Chelsea's Road To Wembley: FA Cup Semi Final

طريقنا ل ويمبلي في الكاس ، بإذن الله الستي م يعوق معنا يوم الأحد

إقتباس فيه موضوع خطر في بالي وحبيت اتكلم فيه والي هو بنيتيز مدرب الفريق

جميل جداً تطرقك لهذا الموضوع ولو إنه وقت مباريات حسم ومع أشغال الواحد يالله يالله يدخل وينزله كم رد باليوم .. مثل هذه المواضيع هي اللي تحرك الرابطه بس يبغالنا توقيت وناس تبدا تاخذ وتعطي ف الموضوع .. نبي نثري الرابطه ونشوف أرائكم وكذا ..



أبدلو بدلوي بهذا الموضوع ع السريع .. أول م وقع معانا رافا الجميع قلبو عليه وشنو هجوم مش طبيعي إلا م ندر من الجمهور اللي كان ساكت ومتقبل الموضوع خلوني أقول بتخوف وبنفس الوقت متفائل بشي بسيط .. رافا كإسم يحسب له ألف حساب في عالم التدريب ومشواره مع فالنسيا والليفر يشهد له .. بعد فترته مع الإنتر قطع التدريب ل سنتين وبعدها بشكل مباشر رجع عن طريق تشلسي ك مدرب مؤقت ل دي ماتيو .. جا بنص موسم وبفريق أسمائه شابه وعلى وجه التجديد وعلى بطولات كم بطوله منها كانت مفصليه ومحتاج فيها الفريق للفوز مثل الأبطال ك البقاء ومثل كاس الحليب .. والعالم للأنديه .. يعني جانا بجو مشحون فوق ما الظروف اللي كان هو فيها ! وللأمانه جمهورنا كان قاسي عليه بعض الشي ، لأن بالأول والأخير إحنا نشجع كيان .. والكيان إذا م كنا معاه في كل مباراه طبيعي بنشوف تخبطات وهذا اللي حصل للفريق ! رافا يحاول يعدل والجمهور ضاغطه أكثر م يدرون إنهم يضغطون الاعبين أكثر ! إلين م جا تصريح رافا واللي م ألومه ومعه بكل كلمه قالها .. الرجال جاي يأدي واجبه ويمشي .. 6 شهور بعقده إذا إنتهى بيمشي وحنا اللي بنبقى وفي حال كان وضع الفريق مأساوي إحنا الوحيدين اللي بنتجرع هذا الموضوع .. من بعدها والجمهور هدأ نوعاً ما وقام يشجع الفريق وبدا رافا يشتغل بأريحيه أكبر وشفنا تحسن بالنتايج بعكس بدايته .. طور من شكل الفريق بالرغم من بعض أخطائه البسيطه ولكن نظراً للإيجابيات فهي ولا شي .. دايم خلونا ننظر للجزء من فوق لا نشوقه من الأسفل .. مبدأ المداوره ضابطه بحذافيره .. إرتفع مستوى الفريق ، مشينا في اليوروباليق ، مشينا في الإف إي كاب .. تحسنا في الدوري والفريق ماشي تمام لنهايه مثاليه للموسم بالرغم من ما جا فيه من تخبطات ، وفي حال إنتهى موسمنا ب البطولتين وبمركز مؤهل للأبطال ف الفضل يرجع بعد الله ل رافا .. م أقول ها الكلام يعني إذا م حقق شي الفريق بيكون رافا السبب وهو الملام ووو .. لا ، بالعكس رافا بشيد فيه حتى لو طلعنا خالي الوفاض من ها الموسم .. بالأخير هي مسأله توفيق ..

هذا رأئي بخصوص رافا .. أتمنى الجميع يعطونا أرائهم ويشاركونا الموضوع

بكره مباراتنا مع الستي
نصف نهائي بطولة الكاس في ملعب ويمبلي
الساعه 6 ..

ويقان وميلول لعبو أمس وتأهل ويقان للنهائي بثنائيه مقابل لا شي .. وينتظر الفايز من هذه المباراه

