السلام عليكم ورحمة الله وبركاته

كيف حالكم جميعا ان شاء الله طيبين؟؟

كل عام والجميع بالف خير ورمضان مبارك ع الجميع

اتمنى يكون هذا القسم المناسب لسؤالي

حبيت استفسر منكم اخواني
انا قررت اشتري fifa12 من البلايستيشن ستور وحصلته هناك ب ٦٠ دولار

فقلت اباسال اللي جربو وحملو الفيفا او العاب ثانيه من الستور

هل تعمل اللعبة بشكل كامل مع كامل مميزاتها من اون لاين وغيره؟؟

وانا ماعندي فيزا،، هل تنصحوني بالبطاقات اللي تشحن رصيدك في الستور اخذها من جرير والا اي محل العاب

وبكم اسعار هذي البطاقات،، او بكم لازم اشتري عشان اجيب ال ٦٠ دولار؟؟

لانو تخبرون ما عمري اشتريت شي من الستور وما ودي اتهور واشتري وآكلها

الف شكر لكم جميعا على تجاوبكم مقدما ويجزاكم خير

عطونا العلم تكفون يا اخوان اشتريه والا لا؟؟

ودي اشتريه بس خايف ما يكون كامل او ما يشتغل الاونلاين فيه او شغلات مثل كذا،، انا همي كله ابي نسخه كاملة مثل اللي تنباع بالمحلات وماهمني عربي او لا؟؟

.
.
و عليكـم السـلام ورحمـة الله وبركاتـه
يـآخـوي مـا أنصحـك صراحـه تشتريـه ، لأن فيفـا 13 قـرب
كلهـآ كـم شهـر وينـزل ، ولكـن علـى مـآ أظـن فـي المحـلآت تلقاهـآ أرخـص من الستـور
وزود علـى كـذا النسخـة اللـي في الستـور ما فيهـآ لغـة عربيـة
و بخصـوص بطاقـآت الستـور ، تلقاهـآ في أي محـل ألعـآب
لكـن انتبـه لازم يكـون شريطـك نوعـه مثـل نوع البطاقـة و الآيـدي بعـد
يعنـي مثـلاً عنـدك آيـدي أوروبـي و شريطـك أوروبـي ، لازم تشتـري بطاقـة أوروبيـة
أتمنـى فهمـت كلامـي ، لكـن في الأخيـر أنصحـك تنتظـر فيفـآ 13

هلابك اخوي الله يعطيك العافيه

فيفا 13 ماهو نازل الا شهر 11 وانا صراحه انسان ما اعرف اعيش بدون فيفا ;)

وبالنسبة للمحلات عندنا بالمدينة منقطع الشرييييط يعني مستحيل القاه

بس كل السالفه اني متخوف ان اللعبة ماتشتغل او تتحمل ناقصه او شي زي كذا

بمعنى لو اشتري البطايق ذي على حسب حسابي هل اللعبة بتشتغل كامله 100% وبدون اي نواقص ؟؟

و الله يعطيك العافيه اخوي راشد ويعطيكم العافيه جميعا

مابيقصروا معاك اعضائنا الكرام

.
.
ايـه ياخـوي ، أكيـد بيشتغـل 100%
ما فيـه لعبـة ع الستـور تجيـك ناقصـة ، أنـآ عنـدي كم لعبـة شاريها من الستـور
لكـن المشكلـة في الكـود حـق الاونلايـن
مـآ أدري هـل راح يعطونـك إياه مع اللعبـة أو لا
لأنـه ما تقـدر تلعب أونلآيـن بدونـه

يعطيك الف عافيه اخوي ماقصرت ومشكوور