مورينهو تشلسي من 2004 ل 2007

أرقام وإحصائيات من تصميم المبدع صاحب اللمسة الفوتوشوبية " مشقاص "
وهذا حسابه بالتويتر ، أتمنى تدعمونه ..

تويتره * إضغط هنا *

فاز المنتخب الأسباني ، الأحلى من الفوز الأسستين كلها من الساحر ماتا ..

صدق لا قالو " يشبعك كورة "

^
^^




بصراحة أسست ماتا الثاني إبداع لحد الإمتاع
كبير يآ خوان

+

هدف هايتي خورافي

# تقييمك لموسم تشلسي ( التقييم من عشرة )
و الله يستاهل صفر مكعب , بس لأني كريماً وفياً سأعطيهم 6
# أفضل 3 أهداف للفريق ، وإن حصل توفرها يوتيوب يكون أحسن
ملزم يوتيوب ؟ و الله كسل
و وش اللي ثلاث ابعطيك نصف درزن اهداف و بدون ترتيب
هازارد ع المانيو
هازارد ع سبارتا
و لويز ع ذاك الفريق اللي نسيت اسمه , الزبدة قابلناهم بنصف النهائي
ديمبا ع اليونايتد
لويز ع فولهام
اوسكار ع اليوفي
ماتا ع المكبايس
# أفضل وأسوء لاعب طوال الموسم !
افضل : ماتا - هازارد - ازبيليكويتا
اسوء : ميكيل - بيرتراند
# خبر إقالة ماتيو / تعيين رافا بنتيز .. كيف تقبلته ؟
صدمه ، خصوصا انهم كرشوه بنص الموسم و انت مقبل ع بطولات كثيرة
و رافا كذلك صدمه , مدرب له سنتين اتوقع عاطل عن العمل و اخر تجربه
له فاسل مع الانتر , يعني وش المطلوب مني بالضبط , انبسط ؟ بالتأكيد
ابنفجع
# مع سوء النتايج بنص الموسم ، توقعت تشلسي ينهي موسمه ببطوله كأقل تقدير ؟
توقعته بما أنه مدرب مؤقت و يبي يضع بصمته بأي طريقة
# مباراة تتمنى تنعاد وماتنتهي من متعتها ؟
نوريتش ( البريدج ) 4-1
ويستهام ( البريدج ) 2-0

# أسوء مباراة لتشلسي بشكل عام أي مباراة تشوفها بوجهة نظرك ؟
مباراة السوبر اللي شخمطنا فيها فالكاو
# الجميع تقريباً متفق على حاجة تشلسي بمركزي المحور والمهاجم .. لو كانت لك كلمة بالنادي مين بتجيب ؟
دي روسي او بيندر / كافاني او ليفا
# كيف تقييم مستوى رافا من مسك الفريق ؟ وهل تعتقد إنه كان رجل المرحلة ؟
حسن الدفاع و اكتشف كم لاعب بمركز اخر ( نقطة تحسب له ) و تحسن معه رامي
و نعم بالتأكيد كان رجل المرحلة
# تشلسي الموسم القادم ،، إوصفه بكلمة وحدة
خااااااااااالع

# وأخيراً تقييمك لمستوى الرابطة ؟ * ضروري كلكم تجاوبون على ها السؤال *
و الله الرابطة حالها زي حال الفريق , بالبداية رائعة و منطلقة بشكل رائع و كانت من احسن مايكون من تدهور الفريق
و الرابطة حالفه يمين ماتتركه الحاله و تتدهور وراه , و من بعدها شهدنا غياب ركن من اركانها و سحبة نائبها و بعض
العيال منهم و انا بعد سحبت و من بعدها شفنا كل واحد يمسك الرابطة و يشعللها لوحده , مره ديكستر و مره ابو عزام
و مرات كثيرة الريس و مرة انا و اعوذ بالله من كلمة انا .. المهم اني متفائل بالرابطة الموسم القادم و لازم قبل كل شي نتعاون
و نكون يد وحده و نشوف تفاعل رائع من الجميع و صدقوني خويلد ماراح يبخل عليكم و انا بعد اهم شي نشوف تفاعل
رغم هذا الموسم النكدي , الا اننا وصلنا ل اكثر من ٥٠٠٠ رد , صدقوني يمدينا نصك العشرتالاف بالراحة , و خصوصا ان المو
معنا و هو بيتكفل بشعللة الرابطة بتصاريحه النارية خخخخخ عشان كذا اعطي الرابطة ٧/١٠

للتذكير .. مؤتمر الموو بكرا , الساعة 1:30 بتوقيت جرينيتش يعني 3:30 بتوقيت مكة

إقتباس الرسالة الأصلية كتبت بواسطة volden للتذكير .. مؤتمر الموو بكرا , الساعة 1:30 بتوقيت جرينيتش يعني 3:30 بتوقيت مكة

