدها احكموا بأنفسكم هل يجدد الهلال معه وبكم؟؟؟؟ احضرت احصائيه عن الفريدي لآخر ثلاثة دوريات وهي موجودة في مواقع كثيرة مهتمه بإحصائيات الدوري السعودي ويمكن يكون أحد الاعضاء سبقني بكتابتها أولا: دوري 2009/2010 لعب 13 مباراة منها اساسي 9 مباريات منها بديل 4 مباريات سجل هدف واحد فقط لم يصنع ولا هدف ثانيا: دوري 2010/2011 لعب 23 مباراة منها اساسي 16 مباراة منها بديل 7 مباريات سجل هدفين صنع خمسة أهداف ثالثا: دوري 2011/2012 لعب 22 مباراة منها اساسي 16 مباراة منها بديل 6 مباريات سجل هدفين صنع خمسة أهداف يتضح الآن ان اللاعب سجله ضعيف جدا جدا ولو ان لاعب اجنبي يحمل نفس السجل لما فكر النادي مجرد تفكير بالتعاقد معه. وحسب الاخبار الوارده ان النادي عرض عليه سبع ملايين ريال للسنه الواحده يعني لو كان العقد لمدة سنتين ونصف كما سمعنا فسيستلم سبعة عشر مليونا وخمسمائة الف ريال = اربعة ملايين وسبعمائة الف دولار تقريبا ولو كان العقد اربع سنوات كما يريد النادي فسيستلم ثمانية وعشرين مليون ريال = سبعة ملايين وخمسمائة الف دولار تقريبا عزيزي القارىء تخيل انك رئيس النادي وعرض عليك لاعب أجنبي يحمل نفس سجل الفريدي وبنفس العرض بعد تحويل المبلغ الى دولار وكان العرض لمدة سنتين ونصف بمبلغ اربعة ملايين وسبعمائة الف دولار أو لمدة أربع سنوات بمبلغ سبعة ملايين وخمسمائة الف دولار لو قررت التعاقد معه ستتهم بالجنون واضاعة اموال النادي وسيطالبك الجميع بالاستقالة وهنا معيار اخير نسبي وهو لو أراد الفريدي الاحتراف خارجيا كم تتوقعون سيعرض عليه شخصيا اجزم انه لو اتاه عرض اقول لو!!!!! سيكون عرض ضعيف جدا جدا ولا يوازي 10% من عرض الهلال. وهو دليل على ان اللاعب السعودي مبالغ جدا جدا بسعره لدينا والا هل تتوقع ان هناك لاعب سعودي سيتعاقد معه نادي خارجي بسبعه او ثمانية ملايين دولار. الجواب لا. من وجهة نظر شخصيه ارى ان يسحب الهلال عرضه السابق ويبلغه بعدم رغبة النادي بالتعاقد معه وخصوصا ان اللاعب ابدى في اكثر من مناسبه عدم رغبته باللعب للهلال واخرها تصريحه الشهير لبرنامج ارسال بالقناة الرياضيه السعوديه ان كنت قد اصبت فتوفيق من الله وان اخطأت فمن نفسي والشيطان وسامحوني على الإطاله

يارب ياكريم يسر للهلال بطولة اسيا ووفق اللاعبين المحليين والأجانب

موضوع اعجبني صراحه يعطيط الف عافيه هذا هو الكلام عين العقل

ليت الجماهير واعيه اجل لاعب مزاجي يماطل ومشاكل يبي عقد بالملايين ليش ؟؟

انصح الاداره الهلاليه بدفع الملايين هذي لشراء عقد لاعب الاتفاق الشهري اعتقد والله فنااااااان قسم بالله ولا مقارنه مع الفريدي البطيء الي نافع الفريدي هو الهلال لو يروح لاي نادي صدقني رااح يطيييح ويختفي

الفريدي لايصلح الا مع الهلال والهلال قدم له المناسب رغم ما كتب من ضعف في التهديف والصناعة كونه صغير وسيفيد الهلال مستقبلا امنياتي ان يبقى مع الهلال وان يوفق

حقيقة الفريدي لاعب من افضل صناع اللعب ..
لانه يفكربعقله قبل ما يلعب اي كورة ..
بقاؤه في الهلال مكسب للطرفين ..

واما انتقاله لنادي اخر ..
فاتوقع انه ليس من مصلحته ..
عموما بالتوفيق له بقي او رحل ..

الله يكتب اللي فيه الخير للزعيم
ارجوا سحب عرض الهلال للفريدي لانه ماطل
ولف ودار وماكان واضح

شباب اللي يبي الفريدي يكون باقي في الزعيم ارتاحوا واضح ان الفريدي باقي والدليل ارجعوا للصور بتحصلون الفريدي مبتسم ومبسوط يعني مزاجه عالي والرجل فيه خير ان شاء الله
والله يكتب اللي فيه الخير

اللاعب يماطل والسبب بعض الجماهير صنعت منه برجا وهو لا يكاد يرى بالعين

حد اللاعب اذا اراد الاستمرار في الهلال يستلم راتب 3500 ريال شهريا

والله اني اراها كثيرة جدا في حقه


طالت وشمخت
سرحوه خارج اسوار النادي وفكونا منه ومن مماطلاته


ودي

الله يوفق الزعيم

مشكور أخوي

الصراحه اتمنى انه يجدد مع الهلال باسرع وقت واهم شي لايقعد يماطل الهلال ولا اكرشوه