مباراه مهمه في مسيره تشلسي هذا الموسم .. من بعد التخبطات وضياع البطوله تلو البطوله من بدايه الموسم أتمنى م نفرط في هذه البطوله خصوصاً إنها المحببه لدى النادي في المواسم الأخيره .. حققناها 7 مرات وفي حال تحققت هذا الموسم إن شاء الله بتكون الثامنه وبكذا نكون تعدينا ليفربول بعدد إحراز هذه البطوله .. وبنكون حافظنا عليها للموسم الثاني على التوالي بعد م جبناها الموسم الماضي قدام ليفربول بهدفين رامي ودروقبا .. الستي خصم مش سهل أبداً لكن فيني كميه تفائل مش طبيعيه .. متوقع الفريق بيقدم مباراه العمر وبيتأهل للنهائي .. عوامل كثيره تخليني أتفائل أهمها إراحه رافا للمازكار وعوده با ل قياده هجوم الفريق .. فوق كذا إن المباراه في ملعبنا الثاني بعد البريدج ، وبرضو عندك إن سيلفا بيكون غايب وهذا لحاله عامل مريح لتشلسي .. هازارد وماتا ودفاعنا بشكل عام متى م كان في يومه وكان بتركيز عالي بنفوز بإذن الله .. برضو با إذا كان في يومه وكان مركز نماماً بكل هجمه تتاح له بإذن الله المباراه من نصيبنا .. رافا لازم يرفع من معنويات الاعبين ويدخل بتشكيله قويه منذ البدايه .. تماماً مثل تعامله مع مباراتنا الإياب ضد مانشستر بالبطوله نفسها .. الفريق لازم يحط بذهنه إن هذه البطوله مع اليوروباليق هي كل م تبقى في موسمنا الحالي .. في حال تعدينا الستي بإذن الله النهائي م أتوقع بيكون أسهل منه .. مع إحترامي الكامل ل ويقان وللحبسي وصولهم للنهائي سهل جداً وكان طريقهم ممهد بالورود .. بعكس تشلسي ، وبوجهه نظري عامل الخبره كفيله بأنها ترجح تشلسي للفوز باللقب وهذا م يمنع إن الفريق يحترم ويقان ويلعب مباراه بكل جديه .. كل هذا الكلام في حال تأهلنا بكره طبعاً

الله يتمم وبإذن الله فالنا الفوز والبطوله بإذن الواحد الأحد ، وبنجي هنا بعد المباراه ونبارك لبعض بالتأهل للفاينل

Chelsea U18's v Liverpool U18's (A)(FA) 12/13

شباب تشلسي لزخو شباب ليفربول وضمنو مكان بنهائي الكاس .. من الملخص أشوف مواهب شابه قادمه وبقوه .. للأمانه مستقبلنا أمان في ظل تواجد هذه المواهب .. محتاجين فرصه ومدرب يصقل موهبتهم بالشكل السليم والوقت المناسب .. من الملخص بالإجمال تشلسي كان الأفضل خصوصاً بالشوط الثاني .. الحارس أنقذ الفريق بكورتين وأعطاهم أمل في المباراه .. مستقبل كبير الصراحه .. ولو إني أجهل أسمائهم وودي أعطي كلن حقه بس م أعرف فيهم إلا المهاجم فيروز فيه صاحب الهدفين رقم سبعه والخال الظاهر إنه محور باين عليه إنه فنان وموهبه قادمه بقوه .. بالتوفيق لهم بالنهائي وبإذن الله يحققونها للمره الثانيه على التوالي .. نفس الأمنيه ل الفريق الأساسي اليوم ضد الستي ..

Chelsea vs Manchester City ~ FA CUP PROMO 14/4/2013 HQ

برومو ل قمة نصف نهائي الكاس .. اللي رافعه لوحه تيفيز بالحالها تخرش خخخخ

شبو على قناعه خخخخ إن م سجل شبو عليه وإن سجل نفس الشي مشغلهم ها التوريس





أعترف لكم إني بديت أحبه :$

كلام كبير <3

باقي الصور
Search - Getty Images AE: GBR: Liverpool v Chelsea - FA Youth Cup Semi Final First Leg

رابط ثاني
Search - Getty Images AE: GBR: Liverpool v Chelsea - FA Youth Cup Semi-final 1st Leg

إقتباس الرسالة الأصلية كتبت بواسطة Chelsea mad انا توي اقول الحمد لله خلصت اختبارات وارتحنا منها بالنسبه للستي اليوم اتمنى نخرج بالفوز ولو كان المستوى مش ولابد واتوقع السيتي منهك زيننا تماما فان شاء الله الفوز لنا اليوم اتوقع اراحه ازبي مطلب تقريبا اللاعب كل 3 ايام بيلعب مباراه اللاعب منهك ولازم يريح اليوم واشوف انسب خطه ننزل فيها تشيك بيرت-تيري-كاهيل-ايفا لامبرد-رامي هزارد-ماتا-مارين با بالتوفيق اليوم

الله يجيب لك الدرجات الطيبه بعد هالاختبارات

وانا اخوك , السيتي مريح اكثر مننا الضغوط والارهاق الله يستر منها

بس تشكيلتك حليوه بس فيها عيب كبير انك تلعب برامي ولامبارد قدام وسط السيتي القوي وكلاهم معروف ماهو محور دفاعي بحت , وجود ميكيل مهم جدا اليوم على حساب لامبارد لمجاره وسط السيتي

التششكيله المتوقعه ل قمه اليوم تشلسي - مانشستر ستي