شكلك ساحب على توقيت ال12 ساعة ! اليوم قصدك

^

النظام الحين لازم تنام وتصحى عشان يكون يومك طبيعي



ولدنا أوسكار يفتتح التسجيل للمنتخب البرازيلي في وديته ضد فرنسا

حي الله مروان ، رد إحتوى كل إحتياجات الفريق بالصيفية .. نقاط أتفق معك فيها ونقاط أختلف .. ناخذها حبة حبة

إقتباس أملي الوحيد ، والخطوة الأولى في تعاقدات الصيف هو (( كافاني )) إتمام التعاقد معه أولّا وبعدها التفكير في التعاقدات الأخرى للفريق بعد قدوم (( كآفاني )) ! الخطوة الثانية اللي لازم تسويها الإدارة بيع (( توريس )) لأتليتكو مدريد لأني أشوفه أفضل خيار لبيع اللاعب بحكم أنه برز من هالفريق وأيضاً كون الفريق الأسباني يحتاج لمهاجم بعد رحيل فالكاو وما يهمّني مبلغ الصفقه أهم شيء نفّتك منه .. !

كافاني مطلب ضروري لنا وأتفق معك بهذا الشي تماماً ، لكن فكرة الإستغناء عن توريس صعبة شوي ولو إني أأيد هذا الشي .. لكن طالما إن الاعب نفسه أبدا رغبته بالبقاء ف صعبة تكرشه .. مع إني واثق تماماً إن خنبق مبارتين ثلاث ومن الجهة الثانية أبدع ديمبا أو أياً كان إسم المهاجم اللي بيجي ف بيكون مصيره الدكة لين م يطالب بالخروج بنفسه .. أتوقع توريس راح يكمل معنا الموسم الجاي وبعدها بيمشي بما إنه بيبقى في عقده موسم واحد فقط

إقتباس بعد هالخطوتين اللي بتسويها الإدارة نتّجه لتدعيم بآقي المراكز ، بخصوص اللي يقول الفريق ما يحتاج إلا لمهاجم ومحور دفاعي أقوله أنت مخطىء تماماً الفريق يحتاج بعد التعاقد مع كافاني وترحيل توريس : إتمام صفقات لكلٍ من ( محور دفاعي مع بيع ميكيل - حارس إحتياطي أو عودة كورتوا - ظهير أيسر إحتياطي مع إعارة بيرتراند أو بيعه - جناح أيمن مع بيع موسيس و مارين - التعاقد مع شورله )

بيع ميكيل !! حرام عليك ، صحيح الاعب عالة على الفريق أوقات لكن لا تنسى إنه صغير وقابل للتطور .. متأكد إنه مع المو بنشوف ميكيل متغير 180 درجة ، ومتأكد تماماً إنك م راح تحصل بديل مثله يرضى بالدكة ! ميكيل خرافي بس أغلبية التشلساوية ظالمينه .. صحيح موسمه الأخير مو ذاك الزود لكن م توصل إنك تبيعه !

بالنسبة للحراسة أتفق معك بما إن هولاريو توكل وعقد ترنبول إنتهى وماتبقى إلا بلاكمان واللي مش قد المقام إنه يخلف حارس كبيتر تشيك * ف الوقت الحالي * ، ولا الحارس صغير بالسن ولا ننسى إنه ورى بطولات فريق الشباب .. لكنه محتاج كثير عشان يطور من نفسه ويثبت مكانه بالفريق الأول .. كورتوا رسمياً بيجلس مع الأتليتك عام أخر ، ف بكذا لازم التعاقد مع حارس صغير وخبرة للدكة

مع إعارة بيرتراند لا بيعه ، متأكد تمام التأكد إن التشلساوية كرهوه يوم شافوه مع ماتيو يلعب كجناح ، وبطبيعة الحال م كان مؤهل لهكذا مركز بما إنه ظهير وظهير دفاعي بحت .. ولا تنسون كمان إنه صغير بالسن وقابل للتطور .. أنا بوجهة نظري م أشوف إننا محتاجين ظهير طالما إنه موجود ويوفي بالغرض ..

وش فيك حالف ع البيع خخخخخ ، موسيس م كمل معنا إلا موسم صعب تكرشه من ثاني موسم .. ومارين نفس الشي حرام نخسر موهبة عشانه م أخذ فرصته معنا ! مارين أركد من موسيس .. الإثنين خيار جيد جداً للدكة مع الإنصاف فيما بينهم ف المباريات ..

التعاقد مع شورليه +1 .. أتفق معك تماماً

إقتباس لوك شاو ، الظهير الأيسر لساوثامبتون .. ظهير رائع جدّاَ أحد أفضل الأظهرة في البريمرليغ صغير بالسنّ وسبق وأعلن أنه من مشجعي ومحبيّ تشلسي ! ممتاز هجوميّاً ودفاعياً وخطير جدّاً بالإنطلاقات ، إنطلاقته الرائعة ضدنا في مباراة ال2-2 في هدف التعادل تنمّ على أنه ظهير قادم وبقوّة !