الفريدي

من أفضل لاعبي الوسط في الخليج وأفضل صانع لعب في المملكة

لو أنني عضو شرف أو رئيس وأملك قيمة العقد الذي يطلبه الفريدي لتعاقدت معه

وليقول الجمهور مايقوله

والحجة اللاعبون الصغار سالم والعابد وعزوز وغيره الحمد لله الموارد كثيرة والاستثمارات كثيرة أعطيهم بمايستحقونه وزياده

فهم يمثلون زعيم ىسيا والتفريط بهم تقوية للخصم

السؤال ماذا سيكون موقف الفريدي لو سحب الهلال عرضه واعلن للملا عن عدم رغبتة في اللاعب اتوقع تصيبة جلطة من القهر

شكرا لك على الاحصائيه ..
مجهود طيب ...

الفرص الكثيره التي سنحت له امام المرمى اكثر من اهدافه وصناعته للإهداف لو استغلها بالشكل المطلوب لكان الافضل والابرز سواءً بالتسجيل او التمرير ..

حالياً الكرة السعوديه نادراً تجد لاعب يمتاز بمواجهة المرمى بعد تجاوزه عدة لاعبين داخل الصندوق .وهذه انا اجدها في الكابتن احمد الفريدي .

ردة فعل الجمهور اتجاه اللاعب طبيعيه البعض يعاتبه على مزاجيته وبروده في المواسم الماضيه
وبهذا الموسم وببسبب مماطلته وتصرفاته عبر الاعلام التي حدثت اصبح البعض عنده قناعه
انه لا ينفع استمراره .

تواجده مهم من خلال اطلاعي على الفريق ووضعه في المواسم الماضيه .
سيكون إضافه قويه فلا اعلم ماذا ستكون ظروف الفريق من ايقافات لاعبين وإصابات لا قدر الله
وانضمام لاعبين للمنتخب خاصتاً للاعبين الوسط .. الفريق واجهته ظروف سابقاً فلابد ان يكون لديه قاعده بدلاء قويه .

آلية الاحتراف الحاليه هي سبب هذه الاحداث وحادثة الكابتن احمد الفريدي
لن تكون الاخيره .

بالنهايه يظل لاعب مميز وبمطلع مرحلة النضج الكروي وامامه مستقبل جميل .
ان استمر وجدد مع الهلال فهو الربحان لان الجو مهيأ ومناسب له لتحقيق الانجازات .
وان لم يكن ذلك فهو الخسران .

والله يكتب اللي فيه الخير ...

احصائية جيدة مقارنة بعدد المبارايات التي لعبها اساسي

اللاعب مافيه مثله في الهلال هالفترة

وإذا على العروض ومالعروض مانبي نروح بعيد العربي بكم جبناه وكيف كان سجله ولا استفدنا منه اي شي خساره وبس

وايمانا المصيبه بعد كيف اكلنا منكح فيه

والفريدي ماراح يجيه عرض خارجي اللي جاه عرض محلي مغري وصراحه مكسب لإي فريق وافضل من كثير من المحترفين اللي في الدوري السعودي كل فريق في الخليج يتمنى الفريدي .

كلام واقعي وسليم ولكن الله يعين على بعض العقليات اللي تشجع الفريدي

إقتباس الرسالة الأصلية كتبت بواسطة ThE_TiGeR الفريدي سيكون من افضل صناع اللعب في المملكة و ارى انه يستأهل كل خير .. لانه لازال صغير في العمر و راح يقدر يقدم لنا الأجمل بإذن الله .. و مثل ما نعرف ان لعيبة الوسط عمرهم طويل في المستطيل الاخضر اكثر من غيرهم بجانب الحراس .. و كل ما تقدم في العمر كل ما كان افضل من ناحية أداءه .. و اللي يثبت كلامي الإحصائية اللي فوق كل سنة يفرق فيها الفريدي للأفضل .. و يكفي انه من اللعيبة النادرين اللي يلعبون بعقلهم مؤ برجلهم و هذي ميزة فيه .. صحيح انه يعاب عليه المزاجية في اللعب لكن ما اشوف انه شيء يخلينا نهاجمه هالهجوم الشرس .. الفريدي لاعبنا و ولدنا و لازم نعينه و نعاونه و نكون له سند .. فكروا يا شعب الهلال بالعقل و لا تكونون عاطفيين و يحركونكم ضد فريقكم و لاعبينكم .. مثل ما وقفتوا مع ياسر في محنته و غلطته .. أوقفوا مع الفريدي و ادعموه و صدقوني بتشوفون منه كل خير لسنوات طويلة .. ودي و احترامي للجميع ..

مع احترامي لك اخوي ولكن انت اللي تتكلم بالعاطفه وش اللي ولدنا ولازم نعينه ونكون له سند وش هالاحتراف اللي فيه ولدنا وماهوب ولدنا

يا اخي اذا بتطالب بترك العاطفه فتركها انت اولا

تحياتي