الاعب خرافي وموهبة وصغير ، لكن مثل م ذكرت فوق حرام نجيبه ونظلم ريان ، إلا في حال تمت إعارته .. والشرط إن الفريق اللي بيروح له يلعب فيه أساسي .. لوكا شاو م أبي أحلف إنه بمجرد إذا غلط غلطة صغيرة بيقومون عليه جماهير تشلسي ويقولون وينك ي بيرتراند تجي وتفكنا منه خخ ، مو معنى كلامي إني م أبيه .. بالعكس أتمناه من أول خبر ربطت الاعب بالفريق بس أنا مكتفي بها المركز ، ليه التكديس ؟ أشلي أساسي وبديله متوفر * برتراند * .

إقتباس دي روسّي ، ومين ما يبغى دي روسّي ؟ الأزوري المذهل أفضل خيار في مركز المحور الدفاعي ، علاقتة ساءت مع رومّا والنادي مسّتعد لبيعه وهذي فرصّة من ذهب للفريق للتعاقد معه ! وبالتالي راح ننسى شيء اسمه ميكيل !

مركز المحور الدفاعي لازم نجيب لاعب * خبرة * يشغله ، ومثل م ذكرت م فيه أحسن من دي روسي ولو إن إصاباته كثيرة ومستواه نازل شوي حالياً مع روما .. وللمرة الثانية بسوي نفسي م قريت شي فيما يخص الحب ميكيل

إقتباس الوحش البرآزيلي خيار ممتاز في مركز الجناح الأيمن ، مركز شبه معدوم في الفريق بتواجد العاهه موسيس ، قدوم هالك راح يعزز من قوّة هالمركز وبالنسّبة لي محتار بين هالك ودي بروين لكن قدوم هالك وجعل البلجيكي بديل له شيء جميل ولو أني مو متأكد من أن البلجيكي راح يرضى بأنه يكون بديل للبرازيلي !

قلتها ، ف الموسم الماضي كنت أتمناه ، بس الحين لا .. لاعب دمر نفسه يوم راح لزينيت ، وحالياً مستواه فالحظيظ ، فوقها زينيت يبون فيه مبلغ وقدره .. حرام يجي وفيه إسم أفضل منه بكثير واللي هو شورليه في حال قدومه توظيفه مسألة وقت تحت أيدي مورينهو سواء كان على الطرف اليمين أو اليسار ، وبيكون ها الشي بينه وبين هازارد والبديلين متوفرين * موسيس ومارين *

إقتباس يمكن الأمر الوحيد اللي محتار فيه واللي خلاني مو متأكد منه هو مسألة عودة دي بروين وجلب هولك بالتالي راح تملك خيارين في الجناح الأيمن وهذا يمكن يسبب لك مشكلة في كون دي بروين من اللاعبين اللي ودّك تشوفهم في كل مباراة بالإضافة إلى أن أوسكار راح يكون وضعه صعب في حالة قدوم هولك ودي بروين وبالتالي ماراح تشوف اوسكار إلّا كبديل والبعض ودّه يشاهده كلاعب أساسي ، يمكن هالشيء هو الوحيد اللي ماني متأكد من صحّة إتخاذه من عدمه لكنّي متأكد أن الإدارة ومع وجود السبيشل ون أن الفريق في مأمن سواء من مشاركة لاعب أو وضعه كبديل لكن الأهم بالنسّبة لي هو بيع موسيس ومارين لأن والله هالثنائي ماهم من مستوى الفريق أبداً ..

دي بروين يستحق الفرصة .. ليه عندك موهبة في يدك وتروح للاعب أخر ؟ دي بروين جناح يمين وبديله موسيس أو مارين وبالجهة اليسار زي م ذكرت هازارد وبديله شورليه وعندك برضو مارين أو موسيس عندهم القدرة اللعب بالمركزين .. فوقهم تقدر تلعب بأوسكار ، وتقدر تلعب براميريز ولو إنه في المحور الهجومي شي ثاني .. لكن في حال تأزمت الظروف

بس ، هذا تقريباً اللي شدني بردك أما الباقي فكلامك سليم وفي محله ، وردك بحاول أبروزه وأحطه بصدر الرابطة ..
لاهنت مروانوه

رابط يوتيوب لنقل مؤتمر المور

هنــآ





تجهيز الـ"stage" الذي سيقوم به مورينهو بتلقيه المؤتمر الصحفي اليوم لساعه 3 بتوقيت مكه


ادارة تشلسي تلقت مايقارب 250 طلب من أجل تغطية اول مؤتمر صحفي لمدرب الفريق مورينهو ،و تمكنت قناة الـBBC بالفوز بنقل حصري للمؤتمر




نادي تشلسي يريد بناء ملعب جديد يتسع لـ 60 ألف مقعد قريب من موقع ستامفوردبريدج الحالي وسيكلف 600M باوند

^^^^^^^^^

الله يسمع منك يارب

عصفورين بحجر واحد

الصن// بعد ان اغلق المنافذ بوروسيا دورتموند على ميونخ تشلسي ومان يونايتد يلتحقون بلفاندوسكي

Robert Lewandowski transfer to Bayern Munich blocked | The Sun |Sport|Football



جوميز الى الان خيار ثاني الى تشلسي و مدريد و اول الى نابولي و فيرونتينا


سيذهب لناد يلعب الابطال